Morgunblaðið - 04.06.2002, Page 15

SUÐURNES
MORGUNBLAÐIÐ ÞRIÐJUDAGUR 4. JÚNÍ 2002 15
SJÓARINN síkáti var haldinn í
Grindavík um helgina og náði há-
marki á sjómannadaginn. Þessi
sjómanna- og fjölskylduhátíð er
orðinn fastur liður í lífi ansi
margra og eru mörg dæmi þess
að gamlir vinir, ættingjar og
fleiri venji komu sína í bæinn á
hátíðina.
Nokkrir áhugasamir voru á
tjaldstæði bæjarins, margir gistu
í heimahúsum og nokkuð var um
uppsett fellihýsi í heimkeyrslum
Grindvíkinga þetta árið. Dag-
skráin var fjölbreytt að venju en
hún hófst með sundlaugarteiti
fyrir unglingana í 8.–10. bekk á
föstudagskvöldið. Böll voru öll
kvöldin og Festi troðfullt á laug-
ardagskvöldið á sjómannadags-
ballinu.
Á laugardeginum var fjölmenni
í skemmtisiglingu á Geirfugli og
þá tók við kappróður. Mjög marg-
ar sveitir tóku þátt þetta árið og
greinilegt að gamla góða
stemmningin er að koma aftur.
Margar landsveitir voru í bún-
ingum en engin þó í jafn sér-
kennilegum búningum og sveit
Hafurbjarnar sem mætti á sund-
bolum við góðar undirtektir
áhorfenda.
Margir tóku daginn snemma á
sunnudaginn og skelltu sér í
Grindavíkurhlaupið en þar var
hægt að velja um 3,5 km, 5 km
eða 10 km.
„Já, þetta hlaup er búið að ná
góðri fótfestu. Þetta er sjöunda
árið og hlaupararnir koma víða
að auk þess sem fjöldi þátttak-
enda fer vaxandi. Við erum með
fleiri aldursflokka en tíðkast í
öðrum hlaupum og hlaupaleið-
irnar eru skemmtilegar. Margir
af þátttakendum sem koma
lengra að eyða síðan deginum hér
enda ekki ólíklegt að einhverjir
þeirra vinni í útdrætti veitingar í
boði veitingahúsanna í bænum,“
sagði Ágústa Gísladóttir, umsjón-
armaður hlaupsins.
Hátíðarhöld voru með hefð-
bundnu sniði á sjómannadaginn
sjálfan, meðal annars með því að
aldraðir sjómenn voru heiðraðir.
Svo skemmtilega vildi til að í
þetta sinn voru það hjón sem
heiðruð voru sérstaklega, heið-
urshjónin Jóhanna Pétursdóttir
og Steinþór Þorvaldsson sem
kynntust á sjó og unnu mikið
saman á sjó. Í kjölfarið fylgdi sjó-
mannadagsræða Túrillu hinnar
færeysku við góðar undirtektir
nærstaddra. Þá tóku við hefð-
bundin skemmtiatriði á bryggju-
svæðinu en auk þess var þar hægt
að finna eitthvað fyrir alla allt
frá Sprell-leiktækjum til hand-
verkssýningar í íþróttahúsinu
Hjónin Jóhanna Pétursdóttir og Steinþór Þorvaldsson voru heiðruð á
sjómannadaginn. Sævar Gunnarsson óskar Steinþóri til hamingju.
Sjómanna- og fjölskylduhátíðin Sjóarinn síkáti er fastur liður í bæjarlífinu
Hjón heiðruð á
sjómannadaginn
Grindavík
Morgunblaðið/Garðar Páll Vignisson
Áhöfn Geirfugls var fjölmenn í skemmtisiglingunni á laugardag.
BORGARKVARTETTINN heldur
tónleika í Ytri-Njarðvíkurkirkju í
kvöld, þriðjudagskvöld, klukkan 20.
Félagarnir í Borgarkvartettinum
hafa sungið víða undanfarin tvö ár og
eru um þessar mundir í tónleikaferð
um landið. Þeir komu meðal annars
fram á árshátíð Starfsmannafélags
Reykjanesbæjar á liðnum vetri.
Borgarkvartettinn skipa Þorvaldur
Halldórsson, Þorvaldur Þorvaldsson,
Ásgeir Páll Ágústsson og Atli Guð-
laugsson. Efnisskráin er fjölbreytt og
samanstendur af lögum úr söngleikj-
um, dægurlögum og ýmsum klassísk-
um smellum. Meðal annars syngur
Þorvaldur Halldórsson Á sjó í nýrri
útsetningu fyrir kvartett. Agnar Már
Magnússon leikur undir á píanó og
gestasöngvari á tónleikunum er
Kristjana Helga Thorarensen.
Borgar-
kvartettinn
með tónleika
Njarðvík
BROTIST var inn í sumarbústað á
Vatnsleysuströnd í fyrrinótt. Fjölda
verkfæra var stolið, samkvæmt upp-
lýsingum lögreglunnar í Keflavík.
Lögreglan hafði afskipti af þrem-
ur ökumönnum sem óku yfir lög-
leyfðum hámarkshraða á Garðvegi í
fyrrakvöld. Sá sem hraðast fór
mældist á 141 km hraða á klukku-
stund en á þessum vegi er 90 kíló-
metra hámarkshraði.
Verkfærum
stolið
Vatnsleysuströnd/Garðvegur
♦ ♦ ♦