Morgunblaðið - 12.09.2002, Blaðsíða 18

LANDIÐ
18 FIMMTUDAGUR 12. SEPTEMBER 2002 MORGUNBLAÐIÐ
ÁBÚENDUR á Ökrum á Hellnum
sendu nýverið út boðsbréf til sveit-
unga sinna. Þar var þeim boðið að
mæta að Ökrum laugardaginn 7.
september og þiggja veitingar og
fagna með þeim fertugsafmæli
hvors um sig.
Sveitungarnir brugðust vel við
og mættu um kvöldverðarleytið að
Ökrum í blíðskaparveðri. Ábú-
endur höfðu tjaldað veglegu sam-
komutjald utan um gamlan trébát
sem heitir Glaður og bróðir Krist-
ins á Ökrum hafði eitt sinn gert út.
Báturinn var löngu búinn að tapa
haffærisskírteini en fékk nú það
göfuga hlutverk að þjóna sem bar.
Afmælið breyttist
í skírnarveislu…
Framan við stefni bátsins svign-
uðu veisluborð af matföngum sem
Pétur Þórðarson matreiðslumaður
hafði útbúið og mátti þar finna
hrátt hangikjöt, grafið lambakjöt,
harðfisk, hákarl, fiskisúpu, ýmiss
konar pottrétti og grafinn kola svo
nokkuð sé nefnt. Um það leyti sem
borðhaldi lauk voru allir beðnir um
að flytja sig úr samkomutjaldinu
og út í uppgerða hlöðu. Þar var
dregið fram borð og á það sett skál
og kanna. Veislugestir fóru nú að
pískra sín á milli um hvað skyldi
gerast næst. Ekki leið á löngu áður
en í ljós kom að meiningin var að
skíra yngstu dóttur ábúendanna og
hlaut hún nafnið Kristín María, en
Kristínarnafnið er í höfuðið á móð-
ur Ólínu á Ökrum.
…og svo í brúðkaup
Varla var skírnin afstaðin þegar
sóknarpresturinn, séra Guðjón
Skarphéðinsson á Staðastað, tók
upp stráknippi sem lá við skírn-
arskálina og rétti Ólínu. Fór þá
mikill kliður um salinn því ljóst var
að Ólína Gunnlaugsdóttir og Krist-
inn Jón Einarsson ætluðu að láta
gefa sig saman í hjónaband þarna
á staðnum. Björgvin Gíslason
hljómlistarmaður reiddi fram ljúfa
tóna áður en athöfnin hófst og á
eftir ríkti mikil gleði meðal veislu-
gesta, en hinum nýbökuðu hjóna-
kornum hafði tekist svo vel að
halda ætlun sinni leyndri að jafnvel
systkini þeirra vissu ekki af henni.
Eftir athöfnina spilaði hljóm-
sveitin Hundslappadrífa með Þor-
kel Símonarson í fararbroddi en sú
hljómsveit hefur einmitt haldið
tónleika víða um land með Ólínu.
Þegar Hundslappadrífa hafði lokið
tónleikahaldi sínu færðu meðlimir
hennar Ólínu og Kristni að gjöf
tónleika með Helga og hljóðfæra-
leikurunum sem héldu uppi
stemmningu langt fram á nótt. Var
leikur þeirra tvisvar rofinn af
veislugestum. Í annað skiptið þeg-
ar saumaklúbbsvinkonur Ólínu
fluttu henni brag en þær töldu sig
hafa mætt í afmæli hennar en ekki
brúðkaup og í hitt skiptið þegar
Karl Roth söng hugljúfan söng til
brúðhjónanna. Að sjálfsögðu döns-
uðu brúðhjónin sinn brúðarvals en
hann var jafnóhefðbundinn og ann-
að í þessari veislu. Himinguðirnir
sendu þeim heillaóskir sínar með
dansandi norðurljósum og stjörn-
um stráðum himni og Jökullinn
stóð hljóðan vörð fyrir ofan pláss-
ið.
Morgunblaðið/Guðrún
Frá hjónavígslunni, frá vinstri: Ólína Gunnlaugsdóttir, Kristinn Ein-
arsson með dóttur þeirra, Kristínu Maríu, systir Kristins, Sigríður Ein-
arsdóttir, með dóttur þeirra, Katrínu, og sr. Guðjón Skarphéðinsson.
Afmælis-
veislan sem
varð að
brúðkaupi
Hellnar
NÚ ER smalamenska komin í fullan
gang hjá bændum. Fyrri leitardagar
voru hinn 6. og 7. september og var
þá smalað norðursvæðið, Ófeigs-
fjarðarsvæðið, farið norður í Ey-
vindarfjörð fyrri daginn og smalað í
Ófeigsfirði og féð geymt þar í girð-
ingu. Seinni daginn var smalað frá
Ófeigsfirði og kringum Ingólfsfjörð
og réttað í Melarétt.
Hjalti Guðmundsson leitarstjóri
sagði að það hefði smalast ágætlega
og fé kæmi sæmilegt af fjalli. Síðari
réttir verða 13. og 14. og þá leitað
syðra svæðið, það er frá Kaldbak og
í Reykjarfjörð og réttað í Kjós í
Reykjarfirði laugardaginn 14. sept-
ember. Flesta daga milli lögbund-
inna leita eru smöluð heimalönd.
Morgunblaðið/Jón G. Guðjónsson
Frá Melarétt þar sem réttað var fyrir síðustu helgi, en um næstu helgi verður réttað í Kjós í Reykjarfirði.
