Morgunblaðið - 12.09.2002, Blaðsíða 14
AKUREYRI
14 FIMMTUDAGUR 12. SEPTEMBER 2002 MORGUNBLAÐIÐ
Norðurlandsdeild SÁÁ
boðar til aðalfundar miðvikudaginn
18. september
kl. 20.30 á Glerárgötu 20, efri hæð.
Dagskrá:
1. Venjuleg aðalfundarstörf
2. Tillaga stjórnar um að leggja niður
Norðurlandsdeild SÁÁ.
Stjórnin.
KNATTSPYRNUMENN og konur í
Íþróttafélaginu Þór sjá fram á betri
tíð á næsta ári en þessa dagana eru
að hefjast framkvæmdir við upp-
byggingu grasvalla á félagssvæð-
inu, þar sem áður var malarvöllur
félagsins og þar í kring. Einnig
verður lýsing endurbætt og malbik-
aður göngustígur frá Glerárskóla
og að Hamri, félagsheimili Þórs.
Heildarkostnaður við framkvæmd-
irnar er áætlaður 23 milljónir
króna. Sá kostnaður mun hins veg-
ar verða eitthvað lægri, þar sem fé-
lagsmenn í Þór ætla að sjá um sjálfa
þökulagninguna. Framkvæmdir við
fjölnota íþróttahúsið ganga sam-
kvæmt áætlun en ekki er gert ráð
fyrir að húsið verði tilbúið til notk-
unar fyrr en í byrjun febrúar á
næsta ári.
Stór hluti af grassvæði félagsins
fór undir fjölnota íþróttahúsið og
var jarðvegur úr grunni fjölnota-
hússins færður yfir á malarvöllinn
og hann þannig hækkaður upp.
Þórsarar hafa því aðeins haft einn
grasvöll til æfinga á félagssvæðinu í
sumar og hafa allir flokkar, jafnt
karla og kvenna, einnig þurft að
leita annað eftir æfingaaðstöðu,
bæði innanbæjar og á Eyjafjarð-
arsvæðinu. Vegna álags er grasvöll-
urinn sunnan við Hamar, félags-
heimili Þórs, farinn að láta verulega
á sjá.
Svæðið sem þökulagt verður er
alls um 16.500 fermetrar og þar
verður hægt að koma fyrir tveimur
völlum, þvert á grasvöllinn sunnan
við Hamar, 68x100 metrar og 69x90
metrar, eða einum enn stærri,
68x105 metrar, samsíða núverandi
grasvelli.
Ekki hægt að leggja efnin
nema við ákveðið hitastig
Framkvæmdir við fjölnota
íþróttahúsið ganga samkvæmt áætl-
un en stefnt er að því að ljúka við að
klæða og loka húsinu um miðjan
næsta mánuð. Verktakinn, Íslenskir
aðalverktakar, á að skila verkinu af
sér hinn 22. desember nk. Liðirnir
gervigras og búnaður voru teknir
út úr tilboði ÍAV og eru á könnu
bæjarins. Að sögn Guðríðar Frið-
riksdóttur, framkvæmdastjóra
Fasteigna Akureyrarbæjar, er ráð-
gert að vinna við lagningu gervi-
grassins og hlaupa- og stökkbrauta
hefjist í lok þessa árs. Það ráðist þó
alfarið af veðurfari, þar sem ekki sé
hægt að leggja efnin nema við
ákveðið hitastig. Fjölnotahúsið
verður einangrað en ekki upphitað.
Guðríður sagði að ekki væri gert
ráð fyrir að húsið yrði tilbúið til
notkunar fyrr en í byrjun febrúar á
næsta ári. „Við getum ekki lofað
neinu en það væri frábært ef sú
tímasetning gengi eftir.“
Morgunblaðið/Þórhallur Jónsson
Vinna við byggingu fjölnota íþróttahúss á félagssvæði Þórs gengur samkvæmt áætlun og eins og sést á þessari loftmynd er nú verið að klæða þak húss-
ins. Þá er að fara í gang vinna við að þökuleggja malarsvæðið sunnan við fjölnota húsið. Lagning gervigrass á að hefjast í lok ársins.
Uppbygging grasvalla fyrir 23 milljónir króna að hefjast á félagssvæði Þórs
Fjölnota íþrótta-
húsið tilbúið í
byrjun febrúar
ÞVERT á spár manna fyrir um ári,
eftir árásirnar á Bandaríkin hefur
ferðaþjónusta í vestnorrænu löndun-
um þremur, Íslandi, Færeyjum og
Grænlandi ekki dregist saman.
Fram kom í máli ferðamálafulltrúa
landanna þriggja á fundi á Akureyri í
gær að þrátt fyrir að menn hefðu á
liðnu ári óttast samdrátt í ferðaþjón-
ustu í kjölfar árásanna hefði tekist að
snúa vörn í sókn á ýmsum sviðum.
Þegar hefði verið brugðist við til að
lágmarka áhrifin í ferðaþjónustunni
og það hefði tekist. Raunar meir en
það því ferðamönnum hefði fjölgað í
umræddum löndum og lýstu ferða-
málastjórarnir ánægju með það.
