Morgunblaðið - 09.05.2002, Qupperneq 11

FRÉTTIR
MORGUNBLAÐIÐ FIMMTUDAGUR 9. MAÍ 2002 11
Útsölumarkaður
GK REYKJAVÍK
Opið mánudaga til föstudaga kl. 12:00 - 18:00
og laugardaga kl. 12:00 - 16:00
Verðdæmi:
allar buxur nú 2.000 kr. • allar skyrtur nú 1.500 kr.
allir jakkar nú 4.000 kr. • allar peysur nú 2.000 kr.
allar yfirhafnir nú 5.000 kr.
Enn meiri verðlækkun
sek. að meðaltali, hvað fossana
varðaði bættist við hliðarrennsli.
Einnig var spurt um rannsóknir
á lífríki utan friðlandsins sem gerð-
ar voru í fyrrasumar. Guðjón sagði
að í ljós hefði komið að enginn
grundvallarmunur væri á lífríki
innan og utan friðlands. Hann
sagði þann hluta Hnífár sem færi
undir vatn renna á gróðursvæði og
því hefði svæðið meira verndargildi
en annars. Einnig að lífríki væri
einna fjölbreyttast á þeim hluta
sem færi undir vatn. Þá færiu 1,3
km² af rústasvæði undir vatn, þar
af um 1,2 km² af þroskuðu rústa-
svæði sem hefði meira verndar-
gildi. Enginn eðlismunur hefði
komi fram á rústasvæðum utan og
innan friðlandsins.
Friðrik Sophusson, forstjóri
Landsvirkjunar, sagði fyrirtækið
vilja eiga gott samstarf og samráð
við heimamenn. Hann sagði Lands-
virkjun vilja hafa frekara samstarf
um uppbyggingu atvinnulífs á
svæðinu, framkvæmdirnar opnuðu
leið inn á hálendið sem skapaði
tækifæri sem heimamenn gætu
nýtt sér.
Sögusagnir kveðnar niður
Friðrik sagðist vilja kveða niður
sögusagnir sem hefðu verið á kreiki
um að Landsvirkjun ætlaði sér að
hækka yfirborð lónsins umfram 575
m.y.s. eftir að lónið yrði tekið í
notkun. „Það er alls ekki ætlunin,
stíflan er hönnuð til að halda lóninu
í 575 m.y.s. og það eru engin áform
um að hafa það hærra,“ sagði Frið-
rik. Einnig sagði hann á misskiln-
ingi byggt að yrði virkjað við Núp,
sem er annað verkefni sem Lands-
virkjun hefði haft til skoðunar,
færu sex bújarðir í eyði.
„Ég hef líka heyrt því fleygt að
við höfum falið einhvern hluta nið-
urstaðnanna, það er að sjálfsögðu
rangt. Í þessum undirbúningi, eins
og áður, kappkostum við að birta
allar rannsóknarskýrslur á Netinu
þannig að allt sé undir. Við vitum
að ef við reyndum að dylja ein-
hvern einhvers myndi það koma
okkur í koll síðar,“ sagði Friðrik.
Friðrik sagði tilgang fundarins
fyrst og fremst vera að kynna
framkvæmdina og á hvaða forsend-
um Landsvirkjun byggði mats-
skýrsluna. Tilgangur kynningar-
fundarins væri ekki að halda
kappræður til að sannfæra íbúana
um ágæti framkvæmdarinnar, ekki
heldur að láta sannfærast.
Allt annað hljóð var íbúum Ása-
og Djúpárhrepps og Holta- og
Landsveitar á kynningarfundi fyrr
um daginn á Laugalandi í Holtum.
Engar gagnrýni- eða efasemdar-
raddir komu þar fram og voru allir
fundargesta sem Morgunblaðið
ræddi við jákvæðir í garð fram-
kvæmdarinnar. Virtust þeir al-
mennt telja að fórnarkostnaður
Norðlingaveitu réttlætti ávinning-
inn og var þar einkum nefnd at-
vinnuuppbygging í sveitarfélaginu.
