Morgunblaðið - 23.05.2002, Side 30

LISTIR
30 FIMMTUDAGUR 23. MAÍ 2002 MORGUNBLAÐIÐ
GUÐRÚN Jóhanna Ólafsdóttir mezzó-sópransöngkona hreppti um liðna helgi„Lieder Prize“, sigurverðlaun fyrirsöng í í ljóðasöngskeppni Guildhall
School of Music and Drama í London sem kennd
er við Franz Schubert. Söngkeppnin er haldin ár-
lega og kostuð af söngkonunni Veru Rosza, sem
var kennari margra frægra söngkvenna, þar á
meðal Kiri Te Kanawa og Önnu Sofiu von Otter.
Þrjátíu og fimm söngnemar tóku þátt í keppninni,
en aðeins fimm komust í undanúrslit. Á föstudag-
in fór úrslitakeppnin fram og þar náði Guðrún Jó-
hanna þessum árangri.
Guðrún Jóhanna stundar nám í óperudeild Gu-
ildhall School of Music and Drama. Hún er á fyrra
ári af tveimur í óperudeildinni, en lauk í fyrra
mastersprófi úr almennri söngdeild.
Meðal þeirra sem sátu í dómnefnd voru kan-
adíska sópransöngkonan Nancy Argenta sem hef-
ur sungið hér á landi, síðast í óratoríu Händels,
Joshua á Kirkjulistahátíð í fyrra; og píanóleik-
arinn Roger Vignoles, sem líka hefur leikið á Ís-
landi, en hann er meðleikari margra frægustu
ljóðasöngvara í dag. Guðrún Jóhanna er ánægð
með árangurinn þótt hún vilji ekki gera mjög mik-
ið úr þessu, þar sem keppnin sé einungis haldin
innan skólans. En ekki má gleyma því að Guildhall
skólinn er meðal virtutu tónlistarskóla í Evrópu
og þar hafa margir frægustu söngvarar heims alið
manninn í sínu söngnámi. En fleira bar til tíðinda
hjá Guðrúnu Jóhönnu um helgina.
„Ég komst í fjögurra manna lokaúrslit í annarri
söngkeppni, Susan Longfield-keppninni. Keppnin
er haldin í minningu um söngkonuna Susan Long-
field sem lærði í Guildhall. Hún dó ung, en söng á
sínum tíma með gamla kennaranum mínum
heima, Ruth L. Magnússon. Þessi keppni er líka
haldin innan skólans, og kannski ekki vert að
segja frá þessu nema ég vinni; – það kemur í ljós á
þriðjudaginn.“
Í fyrra vann Guðrún Jóhanna til verðlauna í al-
þjóðlegri söngkeppni, Maggie Tate Competition í
Covent Garden. Verðlaunin, veitt fyrir franskan
ljóðasöng, voru námsstyrkur, kenndur við Miriam
Licette, en verðlaununum er ætlað að styrkja
söngvara til þátttöku í masterklössum hjá við-
urkenndum söngvurum og söngkennurum í
Frakklandi. Guðrún notaði styrkinn til að sækja
námskeið hjá Lorraine Nubar og Jean Pierre
Blivet í Nice.
Í Schubert-keppninni sem Guðrún Jóhanna
sigraði í á föstudaginn söng hún þrjá söngva eftir
Schubert, Gretchen am Spinnrade, Du bist die
Ruh og Der Musensohn, en auk þess tvö lög eftir
Brahms, Immer leiser wird mein Schlummer og
Dort in den Weiden. Þátttakan í úrslitaslagnum
gekk ekki alveg snurðulaust fyrir sig.
„Það var píanóleikarinn minn sem bað mig að
taka þátt í keppninni með sér, en píanóleikarar
keppa þar einnig til verðlauna. En kvöldið fyrir
úrslitakeppnina var hún að spila á tónleikum í
Portúgal og ætlaði að fljúga til London um nótt-
ina. Hún fékk þó ekki flug fyrr en um morguninn,
og auk þess varð tveggja tíma seinkun á fluginu.
