Morgunblaðið - 08.09.2001, Síða 12

FRÉTTIR
12 LAUGARDAGUR 8. SEPTEMBER 2001 MORGUNBLAÐIÐ
VEIÐI hefur verið góð í Vopnafjarð-
aránum í sumar og í gær var Hofsá
t.d. komin í um 850 laxa, að sögn Óð-
ins Helga Jónssonar sem var að
ljúka veiðum í ánni á hádegi í gær.
Sagði hann hollið hafa verið með um
30 laxa og væru menn sáttir við það
þar eð veður hefði verið leiðinlegt og
erfitt að sækja veiðiskapinn af þeim
sökum. „Ég og félagi minn erum
með fimm laxa á stöngina og það
virðist vera þónokkuð mikið af laxi í
ánni, ekki mikið að vísu af björtum
fiski, en á móti kemur mjög gott
hlutfall af 10 til 16 punda fiski,“ sagði
Óðinn.
Hofsá gaf 730 laxa í fyrra sem
þótti viðunandi. Selá var afburðagóð
í fyrra, gaf 1.360 laxa og var með
gríðarlegan endasprett. Hún er
einnig afar góð í sumar, er komin
með um 1.050 laxa og spurning hvort
hún jafnar tölu síðasta árs. Veiði-
menn á bökkum Selár segja mikinn
lax í ánni. Þá er Vesturdalsá komin
með nærri 200 laxa sem er viðunandi
þar á bæ, sérstaklega í ljósi þess að
veiðin fór þar illa og seint af stað.
Þar hefur enn fremur verið prýðis-
góð bleikjuveiði til að krydda tilveru
veiðimanna.
Í Breiðdalsá hafa komið skot, einn
dagur gaf 17 laxa, annar gaf 13
stykki og flesta daga veiðist eitthvað.
Rysjótt tíð og vatnavextir hafa hins
vegar spillt síðsumars- og haustveið-
inni. Þar er komið fast að 200 löxum
á land, en vel á annað þúsund sjó-
bleikja og urriða.
Úr Hafralónsá eru komnir yfir 300
laxar og slatti af vænni sjóbleikju.
Hafralónsá gaf 315 laxa í fyrra og
hún er því svipuð, en gæti orðið ívið
betri. Aðrar ár í Þistilfirði eru heldur
betri en í fyrra.
Birtingurinn
enn í Skaftá
Góð veiði hefur verið í Vatnamót-
unum að undanförnu, síðustu holl
með 12, 14, 33 og 25 birtinga. Einn 14
punda veiddist nýlega og einhverjir
9–10 punda. Enn gengur þó hægt og
rólega í bergvatnsánum sem í Skaftá
falla.
Gunnar Óskarsson, formaður
SVFK, sagði birtinginn ekki mættan
í Geirlandsá, síðasta holl var t.d. með
sjö fiska, þar af fimm laxa. Laxar
hafa verið fleiri í ánni en venjulega
og hefur veiðst á þriðja tug. Telja
sumir að um villinga frá Rangánum
sé að ræða en varla fæst úr því skor-
ið nema einhver hreistursýni séu
tekin.
Veiðimaður með stóran leginn
sjóbleikjuhæng úr Vesturdalsá.
ERU
ÞEIR AÐ
FÁ’ANN?
Vel hefur
veiðst í
Vopnafirði
KAFBÁTALEITARÆFING
Atlantshafsbandalagsins hófst
miðvikudaginn 5. september sl.
á hafinu suður af Íslandi. Mun
hún standa yfir til 15. þessa
mánaðar. Markmið æfingarinn-
ar er samræming aðgerða að-
ildarríkja NATO á sviði kaf-
bátaleitar og er slík æfing
haldin árlega á vegum flug-
deildar Bandaríkjaflota á
Keflavíkurflugvelli.
Æfingin er sú sjöunda, sem
haldin er, og sú viðamesta til
þessa. Taka skip, flugvélar og
bátar frá níu NATO-ríkjum
þátt í æfingunni, m.a. frá Pól-
landi, sem nú tekur í fyrsta sinn
þátt í æfingu af þessu tagi.
Skip, sem taka þátt í æfingunni,
verða til sýnis í Reykjavíkur-
höfn 15. og 16. september.