Vestnorræna ferðakaupstefnan,
Vest-Norden hófst í Íþróttahöllinni á
Akureyri í gær og lýkur henni síð-
degis í dag, fimmtudag. Þetta er í 17.
sinn sem kaupstefnan er haldin, en
hún er sérstaklega ætluð aðilum í
ferðaþjónustu. Markmiðið er að
kynna fólki í ferðaþjónustu úti í
heimi sem selja ferðir til landanna
þriggja það helsta sem í boði er í
löndunum á sviði ferðaþjónustu. Um
500 manns sækja kaupstefnuna að
þessu sinni og koma þeir frá ríflega
20 þjóðlöndum. Í hópnum eru um 290
aðilar sem bjóða vöru eða þjónustu
til sölu í löndunum þremur, um 150
manns sem selja ferðir til þeirra auk
fjölmiðlamanna og opinberra gesta.
Ferðamálaráð Íslands skipulegg-
ur Vest-Norden ferðakaupstefnuna
og er það stefna ráðsins að dreifa við-
burðum á þess vegum sem víðast um
landið eftir því sem aðstæður leyfa.
Því er kaupstefnan ekki alltaf haldin
á sama stað í hverju landi. Þetta er í
þriðja sinn sem kaupstefnan er hald-
in á Akureyri.
Færeyingar horfa mjög til þess að
með tilkomu nýrrar Norrönu á
næsta ári muni skapast nýir mögu-
leikar í ferðaþjónustu og ferða-
mannastraumur til eyjanna muni
aukast. Þá má nefna að Grænlend-
ingar hafa miklar væntingar um far-
sælt samstarf við Íslendinga á sviði
ferðaþjónustu, einkum varðandi
áætlunarflug milli landanna. Þess er
vænst að flug milli Nuuk og Reykja-
víkur geti hafist í júní á næsta ári og
um það verði gerður þriggja ára
samningur milli landanna.
Um 500 manns á ferðakaupstefnu
Morgunblaðið/Kristján
Stefán Kristjánsson og Juliane Brigitte Kauertz frá Pólarhestum í
Grýtubakkahreppi kynna starfsemi sína á ferðakaupstefnunni.
Vöxtur í ferða-
þjónustu allra
landanna
Framrúðuklukkur í bíla
í stað gjaldmæla
Á skiltinu sést á hvaða tímum
nota skal klukkurnar og hversu
lengi má vera á stæðinu í einu.
GUÐMUNDUR Jóhannsson formað-
ur umhverfisráðs Akureyrarbæjar
kynnti á fundi ráðsins nýlega hug-
myndir um „framrúðuklukkur“ til
notkunar á bílastæðum í miðbæ Ak-
ureyrar. Guðmundur sagði að þarna
væri um að ræða nýja aðferð við að
takmarka og stýra stöðu bifreiða á
bílastæðum á Akureyri. Hann sagði
um algjöra byltingu að ræða, enda
kerfið einfalt og ódýrt. Með þessari
breytingu yrði frítt í öll bílastæði í
bænum í ákveðinn tíma og að aðeins
yrði um að ræða sektir ef menn virtu
ekki tímamörk.
Með tilkomu framrúðuklukkna
heyrðu stöðumælar og miðamælar
sögunni til og ökumenn þyrftu þá ekki
að nota peninga. Áfram þyrfti mann-
skap til þess að fylgjast með því að
tímamörk væru virt og skrifa sektir ef
menn gerðust brotlegir.
Guðmundur sagði að forsvarsmenn
fyrirtækja í miðbænum hefðu kvartað
mikið undan skorti á bílastæðum, auk
þess sem mörg bílastæði væru upp-
tekin allan daginn af fólki sem starf-
aði í miðbænum. Með þessari breyt-
ingu gæti fólk lagt frítt í ákveðinn
tíma, t.d. í 15 mínútur, hálfa klukku-
stund, eina klukkustund eða jafnvel
lengur. Guðmundur sagði að þetta
kerfi væri notað víða erlendis með
góðum árangri. Hann sagði klukk-
urnar fjöldaframleiddar úr pappa og
oftast kostaðar af fyrirtækjum. Þær
yrði hægt að nálgast á bensínstöðvum
og víðar.
Ökumenn sektaðir
ef tímamörk eru ekki virt
Kerfið er sem fyrr segir einfalt.
Ökumaður sem kemur í bílastæði kl.
14.00, þar sem leyfilegur biðtími er
t.d. 15 mínútur, stillir klukku sína á kl.
14 og setur hana fram á mælaborðið í
bíl sínum. Hann þarf svo að vera far-
inn 15 mínútum síðar en á að öðrum
kosti á hættu að lenda fyrir bíla-
stæðaverði, sem myndi umsvifalaust
sekta viðkomandi fyrir að hafa ekki
virt tímamörk.
Guðmundur sagði að það myndi
kosta eitthvað að skipta úr núverandi
kerfi, auk þess sem tekjur bílastæða-
sjóðs myndu minnka. Tekjurnar
kæmu einungis frá sektargreiðslum,
sem reyndar gætu orðið meiri í upp-
hafi, svona rétt á meðan notendur
væru að venjast kerfinu. Hann sagði
að núverandi kerfi væri til að stýra
stöðu bifreiða en ekki sem tekjustofn
bæjarsjóðs. Hann sagði jafnframt
nausynlegt að fram fari ítarleg kynn-
ing á þessari breytingu, ef af verður.
Umhverfisráð samþykkti á fundi
sínum að skipa starfshóp til að endur-
skoða og koma með tillögur að
breyttu fyrirkomulagi að gjaldtöku á
bílastæðum í miðbænum. Umhverfis-
ráð tilnefndi Guðmund formann og
Jón Inga Cæsarsson sem fulltrúa sína
í starfshópinn en fulltrúi bæjarráðs er
Jakob Björnsson.
Frítt yrði
í öll bíla-
stæði í
bænum