Það fór því svo að hún gat ekki spilað með mér í
keppninni og ég þurfti að fá annan píanóleikara til
að spila með mér. Við vorum reyndar búnar að
búa okkur undir það að þetta gæti mögulega
gerst, og ég var búin að æfa prógrammið einu
sinni með nýja píanóleikaranum. Hún spilaði svo
mjög vel, og þó hún fengi ekki verðlaun, fékk hún
sérstaka viðurkenningu.“
Verður í hlutverki Rosinu í
Rakaranum í Sevilla í sumar
Um helgina kom í ljós að Guðrún Jóhanna hefði
hreppt námsstyrk Íslandsbanka, þannig að segja
má að ekki hafi ein báran verið stök þessa helgi.
Þá var ennfremur afráðið að hún syngi með óp-
erufélaginu, Opera à la Carte, í sumar. Þar verður
hún í hlutverki Rosinu í Rakaranum í Sevilla og
verða sýningar bæði í Linbury-salnum í Covent
Garden og á Írlandi. Þekktasta aría Rosinu, Una
voce poco fa, er einmitt meðal þess sem Guðrún
Jóhanna syngur í úrslitum Susan Longfield
keppninnar á þriðjudaginn.
Guðrún Jóhanna segir að hún þurfi leyfi frá
skólanum til að syngja sem atvinnumanneskja
með óperufélagi í sumar, en það sé ekkert tiltöku-
mál, því skólinn vilji einnig að nemendur öðlist
sem víðtækasta reynslu. Guðrúnu Jóhönnu hefur
boðist að syngja prufusöng fyrir óperu sem sett
verður upp í febrúar í London. Ef það gengur eft-
ir, segir hún það möguleika að hætta í skólanum
áður en önninni lýkur, það sé ekki óalgengt að
langt komnir nemendur óperudeildarinnar geri
það, fái þeir góð atvinnutilboð. „Þetta er hlutverk
Agnesar í óperunni Beatrice di Tenda eftir Bell-
ini, en við sjáum nú hvað setur, – ég á enn eftir að
fara í prufusönginn. Næsta verkefni er að klára
Susan Longfield-keppnina á þriðjudaginn.“
Guðrún Jóhanna Ólafsdóttir mezzósópran gerir það gott í London
Sigraði í ljóðasöngskeppni og
komin í úrslit í annarri
Guðrún Jóhanna Ólafsdóttir mezzósópran.
Hallgrímskirkja Einleikaraprófs-
tónleikar Láru Bryndísar Eggerts-
dóttur orgelleik-
ara frá Tónskóla
þjóðkirkjunnar
verða kl. 20.
Á efnisskránni
eru þekkt verk
eftir franska og
þýska meistara:
Franck, Messia-
en, Buxtehude og
Bach.
Lára Bryndís er
fædd árið 1979.
Hún lauk 8. stigi á píanó vorið 1998
og kantorsprófi frá Tónskóla þjóð-
kirkjunnar ásamt 8. stigi á orgel vor-
ið 2001 með hæstu einkunn sem gef-
in hefur verið. Hún hefur einnig
stundað nám við söngskólann í
Reykjavík og syngur með Graduale
Nobili. Í vetur lék Lára einnig ein-
leikstónleika á vegum Listvinafélags
Hallgrímskirkju og flutti þar verk
eftir Messiaen.
Orgelkennari Láru Bryndísar hefur
verið Hörður Áskelsson en auk þess
hefur hún í vetur sótt tíma hjá próf.
Hans-Ola Ericsson í Tónlistarhá-
skólanum í Piteå í Svíþjóð. Hún
stóðst inntökupróf í konsertorg-
anistadeildina þar og mun hefja nám
við hana næsta haust.
Listasafn Íslands Jón Ólafsson
heimspekingur heldur hádegisfyr-
irlestur í kaffistofu kl. 12.30-12.50.
Erindið nefnist: Myndir af bylting-
unni.
