Morgunblaðið - 12.09.2002, Blaðsíða 12

HÖFUÐBORGARSVÆÐIÐ
12 FIMMTUDAGUR 12. SEPTEMBER 2002 MORGUNBLAÐIÐ
TOLKIEN-VEISLA
Fjölvaútgáfan - Njörvasundi 15 A - S: 568 8433 - www.f jo
SANNKÖLLUÐ VEISLA
FYRIR UNNENDUR
HRINGADRÓTTINSSÖGU
Dagana 13. og 14. september gangast
Stofnun Sigurðar Nordals og Norræna
húsið fyrir alþjóðlegri ráðstefnu um
Hringadróttinssögu eftir J.R.R. Tolkien.
Fjöldi fyrirlesara, íslenskir og erlendir
flytja erindi. Helstu viðfangsefni ráðstefn-
unnar verða:
* Hringadróttinssaga og helstu mýtur hennar.
* Tengsl hennar við norrænan menningararf.
* Samanburður á úrvinnslu Tolkiens og
Nóbelsverðlaunahafanna Halldórs Laxness og
Sigrid Undset á þessum arfi.
Ráðstefnan hefst í Norræna húsinu föstudaginn
13.september, kl. 9:00. Ráðstefnugjald er kr. 1.500.-
(kaffi og ráðstefnugögn innifalin).
Frekari upplýsingar fást á skrifstofu Stofnunar Sigurðar
Nordals og á heimasíðu hennar: www.nordals.hi.is
sími 533 4300
VIÐ APAVATN
Glæsilegur og mjög vandaður ca 70
fm sumarbústaður sem staðsettur er í
einstaklega fögru umhverfi við vatnið.
Húsið skiptist í 3 herb., stofu, eldhús,
baðherb. með sturtu, geymslu o.fl.
Rafmagn og hitaveita. Mjög stór nýleg
verönd með heitum potti. Bátaskýli
við vatnið. Allt innbú fylgir með í kaupunum. Stór lóð með leiktækjum fyrir börn. Hér
er um einstaklega góða staðsetningu að ræða.
VAÐNES – GRÍMSNESI
Glæsilegur 73,9 fm sumarbústaður
staðsettur í mjög fögru og kjarrivöxnu
umhverfi í Grímsnesi. Húsið skiptist í
3 góð svefnherb., stóra stofu, eldhús
og baðherb. Rafmagn og hitaveita.
Stór verönd og heitur pottur. Sér-
smíðað útigrill o.fl. 1 ha afgirt lóð með
stórri flöt með leiktækjum fyrir börn.
Allt innbú fylgir með í kaupunum. Frá-
bært tækifæri fyrir vandláta.
Sumarhús fyrir vandláta
liðavatn og ánni Bugðu. Áin sést hér hlykkjast frá
vatninu sem er fremst á myndinni.
Vestan megin við Suðurlandsveg og norðan við
Breiðholtsbrautina er Seláshverfi en íbúar þar hafa
lagst verulega gegn skipulaginu og hið sama má
segja um eigendur hesthúsa á svæðinu sjálfu.
Búist er við að athugasemdirnar verði lagðar fram
á fundi skipulags- og bygginganefndar Reykjavíkur í
næstu viku.
UNNIÐ er að yfirferð athugasemda við tillögu að
deiliskipulagi Norðlingaholts um þessar mundir hjá
Skipulags- og byggingasviði Reykjavíkurborgar en
alls bárust 29 athugasemdabréf og fimm undir-
skriftalistar með 275 undirskriftum.
Svæðið sem um ræðir afmarkast af Suðurlands-
vegi, Breiðholtsbraut, almennu útivistarsvæði við El-
Morgunblaðið/Árni Sæberg
Horft yfir skipulagssvæði
Norðlingaholt
AFSKIPTI voru höfð af tæplega 50
krökkum á aldrinum 11 - 16 ára síð-
astliðin föstudags- og laugardags-
kvöld í Mosfellsbæ vegna brota á úti-
vistarreglum
Frá þessu er greint á heimasíðu
Mosfellsbæjar en lögreglan í Mos-
fellsbæ hefur á undanförnum árum
fylgt eftir reglum um útivistartíma
barna og unglinga í samvinnu við fé-
lagsmálasvið Mosfellsbæjar. Fram
kemur að samstarfið hafi gefið góða
raun. Félagsmálasvið mun í kjölfarið
boða börnin og forsjáraðila þeirra til
fundar en á heimasíðunni segir að
það sé hugsað sem stuðningur við
foreldra, þar sem það geti oft verið
vísbending um að ekki sé allt með
felldu ef börn og unglingar eru úti
eftir löglegan útivistartíma.
