Morgunblaðið - 06.01.2003, Blaðsíða 30

LISTIR
30 MÁNUDAGUR 6. JANÚAR 2003 MORGUNBLAÐIÐ
Innritun er hafin og fer fram daglega virka daga kl. 14:00 til 17:00 í skólanum, Síðumúla 17, sími:
588-3730, fax: 588-3731, tölvupóstur: ol-gaukur@islandia.is. Á þessari önn verða í boði þau nám-
skeið sem talin eru upp hér að neðan, miðað við næga þátttöku. Nánari upplýsingar í innritunar-
síma á innritunartíma og einnig sendum við ítarlegan bækling um skólann til þeirra sem þess óska.
LÉTTUR
UNDIRLEIKUR
Hægt
að fá leigða
HEIMAGÍTARA
kr. 2500 á önn
Sendum
vandaðan
upplýsinga-
bækling
HEFÐBUNDINN
GÍTARLEIKUR
ÖNNUR
NÁMSKEIÐ
1. FORÞREP FULLORÐINNA
Byrjendakennsla, undirstaða, léttur
undirleikur við alþekkt lög. Geisla-
diskur með æfingum fylgir.
2. FORÞREP UNGLINGA
Byrjendakennsla, sama og Forþrep
fullorðinna. Geislad. m. æfingum fylgir.
3. LÍTIÐ FORÞREP
Spennandi, styttra, ódýrara námskeið
fyrir börn að 10 ára aldri. Geisladiskur
með æfingum fylgir.
4. FRAMHALDS-FORÞREP
Nýtt, skemmtilegt námskeið í beinu
framhaldi af Forþrepi. Geisladiskur
með æfingum fylgir.
5. PLOKK
Beint framhald Forþreps – meiri undir-
leikur með áherslu á svonefnt „plokk“.
6. ÞVERGRIP
Beint framhald Forþreps – dægurlög
undanfarinna áratuga og áhersla á
þvergrip.
7. BÍTLATÍMINN
Aðeins lög frá Bítlatímabilinu, t.d. lög
Bítlanna sjálfra, Rolling Stones, vinsæl
íslensk lög o.fl. Fyrir þá sem lokið hafa
Forþrepi/kunna fáein grip.
8. PRESLEYTÍMINN
Einkum lög sem Elvis Presley gerði
fræg um alla heimsbyggðina ásamt
alþekktum lögum íslenskra og
erlendra höfunda frá sama tíma.
Afbragðs þjálfun fyrir þá sem lokið
hafa Forþrepi/kunna fáein grip.
9. TÓMSTUNDAGÍTAR
Byrjendakennsla (sama og Forþrep
fullorðinna, en styttra) fyrir 16 ára og
eldri í samvinnu við Tómstundaskólann.
10. FYRSTA ÞREP
Undirstöðuatriði nótnalesturs fyrir
byrjendur lærð með því að leika
léttar laglínur á gítarinn o.m.fl.
Forstig tónfræði. Próf.
11. ANNAÐ ÞREP
Framhald Fyrsta þreps, leikin þekkt
smálög eftir nótum, framhald tón-
fræði- og tónheyrnarkennslu. Próf.
12. ÞRIÐJA ÞREP
Beint framhald Annars þreps. Verk-
efnin þyngjast smátt og smátt.
Framhald tónfræði- og tónheyrnar-
kennslu. Próf.
13. FJÓRÐA ÞREP
Beint framhald Þriðja þreps. Bæði
smálög og hefðbundið gítarkennslu-
efni eftir þekkt tónskáld. Tónfræði,
tónheyrn, tekur tvær annir. Próf.
14. FIMMTA ÞREP
Beint framhald Fjórða þreps. Leikið
námsefni verður fjölbreyttara.
Tónfræði, tónheyrn. Tekur tvær
annir. Próf.
15. JAZZ-POPP I
Þvergrip, hljómauppbygging,
tónstigar, hljómsveitarleikur o.m.fl.
Einhver nótnakunnátta áskilin.
16. JAZZ-POPP II/III
Spuni, tónstigar, hljómfræði,
nótnalestur, tónsmíð, útsetning.
17. TÓNSMÍÐAR I/II
Byrjunarkennsla á hagnýtum
atriðum varðandi tónsmíðar. Einhver
undirstaða nauðsynleg.
18. TÓNFRÆÐI – TÓNHEYRN I/II
Innifalin í námi.
19. TÓNFRÆÐI – TÓNHEYRN
FYRIR ÁHUGAFÓLK
Fyrir þá sem langar að kynna sér hið
einfalda en fullkomna kerfi nótnanna
til þess m.a. að geta sungið/leikið
eftir nótum.
20. KASSETTUNÁMSKEIÐ
Námskeið fyrir byrjendur á tveim
kassettum og bók, tilvalið fyrir þá
sem vegna búsetu eða af öðrum
ástæðum geta ekki sótt tíma í
skólanum en langar að kynnast
gítarnum. Sent í póstkröfu.