Digraneskirkja Kvennakór Kópa-
vogs heldur fyrstu vortónleika sína
kl. 20. Kórinn var stofnaður í janúar
sl. og syngja nú 60 konur í kórnum á
öllum aldri. Stofnandi og stjórnandi
er Natalía Chow og syngur hún ein-
söng á tónleikunum við píanóund-
irleik Julian M. Hewlett.
Bókasafn Hafnarfjarðar Ég býð
þér dús, mín elskulega þjóð. Leik-
og söngskemmtun byggð á ljóðlist
Halldórs Laxness er endurflutt kl.
17. Leikarar eru Jakob Þór Ein-
arsson og Felix Bergsson og tónlist-
armaðurinn Davíð Þór Jónsson. Í
dagskránni er komið víða við í verk-
um skáldsins.
Kaffileikhúsið Á tónleikum djass-
klúbbsins Múlans leikur B3 tríó kl.
21. Tríóið skipa Agnar Már Magn-
ússon orgelleikari, Ásgeir Ásgeirs-
son gítarleikari og Eric Qvick
trommuleikari. Á efnisskránni eru
frumsamin lög eftir Agnar og Ás-
geir, einnig nokkrir „standardar“ í
útsetningu þeirra félaga. Tríóið hef-
ur starfað í u.þ.b. níu mánuði og
hyggur á útgáfu geisladisks með
frumsömdu efni í haust og verður
eitthvað af þeim lögum á efnis-
skránni þetta kvöld.
Varmárskóli, Mosfellsbæ Vor-
tónleikar Reykjalundarkórsins eru
kl. 20. Á efnisskrá eru m.a. lög við
texta eftir Halldór Laxness, lög eftir
Sigfús Halldórsson og lög úr söng-
leikjum. Stjórnandi er Íris Erlings-
dóttir söngkona. Undirleikari Hjör-
dís Elín Lárusdóttir. Einsöngvari
Páll Sturluson.
Í DAG
 Sjá einnig Staður og stund á mbl.is
Lára Bryndís
Eggertsdóttir
Biblíurit nr. 8 – ný
þýðing er komið
út. Það hefur að
geyma fjórar bæk-
ur: 2. Mósebók,
4. Mósebók, Jes-
aja og Hósea. Þýð-
andi er dr. Sig-
urður Örn
Stefánsson, sem
verið hefur aðalþýðandi frá upphafi og
lagði sem fyrr hebreska textann til
grundvallar og þýddi eftir Biblia Hebr-
aica Stuttgartensia. Frá þeim texta
var aðeins vikið ef nauðsyn krafði.
Formáli er fyrir hverju riti eins og í
þeim heftum sem þegar hafa birst.
Með þessum formálum er ætlunin að
varpa ljósi á megininntak bókanna og
auðvelda lesendum skilning á efni
þeirra.
Útgefandi er Hið íslenska Biblíu-
félag. Bókin er 334 bls., prentuð í
Prentmet.
Trúmál
RÉTTINDASTOFA Eddu – miðlun-
ar og útgáfu hefur samið við hol-
lenska forlagið Signature um útgáfu-
réttinni á Mýrinni og Grafarþögn
eftir Arnald Indr-
iðason. Áður hef-
ur útgáfuréttur-
inn á Mýrinni
verið seldur til
Finnlands, Dan-
merkur og
Þýskalands. Hún
er tilnefnd til
Glerlykilsins,
Norrænu glæpa-
sagnaverð-
launanna, en upp-
lýst verður á morgun hver hlýtur
þau í ár. Þá var Mýrin tilnefnd til
Menningarverðlauna DV. Útgáfu-
rétturinn á Grafarþögn var nýverið
seldur til Þýskalands.
Hollenska forlagið Signature sér-
hæfir sig í útgáfu á glæpasögum,
ekki síst frá Norðurlöndunum. Með-
al höfunda á útgáfulista Signature
eru Karin Fossum, sem hlaut Gler-
lykilinn árið 1997, Unni Lindell og
Bjarne Reuter, sem bæði hafa verið
tilnefnd til Norrænu glæpasagna-
verðlaunanna.