„Það hefur sýnt sig að fikt með
vímuefni og líkamsárásir eiga sér
frekar stað eftir að útivistartíma lýk-
ur og víða leynast ýmsar hættur
einkum um helgar,“ segir þar.
Frá 1. september til 1. maí mega
börn 12 ára og yngri ekki vera á al-
mannafæri eftir kl. 20 og börn á aldr-
inum 13-16 ára mega ekki vera á al-
mannafæri eftir kl. 22 nema í fylgd
með fullorðnum. Undanskilið er ef
börnin eru á heimleið frá viður-
kenndri skóla-, íþrótta- eða æsku-
lýðssamkomu.
Útivistartíma barna og unglinga
fylgt eftir um síðustu helgi
Afskipti höfð
af ungmennum
Mosfellsbær
GAMLA Hegningarhúsið við
Skólavörðustíg hefur heldur betur
breytt um svip eftir að fangelsis-
múrarnir, sem sneru að götunni,
voru felldir í sumar. Voru breyt-
ingarnar hluti af endurnýjun
Skólavörðustígs en við niðurrif
múranna breikkaði gatan um tvo
metra.
Húsið var tekið í notkun fyrir
128 árum eða árið 1874 en í dag er
þar rekin skammtímavist fyrir
fanga. Aðstaða þeirra er hins veg-
ar hinum megin í húsinu og munu
fangarnir áfram geta nýtt sér lok-
aðan garð sem er norðan við húsið.
Morgunblaðið/Þorkell
Ný ásýnd
Hegningarhússins
Miðborg
HREPPSNEFND Bessastaða-
hrepps samþykkti á síðasta fundi
sínum að fela sveitarstjóra að leita
samninga við Náttúrufræðistofnun
Íslands um ráðgjöf við skipulagn-
ingu golfvallar á norðurnesinu. Sig-
urður Magnússon, Á-lista, sat hjá
og ítrekaði andstöðu sína við golf-
völl á tjarnarsvæði norðurnessins.
Hann sagðist telja að svæðið ætti
frekar að skipuleggja til útivistar og
náttúruskoðunar.
Gunnar Valur Gíslason, sveitar-
stjóri, segir að málið eigi sér langan
aðdraganda, en að skipulags- og
umhverfisnefndir hafi það nú til
umfjöllunar. „Við ætlum að stefna
að því að þarna verði umhverfis-
vænn golfvöllur,“ segir Gunnar Val-
ur, sem þýði að farið verði eftir um-
hverfisstöðlum
Evrópusambandsins.
„Þá þurfum við að skoða ýmsa
þætti vandlega, t.d. sem varða nátt-
úruna. Þarna er svæði sem við höf-
um ætlað að nýta til að endur-
heimta votlendi og stuðla með þeim
hætti að að því náttúran taki við
sér.“ Hann segir að unnið verði að
sömu markmiðum, þ.e. endurheimt
votlendis, við gerð golfvallarins.
„Golfvöllurinn yrði þannig úr garði
gerður að fuglalíf og gróðurlíf
myndi aukast og blómstra í kring
um hann.“
Gunnar Valur segir að Náttúru-
fræðistofnun hafi í gegnum árin
haft eftirlit með viðkvæmum nátt-
úrusvæðum á þessum slóðum. Hann
segir skipulagsyfirvöld hreppsins
og sérfræðinga Náttúrufræðistofn-
unar því fara saman yfir hugmynd-
irnar.
Umhverfis-
vænn golfvöllur
Bessastaðahreppur
SAMKVÆMT skýrslu sem
lögð var fram í umhverfisnefnd
Mosfellsbæjar í síðustu viku
vegna veiða á minki og varg-
fugli í bæjarfélaginu hafa 72
minkar verið veiddir það sem af
er árinu. Þar af eru 52 yrðling-
ar, 13 læður og 7 karldýr.
Þá voru veiddir 636 vargfugl-
ar á þessu ári við Lágafell, Úlf-
arsfell og í Mosfellsdal, þar af
396 fullorðnir og 240 ungar.
Einnig voru 98 egg tekin.
Að sögn Tryggva Jónssonar,
bæjarverkfræðings, er veiði á
vargfugli fyrir þetta ár lokið. Í
undirbúningi er að senda
skýrslu til Veiðimálastofnunar
vegna veiða á minki en stofn-
unin greiðir til baka að hluta
þann kostnað sem af hlýst.
Veiðar á mink
og vargfugli
72 minkar
í valnum
Mosfellsbær