Morgunblaðið - 23.05.2002, Síða 52

UMRÆÐAN
52 FIMMTUDAGUR 23. MAÍ 2002 MORGUNBLAÐIÐ
Bæjarstjórinn í
Garðabæ, Ásdís Halla
Bragadóttir, skrifar
grein í Morgunblaðið
14. maí síðastliðinn
þar sem hún lofar
„áframhaldandi
traustri fjármála-
stjórn“ meirihlutans í
Garðabæ.
Sjálfstæðisflokkur-
inn hefur verið 36 ár
samfellt við völd í
Garðabæ og ráðið hér
lögum og lofum. Nú
er svo komið að
skuldir bæjarfélagsins
eru komnar yfir 2,5
milljarða króna, líf-
eyrisskuldbindingar innifaldar.
Þetta er um 300.000 króna skuld á
hvern íbúa og svo talar bæjar-
stjórinn um trausta fjármálastjórn
sem sjálfstæðismeirihlutinn hefur
séð um í áratugi.
Nýlega kom fram í blaðaskrifum
að Ásdís Halla hefur hæstu laun
allra opinberra starfsmanna á Ís-
landi fyrir utan forseta Íslands.
Ekki ber það vott um að hagur
bæjarins sé hafður í fyrirrúmi.
Auk launanna fær hún afnot af
nýjum jeppa sem fjármagnaður er
af Glitni. Sem fulltrúi í bæjar-
stjórn bætast um kr. 200.000 við
launin. Eftir kosningarnar 25. maí
mun Ásdís kosta bæjarfélagið 1,1-
1,3 milljónir á mánuði og eru þá
nefndarstörf innifalin. Rétt væri
að Garðbæingum, sem bera kostn-
aðinn, yrði sendur ráðningarsamn-
ingurinn sem meirihlutinn gerði
við flokkssystur sína. Eitt af
fyrstu verkum Ásdísar Höllu sem
bæjarstjóra var að hækka veru-
lega laun fjögurra helstu embætt-
ismanna bæjarins. Það er auðvelt
að kaupa sér vinsældir á kostnað
bæjarsjóðs.
Það verður ekki séð að núver-
andi meirihluti bæjarstjórnar hafi
þá kosti til að bera
sem við Garðbæingar
þurfum, þ.e.a.s. skyn-
semi, framsýni, að-
hald í peningamálum
og hæfan leiðtoga, en
þetta er grundvallar-
atriði í stjórnun. Eft-
irtalin atriði bera vott
um lélega stjórnun
meirihlutans í bæjar-
stjórn:
1. Ramsar náttúru-
verndarsamningurinn
sem við Íslendingar
erum aðilar að, er
brotinn með landfyll-
ingu út í Arnarnes-
vog.
2. Án útboðs var gerður verk-
samningur við Gunnar og Gylfa
ehf. og Björgun ehf. um miklar
framkvæmdir við voginn. Í samn-
ingnum eru verktakarnir undan-
þegnir gatnagerðargjaldi og sú
spurning vaknar hver valdi þessa
verktaka og hvaða hagsmunir lágu
þar á bak við.
3. Iðnaðarhverfið í Molduhrauni
er með holræsakerfi sem er lokað í
báða enda. Undir hverfinu safnast
fyrir saur og skolp sem dælt er í
burtu öðru hverju í þar til gerða
bíla. Nú þegar fer að hlýna má bú-
ast við miklum fnyk yfir Flatirnar
– í réttri vindátt.
4. Gott dæmi um viðhorf meiri-
hlutans til íbúanna er pukrið sem
var í kring um landfyllinguna í
Arnarnesvogi. Haldnir voru fundir
með verktökum og arkitektum og
þess vandlega gætt að íbúar við
voginn fengju ekkert að vita.
5. Uppstillingarnefnd Sjálfstæð-
isflokksins gerði þá ótrúlegu
heimsku að taka Ingibjörgu
Hauksdóttur bæjarfulltrúa af
framboðslista flokksins í stað þess
að færa hana í 1. eða 2. sæti
listans. Það eru slæm skipti að fá
Ásdísi Höllu í stað Ingibjargar.
6. Á síðastliðnu ári fór bæjar-
sjóður kr. 500 milljónir fram úr
fjárhagsáætlun þrátt fyrir að fast-
eignagjöld á íbúðarhúsnæði eru
20% hærri í Garðabæ en í Reykja-
vík og Hafnarfirði.