Arnaldur Indriðason hefur sent
frá sér fimm glæpasögur. Synir
duftsins komu út hjá Vöku-Helga-
felli árið 1997, Dauðarósir 1998,
Napóleonsskjölin 1999, Mýrin árið
2000 og Grafarþögn í fyrra. Sögur
hans hafa notið mikilla vinsælda hér
á landi og er þess skemmst að minn-
ast að þegar Morgunblaðið birti á
dögunum bóksölulista sinn fyrir apr-
ílmánuð röðuðu bækur hans sér í
þrjú efstu sætin yfir skáldverk.
Nú eru í undirbúningi tvær kvik-
myndir eftir bókum Arnaldar. Balt-
asar Kormákur vinnur að gerð
myndar eftir Mýrinni og Snorri Þór-
isson stefnir að gerð alþjóðlegrar
myndar eftir Napóleonsskjölunum.
Mýrin og
Grafarþögn
til Hollands
Arnaldur
Indriðason
HIÐ íslenska bókmenntafélag
kynnti í gær 51. útgáfu í ritröð Lær-
dómsrita Bókmenntafélagsins, en
það er ritið Hjálpræði efnamanns
eftir Klemens frá Alexandríu. Verkið
er skrifað á annarri öld, en höfundur
þess er einn af „kirkjufeðrunum“
sem höfðu mikil áhrif á mótun krist-
innar trúar í borginni Alexandríu í
Egyptalandi. Í tilefni af útgáfu þessa
merka rits voru Jóhannesi Matthíasi
Gijsen biskupi kaþólsku kirkjunnar
á Íslandi og Karli Sigurbjörnssyni,
biskupi Íslands, afhent fyrstu ein-
tökin af bókinni í Þjóðmenningar-
húsinu við Hverfisgötu. Við sama til-
efni afhenti Bókmenntafélagið
biskupunum endurútgáfu Lærdóms-
ritsins Samræður um trúarbrögðin
eftir David Hume, sem út kom fyrir
þrjátíu árum en hefur verið ófáan-
legt um nokkurt skeið.
Við móttöku bókagjafarinnar
sagði herra Karl Sigurbjörnsson
heiður felast í því að taka við ritum
þessara tveggja merku heimspek-
inga, sem hvor um sig hefði lagt
mark á heimspekihefðina. „Ég veit
ekki hvað þeim hefði liðið vel í komp-
aníi við hvern annan, en báðir eru
áhrifavaldar á okkar hugsun, þótt
innlegg þeirra komi úr sitthvorri átt-
inni,“ sagði Karl og óskaði útgáfu-
starfsemi Bókmenntafélagsins alls
hins besta í framtíðinni.
Hjálpræði efnamanns er 51. ritið í
flokki Lærdómsrita Bókmennta-
félagsins og hið fyrsta sem nýr rit-
stjóri raðarinnar, Ólafur Páll Jóns-
son, annast. Bókin birtir nútímalega
umræðu um mótandi áhrif gildis-
lægra viðhorfa til auðs og tengir með
athyglisverðum hætti kristnar
trúarhugmyndir við hugmyndir plat-
ónskra hugsuða og stóumanna um
ólíkar dygðir og eðli sálarinnar. Í
inngangi verksins er gerð ítarleg
grein fyrir hugmyndum Klemensar,
helstu áhrifavöldum á hugsun hans
og sérkennum hins kristna boðskap-
ar í ritum hans. Þýðandi ritsins er
Clarence E. Glad, doktor í heimspeki
og guðfræði við Háskóla Íslands og
Kaupmannahafnarháskóla.
Morgunblaðið/Þorkell
Frá kynningu ritverksins Hjálpræði efnamanns eftir Klemens frá Alexandríu: Sigurður Líndal, Ólafur Páll
Jónsson ritstjóri, Karl Sigurbjörnsson biskup, Jóhannes Matthías Gijsen biskup og Clarence E. Glad þýðandi.
Hjálpræði efnamanns
í íslenskri þýðingu