Morgunblaðið - 09.11.2001, Blaðsíða 11

FRÉTTIR
MORGUNBLAÐIÐ FÖSTUDAGUR 9. NÓVEMBER 2001 11
BANDARÍSK ráðningarstofa hefur
keypt farþegaferjuna Fagranes sem
notað var til áætlunarferða yfir Ísa-
fjarðardjúp um árabil. Áforma
kaupendur að hafa skipið bundið við
bryggju í miðborg San Francisco og
nota það undir skrifstofur.
Kaupin gengu í gegn í gær og
nemur kaupverðið nokkrum tugum
milljóna króna, að sögn Einars Más
Aðalsteinssonar, sölumanns hjá
Álasundi ehf. í Keflavík sem hafði
milligöngu um kaupin.
Fagranesið var notað í áætlunar-
siglingar um Ísafjarðardjúp í tæpan
áratug eftir að það var keypt frá
Noregi 1991 þar sem það var nýtt
til sömu verka. Skipið hefur verið
bundið við bryggju síðan síðla árs
1999. Til stóð að finna skipinu hlut-
verk sem öryggistæki vegna snjó-
flóða en það þótti of kostnaðarsamt
að láta skipið bíða reiðubúið í höfn-
inni. Þá hafa björgunarsveitir á
staðnum fengið nýtt skip.
Skipinu verður siglt til Njarðvík-
ur á næstu dögum þar sem það fer í
slipp. Skipasmíðastöð Njarðvíkur
mun sjá um að gera breytingar á
Fagranesinu en þær verða umtals-
verðar. Áætlað er að breytingarnar
kosti um 20 milljónir króna og taki
þrjár vikur. Þá verður því siglt til
San Francisco.
Einar Már segir skipið vera í
þokkalegu ástandi nú en gerðar
verða talsverðar breytingar og lag-
færingar sem fjármagnaðar verða
af nýjum eiganda. Hann vildi hvorki
gefa upp kaupverð né kaupanda að
öðru leyti en að um væri að ræða
ráðningarstofu sem sér um ráðn-
ingar á yfirmönnum fyrirtækja.
Húsnæði í San Francisco dýrt
Einar Már segir ástæðuna fyrir
því að skipið verði notað undir skrif-
stofur sé sú að húsnæði í San
Francisco sé mjög dýrt líkt og í öðr-
um stórborgum Bandaríkjanna. En
með því að leggja skipinu við höfn-
ina í miðborginni fæst stórt og
ódýrt skrifstofuhúsnæði. Bíladekk
gengur í gegnum allt skipið og
verður það stúkað niður. Þá verður
allt efra dekkið opnað og settir í það
gluggar og þakgluggar. Skipið er 41
metri að lengd og 10 metrar að
breidd og fást tvö slík rými með
breytingunum.
Álasund auglýsti Fagranesið til
sölu á vefsíðu sinni á Netinu. Einar
Már segir að áhugi á því hafi verið
mikill.
BYGGÐARÁÐ Skagafjarðar hefur
samþykkt, með þremur atkvæðum
Framsóknarflokks og Skagafjarðar-
lista gegn tveimur atkvæðum Sjálf-
stæðisflokks, að taka tilboði Raf-
magnsveitna ríkisins, RARIK, í
Rafveitu Sauðárkróks upp á 330
milljónir króna. Einnig kom sameig-
inlegt tilboð frá tveimur rafverktök-
um á Sauðárkróki, Tengli og Rafsjá,
upp á 305 milljónir en því var hafnað.
Sveitarstjórn Skagafjarðar tekur
málið fyrir á fundi sínum næsta
þriðjudag en fastlega er reiknað með
að tilboði RARIK verði einnig tekið
á þeim vettvangi.
Jón Gauti Jónsson, sveitarstjóri
Skagafjarðar, sagði við Morgunblað-
ið að andvirði sölunnar til RARIK,
sem á að staðgreiða, myndi fara í
grynnkun skulda sveitarfélagsins.
Hann sagði að ef ekkert hefði verið
gert til að laga skuldastöðuna myndu
heildarskuldir Skagafjarðar nema
um 1,6 milljörðum króna í árslok.
Með sölu á Rafveitu Sauðárkróks,
sameiningu Vatnsveitu og Hitaveitu
Sauðárkróks, sölu á hlutabréfum í
Steinullarverksmiðjunni og fleiri að-
gerðum tækist að lækka skuldirnar
um 600–700 milljónir króna. Nauð-
synlegt var að grípa til einhverra að-
gerða, að sögn Jóns Gauta.