7. Nokkrir vinir meirihlutans
hafa fengið úthlutað byggingalóð-
um sem viðkomandi aðilar hafa
síðan selt á almennum markaði en
það er brot á úthlutunarreglum. Á
sama tíma hefur bærinn hafnað
fjölda lóðaumsókna. Þetta er hluti
af spillingu sem verður til á 36 ára
valdaferli.
Ofangreind atriði bera vott um
lélega stjórnun en listinn gæti ver-
ið mun lengri.
Svo virðist að á 36 ára valdatíð
Sjálfstæðisflokksins í Garðabæ
hafi smám saman orðið til fámenn-
ur sérhagsmunakjarni sem
ákveður með yfirgangi að ekki
skuli vera prófkjör, hverjir eru
valdir í uppstillingarnefnd og
hverjir eiga sæti í fulltrúaráði
flokksins. Ég lít svo á að t.d. Jón
Guðmundsson fasteignasali og for-
maður fulltrúaráðsins sé einn úr
sérhagsmunakjarnanum. Hann
hefur fengið loforð frá Gunnari og
Gylfa ehf. um að selja fyrir þá
íbúðir á nýja strandsvæðinu en
eins og áður sagði fengu verktak-
arnir verkið án útboðs og greiða
ekki gatnagerðargjöld til Garða-
bæjar.
Það eru fleiri sjálfstæðismenn
en Davíð Oddsson sem vilja sam-
starf við framsóknarmenn. Ég
hvet sjálfstæðismenn í Garðabæ til
að gefa „meirihlutanum“ frí þetta
kjörtímabil og kjósa óháða og
framsókn, X-B.
Það er auðvelt
að kaupa sér
vinsældir
Pétur
Björnsson
Garðabær
Gott dæmi um viðhorf
meirihlutans til
íbúanna, segir Pétur
Björnsson, er pukrið
sem var í kringum
landfyllinguna í
Arnarnesvogi.
Höfundur er fv. forstjóri.
FRÁ norðurströnd
Reykjavíkur blasir við
Viðey grasi gróin og
austar er Geldinganes-
ið sem er einnig gróin
eyja, landföst með
granda, vonandi bygg-
ingarland fyrir fallega
byggð í nálægri fram-
tíð.
En í miðri ásýnd
Geldinganess blasir við
svart gapandi sár eftir
hervirki borgarstjórn-
arinnar. Virðist sárið
fara stækkandi. Frið-
sömu fólki hefur í
nokkur ár verið bannað
að fara um vesturhluta Geldinga-
nessins vegna sprenginga fyrir haf-
skipahöfn sem eitt sinn var áformuð
þarna. Höfnin verður líklegast aldrei
gerð vegna almennt breyttra við-
horfa til umhverfis og vegna nýrri
hugmynda um það hvernig borg og
náttúra geta mæst sem andstæður
og styrkt hvora aðra þannig að báðar
njóti sín vel.
Fokdýr fíflagangur
Afleiðingar aðgerða R-listans eru
stórfelld umhverfisspjöll og óhemju
kostnaður sem við
verðum að greiða ef við
ætlum að búa í Reykja-
vík áfram. R-listinn
boðar áframhald þess-
ara aðgerða. Fyrirheit-
in eru þau að flytja enn
meira grjót um endi-
langa Reykjavík vestur
fyrir Ánanaust og búa
til íþróttasvæði þar
sem nú er sjór. Þessi
fokdýri fíflagangur
mun halda áfram verði
R-listinn áfram við
völd.
Oddviti sjálfstæðis-
manna Björn Bjarna-
son hefur réttilega kall-
að þetta tvöfalt umhverfisslys.
Oddviti frjálslyndra hefur tekið í
sama streng.
Alvöru
borgarstjórn
Núverandi borgarstjóri hefur tal-
að á þá leið að málefni Geldinganess
séu ekki á dagskrá fyrr en eftir ára-
tug. En meðan þannig er talað halda
hervirkin áfram. Því spyr ég: Hefur
Björn Bjarnason og aðrir frambjóð-
endur til borgarstjórnar hugmyndir
um hvernig megi bæta þær skemmd-
ir sem orðnar eru í Geldinganesi? Má
ekki stöðva frekari grjótflutninga
fram til kosninga?
Aðalmálið er þó að Reykvíkingar
fái alvöruborgarstjórn með skyn-
samlegar áherslur. Það er ekki að-
eins hagsmunamál Reykvíkinga
heldur allra landsmanna að höfuð-
borginni sé skynsamlega stjórnað.