INNRITUN DAGLEGA KL. 14-17
588-3730
ARGENTÍNSKI þjóðardansinn
tangó hefur verið helmingi skemur
við lýði á Vesturlöndum en vínar-
valsinn. Samt er hann löngu orðinn
fastur í sessi og sennilega hressari
en nokkru sinni eftir tangófár fyrstu
áratuga síðustu aldar. Og það þrátt
fyrir allar hneykslunarraddir um
ósiðsemi (að ógleymdu banni páfa),
enda allra samkvæmisdansa ástríðu-
fyllstur; „sýndarsamræði á dansgólf-
inu“ eins og einhver orðaði það. Jafn-
framt getur óvíða sterkari áhrifa frá
Miðevrópu í öðrum latnesk-amerísk-
um dönsum, og trúlega er það ein-
mitt þetta sérkennilega sambland af
burgeisalegri stertimennsku 19. ald-
ar og latneskum lágstéttarlosta sem
heillar dansunnendur nútímans.
Svo til húsfyllir var á tónleikunum
í Salnum s.l. laugardagskvöld og
mikil eftirvænting í lofti þrátt fyrir
að engin danssýning var í boði, held-
ur tónlistin látin standa ein fyrir
sínu. Um það hefur reyndar verið
deilt hvort tónlistin sé enn of ná-
tengd dansinum til að bjóða upp á
huglægari útfærslu eins og m.a.
Astor Piazzolla beitti sér fyrir, og
sýnist líklega sitt hverjum. Á hinn
bóginn voru sungnu tangóar Gardels
o.fl. vitanlega ekki síður gerðir til
hlustunar, og þar við bætist að á
seinni áratugum hefur ljóminn af lið-
inni salon-menningu heimsborga léð
tónlistinni aukinn virðuleika í frum-
skógi grenjandi rafgítara.
Rúm tólf mínútum yfir tilsettan
tíma gekk Olivier Manoury einn upp
á svið með sitt bandóneon, 19. aldar
fyrirrennara að dragspili nútímans,
og lék íhugula frumsmíð, Al Che. Við
bættist þá Egill Ólafsson, er söng við
leik Oliviers melódramatískt lag
Anibals Troilos, Che bandoneon,
með tilþrifum, og síðan angurvært
lag Carlosar Gardels, El dia que me-
quieras, við undirleik bandoneons og
strengjakvintetts. Næst gat að
heyra 6 ósungin lög, þar af 4 eftir
meistara Piazzolla (þ. á m. hið
ógleymanlega sveimhuga Oblivion)
fyrir ýmsar áhafnir, auk einleiks-
stykkis fyrir píanó eftir Julio Caro,
Boedo, er Edda lék með trukki en
við heldur óhóflegan pedal. Hið ofur-
hnuggna lag Troilos, Garua (eða Það
rignir í prýðilegri þýðingu söngvar-
ans) kom á eftir, og síðan tangólag
Egils úr einhverri leiksýningunni,
Ég horfi niður, þar sem kostir lags-
ins skiluðu sér þó ekki að fullu vegna
tíðra áttundaskipta sem bentu til að
tóntegundin væri orðin of há.
Ósungið lag Balcarces, La Bor-
dona, var fyrst eftir hlé, dáleiðandi
öflugt númer í heillandi dýnamískri
útfærslu, enda hafði hópurinn auð-
heyrilega hitnað að mun. Egill söng
Fuimos eftir Dames með viðeigandi
sméri, og síðan lag sitt Ambrosia (af
hljómdiskinum Angelus Novus). Que
nadie, instrúmental lag eftir Cabral,
neistaði glaðvært af suðrænum hita
og lokaatriði dagskrár, sönglagið
Maria eftir Troilo, náði einnig miklu
flugi, eins og hin sönglögin sungið í
bragðmikilli íslenzkun söngvarans.
Undirtektir áheyrenda voru með
ólíkindum góðar og til marks um að
efni og meðferð komu í góðar þarfir,
enda flutningurinn tilþrifamikill og
furðusamtaka fyrir hljómsveit er
kemur aðeins saman einu sinni til
tvisvar á ári. Olivier Manoury bar að
öðrum ólöstuðum vitanlega af sem
bandoneonisti á heimsmælikvarða.
Þótt viðfangsefni kvöldsins teljist
varla meðal dagfarsgreina hins ann-
ars fjölhæfa Egils Ólafssonar, komst
hann einnig vel frá sínu, enda þótt
betur hefði farið á því að magna
söngröddina lítillega upp, eins og
þegar tíðkaðist á tímum Carlosar
Gardels. Um hljóðnema hefði minna
þurft að taka á, og fíngerðari blæ-
brigði notið sín til fullnustu á veikari
köflum.
TÓNLIST
Salurinn
Argentínsk tangótónlist eftir Astor Piaz-
zolla, Gardel, Troilo, Balcarce, Dames og
Julio de Caro. frumsamin lög eftir Egil
Ólafsson og Olivier Manoury. Hljóm-
sveitin Le Grande Tango (Edda Erlends-
dóttir píanó, Olivier Manoury bandóneon,
Auður Hafsteinsdóttir og Greta Guðna-
dóttir fiðla, Helga Þórarinsdóttir víóla,
Bryndís Halla Gylfadóttir selló og Richard
Korn kontrabassi). Einsöngur: Egill Ólafs-
son. Laugardaginn 4. janúar kl. 20.