Samkvæmt greinargerð meiri-
hluta byggðaráðs ætlar RARIK að
bjóða öllum núverandi starfsmönn-
um Rafveitunnar áframhaldandi
vinnu og lofar að auka starfsemi sína
í Skagafirði með beinum og óbeinum
hætti sem nemur 3–5 störfum. Sveit-
arfélagið heldur hlutafjáreign Raf-
veitu Sauðárkróks utan sölunnar til
RARIK, m.a. hlutafé í Norðlenskri
orku ehf. sem á aðild að undirbúningi
Villinganesvirkjunar í Skagafirði
ásamt RARIK. Í greinargerðinni
kemur einnig fram að fjárhagslegur
ávinningur sveitarsjóðs Skagafjarð-
ar af sölunni verði árlega á bilinu 60–
88 milljónir króna.
Fulltrúar Sjálfstæðisflokksins í
minnihluta byggðaráðs, Gísli Gunn-
arsson og Árni Egilsson, greiddu at-
kvæði gegn sölunni til RARIK eins
og áður segir og lögðu fram eftirfar-
andi bókun:
Skuldalækkun og fjölgun starfa
„Við teljum söluna vera metnaðar-
lausa skammtímalausn. Til lengri
tíma litið væri hag sveitarfélagsins
mun betur borgið með því að sam-
eina veiturnar eins og búið var að
samþykkja í sveitarstjórn. Þannig
hefðu skuldir sveitarsjóðs lækkað
um 400 milljónir og öflugt orkufyr-
irtæki verið áfram í eigu heima-
manna. Það hefði tryggt sjálfstæði
sveitarfélagsins til framtíðar. Það er
ljóst að rekstur veitna í Skagafirði er
arðsöm og áhættulítil starfsemi. Við
teljum að sá arður sé eign Skagfirð-
inga og eigi ekki að hverfa burt úr
héraði.“
Meirihlutinn í byggðaráði, skipað-
ur þeim Herdísi Á. Sæmundardóttur
og Elínborgu Hilmarsdóttur frá
Framsóknarflokki og Snorra Styrk-
árssyni frá Skagafjarðarlista, bókaði
á móti þar sem afstaða minnihlutans
er hörmuð, hún sögð ábyrgðarlítil og
full af rangfærslum. Í bókun meiri-
hlutans segir ennfremur: „Sú leið
sem sjálfstæðismenn vilja fara felur
ekki í sér lækkun skulda íbúa sveit-
arfélagsins. Við teljum aftur á móti
hag íbúanna best borgið með raun-
verulegri lækkun skulda og fjölgun
starfa í sveitarfélaginu eins og til-
laga okkar felur í sér.“
Byggðaráð Skagafjarðar tekur 330 milljóna tilboði RARIK í Rafveitu Sauðárkróks
Söluverðið fer í
grynnkun skulda
LANDHELGISGÆSLAN hefur
tekið í notkun nýtt tölvuforrit
sem nota á til leitarstarfa og er
það frá bandarísku strandgæsl-
unni. Hefur gæslan undanfarið
kannað úrval tölvuforrita sem
sérhönnuð eru til að ákvarða leit-
arsvæði þegar slys verður á sjó.
„Ákvörðun leitarsvæðis á sjó er
flókin aðgerð þar sem ýmsir þætt-
ir svo sem vindar og straumar
hafa áhrif á rek björgunarbáta,
fólks, braks og aflvana skipa,“
segir í frétt frá Landhelgisgæsl-
unni og kemur þar fram að hún
hafi um árabil átt gott samstarf
við bandarísku strandgæsluna.
Hafa menn þaðan haldið námskeið
á þessu sviði fyrir starfsmenn
Landhelgisgæslunnar og varn-
arliðsins á Keflavíkurflugvelli.
„Starfsmenn Landhelgisgæsl-
unnar, sem sótt hafa þessi nám-
skeið, hafa lýst ánægju sinni með
nýja forritið. Undanfarin 15 ár
hefur Landhelgisgæslan notast
við sænskt leitarforrit sem reynst
hefur vel en síðan hafa fullkomn-
ari leitarforrit komið á mark-
aðinn,“ segir einnig í frétt Land-
helgisgæslunnar. Nýja forritið
hefur verið sett upp í stjórnstöð
Landhelgisgæslunnar og á næst-
unni verður það einnig sett um
borð í varðskip og loftför stofn-
unarinnar.
Morgunblaðið/Kristinn
Við tölvuna situr Hafsteinn Þorsteinsson og hjá honum standa frá vinstri Hjalti Sæmundsson, Hafsteinn Haf-
steinsson og Halldór B. Nellet. Forritið verður í varðskipum og loftförum Gæslunnar auk stjórnstöðvarinnar.
