Morgunblaðið - 09.11.2001, Blaðsíða 21

LANDIÐ
MORGUNBLAÐIÐ FÖSTUDAGUR 9. NÓVEMBER 2001 21
FYRIRTÆKIÐ Goði, sem nú er í greiðslu-
stöðvun, skuldar tæplega 1.000 bændum
fyrir afurðir og Bændasamtökin hafa fengið
umboð frá um 700 bændum til að gæta
hagsmuna þeirra. Nauðasamningar eru lík-
lega skárri kostur fyrir bændur en gjald-
þrot og talið hugsanlegt að 50– 70% af
kröfum næðust þannig. Lægri kröfur munu
hafa forgang, en nokkur hópur á inni millj-
ónir fyrir sláturgripi og er staða hans al-
varlegt mál. Þetta kom fram í máli Ara
Teitssonar á fundi að Þingborg í Hraun-
gerðishreppi sem Bændasamtökin boðuðu
til 1. nóvember sl.
Sala kindakjöts hefur heldur minnkað
innanlands og ekki nægilega gott ástand á
útflutningsmörkuðum. Útflutningsskylda
árið 2001 er um 1.400 tonn sem verður erf-
itt að selja. Ánægjuleg væri þó vaxandi sala
til Bandaríkjanna og það á mun betra verði
en til nágrannalanda. Einnig er samdráttur
í sölu nautakjöts og taldi Ari hluta skýr-
ingar að sölustarf var allt í molum hjá Goða
og hafi því svína- og kjúklingabændur haft
lag til aukinnar sölu. Aukning er í sölu
mjólkurafurða og líkur á þörf fyrir um-
frammjólk næsta ár og þá að líkindum
greitt fyrir próteinhlutann til bænda. Mun-
ar þar mestu um aukna sölu á skyri og
einnig ostum líkt og undanfarin ár. Hann
taldi hátt verð á greiðslumarki íþyngjandi í
rekstri margra búa. Ari sagði tvö mjólk-
ursamlög á landinu líklega hámark innan
fárra ára. Vegna þeirrar þróunar væru
bændur, til dæmis kringum Egilsstaði,
orðnir nokkuð uggandi um sinn hag í fram-
tíðinni.
Ferli WTO-samninga um alþjóðaviðskipti
með búvöru eru í uppnámi nú vegna
ástands í heimsmálum. Ari taldi það geta
þýtt víðtækari heimild til framleiðslu eigin
matvæla en ella hefði orðið. Óvissa á mörk-
uðum kæmi hins vegar á móti. Aðspurður
af Arnóri Karlssyni kvað Ari fasteignir
Radisson SAS, eða Bændahöllina, hafa ver-
ið settar á fasteignasölu í maí sl. Ekki hef-
ur enn tekist að hitta aðila sem bjóða við-
unandi verð í eignina. Einnig greindi Ari
frá nýjum jarðalögum sem eru tilbúin fyrir
Alþingi eftir þriggja ára nefndarstörf.
Rædd og kynnt á fundinum var póstkosn-
ing meðal bænda um umdeildan innflutning
fósturvísa úr norskum kúm og samanburð-
artilraun við íslenska stofninn. Kosningunni
á að ljúka 25. nóvember. Egill Sigurðsson
stjórnarmaður í Landssambandi kúabænda
sagði umræðuna hafa staðið í 10 ár og kosn-
ingin nú væri um hvort LK og BÍ eigi að
framkvæma umrædda tilraun.
Elvar Ingi Ágústsson taldi menn „fasta í
gamalli hugsjónamennsku, Íslandi allt. Eng-
in hagræðing er sjáanleg“. Hann taldi nær
að peningar, sem færu í fjallskil hvort sem
menn rækju á fjall eða ekki, væru betur
komnir heima á búunum. Nær væri að þeir
fjármunir nýttust til girðinga á heimalönd-
um.
Hrafnkell Karlsson taldi stjórnvalda að
móta byggðastefnu en ekki verkefni Bænda-
samtakanna. Það myndi jafnvel kljúfa þau
samtök ef reyndi á vegna misjafnrar að-
stöðu landshluta. Hann kvaðst sammála um-
hverfisráðherra um að leggja niður Nátt-
úruverndarráð eftir eigin setu þar í tvö ár.
