Morgunblaðið - 06.01.2003, Blaðsíða 8

FRÉTTIR
8 MÁNUDAGUR 6. JANÚAR 2003 MORGUNBLAÐIÐ
Þetta er enginn vandi, Þórólfur minn, þú verður bara að passa þig á að halda þér voðalega fast.
Marbendlar nútímans?
Bestir um eða
yfir 100 kg
NÚ í ársbyrjunfengu margirlandsmenn hroll
þegar frétt barst um sjó-
sund nokkurra lögreglu-
manna á Seltjarnarnesi.
Það vill svo til að starfandi
er tíu manna félag sjó-
syndandi lögreglumanna.
Formaður Sjósundfélags
lögreglunnar er Jón Otti
Gíslason og Morgunblaðið
fræddist af honum hvað
rekur menn til að taka
sundtökin í söltum sjó.
„Það hefur alltaf verið
mikill áhugi fyrir sjósundi
innan lögreglunnar og þar
fóru fremstir kappar eins
og Axel Kvaran, Eyjólfur
sundkappi Jónsson og
fleiri. Einu sinni syntu tíu
saman svokallað Bessa-
staðasund og árið 1961 syntu
fimm saman Engeyjarsund,“ seg-
ir Jón Otti um forsöguna innan
lögreglunnar.
– En hvað um Sjósundfélag lög-
reglunnar?
„Við vorum nokkrir sem höfð-
um áhuga á þessu og síðan fjölgaði
okkur þangað til að þetta var orð-
inn tíu manna hópur eða svo sem
fór reglulega í sjóinn. Hjá okkur
vaknaði áhugi á því að vekja þetta
aftur upp á formlegum nótum, til
heiðurs gömlu kempunum. Það
var því annan í hvítasunnu 1997 að
við stofnuðum félagið formlega.“
– Hvað er á stefnuskránni?
„Það er að stunda sjósund. Við
höfum synt Viðeyjarsund árlega
og verið þetta 8–9 lögreglumenn
hverju sinni. Viðeyjarsundið er
1,2 kílómetrar. Eitt árið synti ein
lögreglukona með okkur sem
gestur. Flestir í hópnum stefna á
Drangeyjarsund og sumir í hópn-
um, 3–4 ætla að jafnvel að láta
verða af því næsta sumar.“
– Hvað er það sem fær menn á
einni sundskýlu út í hrollkaldan
sjóinn að synda?
„Allir sem hafa reynt þetta
finna fljótt, strax eftir 1–2 skipti,
hvað þetta gerir manni gott, bæði
líkamlega og andlega. Sjálfsaginn
eykst, andlegi styrkurinn herðist,
maður byggir upp kuldaþol og
finnur hvernig allur líkaminn
styrkist. Ég hef farið í gegnum
allt litrófið í líkamsrækt, verið í
líkamsræktarstöðvum, í fótbolta,
ekkert af þessu slær út sjósund.
Þetta er einfaldlega langbesta lík-
amsræktin sem ég hef prófað.“
– Hvers vegna heldurðu?
„Ég bara veit það ekki. Þetta
eru talsverð átök og mikill agi.
Mikil brennsla í líkamanum. Það
eru dæmi um að kvillar hafa horf-
ið í mönnum. Einn af kunningjum
okkar í sjósundinu, að vísu ekki í
sundfélaginu okkar, var t.d. með
sykursýki og misjafnan blóðþrýst-
ing, en þetta hvarf þegar hann fór
að stunda sjósund.“
– Hvarf sykursýki?
„Maðurinn var með sykursýki
en ekki lengur, það er staðreynd.
Hitt er svo annað mál, að þessari
líkamsrækt fylgir æv-
inlega að menn fara að
hugsa betur um sig,
verða meira meðvitaðir
um skrokkinn og sál-
ina. Hollari lífshættir
fylgja og svo erum við allir reglu-
samir menn.“
– Þurfa menn að vera í drjúgum
holdum til að þreyta sjósund?
„Það er vissulega æskilegt.
Best væri að menn væru ekki und-
ir 100 kílógrömmum og léttari
menn duga varla í lengri sund-
ferðirnar. Grennri menn geta
þjálfað sig upp í styttri sundferð-
ir.“
– Þú sagðir að lögreglukona
hefði synt með ykkur, hentar
þetta ekki konum síður í ljósi
þessa?
„Ef til vill hentar sjósund körl-
um betur, en lögreglukonurnar
okkar eru orðnar mjög áhugasam-
ar og ég reikna fastlega með því
að einhverjar þeirra láti til sín
taka á þessu ári.“
– Hvað um þig sjálfan?
„Ég er eins og pípuhreinsari
miðað við suma félaga mína. Ég
synti Engeyjarsundið einu sinni,
2,7 kílómetra og það var heljar-
innar sund. Ég fann þá að mig
vantaði fitu.“
– Og félagarnir ætla í Drang-
eyjarsundið í sumar, ætlarðu
með?
„Mig langar með. Þetta er 7,5
km sundleið og kaldari sjór heldur
en fyrir sunnan. Ég er búinn að
samþykkja að vera í bátnum, en
ég veit að þegar norður er komið
þá blóðlangar mig í sjóinn.“
– Í bátnum?
„Já, það er orðið tímabært að
það komi fram að þetta er alls
ekki hættulaus íþrótt. Farið er
eftir ströngum öryggisreglum.
Menn syndi aldrei einir, helst
aldrei færri en tveir saman og að-
eins þar sem þeir botna. Fari
menn út fyrir það sem þeir botna
þá skal bátur með í för og um borð
í honum flugsyndur maður í blaut-
búningi sem er tilbúinn að hoppa
út í ef þurfa þykir. Það er synt í
miklum kulda. Þetta eru 8 til 12
gráður á sumrin, heit-
ast í ágúst og í neðri
mörkunum fyrir norð-
an. Á veturna höfum
við kaldast verið í mín-
us þremur gráðum sem
er of kalt og maður endist ekki
mínútuna. Mönnum getur fatast
sundið við þessar aðstæður og því
hættulegt að víkja frá reglunum.“
– Þið ætlið ekki að opna félagið
fyrir aðra en lögreglumenn og
-konur?
„Nei, en oft synda gestir með
okkur. Auk þess er ég nú að heyra
að fyrir dyrum standi að stofna
Sjósundfélag Reykjavíkur.“
Jón Otti Gíslason
 Jón Otti Gíslason er fæddur í
Reykjavík 15. apríl 1955. Var til
sjós og í verslunarstörfum og
gekk í lögregluna 1976. Hefur
verið í ýmsum deildum, en nú í
rannsóknarlögreglunni, í for-
varna- og fræðsludeild. For-
maður Íþróttafélags lögregl-
unnar og Sjósundfélags lög-
reglunnar frá stofnun þess
1997. Maki er Berglind Eyjólfs-
dóttir rannsóknarlögreglukona
og eiga þau Katrínu Dagmar
(19) og Eyjólf (13), en áður átti
Jón Otti Birnu Dögg (26) og
Þorstein Otta (22).
Ég fann
þá að mig
vantaði fitu