Morgunblaðið - 09.05.2002, Blaðsíða 61

FÓLK Í FRÉTTUM
MORGUNBLAÐIÐ FIMMTUDAGUR 9. MAÍ 2002 61
NÚ stendur yfir ljósmyndasýning
í Listamiðstöðinni Straumi af til-
efni þriggja ára afmælis Fókuss,
félags áhugaljósmyndara.
Sýningin er umfangsmikil, en
alls sýna 24 Fókusfélagar 198
ljósmyndir, og er viðfangsefnið
eins fjölbreytt og sýnendur eru
margir.
Fókus er opið öllum áhuga-
mönnum um ljósmyndun, og telur
nú yfir 30 félagsmenn sem koma
víða að. Farið er í ljósmyndaferð-
ir, haldin ljósmyndakeppni, fag-
menn halda fyrirlestra á fundum
félagsins og kynna einnig nýjar
vörur, s.s. filmutegundir, mynda-
vélar og fleira.
Alls konar fólk og myndir
Pálmi Guðmundsson, stofnandi
og formaður félagsins Fókuss,
segir mikla þörf hafa verið fyrir
álíka félag á sínum tíma. „Fólk
var að dunda þetta hvert í sínu
horni, sem er ekki jafnskemmti-
legt. Ég bjóst aðallega við ungu
fólki, en félagsmenn Fókuss eru á
öllum aldri og koma úr öllum
þrepum þjóðfélagsins,“ segir
Pálmi.
Fundir eru haldnir á tveggja
vikna fresti yfir vetrarmánuðina
en sjaldnar á sumrin. „Þá hittast
félagar, ræða saman um ljós-
myndun og bera saman bækur
sínar. Félagsmenn sýna myndir á
slides, pappír og stafrænt,“ út-
skýrir Pálmi sem segir fé-
lagsmenn munu kynna starfsemi
sína í Straumi og hægt sé að
ganga í félagið á staðnum. Einnig
er vert að benda á margslungna
heimasíðu félagsins sem Pálmi
heldur utan um: www.ljosmynd-
ari.is
Margir þekkja myndir Pálma
betur en þeir halda. Hann rekur
nefnilega Íslensku ljósmyndaþjón-
ustuna (www.islandia.is/pg) sem
selur myndir og hefur m.a átt
síðustu mynd kvöldsins í Rík-
issjónvarpinu nú í 10 ár.
Sýningin í Straumi, sem er
sölusýning, stendur til 26. maí og
verður opin fimmtudaga og föstu-
daga frá kl. 17–21 og kl. 13–21
um helgar. Í dag er opið frá kl.
13–21.
Skokkað í Reykjavík. Í Oddsskarði. Lambá í Borgarfirði.
Ljósmynd/Pálmi Guðmundsson
Sólarlag í Húnavatnssýslu.
Umfangsmikil ljósmyndasýning í Straumi
Lífið í
Fókus