Ráðið væri yfirleitt í bardaga við ráðherra
en ætti að vera ráðgefandi aðili.
Heldur minni
kindakjötssala
innanlands Morgunblaðið/Valdimar Guðjónsson
Frá bændafundinum á Þingborg í Hraungerðishreppi.
Gaulverjabær
Bændafundur á Þingborg
UNDANFARIÐ hefur verið unnið
að því að gera öryggisáætlun fyrir
Grundarfjarðarhöfn eftir fyr-
irmælum Siglingamálastofnunar. Er
því verki nú lokið og mun þetta vera
fyrsta höfnin sem tekur í notkun
slíka áætlun.
Tilgangur áætlunarinnar er að
skapa skilyrði til að hægt sé að
tryggja öryggi þeirra sem nota þjónustu hafnarinnar. Reynt er
að gera öryggiskerfið aðgengilegt starfsmönnum og handbók
hefur verið samin sem hefur að geyma höfuðatriði kerfisins.
Í handbókinni er farið yfir helstu öryggiskröfur og lágmarks-
útbúnað sem þarf að vera til staðar. Einnig er í bókinni áætlun
um viðbrögð við óhöppum og slysum svo sem mengunarslysum
og ennfremur teikning af höfninni þar sem staðsetning allra
helstu öryggistækja er sýnd. Síðan er sett upp áætlun um
reglubundið eftirlit með öryggisbúnaði hafnarinnar.
Einn af nefndarmönnum hafnarnefndar Grundarfjarðar,
Gísli Ólafsson, samdi áætlunina ásamt Hafsteini Garðarssyni
hafnarverði.
Stöðluð öryggis-
áætlun fyrir höfnina
Grundarfjörður
Hafsteinn Garðarsson
hafnarvörður.
FÖSTUDAGINN 26. október sl. var sóknar-
nefndum, kvenfélögum og fleiri velunnurum í
Rangárvallasýslu boðið til kynningar á vænt-
anlegum framkvæmdum við innréttingu kapellu
og líkhúss á Lundi, hjúkrunar- og dvalarheimili
fyrir aldraða á Hellu. Um er að ræða lokafrágang
í kjallara viðbyggingar sem að hluta var tekin í
notkun 1994. Í þeim hluta sem þá var frágenginn
eru rými fyrir tólf sjúklinga auk þjónustukjarna
fyrir alla stofnunina en íbúar á Lundi eru nú alls
30; 8 manns í þjónusturými og 22 í hjúkrunar-
rými en auk þess eru tvö dagvistarrými.
Að sögn Jóhönnu Friðriksdóttur, hjúkrunarfor-
stjóra á Lundi, er brýn þörf fyrir aðstöðu sem
þessa, ekki aðeins fyrir íbúa stofnunarinnar held-
ur einnig fyrir íbúa allrar sýslunnar. Til að
mynda eru allir sem andast hér á svæðinu fluttir
á Selfoss til kistulagningar og aftur til baka þeg-
ar kemur að jarðarför. Einnig er kapellan ætluð
fyrir litlar athafnir, bænastundir og fleira.
Undanfarin ár hefur smám saman verið inn-
réttuð aðstaða til sjúkraþjálfunar, fönduraðstaða,
búningsaðstaða fyrir starfsmenn o.fl. í kjall-
aranum. Í haust var svo lokafrágangurinn boðinn
út og hlaut Trésmiðjan Rangá hf. á Hellu verkið
og er áætlað að því ljúki í maí á næsta ári. Húsið
er teiknað af Hauki A. Viktorssyni arkitekt.
Morgunblaðið/Anna Ólafsdóttir
Guðmundur I. Gunnlaugsson sveitarstjóri og
Óli Már Aronsson, oddviti hreppsnefndar
Rangárvallahrepps, skoða teikningar sem
hafðar voru til sýnis á kynningunni. Hjá þeim
stendur sr. Halldóra J. Þorvarðardóttir, pró-
fastur í Fellsmúla í Holta- og Landsveit.
Morgunblaðið/Óli Már Aronsson
Jóhanna Friðriksdóttir hjúkrunarforstjóri og
Drífa Hjartardóttir, formaður stjórnar Lundar.
Kynning á
framkvæmdum
Hella
SMÁRALIND
GLERAUGU FYRIR ALLA ÚTIVIST
SÍMI 528 8505