Leitir hafnar í Árneshreppi
Árneshreppur
SÍÐASTLIÐINN föstudag varð
það óhapp á Tálknafirði, að fólks-
bíll lenti út af götunni sem liggur
með smábátahöfninni. Bifreiðin,
sem er af gerðinni Audi, lenti á
vegriði og lagði það út af og rann
síðan niður brattan grjótgarð nið-
ur í höfnina. Bifreiðin stöðvaðist
áður en hún lenti í sjónum, en
lágsjávað var þegar óhappið varð.
Ökumaðurinn slapp ómeiddur og
bifreiðin er lítið skemmd.
Notast var við gaffallyftara til
þess að ná bifreiðinni upp á göt-
una aftur, en þegar þangað var
komið settist ökumaðurinn undir
stýri og ók burt. Ekki er ljóst
hvað olli óhappinu, en nýlögð
klæðning var á götunni og mikil
lausamöl.
Morgunblaðið/Finnur
Vildi til að
lágsjávað var
Tálknafjörður
NÝTT íþróttahús var formlega tek-
ið í notkun á Hvammstanga 4. sept-
ember. Húsið er sambyggt sund-
laugarhúsinu og myndar þannig
íþróttamiðstöð. Skúli Þórðarson,
nýráðinn sveitarstjóri, bauð gesti
velkomna og lýsti hann ánægju
sinni með þennan merka áfanga.
Elín R. Líndal, formaður byggða-
ráðs, lýsti byggingunni og fór yfir
byggingarsögu hússins, sem var
nokkuð storma-
söm. Skiptar
skoðanir voru um
framkvæmdina
innan héraðsins.
Einnig komu upp
mótmæli arki-
tekts sundlaugar-
innar við gerð
hússins, sem
fyrst var valið.
Lausn fannst á
málinu og ný
húsgerð valin.
Gerður var
samningur við
byggingarfélagið
Tvo smiði ehf. á
Hvammstanga.
Byggt var hús
frá Atlas W. Bu-
ilding Ltd. að
stærð 882,6 m2 skv. hönnun Eggerts
Guðmundssonar. Undirverktakar
voru Ben. Á. Benediktsson með
jarðvinnu og steinsteypu, Ólafur
Stefánsson með pípulagnir og
Skjanni ehf. með raflagnir. Bygg-
ingarstjóri var Daníel Karlsson og
eftirlitsmaður verkkaupa Ráðbarð-
ur sf. Allir verktakar eru heima-
menn í Húnaþingi vestra.
Samningurinn við Tvo smiði ehf.
var uppá 74,3 milljónir króna. Gólf-
efni var frá Á. Óskarssyni ehf. og
kostaði ákomið um 7 milljónir. Bún-
aðarkaup frá P. Ólafssyni ehf. eru
orðin 5,3 milljónir og hefur UMF
Kormákur lagt fram 2,2 milljónir
króna.
Byggingarreikningur er því nú
alls 86,6 milljónir króna.
Í húsinu eru sex badmintonvellir
og keppnisvellir fyrir körfubolta,
blak og tennis. Þessir vellir eru allir
af löglegri keppnisstærð með til-
heyrandi öryggissvæðum. Einnig
hand- og fótboltavöllur 20x28 m auk
æfingavalla. Húsinu má skipta í tvo
hluta með tjaldi. Enn vantar að-
stöðu fyrir áhorfendur og ýmsa
aðra aðstöðu.
Elín sagði framlag Jöfnunarsjóðs
sveitarfélaga vera kr. 28,5 milljónir,
þannig að framlag sveitarfélagsins
yrði hærra en upphaflega var gert
ráð fyrir. Samt væri staðreynd að
húsið væri komið upp fyrir hag-
stætt verð. Miklu skipti einnig að
verkið var unnið af heimamönnum
og væri því hagur
fyrir byggðarlag-
ið.
Sóknarprestar
héraðsins, Sigurð-
ur Grétar Sig-
urðsson og Guðni
Þór Ólafsson,
blessuðu húsið og
leiddu söng gesta.
Þá fluttu gestir
ávörp og árnaðar-
óskir, þeir Björn
G. Jónsson frá
UMFÍ, Ellert B.
Scram frá ÍSÍ og
Björn Leóson frá
KKSÍ, sem gaf
húsinu kassa af
körfuboltum.
Sparisjóður Húna-
þings og Stranda
gaf stigatöflur í húsið og kveikti
hann á þeim. Már Hermannsson
kynnti íþróttastarf sem er nú þegar
í héraðinu og sagði þessa nýju að-
stöðu eflaust stórefla áhuga og
virkni ungmenna og annarra
íþróttamanna. Fjögur ungmenna-
félög eru í héraðinu, eitt sundfélag
og hestamannafélag. Gott samstarf
er einnig við önnur héruð í íþrótta-
starfi.
Góð aðstaða til íþróttaiðkunar
Að loknum ræðum voru kaffiveit-
ingar og síðan stuttir körfubolta-
leikir. Þess má geta, að daginn bar
uppá 20 ára afmæli sundlaugarinnar
á Hvammstanga. Fyrir skömmu var
einnig tekinn í notkun nýr fótbolta-
völlur á íþróttasvæðinu í Kirkju-
hvammi ofan Hvammstanga. Er það
grasvöllur, sem hefur verið í und-
irbúningi um nokkurt skeið. Má því
telja að vel sé búið að íþróttaiðkun í
Húnaþingi vestra.
Morgunblaðið/ Karl Ásgeir Sigurgeirsson
Páll sparisjóðsstjóri afhendir
Skúla sveitarstjóra gjöf spari-
sjóðsins.
Nýtt íþróttahús
tekið í notkun
Hvammstangi