TANGÓTÓNLEIKAR
Með latnesk-
um losta
Ríkarður Ö. Pálsson
Morgunblaðið/Jón Svavarsson
„Undirtektir áheyrenda voru með ólíkindum góðar,“ segir í dómnum.
GOÐASTEINN er gamalgróið
tímarit. Það hóf göngu sína árið 1962
og kom út í aldarfjórðung eða til árs-
ins 1986 í sínu upprunalega formi.
Það var í eigu og undir ritstjórn Jóns
R. Hjálmarssonar fyrrum skóla-
stjóra í Skógum og síðar fræðslu-
stjóra og Þórðar Tómassonar safn-
varðar í Skógum. Sá Goðasteinn var
,,tímarit um menningarmál“ og flutti
margháttaðan þjóðlegan og söguleg-
an fróðleik.
Þegar þeir félagar hættu útgáfu
sinni fékk sýslunefnd Rangárvalla-
sýslu, síðar héraðsnefnd, Goðasteins-
nafnið og hóf útgáfu ársrits með ann-
ars konar efnisvali að mestu leyti, í
mun stærra broti og miklu stærri
heftum. Héraðsritið kemur nú út í
þrettánda sinn og er því stýrt af sex
manna ritnefnd. Þannig skilst að ritið
í ár telst 38. árgangur Goðasteins og
13. árgangur nýs flokks.
Þessi nýi Goðsteinn er mjög í stíl
við önnur héraðsrit, sem koma út
einu sinni á ári í myndarlegum heft-
um, svo sem Húnavöku og Árbók
Þingeyinga, svo að einhver séu
nefnd.
Víkjum þá að Goðasteini nýja eftir
þennan inngang. Þetta er mikið rit,
tæpar 300 blaðsíður í fremur stóru
broti. Efnishlutar eru fimm talsins,
auk allmargra auglýsinga á víð og
dreif um ritið. I. hluti er Almennur
hluti, eins og hann nefnist. II. hluti
ber yfirskriftina Oddastefna og jarð-
skjálftarnir 2000. Þá er III. hluti: Ri-
tauki: Þórður Tómasson áttræður.
IV. hluti er Annálar ársins 2001 og V.
hluti Látnir í Rangárþingi árið 2001.
Hér er engin leið að gera grein fyr-
ir einstökum efnisþáttum þessa fjöl-
skrúðuga rits. Í fyrsta hlutanum eru
t.a.m. einir tuttugu kaflar: frásögu-
þættir, ritgerðir, viðtöl, ræður, ljóð
o.fl. o.fl. Er margt af því stórfróðlegt
og oft bráðskemmtilegt. Sérstaklega
skal nefnt að listamaður Goðasteins
2002 er Ingunn Jensdóttir, leikstjóri,
leikari, dansari og myndlistarmaður,
en henni eru helgaðar fjórar greinar.
Í öðrum hluta eru tveir fyrirlestrar
um jarðskjálftana. Þá kemur að
Þórði í Skógum, þeim merka manni. Í
tilefni af áttræðisafmæli hans eru
honum helgaðar fjórar greinar og
ávarp og síðan koma fjórir þættir eft-
ir hann sjálfan.
Annálar ársins 2001 um sveitar-
félög, kirkjustarf og önnur félög eru
með nokkuð hefðbundnum hætti og
næsta gagnlegir fyrir seinni tíma
sagnaritara, eins og ég mun áður
hafa minnst á.
Rangárþing er bæði víðlent og
mannmargt. Þær fæðast því margir
ár hvert og margir kveðja þessa til-
veru. Hér er að finna minningargein-
ar um 33, sem látist hafa á árinu
2001. Þetta eru yfirleitt fremur stutt-
ar greinar með mynd, ritaðar af
prestum héraðsins. Þar er greint frá
ætterni og æviferli hins látna og hon-
um lýst að nokkru. Greinar þessar
eru látlausar, án málskrúðs eða til-
finningasemi. Eru þessar greinar
áreiðanlega góður fengur fyrir
ættfræðigrúskara.
Goðsteinn er rit, sem maður les sér
til mikillar ánægju og fróðleiks. Frá-
gangur ritsins er í góðu lagi og marg-
ar myndir eru þar til prýðis og
fræðslu. Að vísu finnst mér fyrir-
komulag auglýsinga óprýða. Væri
ekki hægt að hafa þær aftast, á einni
örk eða svo?
BÆKUR
Héraðsrit
38. árgangur 2002 (13. árgangur nýs
flokks). Útgefandi: Héraðsnefnd Rang-
æinga. Svartlist ehf., Hellu, 293 bls.,
2002.
GOÐASTEINN, HÉRAÐSRIT RANGÆINGA
Fjölskrúðugt rit
Sigurjón BjörnssonSíðumúla 24 • Sími 568 0606
Sjónvarpsskápur
139.000 Kr