Hvernig má
bæta umhverfis-
slysið í Geld-
inganesi?
Ingólfur S.
Sveinsson
Höfundur er læknir og býr í
Vogahverfi.
Reykjavík
Afleiðingar aðgerða R-
listans, segir Ingólfur S.
Sveinsson, eru stórfelld
umhverfisspjöll og
óhemju kostnaður.
Á FJÖLSÓTTUM
fundi sem íbúasamtök
Grafarvogs héldu í
Rimaskóla 15. maí sl.
kom fram megn
óánægja með fram-
göngu R-listans í mál-
efnum þessa fjölmenna
og ört vaxandi hverfis.
Óánægjan varðaði
mörg málefni, m.a.
skóla-, skipulags-, um-
hverfis-, samgöngu-,
íþrótta- og heilsu-
gæslumál en ekki síður
skort á samstarfsvilja
borgarinnar við íbúa
hverfisins.
Skóla- og leikskóla-
mál eru ekki í viðunandi ástandi í
Staðahverfi og bíða þarf eftir úr-
lausn þeirra mála til ársins 2004.
Með því að koma yngstu nemendum
grunnskólans fyrir í bráðabirgða-
húsnæði á Korpúlfsstöðum eru ýms-
ir staðlar ekki uppfylltir fyrir nem-
endurna. Þessu til viðbótar hefur
skólaakstur verið lagður niður þrátt
fyrir mótmæli yfir 500 foreldra í
hverfinu.
Það er ekki aðeins á sviði grunn-
skólamála sem barnafjölskyldum í
Grafarvogi er mismunað miðað við
aðra borgarbúa. Aðeins 9% barna í
hverfinu njóta niðurgreidds tónlist-
arnáms á meðan hlutfallið er 18% í
grunnskólum borgarinnar. Þetta
stafar m.a. af því að börn í Tónskóla
Hörpunnar í Grafar-
vogi njóta ekki niður-
greidds tónlistarnáms,
sem stríðir gegn mark-
miðum samkeppnis-
laga.
Miklar deilur hafa
verið um fyrirhugað
skipulag á svonefndri
Landsímalóð sem er
óbyggt svæði norðan
Rimaskóla. Skipulagið
felur í sér þéttari og
háreistari byggð en
fyrir er og mun leiða til
þess að skólamál og
umferðarmál í hverfinu
fara úr skorðum. 540
íbúar í Rimahverfi og
nágrenni hafa mótmælt þessu með
undirskriftasöfnun, sem mun miðað
við fyrri reynslu skila litlum árangri.
Barátta íbúa við við Garðhús
vegna lagningar umferðaræðar
(Hallsvegar) skammt frá heimili
þeirra hefur verið þeim dýrkeypt og
kostað málaferli. Íbúarnir hafa þurft
að láta í minni pokann hingað til.
Einnig hefur skipulagi við Vætta-
borgir verið breytt eftir á, íbúum
þar til mikils ama.
Mikil umræða hefur orðið um
mengun fjörunnar við Hamrahverfi
og í Eiðsvíkinni. Þar eru þrjár út-
rásir fyrir skólp með tilheyrandi
sjónmengun og aðskotahlutum.
Saurgerlamengun er umtalsverð á
svæðinu og hefur jafnvel mælst
margfalt yfir viðmiðunarmörkum.
Krafa Grafarvogsbúa er sú að
hreinsun strandlengjunnar á svæð-
inu og varanlegri lausn þessara
mála verði flýtt eins og kostur er.
Frárennslismál í Elliðavogi, þar sem
mengaður úrgangur frá fyrirtækj-
um rennur í sjó skammt frá ósum
Elliðaánna, eru líka með öllu óvið-
unandi og hafa vafalítið slæm áhrif á
laxastofninn í ánum og viðgang
hans. Það hlýtur að vera metnaðar-
mál Reykvíkinga að bjarga lífríki
Elliðaánna en það eykur enn vanda
þessarar náttúruperlu að bæjaryf-
irvöld í Kópavogi vilja reisa þétta
byggð við Elliðavatn, með tilheyr-
andi mengunarálagi. Það var sam-
kvæmt tillögu undirritaðs í borgar-
stjórn Reykjavíkur að
Reykjavíkurborg fór fram á sam-
starf við Kópavog um svonefnt
Vatnsendaskipulag. Það samstarf
hefur ekki skilað tilætluðum ár-
angri, enda eru forystumenn Sjálf-
stæðisflokksins í Kópavogi langt frá
því að vera hlynntir umhverfis-
vernd. Vegna flokkspólitískra hags-
muna hefur borgarstjórnarflokkur
Sjálfstæðisflokksins dregið lappirn-
ar í Vatnsendamálinu.