Kafbáta-
leitaræfing
suður af
Íslandi
GEIR H. Haarde fjármálaráðherra
segir þegar hann er spurður um
gagnrýni sem komið hefur fram á
ríkisreikning vegna ársins 2000 að
aðalatriðið hvað varðar útkomuna sé
að reksturinn sjálfur án nokkurra
sölutekna skili rúmlega 17 milljörð-
um króna í afgang. Vegna bókhalds-
reglna hins vegar sem teknar hafi
verið upp með nýju fjárreiðulögun-
um frá árinu 1998 komi þarna til
tveir óreglulegir liðir sem séu gjald-
færðir í eitt skipti fyrir öll á árinu
2000, sem geri það að verkum að nið-
urstaðan á svokölluðum rekstrar-
grunni fer úr 16,7 milljörðum kr. í af-
gang samkvæmt fjárlögum í 4
milljarða kr. halla.
Geir sagði að þetta væru bók-
haldslegar færslur sem hefðu ekki
efnahagslega þýðingu og endur-
spegluðu ekki útgjöld eða greiðslur
úr ríkissjóði á árinu 2000. Með þessu
væri hins vegar verið að taka frá
fjármagn til þess að standa undir
þessum skuldbindingum í framtíð-
inni, sem myndu falla til að því er líf-
eyrisskuldbindingarnar varðaði á
næstu þremur til fjórum áratugum.
Hann bætti því við að einnig væri
rétt að hafa í huga í því sambandi að
þarna væri verið að gjaldfæra 11,5
milljarða kr. vegna lífeyrisskuld-
bindinga grunnskólakennara, sem
sveitarfélögin semdu við. Þetta væri
arfur frá því grunnskólarnir færðust
frá ríkinu yfir til sveitarfélaganna.
Síðan kæmu til viðbótar 2,5 milljarð-
ar vegna lífeyrisskuldbindinga fram-
haldsskólakennaranna sem væru
starfsmenn ríkisins.
„Mér finnst umræðan eða gagn-
rýnin sem komið hefur fram á þetta
bera vott um algjört skilningsleysi,
til dæmis af hálfu formanns Sam-
fylkingarinnar, eða bara algört póli-
tískt ábyrgðarleysi,“ sagði Geir.
Hann sagði að ekki væri heldur
um það að ræða að þessi afkoma kall-
aði á einhver sérstök viðbrögð. Það
hefði verið óumflýjanlegt að gera
þessar gjaldfærslur, en hitt atriðið í
því sambandi væri svokölluð afskrift
skattkrafna, sem væri tæknileg
breyting sem sneri að endurmati á
því hversu mikið af þeim kröfum
stæðist.
Geir sagði að afkoman af rekstr-
inum sjálfum væri betri en gert hefði
verið ráð fyrir á árinu sem leið. Í ár
yrði hún hugsanlega eitthvað verri
vegna þess að tekjurnar hefðu ekki
aukist eins og ráð hafði verið fyrir
gert. Það væri ekki hægt annað en
vera ánægður með það að hafa haft
17 milljarða úr að spila á síðasta ári
til að borga upp skuldir, setja fjár-
magn inn í LSR og bæta stöðuna í
Seðlabankanum.
Tveir þriðju vegna
óreglulegra liða
Hann bætti við að því væri haldið
fram að útgjöld ríkissjóðs hefðu auk-
ist um 30 milljarða kr. á síðasta ári
frá árinu áður. Þá væru þessir
óreglulegu liðir teknir með sem
væru um tveir þriðju hlutar. Hitt
skýrðist ekki síst af því að verðbólga
hefði verið meiri en ráð var fyrir
gert.
Hann sagði, um stöðuna núna og
horfurnar framundan varðandi
tekjur ríkissjóðs, að þær væru lakari
en verið hefði. Það þyrfti að takast á
við og það hefðu menn gert við und-
irbúning fjárlaga næsta árs.
Fjármálaráðherra um gagnrýni vegna ríkisreiknings
Reksturinn sjálfur skilaði
17 milljörðum kr. í afgang
ALLS staðar er hægt að finna sér
leiksvæði ef hugmyndaauðgin er
látin ráða, samanber þennan unga
mann sem varð á vegi ljósmyndara
Morgunblaðsins á Ingólfstorgi.
Veðrið lék við pilt en ekki eru horf-
ur í höfuðborginni eins gæfulegar
með tilliti til slíkra iðkana næstu
daga. Mun samkvæmt spá Veð-
urstofunnar þykkna upp í dag og
vera byrjað að rigna á morgun og
mun halda áfram að rigna næstu
daga.
Ungt og
leikur sér
GYLFI Arnbjörnsson, fram-
kvæmdastjóri Alþýðusambands Ís-
lands, segir að fjögurra milljarða
króna halli á ríkissjóði á síðasta ári
samkvæmt ríkisreikningi á þeim
þenslutímum sem ríkt hafi sé léleg
útkoma. Hann segir einnig að engin
launung sé á því að vaxtastefna
Seðlabankans hafi mótast af því að
stjórn ríkisfjármála hafi verið slök.
