Morgunblaðið - 21.02.2002, Blaðsíða 44

44 FIMMTUDAGUR 21. FEBRÚAR 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG HEF fylgst með umræðunni um
aksturslagið á Keflavíkurvegi núna
undanfarið og langar að koma með
innlegg, sem ein af þeim, er sjaldan
fara um þann veg.
Í fyrra fór ég aðeins eina ferð til
Keflavíkur og lenti fjórum sinnum í
því að vera blikkuð og nánast strokin
að aftan, þrátt fyrir að keyra á rúm-
lega 90 km hraða. Í þremur tilfellum
fóru ökumenn loks fram úr á „hefð-
bundinn“ hátt og fóru ekki leynt með
vanþóknun sína, en einu sinni ákvað
ég að víkja. Í myrkri og með litla
þekkingu á vegöxlunum fannst mér
óþægilegt að fara út í kant. Til þess
að vera örugg þurfti ég að hægja
talsvert á mér og að auki vona að
langt væri í næsta bíl þar á eftir.
Ekki lenti ég sjálf í þeirri aðstöðu að
þurfa að taka fram úr og get ekki
skilið að ökumenn almennt fari hæg-
ar en hraðamörk leyfa á vegi sem
þessum.
Ég hef síðastliðin átta ár farið ótal
ökuferðir milli Kjalarness og
Reykjavíkur en þessi eina ferð um
Keflavíkurveginn stendur upp úr
sem mjög neikvæð reynsla. Finnst
mér nauðsynlegt að lögregla komi
inn í þessa umræðu og skeri úr um
hlutverk vegaxla og „áunninna rétt-
inda“ á Keflavíkurveginum.
ANNA FILBERT
Kjalarnesi.
Aksturslag
á Keflavíkurvegi
Frá Önnu Filbert:
JAMES Addison í Bretlandi hefur
beðið Morgunblaðið að aðstoða sig
við leit að konu sem hann kynntist
þegar hann var á vegum breska
hersins á Íslandi á árunum 1940 til
1942. James var á þessum árum
með flokki sínum á Akureyri, en
þeir höfðu aðsetur á Krossastöðum
á Þelamörk. Hann hafði meðal ann-
ars með höndum það verkefni að
aka inn í bæinn til að sækja póst og
vörur. Átti hann því á stundum er-
indi í verslun Balduins Ryel, sem
var við Hafnarstræti á Akureyri.
Þar starfaði konan sem James
Addison leitar nú að. Nefnir hann í
bréfi sínu að hún hafi verð ljóshærð
og að heimili hennar hafi verið í ná-
munda við verslunina sem hún
starfaði í. Þeir sem einhverjar upp-
lýsingar geta veitt eru beðnir um
að hafa samband við hinn aldna
fyrrverandi hermann.
JAMES ADDISON
72 Newboundmill Lane
Pleasley Mansfield
Notts: NG197PT
England
Sími: 0044-1623811711
Hver vann í verslun
Balduins Ryel?
Frá James Addison:
TILRAUNIR ríkisvaldsins og at-
vinnurekenda til að halda rauða
strikinu á réttum stað, hefur minnt
mann mjög á drukknandi mann sem
grípur í fljótandi hálmstrá sér til
bjargar. Helsta úrræðið er að nota
sjónhverfingar og tímabundið verð á
útsöluvörum til áhrifa á verðbólg-
una. Hvað gerist svo eftir að útsölur
hætta, verður tíminn að leiða í ljós.
Þá er líklegt að rauða strikið verði
komið á það tímabil að það geti
rokkað upp og niður, eftir þörfum.
Ríkisvaldið er alltaf að hæla sér af
kaupmáttaraukningu og að skattar
hafi ekki hækkað. Þegar ég fór á
ellilífeyri skipti ég skattkortinu á
milli Tryggingastofnunar og Lífeyr-
issjóðs. Þá dugði skattkortið til þess
að gera lífeyristekjurnar skattfrjáls-
ar. Með sama skattkorti og af sama
lífeyri borga ég nú 11.320 kr. á mán-
uði. Þetta sýnir vel hvað skattbyrðin
hefur aukist.
Fasteignamatinu hefur verið
breytt all hressilega, sem hafði í för
með sér verulega hækkun á fast-
eignagjöldum. Fyrir breytinguna á
fasteignamatinu fékk ég vaxtabæt-
ur, en greiði nú fasteignaskatt.
Þessar tekjur sveitarfélaga og rík-
isvalds eru fengnar út á það eitt að
breyta tölum á pappír. Það hefur
margsinnis sýnt sig að bæði ríki og
borg keppast um að ná til sín sem
mestri, eða helst allri, hækkun á líf-
eyri, án tillits til þess hvaða heildar-
áhrif það hefur á afkomu einstak-
linganna. Spilamennskan með
fasteignamatið og nýja aðferðin, að
nota feluleik til að hækka þjónustu-
gjöld, með auka liðum á reikningum,
sýnir það.
Því mun hafa verið hreyft á Al-
þingi að lækka þyrfti innheimtu-
kostnað. Það mun flestum löngu
ljóst að tímabært sé að taka þann
þátt til skoðunar og hef ég skrifað
um þann þátt á þessum vettvangi
áður. Vegna þessarar umræðu er
rétt að birta hér sýnishorn af mjög
algengum innheimtuseðli.
Afborgun 13.627,50
Afborgun verðb. 1.602,80
Vextir 5.703,70
Verðb v/vaxta 670,90
Innheimtukostn. 300,00
Innheimtuþóknun 500,00
Samtals 22.404,90
Þarna birtast hinir raunverulegu
vextir í felubúningi og stór hluti af
þessum kostnaði er aldrei tekinn inn
þegar verið er að reikna út rekstr-
arkostnað heimilanna, þó svo að
þetta sé afleiðing af stjórnsýslulegu
misræmi á milli verðlagningar þjón-
ustugjalda og launa.
GUÐVARÐUR JÓNSSON
Hamrabergi 5, Reykjavík.
Rauða strikið
Frá Guðvarði Jónssyni: