Morgunblaðið - 17.09.2002, Blaðsíða 18
VIÐSKIPTI/ATHAFNALÍF
18 ÞRIÐJUDAGUR 17. SEPTEMBER 2002 MORGUNBLAÐIÐ
GERÐARDÓMAR skipta stöðugt
meira máli sem leið til að leysa úr
ágreiningi í alþjóðlegum viðskiptum.
Aðild Íslands að New York sáttmál-
anum um viðurkenningu erlendra
gerðardóma hefur því mikla þýðingu
fyrir íslensk fyrirtæki og viðskipta-
lífið á Íslandi, að sögn Dr. Roberts
Briner, forseta gerðardóms Alþjóða-
verslunarráðsins í París.
Briner, sem er svissneskur lög-
fræðingur, hitti blaðamann Morgun-
blaðsins að máli í tilefni af erindi sem
hann flutti á föstudag um gerðardóm
Alþjóðaverslunarráðsins á ráðstefnu
landsnefndar Alþjóðaverslunarráðs-
ins og Landwell á Íslandi um gerð-
ardóma.
Ísland gerðist aðili að New York
sáttmálanum um viðurkenningu er-
lendra gerðardóma síðastliðið vor.
Sáttmálinn hefur þó ekki tekið gildi
enn, þar sem hann hefur ekki verið
birtur, en fullgilding hans stendur
fyrir dyrum.
Briner sagði að með aðild Íslands
að New York sáttmálanum sé verið
að senda út þau skilaboð að Ísland sé
hluti af hinu alþjóðlega viðskiptasam-
félagi. Auk þess gefi aðildin til kynna
að Ísland sé hluti af kerfi sem njóti al-
þjóðlegrar viðurkenningar. Það kerfi
sé almennt talið vera leiðandi í því að
stuðla að lausn á deilum sem upp geti
komið í alþjóðlegum viðskiptum.
Hann sagði að gerðardómur Al-
þjóðaverslunarráðsins útvegaði alla
nauðsynlega þjónustu og tryggði eftir
fremsta megni að mál sem upp kæmu
hlytu rétta meðferð. Þetta væri mik-
ilvægt og stuðlaði að skjótri og
öruggri lausn mála, sem tæki alla-
jafna mun skemmri tíma en mál sem
rekin væru fyrir almennum dómstól-
um. Enda hefði málum sem dóm-
stólnum bærust stöðugt fjölgað. Ný
mál á síðasta ári hefðu verið samtals
566, sem væri rúmlega eitt hundrað
fleiri en fyrir fimm árum. Aukin al-
þjóðleg viðskipti hefðu þarna reyndar
einnig töluvert að segja.
Forseti gerðardóms Alþjóða verslunarráðsins
Aðild að New York-sáttmál-
anum hefur mikla þýðingu
Morgunblaðið/Kristinn
Dr. Robert Briner, forseti gerðardóms Alþjóða verslunarráðsins, segir að
málsmeðferð gerðardóms taki skemmri tíma en almennra dómstóla.
LANDSFRAMLEIÐSLAN hér á
landi varð 744 milljarðar króna á
árinu 2001 samkvæmt bráðabirgða-
tölum Hagstofu Íslands. Það er tæp-
lega 6 milljörðum króna lægri fjár-
hæð en samkvæmt fyrri áætlunum.
Þrátt fyrir lækkun landsframleiðsl-
unnar í peningum talið er raunvöxt-
ur hennar, þ.e hagvöxturinn, nú tal-
inn nokkru meiri en í fyrri
áætlunum, eða 3,6%, samanborið við
3,0% áður.
Í tilkynningu frá Hagstofunni seg-
ir að ástæðuna fyrir minni lands-
framleiðslu en áætlað var megi rekja
til minni einkaneyslu. Fjárfestingar
hafi hins vegar verið nokkru meiri en
áætlanir gerðu ráð fyri. Þá segir í til-
kynningunni að lækkunin í fjárhæð-
um eigi rót sína að rekja til breyttra
uppgjörsaðferða sem nái aftur til
ársins 1997.
Af einstökum liðum þjóðarútgjald-
anna dróst einkaneysla saman um
3,0% og fjárfestingar um 4,4% á
árinu 2001. Í fyrri áætlun var gert
ráð fyrir að einkaneyslan myndi
dragast saman um 2,8% og fjárfest-
ingar um 6%. Samneyslan óx hins
vegar um 3,2% en í fyrri áætlun var
gert ráð fyrir 3,0% aukningu hennar.