Gylfi sagði aðspurður að þessi út-
koma væri ekki viðunandi í ljósi þess
mikla tekjuauka sem komið hefði til
ríkisins að undanförnu. Þetta væri
áhyggjuefni því það væri greinilegt
að það væri mikil útgjaldaþensla hjá
ríkissjóði. Einhver hluti tekna rík-
issjóðs tengdist beint yfirspennunni í
hagkerfinu og þær tekjur drægjust
mjög snögglega saman við samdrátt
og eftir stæðu þá útgjöldin.
Hann benti á að breytingar á
kjarasamningum opinberra starfs-
manna hefðu leitt til þess að stofna
hefði þurft til sautján milljarða
króna skuldbindingar gagnvart Líf-
eyrissjóði starfsmanna ríkisins, en
þær skuldbindingar hefðu verið
ærnar fyrir.
Gylfi bætti því við að hallinn hefði
orðið fjórir milljarðar, en stefnt hefði
verið að 17 milljarða kr. tekjuaf-
gangi. Sá tekjuafgangur væri minni
en áformað hefði verið árið áður,
þannig að ljóst væri að undirliggj-
andi væri mjög mikil útgjaldaaukn-
ing. Þannig hefðu tekjur ríkissjóðs
aukist um 33% frá árinu áður og út-
gjöldin ykjust um sama hlutfall.
Tekjurnar ættu síðan alveg að geta
minnkað um 30% vegna minni inn-
flutnings og minni veltu í hagkerfinu
og eftir stæðu þessi útgjöld.
Ríkið magnar hagsveifluna
Aðspurður hvort fjárlagafrum-
varp vegna næsta árs þyrfti ekki að
vera aðhaldssamt í þessu ljósi sagði
Gylfi að væntanlega væri Seðlabank-
inn að bíða eftir því. Svona niður-
staða færði bara til í tíma nauðsyn á
aðhaldssömum ríkisfjármálum. Það
væri hins vegar áhyggjuefni að fyrst
væri farið að huga að aðhaldssömum
fjárlögum þegar þeir hefðu áhyggjur
af því að það stefndi í samdrátt.
„Eftir að hafa magnað uppsveifl-
una með miklum útgjöldum og fram-
kvæmdum á sínum vegum kemur
ríkið inn og dregur úr þegar menn
eru farnir að horfa fram á samdrátt
og eykur þar af leiðandi samdrátt-
inn. Það er auðvitað áhyggjuefni.
Þar með er ríkið farið að magna hag-
sveifluna í stað þess að vinna gegn
henni,“ sagði Gylfi.
Hann sagði að ríkissjóður væri
mikilvægasta sveiflujöfnunartækið
sem við höfum og engin launung
væri á að vaxtastefna Seðlabankans
hefði mótast af því að slök stjórn
hefði verið á ríkisfjármálum.
Gylfi Arnbjörnsson, framkvæmdastjóri ASÍ
Vaxtastefnan mótast af
slakri stjórn ríkisfjármála
INGIMUNDUR Sigurpálsson,
bæjarfulltrúi í Garðabæ, hefur
lagt fram tillögu í bæjarstjórn
þess efnis að efnt verði til sam-
keppni um endurskoðun á deili-
skipulagi miðbæjar Garða-
bæjar.
Í tillögunni er gert ráð fyrir
að áhersla verði lögð á stækkun
verslunar- og þjónusturýmis,
jafnframt því sem hugað verði
að fjölgun bifreiðastæða. Einn-
ig skal gera ráð fyrir því að á
svæðinu verði möguleiki á að
gera útitorg og fjölga íbúðum.
Búist við mikilli
fjölgun íbúa
Í greinargerð með tillögunni
er gert ráð fyrir mikilli fjölgun
íbúa í Garðabæ næsta áratug.
Því sé eðlilegt að unnið verði að
endurskoðun á skipulagi mið-
bæjarins til að styrkja hann
sem þjónustukjarna. Einnig er
leitt að því líkum að öflugur
miðbæjarkjarni sé til þess fall-
inn að auka vitund íbúa fyrir
menningu og allri starfsemi
þess samfélags sem þeir séu
hluti af.
Í tillögunni er ekki kveðið á
um form samkeppninnar held-
ur er skipulagsnefnd falið að
koma með tillögu að því. Tillög-
unni hefur verið vísað til frek-
ari umræðu í bæjarráði og
verður tekin fyrir þar næst-
komandi þriðjudag.
Vill sam-
keppni um
skipulag
miðbæjar
í Garðabæ