Morgunblaðið - 09.11.2001, Blaðsíða 14

HÖFUÐBORGARSVÆÐIÐ
14 FÖSTUDAGUR 9. NÓVEMBER 2001 MORGUNBLAÐIÐ
Epal hf.
Skeifan 6
s: 568 7733
epal@epal.is
www.epal.is
Ráðgjafi frá Erik Jörgensen
verður í versluninni
í dag og morgun
ykkur til aðstoðar.
Nýir stólar hannaðir af
Pétri B. Lútherssyni eru til
sölu og sýnis í versluninni.
Íslensk framleiðsla.
Ótrúlega hagstæð verð!
LITRÍK listaverk unnin úr
alls kyns efnum og með
ólíkum aðferðum voru til
sýnis og sölu á íslenskum
handverksmarkaði á
Garðatorgi í Garðabæ um
helgina. Krúsir, könnur og
kynstrin öll af leirmunum
voru meðal þess sem gladdi
augað og þá voru munir er
minna á jólin nokkuð áber-
andi. Margir létu sér nægja
að virða dýrðina fyrir sér,
aðrir sýndu fyrirhyggju og
keyptu handverk til jóla-
gjafa eða bara til þess að
prýða eigin heimili. Þó að
úti blésu hrollkaldir vindar
og snjó kyngdi niður var
hlýtt og notalegt á yf-
irbyggðu torginu.
Morgunblaðið/Árni Sæberg
Krúsir, könnur og kynstrin öll af leirmunum voru meðal
þess sem gladdi augað á handverksmarkaði á Garðatorgi.
Íslenskt
handverk á
Garðatorgi
Garðabær kvæmdir voru stöðvaðar. Í
fyrirspurninni segir: „Á fundi
fræðsluráðs með byggingar-
deild borgarverkfræðings ný-
lega var lauslega minnst á
þann möguleika að tefja þyrfti
framkvæmdir við nokkra
skóla. Fulltrúi Sjálfstæðis-
flokks spurðist sérstaklega
fyrir um þetta og var tjáð að
málið yrði kynnt fræðsluráði á
næstunni og ákvarðanir tekn-
ar í framhaldi af því.“
Fulltrúar Sjálfstæðisflokks
segja að hátíðarsalur Árbæj-
arskóla hafi átt að verða tilbú-
inn til notkunar í haust en það
FULLTRÚAR Sjálfstæðis-
flokks lögðu fram fyrirspurn á
fundi fræðsluráðs á mánudag
um hvaða breytingar bygg-
ingardeild borgarverkfræð-
ings hygðist leggja til varð-
andi verkáætlanir við skóla-
byggingar, bæði hvað fjár-
magn og framkvæmdir snert-
ir. Í fyrirspurninni kom fram
að framkvæmdir við Árbæjar-
skóla hafi verið stöðvaðar án
vitneskju fræðsluráðs og að
skólastjóri hafi fengið að vita
af því daginn áður en fram-
hafi ekki staðist. Nú hafi
skólastjóra verið tilkynnt að
framkvæmdum sé frestað
fram yfir áramót. „Sjálfstæð-
ismenn lýsa furðu á svona
verklagi, sem er óviðunandi
gagnvart öllum sem að skól-
anum koma. Það er mjög
brýnt að halda áætlun við
framkvæmdir sem trufla allt
starf skóla og lágmarkskrafa
að skólastjórnendur fái með
góðum fyrirvara upplýsingar
um óhjákvæmilegar breyting-
ar á verkáætlunum.“
Framkvæmdir við Árbæj-
arskóla fram úr áætlun
Í bókun fulltrúa Reykjavík-
urlistans í fræðsluráði segir
að fjármagn til skólabygginga
hafi hækkað frá 5 ára áætlun
um 50-60% eða úr milljarði á
ári í 1,6 milljarða fyrir árið
2002. „Framkvæmdir við Ár-
bæjarskóla fara um 30 millj-
ónir fram úr áætlun í ár,
þannig að það er fráleitt að
verið sé að skerða fjármagn til
skólans.“ Þá er ásökunum
fulltrúa Sjálfstæðisflokks um
að illa hafi verið að málum
staðið varðandi kynningu á
áætlun um stofnkostnað skóla
vísað á bug. „Sérstakur fund-
ur var haldinn 1. október í
fræðsluráði til að kynna
helstu framkvæmdir næsta
árs. Engar tillögur hafa kom-
ið fram hjá Sjálfstæðismönn-
um um forgangsröðun innan
ramma um skólabyggingar –
hvorki nú né á síðustu árum,“
segir ennfremur í bókuninni.
Telja verklag vegna Ár-
bæjarskóla óviðunandi
Árbær
TILLAGA Björns Ólafs og
V.A. arkitekta varð hlut-
skörpust í lokaðri sam-
keppni um rammaskipulag
suðurhlíða Úlfarsfells,
Halla- og Hamrahlíðarlanda.
Tilkynnt var um niðurstöðu í
samkeppninni í Ráðhúsi
Reykjavíkur á miðvikudag
en sérstakur rýnihópur valdi
tillöguna úr hópi sex tillagna
arkitektastofa sem höfðu
verið valdar til samkeppn-
innar í forvali fyrr á árinu.
Í umsögn rýnihópsins seg-
ir að höfundum tillögunnar
sem varð hlutskörpust hafi
tekist að skapa heildstæða
byggð með hefðbundnum
bæjarbrag sem sé í góðum
tengslum við náttúru svæð-
isins. Áhersla sé lögð á að
skapa fjölbreytt og lifandi
borgarumhverfi en megin-
forsendur þess séu þéttleiki
og blönduð nýting.
„Heildarhugmynd tillög-
unnar er einföld og þroska-
vænleg og uppfyllir vel þær
óskir sem settar eru fram í
forsögn rammaskipulagsins.
Sýnin á heilstæðan borgar-
hluta með lífvænlegri miðju
er mjög áhugaverð og gefur
fyrirheit um nýjar áherslur í
skipulagi borgarinnar,“ seg-
ir í umsögninni.
Tillagan verður notuð sem
rammi fyrir áframhaldandi
skipulagsvinnu byggðar í
Úlfarsfelli en búist er við að
byrjað verði að úthluta lóð-
um á svæðinu á næsta ári.
Gert er ráð fyrir að reisa
um það bil 3000 íbúðir í suð-
urhlíðum Úlfarsfells á næstu
árum en skipulagssvæðið er
í heild um 450 hektarar að
flatarmáli. Gert er ráð fyrir
blandaðri byggð íbúða og at-
vinnustarfsemi auk þess sem
áhersla er lögð á að öll þjón-
usta verði innan göngufæris.
Við gerð svæðisskipulags er
litið til mikilvægi suðurhlíð-
ar Úlfarsfells sem lið í þétt-
ingu og eflingu byggðar á
norðurhluta höfuðborgar-
svæðisins. Sveitarfélögin
Reykjavík og Mosfellsbær
eru sammála um að mikil-
vægt sé að byggja upp öfl-
ugan þjónustukjarna á
mörkum sveitarfélagana og
er litið svo á að samvinna sé
þar mikilvæg til að ná sett-
um markmiðum um eflingu
norðurhluta höfuðborgar-
svæðisins.
Heildstæð byggð með
hefðbundnum bæjarbrag
Úlfarsfell
Morgunblaðið/Ásdís
Arkitektarnir Richard Briem og Karl Magnús Karlsson
hjá VA-arkitektum ásamt Birni Ólafs arkitekt.