Íbúar austan Þjórsár jákvæðir
Í samtali við Morgunblaðið sagði
Jónas Jónsson, oddviti Ásahrepps,
íbúa austan Þjórsár frekar fylgj-
andi framkvæmdunum en hitt.
Hann sagðist sjálfur telja áhrif á
umhverfið viðunandi og sagði að
það hefði breytt miklu að lækka yf-
irborð lónsins úr 581 m.y.s., sem
upphaflega stóð til, í 575 m.y.s.
Þannig færi flatarmál lónsins úr
rúmlega 60 ferkílómetrum niður í
rúma 28 ferkílómetra.
Nafnarnir Sveinn Sigurjónsson,
Galtalæk II í Landsveit, og Sveinn
Tyrfingsson, Lækjartúni í Ása-
hreppi, voru á sama máli og Jónas.
Aðspurðir hvers vegna þeir styddu
framkvæmdirnar sögðu þeir að á
einhverju yrðu menn að lifa. „Hef-
ur þú einhvern tímann hugsað um
hvað höfuðborgarsvæðið væri fal-
legt án byggðar?“ spurði Sveinn
Tyrfingsson. Nafnarnir sögðu alla
búsetu breyta landinu og að mann-
virki þyrftu ekki að vera lýti í
landslaginu. „Það munar verulega
um hvert einasta atvinnutækifæri.
Við erum orðnir þreyttir á fana-
tískri umhverfisstefnu,“ sagði
Sveinn Sigurjónsson.
Frestur til að gera athugasemdir
til Skipulagsstofnunar við mats-
skýrsluna rennur út 11. júní næst-
komandi og er þess vænst að stofn-
unin kveði upp úrskurð um miðjan
júlí. Upplýsingar um skýrsluna má
finna á heimasíðu verkefnisins
www.nordlingaalda.is.
Morgunblaðið/Árni Sæberg
Íbúar gátu kynnt sér áhrif framkvæmdanna á kynningarspjöldum Landsvirkjunar sem héngu uppi á báðum
fundarstöðum. Þessi mynd var tekin á kynningarfundinum á Laugalandi í Holtum.
nina@mbl.is
FJÁRMÁLARÁÐUNEYTIÐ hefur
hafnað erindi Norðurljósa frá 11.
apríl sl. þar sem þess var farið á leit
að fjármálaráðherra beitti sér fyrir
því að sett yrðu lög á Alþingi sem
heimiluðu ríkinu að ábyrgjast með
einfaldri ábyrgð 15 ára skuldabréf að
fjárhæð átta milljarðar króna fyrir
félagið.
Í erindinu kom fram að Norður-
ljós hygðust nota fjármunina til þess
að endurskipuleggja fjárhag félags-
ins annars vegar og hins vegar til að
standa straum af kostnaði við þróun
stafræns útvarps. Sem rök fyrir veit-
ingu ríkisábyrgðar var í bréfi félags-
ins nefnt að ríkið ábyrgist rekstur
Ríkisútvarpsins sem auk þess væri
með lögum tryggður sérstakur
tekjustofn, útvarpsgjald. Þá var
nefnt að Landssími Íslands hf., sem
ríkið ætti yfir 90% hlutafjár í, stæði
fyrir útvarpsrekstri á svokölluðu
breiðbandi og hafið undirbúning að
stafrænu útvarpi.
„Íslensk stjórnvöld hafa á undan-
förnum árum dregið markvisst úr
veitingu ríkisábyrgða,“ segir í bréfi
fjármálaráðuneytisins til Norður-
ljósa. „Um Ríkisútvarpið, hlutverk
þess, rekstrarform og tekjur fer
samkvæmt lögum. Landssími Ís-
lands hf. er fyrirtæki á almennum
markaði og nýtur engrar ríkisað-
stoðar. Starfsemi beggja þessara að-
ila lýtur almennum lögum og eftirliti
þar til bærra eftirlitsaðila, þ.m.t.
samkeppnisyfirvalda. Umkvartanir
Norðurljósa gefa ekki tilefnis til þess
að því félagi eða öðrum samskipta-
félögum verði veittar ríkisábyrgðir.“
Erindi Norð-
urljósa um
ríkisábyrgð
hafnað