Morgunblaðið - 06.01.2003, Blaðsíða 42
42 MÁNUDAGUR 6. JANÚAR 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
KÆRI Jón.
Ég undirrituð fer þess á leit við þig
að stefna að því að fá sólarhrings-
hjúkrun í heimahúsum. Það myndi
spara fé og sjúklingarnir yrðu
ánægðir.
Það sem hefur bjargað mér fram á
þennan dag er áhugamálin. Að skapa
eitthvað fallegt sem hugur og hönd
geta unnið að. Mig vantar ekki vilj-
ann en stundum getuna og finn þá
eitthvað annað að gera. Það sem ég
er að fást við er handverk sem verð-
ur til í huganum og ég hef nú þegar
haldið tvær sýningar með góðra
manna hjálp. Ég hef fengið góða að-
sókn og veitt öðrum ánægju sem
hafa séð þær, því það er ýmislegt
hægt að gera þótt maður sé fatlaður.
En nú er svo komið að ég þarf mikla
hjálp og það ber mig ofurliði, þess
vegna skrifa ég þetta bréf til að biðja
um að fá heimahjúkrun allan sólar-
hringinn svo manni finnist maður
vera manneskja en ekki eitthvað
þriðja flokks.
Þér er velkomið að koma og ræða
við mig ef þú átt leið norður í land,
það gæti orðið athyglisvert fyrir okk-
ur bæði. En ég reyni að vera jákvæð
og raunsæ en nú er svo komið fyrir
mér að mér finnst ég oft vera að gef-
ast upp. Það eru ýmis ljón í veginum
eins og aðgengi að ýmsum stöðum
sem ég hef ánægju af að koma á, t.d. í
sund. Í vatni líður mér best en ég get
ekki klætt mig sjálf og fæ því ekki að
fara ein í sund. Ég hugsa að gott
væri að hafa möguleika á sameigin-
legum klefa fyrir konur og karla.
Mér finnst ég ekkert hafa að fela,
maður er eins og guð skapaði mann.
Þér er velkomið að koma í himna-
ríki (það er minn sælustaður) þar
sem ég vinn að mínum áhugamálum
sauma, teikna, tálga og mála. En nú
er ég að verða máttlaus í höndunum
og þarf að hugsa upp á nýtt og það
sem mér dettur fyrst í hug er að
stofna hláturklúbb sem ég myndi
nefna „Hlæjandi skvísur“ því að hlát-
ur veitir bæði gleði og ánægju og þá
gleymist að eitthvað sé að manni. Ég
hef aldrei mátt vera að því að vera
veik og læt þennan sjúkdóm ekki
ráða yfir mér. Eins og ég segi við vini
og kunningja að ég hafi verið fædd
með hálfan heila og hann sé upp-
þornaður, læknirinn minn má ekki
heyra á þetta minnst því hann segir:
„Ef einhver er klár í kollinum þá ert
það þú.“
En til að fá þessu framfylgt þarf að
borga mannsæmandi laun og það á
alls ekki að spara við hjúkrunarfræð-
inga, lækna og kennara, mikilvægt
er að stéttirnar geti helgað sig starf-
inu.
Ég óska öllum velfarnaðar á nýju
ári.
HILDUR KRISTÍN
JAKOBSDÓTTIR,
Borgarsíðu 12, 603 Akureyri.
Opið bréf til heil-
brigðisráðherra
Jóns Kristjánssonar
Frá Hildi Kristínu Jakobsdóttur:
FYRIR jólin berst okkur mikið
blaðaefni og hætt við því að sitthvað
áhugavert fari fram hjá okkur.
Föstudaginn 19. desember birtist í
Morgunblaðinu afar góð og upplýs-
andi grein eftir Hönnu Láru Steins-
son félagsráðgjafa heilabilunarein-
ingar LSH á Landakoti. Vonandi
hefur greinin náð athygli sem
flestra. Í henni er fjallað um skerð-
ingu á þjónustu við aldraða með
heilabilun og vakin athygli á því að
ekki standi til að opna eftir áramót-
in deild fyrir slíka sjúklinga sem
lokað var, tímabundið að sögn
stjórnvalda, í ágúst síðastliðnum.
Engin hætta er á því að allur sá
fjöldi fólks sem málið varðar – og
það eru ekki einvörðungu sjúkling-
arnir sjálfir – heldur einnig að-
standendur hafi látið grein Hönnu
Láru fram hjá sér fara. Þetta fólk
þekkir af eigin raun hve alvarlegt
mál er hér á ferðinni. En lokun
deildarinnar snertir fleiri en fram-
angreinda. Í greininni kemur fram
að þar sem eðli málsins samkvæmt
hafi ekki verið hægt að senda sjúk-
lingana heim hafi þeim verið komið
fyrir á öðrum deildum sem svo aft-
ur hafi haft keðjuverkandi afleið-
ingar í för með sér. Þetta hafi valdið
miklu raski í starfsemi sjúkrahúss-
ins segir í grein Hönnu Láru. „Við
bætist að þar sem bið eftir hjúkr-
unarheimili er svo löng í Reykjavík
eru sjúklingarnir enn á þessum
deildum þannig að þeir varna því að
sjúklingar af bráðadeildum spítal-
ans geti lagst inn til endurhæfing-
ar.“ Samkvæmt upplýsingum fé-
lagsþjónustunnar í Reykjavík eru
nú á biðlista 284 einstaklingar sem
skilgreindir eru í mjög brýnni þörf
fyrir hjúkrunarrými og 111 eru í
brýnni þörf fyrir dvalarrými. Á bið-
listum eru hins vegar mun fleiri eða
alls 565.
Það segir sig sjálft að við þessar
aðstæður væri það mikið glapræði
að skerða þá þjónustu sem þegar er
fyrir hendi. Hana þarf þvert á móti
að stórauka. Fylgst verður með því
hvaða ákvörðun verður tekin af for-
svarsfólki sjúkrahússins en fyrri
loforð gengu út á að sú deild sem
lokað var í ágúst yrði opnuð í byrj-
un janúar. Síðan hafa komið misvís-
andi yfirlýsingar en Hanna Lára
Steinsson varar við því að við kunn-
um að standa frammi fyrir lokun til
frambúðar. Það má ekki gerast.
ÖGMUNDUR JÓNASSON,
formaður BSRB og alþingismaður.
Verður lokað á heila-
bilaða á Landakoti?
Frá Ögmundi Jónassyni, formanni
BSRB og alþingismanni: