Morgunblaðið - 23.05.2002, Side 8

FRÉTTIR
8 FIMMTUDAGUR 23. MAÍ 2002 MORGUNBLAÐIÐ
Nú getum við, Guðjón minn.
Íslensk-bandarískur vísindadagur
Vantað form-
legan vettvang
EFNT verður til Ís-lensk-bandarísksvísindadags í
Sunnusal Radisson Hótels
Sögu nk. föstudag og hefst
hann klukkan 9. Vilhjálmur
Lúðvíksson framkvæmda-
stjóri Rannís svaraði
nokkrum spurningum
Morgunblaðsins.
– Hvers vegna þessi vís-
indadagur?
„Tilgangur vísindadags-
ins er að efla vísindasam-
starf við Bandaríkin og
benda á viðfangsefni og-
leiðir til að ýta undir sam-
vinnu íslenskra vísinda-
manna við bandaríska og
kanadíska vísindamenn og
um leið treysta stöðu Ís-
lands í alþjóðlegri vísinda-
samvinnu m.a. á grundvelli
stöðu Íslands í norrænu og evr-
ópsku rannsóknarsamstarfi. Sú
staða er hlutfallslega sterk og get-
ur Ísland vegna legu sinnar og öfl-
ugs vísindastarfs myndað sam-
starfsbrú yfir Norður-Atlantshaf á
mörgum sviðum.“
– Hvers vegna þessi samvinna
við Bandaríkin?
„Mjög stór hluti íslenskra há-
skólamanna sækir menntun sína
til Norður-Ameríku. Um fjórðung-
ur háskólanema, sem fá lán hjá
LÍN, sækir menntun sína til
Bandaríkjanna og um helmingur
doktorsnema, sem taka lán hjá
sjóðnum, er við nám í Ameríku.
Hins vegar hefur ekki verið neinn
formlegur vettvangur til að ýta
undir rannsóknasamstarf eftir að
námi lýkur þannig að nýta megi
þau sambönd sem myndast á
námstímanum og eftir að rann-
sóknardvöl lýkur. Úr þessu vill
Rannís bæta.
Rannís undirritaði samstarfs-
samning við Vísindastofnun
Bandaríkjanna, NSF, haustið
2000. Halda átti þennan vísinda-
dag á grundvelli samningsins hinn
13. september í fyrra en honum
varð að aflýsa í kjölfar hryðjuverk-
anna 11. september. Nú er verið að
taka upp þráðinn aftur.“
– Helstu áherslur?
„Á vísindadeginum munu við-
horf aðilanna til samstarfs verða
kynnt og jafnframt munu fulltrúar
evrópskra og norrænna sam-
starfsstofnana tjá sig um sam-
vinnumöguleika á einstökum svið-
um. Einnig mun fulltrúi
Rannsóknarráðs Kanada kynna
þarlend viðhorf til samstarfs yfir
hafið. Athyglin mun einkum bein-
ast að rannsóknasamvinnu sem
snertir jarðvísindi, umhverfismál,
hnattrænar breytingar, mann-
erfðafræði og heilbrigðisrann-
sóknir. Einnig verður fjallað um
aukna samvinnumöguleika á sviði
rafrænna bóka- og gagnasafna. Í
pallborðsumræðum verður m.a.
fjallað um aðferðir til að ýta undir
samstarfið og möguleika Íslands
til að brúa bilið á milli N-Ameríku
og Evrópu í vísindarannsóknum
sem stundaðar eru hér á landi.“
– Hvað hafa Banda-
ríkjamenn uppúr þessu
samstarfi?
„Íslendingar hafa á
undanförnum árum
sýnt mjög góða
frammistöðu á ýmsum sviðum vís-
inda mælt á alþjóðlegan kvarða.
Þeir hafa m.a. staðið sig mjög vel í
samkeppni innan rammaáætlunar
Evrópusambandsins, einmitt á
þeim sviðum þar sem alþjóðasam-
starf er mikilvægast. Þar má nefna
rannsóknir á umhverfisbreyting-
um og náttúruvá svo og í hafrann-
sóknum sem hafa gildi fyrir skiln-
ing manna á loftslagsbreytingum
og áhrifum þeirra á lífríki og hag-
kerfi þjóða. Þá hafa íslenskar heil-
brigðisrannsóknir vakið athygli,
ekki síst þær sem tengjast erfða-
háðum sjúkdómum. Íslendingar
eru því áhugaverðir samstarfsaðil-
ar á ýmsum sviðum og hafa banda-
rískar stofnanir í vaxandi mæli
farið að styrkja rannsóknir á Ís-
landi og samstarf bandarískra og
íslenskra vísindamanna.“
– Hverjir tala?
„Meðal þeirra sem erindi flytja
eru Norman Neureiter, vísinda-
ráðgjafi utanríkisráðherra Banda-
ríkjanna, Margret Leinen, for-
stöðumaður jarðvísindasviðs
NSF, Minerva Rojo, fram-
kvæmdastjóri við alþjóðamiðstöð
bandarísku heilbrigðisstofnunar-
innar, NIH, og Dr. Stephen Pioto-
wicz aðstoðarframkvæmdastjóri
hafrannsóknasviðs bandarísku
haf- og veðurfræðistofnunarinnar,
NOAA. Ýmsir þekktir vísinda-
menn, innlendir og erlendir, munu
flytja erindi um einstök svið.“
– Er þetta byrjunin á einhverju
meira eða stærra?
