Morgunblaðið - 17.09.2002, Blaðsíða 17

BANDARÍSKA fjármálaeftirlitið
(SEC) rannsakar nú starfslokasamn-
ing General Electric við fyrrverandi
forstjóra fyrirtækisins, Jack Welch.
Welch var dáður í
starfi sínu hjá GE
og fékk rausnar-
legan samning við
starfslok á síðasta
ári sem SEC þyk-
ir nú ástæða til að
kanna nánar.
Talsmaður GE
segir að beiðni
hafi borist frá
SEC sl. föstudag, daginn eftir að
stjórn fyrirtækisins ákvað að fríðindi
forstjórans fyrrverandi yrðu skert,
að hans eigin ósk. Welch hefur nú
skrifstofuaðstöðu hjá GE og aðstoð-
armann en fær ekki lengur fríar flug-
ferðir eða afnot af íbúð á Manhattan.
Í Wall Street Journal í gær sagði
Welch að hann hefði samþykkt að
borga fyrirtækinu á bilinu 2-2,5 millj-
ónir bandaríkjadala á ári fyrir afnot
af íbúðum og flugvélum GE. Hann
sagði jafnframt að hann vildi alls ekki
að „stórkostlegt fyrirtæki sem nýtur
mikils trausts yrði dregið inn í op-
inberar deilur vegna skilnaðarmáls.“
Skilnaðarmál Jane og Jack Welch
hefur verið fyrir rétti og voru þá lögð
fyrir skjöl sem sýndu fríðindin sem
Welch naut eftir starfslok.
Starfsloka-
samningur
Jack Welch
kannaður
Jack Welch
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 17. SEPTEMBER 2002 17
SAMKVÆMT nýjum spám er útlit
fyrir að flugfélög heimsins muni tapa
samanlagt um fimm milljörðum doll-
ara, eða 432,5 milljörðum íslenskra
króna, á rekstri millilandaflugs síns á
þessu ári. Jafnframt er talið að eft-
irspurn eftir flugi muni haldast lítil
fram á næsta ár. Þetta var á meðal
þess sem kom fram á árlegri ráð-
stefnu International Air Transport
Associatoin (IATA) sem haldin var
nýlega. Tapið í greininni er einkum
talið verða bundið við flug til og frá
Norður-Ameríku, en þar hefur mark-
aðurinn beðið mikið tjón vegna nið-
ursveiflu í efnahagslífinu og atburð-
anna 11. september 2001.
Í fyrra var sambærilegt tap á flug-
rekstri í heiminum 12 milljarðar
Bandaríkjadala, eða rúmir 1.000
milljarðar króna.
Talið er að breska flugfélagið Brit-
ish Airways verði rekið með 20 millj-
óna punda halla á þessu ári eða tæp-
um 2,7 milljarða króna halla. Útlitið
fyrir önnur flugfélög í Evrópu, eins
og Air France, Iberia og Lufthansa,
er þó betra, en talið er að þau verði
rekin með hagnaði þar sem þau eru
ekki eins háð flugi yfir Atlantshafið.
Bandarísk flugfélög horfa áfram
fram á enn minni viðskipti en tekjur
bandarískra félaga hafa dregist sam-
an um fjórðung frá síðasta ári.
Helstu áhyggjur flugfélaga sem
bjóða upp á fulla þjónustu um borð
eru að lykilviðskiptavinir þeirra, fyr-
irtæki sem senda starfsmenn sína
reglulega í viðskiptaferðir, muni vilja
fljúga minna eða kaupa ódýrari sæti í
framtíðinni, eða einfaldlega fara að
skipta við lággjaldaflugfélög.
Bestu horfunar eru á Asíu- og
Kyrrahafssvæðinu, en þar er búist
við góðri afkomu flugfélaga. IATA
býst við almennum bata í heiminum á
árinu 2003 um sem nemur 5% vexti í
umferð og flutningsgetu og því er
spáð að hagnaður verði 2 milljarðar
dala á alþjóðlegum leiðum. Þessar
tölur eru þó háðar góðum hagvexti og
almennum bata í rekstri fyrirtækja.
Millilandaflug flugfélaganna
Útlit fyrir áfram-
haldandi tap
Reuters
American Airlines er á meðal
þeirra sem hafa þurft að takast á
við versnandi rekstrarumhverfi.
♦ ♦ ♦
♦ ♦ ♦
NEYTENDUR vörðu meira fé til
innkaupa á dagvöru og áfengi í júlí
en mánuðina þar á undan, eða allt frá
því í desember 2001. Dagvörusala
hneig síðan örlítið í ágúst, en áfeng-
issala hélt áfram að aukast. Litlar
sem engar verðbreytingar voru á
þessu tímabili, að því er fram kemur
í tilkynningu frá SVÞ-Samtökum
verslunar og þjónustu.
Í júlímánuði varð töluverð veltu-
aukning í dagvörum eða um tæp
19%, en þessi veltutoppur lækkaði
síðan í ágúst um tæp 6%. Veltuvísi-
tala dagvöru fór úr 98,1 stigi í júní í
116,7 stig í júlí. Hún stóð svo í 109,8
stigum í ágúst.
Smásöluvísitala SVÞ byggist á
upplýsingum frá verslunum sem
annast mestan hluta dagvöruversl-
unar og frá ÁTVR sem selur allt
áfengi í smásölu. Smásöluvísitölunni
er ætlað að greina þróun í veltu í
þessum vöruflokkum.
Smásöluvísitala
hækkaði í júlí
VIÐSKIPTI með hlutabréf í Kaup-
höll Íslands námu 1.766 milljónum
króna í gær. Úrvalsvísitala aðallista
hækkaði um 1,09% og var lokagildi
hennar 1.305,72 stig.
Mest viðskipti voru með bréf í Ís-
landsbanka eða fyrir 1.208 milljónir
króna. Lokaverð Íslandsbanka hélst
óbreytt frá því fyrir helgi og var 4,95.
Í samkomulagi Íslandsbanka við
sex hluthafa, FBA Holding SA,
Sjöfn hf., Ovalla Trading Ltd, Eign-
arhaldsfélagið ISP ehf., Fjárfesting-
arfélagið Krossanes ehf. og Oddeyri
ehf., um að bankinn sölutryggi alla
eignarhluthafanna í Íslandsbanka,
kemur fram að umsamið gengi við
söluna er 5,175 og nemur umfang
viðskiptanna því um 11.271 milljón
króna. Fyrirkomulag sölutryggingar
er með þeim hætti að 32,5% hluta-
fjársins verði selt eigi síðar en 16.
september, í gær, og 67,5% verði selt
eigi síðar en 15. janúar nk. Því má
væntanlega rekja mikil viðskipti
með hlutabréf bankans að undan-
förnu til samkomulagsins frá því í
lok ágúst.
Mikil viðskipti
með bréf í
Íslandsbanka