Hagstofan segir að útflutningur
og innflutningur vöru og þjónustu
hafi ekki breyst í fjárhæðum á verð-
lagi hvers árs frá áður birtum tölum.
Aftur á móti hafi útreikningi á verð-
vísitölum þessara liða verið breytt
lítið eitt sem leiði til nokkru meiri
hækkunar á innflutningsverði en áð-
ur. Þetta hafi í för með sér að sam-
dráttur innflutnings á vöru og þjón-
ustu árið 2001 sé nú metinn 9% en
7,8% áður. Útflutningur vöru og
þjónustu er nú talinn hafa vaxið um
7,8% en í fyrri áætlun var gert ráð
fyrir 7,6% vexti.
Starfsemi Þjóðhagsstofnunar var
hætt í júní síðastliðnum og færðist
gerð þjóðhagsreikninga og ýmis
önnur verkefni þá til Hagstofunnar.
Áður var nýjasta efnið um þjóðhags-
reikninga að jafnaði birt í tengslum
við þjóðhagsspár og þjóðhagsáætl-
anir. Spárnar hafa hins vegar verið
aðskildar frá þjóðhagsreikningunum
og eru meðal verkefna efnahags-
skrifstofu fjármálaráðuneytisins.
Hagvöxtur á síðasta ári var 3,6%
BORGARRÁÐ hefur staðfest
reglur Reykjavíkurborgar um
meðferð trúnaðarupplýsinga og
viðskipti innherja. Þá hefur ráðið
einnig samþykkt sérstakan lista
þar sem taldir eru upp hverjir
teljast fruminnherjar hjá
Reykjavíkurborg, en þá er átt
við þá sem búa yfir eða hafa að
jafnaði aðgang að trúnaðarupp-
lýsingum vegna aðildar að stjórn,
rekstri, eftirliti eða vegna ann-
arra starfa á vegum borgarinnar.
Á listanum eru tilgreindir allir
borgarfulltrúar ásamt 17 helstu
stjórnendum borgarinnar, þar
með talið borgarstjóri. Einnig
hefur borgarráð samþykkt að
Karl Einarsson, sérfræðingur í
fjármáladeild borgarinnar, sé
regluvörður. Hlutverk hans er að
hafa eftirlit með því innan
Reykjavíkurborgar að reglunum
sé framfylgt.
Reglur Reykjavíkurborgar eru
unnar í samræmi við tilmæli
Fjármálaeftirlitsins nr. 2/2001
um meðferð trúnaðarupplýsinga
og viðskipti innherja. Samkvæmt
1. og 2. málsgrein laga nr. 13 frá
1996 um verðbréfaviðskipti ber
stjórn félags sem skráð er í
kauphöll eða á skipulegum til-
boðsmarkaði að setja sér reglur
um meðferð trúnaðarupplýsinga
og viðskipti innherja. Þessi
skylda hvílir jafnt á útgefendum
skuldabréfa og hlutabréfa, en
Reykjavíkurborg er nú með fjóra
skuldabréfaflokka skráða í Kaup-
höll Íslands.
Í greinargerð sem fjármála-
deild Reykjavíkurborgar tók
saman og lögð var fyrir borg-
arráð er reglurnar voru teknar
þar til meðferðar, segir að stefnt
sé að því að með reglunum hafi
fjárfestar ávallt jafnan aðgang að
upplýsingum um fjárhagsstöðu
og önnur þau atriði, sem áhrif
kunni að hafa á markaðsverð
verðbréfa Reykjavíkurborgar.
Þess vegna sé mikilvægt að upp-
lýsingar, sem taldar séu líklegar
til að hafa áhrif á markaðsverð
verðbréfa borgarinnar, séu gerð-
ar opinberar um leið og þær
liggja fyrir. Sé það ekki unnt sé
mikilvægt að hindra að trúnaðar-
upplýsingar berist óviðkomandi
og yfirsýn sé yfir það hverjir búi
yfir þeim.
Trúnaðarupplýsingar og viðskipti
innherja hjá Reykjavíkurborg
Borgarráð stað-
festir reglur
Síðumúla 24 • Sími 568 0606
Heimaskrifstofa
166.000,-