„Ég vona að þarna skapist áhugi
á aukinni samvinnu og menn komi
auga á að íslenskir vísindamenn
geta gegnt afar mikilvægu hlut-
verki í rannsóknasamstarfi yfir N-
Atlantshafið. Ég vona líka að ís-
lensk stjórnvöld vilji greiða götu
þess að Íslendingar verði ekki
bara fjárhagslega þiggjendur í
þessu efni heldur geti lagt sitt af
mörkum til að stuðla að
auknum kynnum og
samskiptum á sviði vís-
inda. Ísland er góður
staður fyrir vísinda-
menn beggja vegna
hafsins að hittast. Hér er bókstaf-
lega hægt að sýna viðfangsefni
rannsókna með beinum hætti, bet-
ur en í afstrakt umhverfi fundar-
sala í Brussel eða Washington.
Það er stutt á milli notenda þekk-
ingar og vísindamanna hér á landi
og Ísland er upplögð vísindaleg til-
raunastöð á mjög mörgum sviðum
sem þykja áhugaverð um þessar
mundir.“
Vilhjálmur Lúðvíksson
 Vilhjálmur Lúðvíksson fædd-
ist í Reykjavík 4. apríl 1940.
Stúdent frá VÍ 1960 og stærð-
fræðideildarpróf frá MR 1961.
B.Sc.-próf í efnaverkfræði frá
Kansasháskóla 1964, M.Sc. í
sama fagi í Wisconsin-háskóla í
Madison, Wisc. 1965 og doktor
frá sama skóla 1968. Verkfræð-
ingur hjá Rannsóknarráði rík-
isins 1968–73. Frkvæmdastjóri
og formaður Iðnþróunarnefndar
1973–75, í eigin rekstri 1975–78.
Framkvæmdastjóri Rannís frá
1987. Maki er Áslaug Sverr-
isdóttir vefnaðarkennari og eiga
þau tvær uppkomnar dætur.
Íslendingar
áhugaverðir
til samstarfs
BORGARRÁÐ samþykkti á þriðju-
dag að óska eftir því við félagsmála-
ráðherra að eigendum félagslegra
eignaríbúða í Reykjavík verði heim-
ilað að selja þær á frjálsum markaði.
Jafnframt fellur borgarráð frá for-
kaupsrétti sínum að íbúðunum.
Í samþykkt borgarráðs segir að
Alþingi hafi nýlega samþykkt breyt-
ingar á húsnæðislöggjöfinni, sem
gera ráð fyrir að eigendur eignar-
íbúða með kaupskylduákvæðum geti
selt þær á frjálsum markaði. Sam-
kvæmt lögunum sé félagsmálaráð-
herra heimilt að staðfesta ósk sveit-
arfélaga um að aflétta
kaupskyldurétti.
„Borgarráð samþykkir að Reykja-
víkurborg sæki þegar í stað, við gild-
istöku laganna, um heimild til félags-
málaráðherra þess efnis að
eigendum félagslegra eignaríbúða í
Reykjavík verði heimilað að selja
þær á frjálsum markaði,“ segir í
samþykktinni. „Jafnframt samþykk-
ir borgarráð að falla frá forkaups-
rétti sínum að þessum íbúðum, sem
byggðar voru í átaki til útrýmingar
heilsuspillandi húsnæðis samkvæmt
reglugerð frá 1957.“
Eigendur félagslegra íbúða í Reykjavík
Verði heimilað að selja
á frjálsum markaði
REYKJAVÍKURLISTINN nýtur
53,5% fylgis og Sjálfstæðisflokkur-
inn í Reykjavík rúmlega 41,3% fylgis
ef marka má skoðanakönnun Talna-
könnunar, sem gerð var fyrir vef-
svæðið heimur.is 21. maí. Frjáls-
lyndir og óháðir njóta samkvæmt
könnuninni 4,2% fylgis en önnur
framboð í Reykjavík minna fylgis.
Samkvæmt þessu fengi R-listinn níu
borgarfulltrúa í Reykjavík en D-list-
inn sex borgarfulltrúa. Afar mjótt er
á munum á sjöunda manni D-listans
og níunda manni R-listans sam-
kvæmt könnuninni. Í henni kemur
jafnframt fram að R-listinn nýtur
meira fylgis hjá báðum kynjum. Þá
kemur fram að 15% voru óviss, 4%
vildu ekki svara og 2% sögðust ekki
ætla að kjósa.
Í könnuninni var spurt hvaða lista
fólk myndi kjósa í borgarstjórnar-
kosningunum ef kosið væri í dag.
Könnunin byggist á svari 461 ein-
staklings. Valið var með handahófs-
úrtaki úr símanúmeraskrá. Vikmörk
miðað við 95% vissu eru 5,2% til eða
frá. Munurinn milli R- og D-lista er
samkvæmt þessu tölfræðilega mark-
tækur.
R-listinn
með 12%
forskot