Landhelgis-
gæslan fær
nýtt leitar-
forrit
Fagranesinu verður
breytt í skrifstofu
Morgunblaðið/Sigurgeir Jónasson
Fagranesið var svo til eingöngu í siglingum um Ísafjarðardjúp og við
Hornstrandir en var einnig leigt í verkefni milli lands og Eyja.
HÆSTIRÉTTUR hafnaði í gær
kröfu Landssíma Íslands hf. um að
úrskurður áfrýjunarnefndar sam-
keppnismála sem féll gegn fyrirtæk-
inu yrði felldur úr gildi. Áfrýjunar-
nefndin staðfesti það sjónarmið
samkeppnisráðs, að tiltekin afslátt-
arkjör, stórnotendaáskrift og mag-
nafsláttur, sem Síminn gaf kost á í
GSM-þjónustu, hefðu verið til þess
fallin að hafa skaðleg áhrif á sam-
keppni í skilningi samkeppnislaga.
Í dómi Hæstaréttar segir að Sím-
inn teldist hafa notið markaðsráð-
andi stöðu á þeim tíma sem um
ræddi. Í samræmi við 39. gr. sam-
keppnislaga hafði Samkeppnisstofn-
un kallað eftir upplýsingum og gögn-
um frá fyrirtækinu um það, hvert
hann teldi vera kostnaðarlegt hag-
ræði sitt af því að veita umrædd kjör.
Síminn, sem ekki hafði viljað svara
þessu, var látinn bera halla af skorti
á upplýsingum um það, að annað hafi
vakað fyrir honum með veitingu
stórnotendaáskriftar og magnaf-
sláttar en að styrkja og viðhalda með
einhverjum hætti markaðsráðandi
stöðu sinni.
Ákvörðun samkeppnisráðs
efldi virka samkeppni
Tekið er fram í dómnum, að mat
samkeppnisyfirvalda, að því er varð-
ar þörf aðgerða gegn misbeitingu
markaðsyfirráða, yrði að vera mál-
efnalegt og fara að reglum stjórn-
sýsluréttar. Segir Hæstiréttur að
Síminn hafi ekki sýnt fram á, að að-
gerðir samkeppnisyfirvalda hefðu
brotið í bága við þessi skilyrði.
Ákvörðun samkeppnisráðs, sem
áfrýjunarnefndin hafði staðfest með
úrskurði sínum, þótti því hafa verið
til þess fallin að stuðla að því lög-
mæta markmiði að efla virka sam-
keppni á fjarskiptamarkaði, og ekki
gengið lengra en góðu hófi gegndi.
Málið dæmdu Garðar Gíslason,
Guðrún Erlendsdóttir, Haraldur
Henrysson, Hrafn Bragason og Pét-
ur Kr. Hafstein. Lögmaður Símans
var Andri Árnason hrl. og lögmaður
samkeppnisráðs Karl Axelsson hrl.
Kröfu Símans um
ógildingu hafnað
EINAR I. Halldórsson, fram-
kvæmdastjóri Kringlunnar,
segir stjórn Rekstrarfélags
Kringlunnar væntanlega óska
eftir frestun í dómsmáli um
svokallaða rúllustigadeilu
Kringlukaupmanna en reynt
hafi verið að sætta sjónarmið.
Fram kom í Morgunblaðinu
á miðvikudag að 9 fyrirtæki og
verslanir hafa stefnt rekstrar-
félaginu og Reykjavíkurborg
fyrir Héraðsdóm vegna brott-
náms tveggja rúllustiga milli 1.
og 2. hæðar í syðrihluta Norð-
urhúss Kringlunnar í janúar sl.
11. maí árið 2000 var haldinn
kynningarfundur um þær hug-
myndir og í kjölfar hans skrif-
uðu á milli 60 og 70 eigendur og
rekstraraðilar undir mótmæla-
yfirlýsingu. Eigi að síður var
samþykkt á stjórnarfundi 7.
desember sama árs að fjar-
lægja stigana og var það gert í
janúar 2001. Í ágúst sl. gaf
kærunefnd fjöleignarhúsmála
út það álit að ákvörðunin væri
ólögmæt.
„Stjórnin telur að hún hafi
haft umboð til þess að taka
þessa ákvörðun á sínum tíma
en málið snýst um þessa form-
legu afgreiðslu, hvort það sé á
valdsviði stjórnarinnar að taka
þessa ákvörðun eða hvort það
þurfi formlega samþykkt á fé-
lagsfundi,“ sagði Einar.
Leita sátta
í rúllu-
stigadeilu