Morgunblaðið - 17.11.2001, Qupperneq 26

ERLENT
26 LAUGARDAGUR 17. NÓVEMBER 2001 MORGUNBLAÐIÐ
BANDARÍSKA sjónvarpsstöðin
ABC sendi út hljóðupptöku af því,
þegar flugræningjar tóku völdin
um borð í flugvél United Airlines á
leið frá New York til San Franc-
isco 11. september sl., að því er
fram kemur á fréttavef breska rík-
isútvarpsins, BBC. Vélin fórst
skömmu síðar í Pennsylvaníu og
með henni allir sem voru um borð.
Í hljóðupptökunni má heyra
einn flugræningjann tala til far-
þeganna um kallkerfi vélarinnar
og segja að sprengja sé um borð.
Einnig má heyra átök í stjórnklef-
anum þegar ræningjarnir fjórir
tóku vélina á sitt vald, og samtöl á
milli vélarinnar og flugumferðar-
stjóra í Cleveland.
Einnig má heyra öskur og í kjöl-
far þess segir bandarísk rödd: „Út
með ykkur.“ Nokkru síðar heyrist
einn ræningjanna segja farþegun-
um að halda kyrru fyrir í sætum
sínum og að sprengja sé um borð.
Um svipað leyti bað flugumferð-
arstjórinn í Cleveland áhöfn ann-
arrar flugvélar, sem stödd var í
grenndinni, að staðfesta það sem
hann hafði heyrt.
„Skildirðu þessi skilaboð?“
spurði flugumferðarstjórinn. „Já.
Hann sagði að það væri sprengja
um borð,“ var svarið frá hinni flug-
vélinni. Þá kallaði flugumferðar-
stjórinn upp United-vélina: „Uni-
ted 93, heyrirðu enn í stjórnstöð?“
Flugumferðarstjórinn reyndi ár-
angurslaust að minnsta kosti 20
sinnum að ná sambandi við þotuna.
Ekki er vitað hvað ræningjarnir
ætluðust fyrir með flugvélina.
Nokkrir farþeganna hringdu úr
farsímum í ættingja sína og sögðu
m.a. að þeir ætluðu að reyna að yf-
irbuga ræningjana. Rannsóknar-
fulltrúar segja að þrír farþegar
hafi reynt að ráða niðurlögum
ræningjanna, en hafi ekki tekist að
ná stjórn á vélinni.
„Út með
ykkur“
AFGANSKIR flóttamenn eru nú
farnir að snúa aftur heim til
þeirra héraða, sem eru á valdi
Norðurbandalagsins. Þessi mynd
var tekin í gær skammt frá Kabúl
þegar bílar hlaðnir flóttafólki
voru að koma til borgarinnar.
Reuters
Flóttafólk
á heimleið
BISKUPAÞING kaþólsku kirkjunn-
ar í Bandaríkjunum hefur lagt bless-
un sína yfir herför Bandaríkjastjórn-
ar í Afganistan en biskuparnir 260
hittust í Washington á fimmtudag.
Sögðu þeir í ályktun sinni að stjórn-
endur landsins hefðu „móralskan“
rétt á að heyja stríð gegn hryðju-
verkamönnum í kjölfar árásanna á
Bandaríkin 11. september sl.
Biskuparnir létu þess hins vegar
getið að gæta þyrfti betur að orsök-
um hryðjuverkanna. Hvöttu þeir rík-
isstjórn George W. Bush Banda-
ríkjaforseta til að aflétta
viðskiptaþvingunum gegn Írak,
stuðla hið fyrsta að lausn deilu Ísr-
aela og Palestínumanna í Mið-Aust-
urlöndum og gefa meira fé til fátækt-
armála í heiminum.
„Ekkert getur hugsanlega rétt-
lætt þá árás sem gerð var 11. sept-
ember,“ sögðu biskuparnir í ályktun
sinni en bættu svo við: „Án þess að
verið sé að afsaka hryðjuverkin á
nokkurn hátt er samt ljóst að við
þurfum að bregðast við þeirri miklu
fátækt og því ranglæti sem plagar
heiminn, og sem hryðjuverkamenn
hagnýta sér á versta hátt.“
Höfnuðu biskuparnir tillögu, sem
fram hafði verið borin, um að aðeins
skyldi bregðast við árásunum á New
York og Washington með friðsam-
legum hætti.
Ljóst var þó að sú hugsun naut
nokkurs fylgis, að rétt væri að
hverfa aftur til þeirra kenninga
kirkjunnar að ofbeldi skuli aldrei
mæta með ofbeldi.
Kaþólskir biskupar í Bandaríkjunum
Leggja blessun sína
yfir herförina
Washington. AP.
Hljóðupptöku úr vél United
Airlines 11. september sjónvarpað