Morgunblaðið - 27.12.2002, Qupperneq 27

DAGLEGT LÍF
MORGUNBLAÐIÐ FÖSTUDAGUR 27. DESEMBER 2002 27
SAMKVÆMISHÁRGREIÐSLUR
voru meðal þess sem gaf að líta á sýn-
ingu og ráðstefnu um hár og förðun,
sem bandaríska hár- og snyrti-
vörufyrirtækið Aveda efndi til í
Minneapolis á liðnu hausti. Olga Más-
dóttir hársnyrtimeistari hjá Hár-
hönnun mætti til leiks ásamt íslenska
innflytjandanum, einum kollega sín-
um frá Akureyri og á sjötta þúsund
öðrum víðsvegar að úr heiminum.
Henni fannst mest áberandi hve sam-
kvæmisgreiðslurnar voru yfirleitt
grófgerðar, allt að því ruglingslegar;
með túperingum, fléttum og vöfflum í
bland við slétt hár þvers og kruss um
allt höfuðið.
„Ekkert var heldur verið að fela
hárspennurnar, þær þóttu fremur til
prýði. Íburðarmiklar, fágaðar og
nosturslegar hárgreiðslur eru víkj-
andi og fjölþjóðlegt yfirbragð ræður
ríkjum. Aðaleinkennið er kannski að
yfirleitt er hárið haft hátt á hvirfli og
fremur flatt í hnakkann,“ segir Olga
og útskýrir að áhrifin séu jafnt frá
hippum sem indíánum og Asíu og Afr-
íku – og stundum gæti margra áhrifa
á einum kolli. „Sama máli gegnir um
fatatískuna, en hún helst alltaf í hend-
ur við hártískuna.“
Olga og stöllur hennar á stofunni,
þær Fjóla Hermannsdóttir og Erla
Guðrún Emilsdóttir, gáfu sér tíma í
miðjum jólaönnum til að greiða þrem-
ur konum samkvæmt línunum að
vestan. „Þetta eru bara þrjár af ótal
útfærslum samkvæmisgreiðslna, sem
eru vel við hæfi um áramótin,“ segja
þær og bæta við að náttúrulegir og
mjúkir litir séu nú meira ráðandi en
áður og einnig fínlegar strípur til að fá
hreyfingu í hárið. „Svo þarf varla að
taka fram að hitavörn, blástursgel og
hárlakk eru nauðsynleg hjálpartæki
til að verja hárið og halda hárgreiðsl-
unni í réttum skorðum,“ segir Olga.
Slétt og brugðið í
allar áttir.
Vöfflur, túpering
og fléttur.
Hátt á
hvirfli og
flatt í
hnakka
Morgunblaðið/Golli
Indíánaáhrif
og förðun í stíl.
Óperuballið
Á NÝÁRSKVÖLD flykkist fólk á Óp-
eruballið á Broadway og dansar vín-
arvalsa við undirleik hljómsveitar Ís-
lensku óperunnar undir stjórn
Bernharðs Wilkinson. Kvöldið hefst
með hátíðarmálsverði og fljótlega
stíga einsöngvarar og kór Íslensku
óperunnar á stokk og flytja atriði úr
óperum og óperettum undir stjórn
Garðars Cortes sem einnig er veislu-
stjóri. Dansinn hefst upp úr kl. 22 og
leikur hljómsveitin fyrir dansi í tvær
til þrjár klukkustundir. Eftir mið-
nættið tekur Lúdó-sextett og Stefán
við og spilar fram eftir nóttu.