Rétt eins og breikkun Ártúns-
brekkunnar og síðar Gullinbrúar
var mikilvæg fyrir Grafarvogshverfi
verður tilkoma Sundabrautar lyfti-
stöng fyrir samgöngumál á öllu
svæðinu frá Grafarvogi um Geld-
inganes, Gunnunes, Álfsnes og yfir á
Kjalarnes. F-listinn leggur einmitt
sérstaka áherslu á flýtingu Sunda-
brautar og byggðar meðfram
ströndinni, þ. á m. íbúðarbyggðar á
Geldinganesi. Undirritaður beitti
sér mjög fyrir breikkun Ártúns-
brekkunnar og Gullinbrúar á sínum
tíma. Aðrar mikilvægar fram-
kvæmdir í vegtengingum hverfisins
eru mislæg gatnamót Víkurvegar og
Vesturlandsvegar, tenging Staða-
hverfis við Vesturlandsveg og Mos-
fellsbæ og hringtorg á mótum
Strandavegar og Rimaflatar.
Grafarvogsbúar eru óánægðir
með lág fjárframlög borgarinnar til
Fjölnis, sem hefur unnið mikið upp-
byggingarstarf á sviði íþrótta- og
æskulýðsmála í hverfinu. D-listinn
hefur ekki síður en R-listinn van-
metið félagið og lítilsvirt einn helsta
forystumann þess, Snorra Hjalta-
son, með því að taka hann af lista
Sjálfstæðisflokksins fyrir þessar
kosningar. Ekki fékk hinn dugmikli
forystumaður íbúasamtaka Grafar-
vogs, Hallgrímur Sigurðsson, betri
viðtökur hjá Sjálfstæðisflokknum.
Grafarvogsbúar ættu að hafa það
hugfast þegar þeir ráðstafa atkvæði
sínu.
Heilsugæslumálin hafa verið
átakapunktur milli Grafarvogsbúa
annars vegar og R-listans og heil-
brigðisráðuneytisins hins vegar.
Undirritaður hefur beitt sér mjög í
heilsugæslumálum Grafarvogsbúa
sem stjórnarmaður í Heilsugæsl-
unni í Reykjavík sl. 12 ár og átti þátt
í að koma á fót heilsugæslustöð við
Hverafold árið 1992. Brýnt var orðið
að fjölga heilsugæslustöðvum í
hverfinu og því var tilkoma nýrrar
heilsugæslustöðvar í Spönginni
fagnaðarefni. En heilbrigðisyfirvöld
og fulltrúar R-listans í stjórn
Heilsugæslunnar hafa þvert á tillög-
ur mínar og mótmæli yfir 1.000
Grafarvogsbúa staðið fyrir lokun
heilsugæslustöðvarinnar í Hverafold
eftir að nýja stöðin kom í Spöngina.
Þau mál sem ég hef greint frá hér
að framan sýna í hnotskurn að allt
tal R-listans um hverfalýðræði og
sjálfsákvörðunarrétt íbúanna er inn-
antómt hjal. Undirskriftasafnanir
íbúa til að mótmæla þessum vinnu-
brögðum R-listans hafa lítinn til-
gang. Þeir hljóta því að svara fyrir
sig með að greiða þeim lista atkvæði
sitt á kjördag sem er líklegastur til
að sinna málefnum hverfisins. Með
vísan til starfa minna í þágu Graf-
arvogsbúa sem borgarfulltrúi í
Reykjavík á undanförnum árum
leita ég eftir stuðningi þeirra við F-
listann í kosningunum á laugardag-
inn. Þeir Grafarvogsbúar sem kjósa
F-listann vita að atkvæði þeirra
mun nýtast til framfara í hverfinu
og betra samstarfs við borgaryfir-
völd.
R-listinn hundsar
Grafarvogsbúa
Ólafur F.
Magnússon
Reykjavík
Þeir Grafarvogsbúar
sem kjósa F-listann,
segir Ólafur F. Magn-
ússon, vita að atkvæði
þeirra mun nýtast til
framfara í hverfinu og
betra samstarfs við
borgaryfirvöld.
Höfundur er læknir og borg-
arfulltrúi. Hann skipar 1. sæti
F-listans í Reykjavík.