Morgunblaðið - 20.01.2003, Blaðsíða 1
STOFNAÐ 1913 18. TBL. 91. ÁRG. MÁNUDAGUR 20. JANÚAR 2003 mbl.is
Þýskt
bankakerfi
Fjárfestir í Búnaðarbanka úr
ólíku umhverfi Viðskipti 11
Á leið til
Aston Villa
Jóhannes Guðjónsson fer frá
Spáni til Englands Íþróttir 1
Austfirsk
sveifla
Smári Geirsson tróð upp á aust-
firskri söngskemmtun Fólk 32
SAMHERJI hf. hefur gert víðtækan samstarfs-
samning, meðal annars um fiskeldi og sölu sjáv-
arafurða, við norska sjávarútvegs- og fiskeldis-
fyrirtækið Fjord Seafood ASA. Samherji hefur
jafnframt keypt 2,6% eignarhlut í norska fyrir-
tækinu sem er eitt af stærstu fyrirtækjum í
heiminum á sínu sviði.
Samherji kaupir 2,6% hlut í Fjord Seafood í
lokuðu hlutafjárútboði fyrir um 320 milljónir ís-
lenskra króna. Jafnframt fær Fjord kauprétt á
allt að helmings hlut í fiskeldisstarfsemi Sam-
herja. Samstarf fyrirtækjanna verður á ýmsum
sviðum, að því er fram kemur í fréttatilkynningu
frá Samherja. Það felur í sér þekkingarmiðlun í
fiskeldi sem tryggir Samherja aðgang að þekk-
ingar-, innkaupa- og söluneti hjá einu stærsta
fiskeldis- og sölufyrirtæki sjávarafurða í heim-
inum. Það felur í sér samstarf fyrirtækjanna í
markaðssetningu á ferskum bolfiski og laxi. Þá
felur það í sér samstarf um þróun og þekking-
armiðlun í framleiðslu á fiskifóðri auk þess sem
Samherji hefur rétt til afhendingar á fiskimjöli
og lýsi á markaðsverði inn í fóðursamninga hjá
Fjord Seafood.
Starfsemi í fiskeldi efld
Samherji hefur aukið mjög starfsemi sína í
fiskeldi, hjá dóttur- og hlutdeildarfélögum sínum,
Íslandslaxi í Grindavík, Silfurstjörnunni í Öxar-
firði og Sæsilfri sem er að byggja upp sjókvíaeldi
í Mjóafirði. Starfsemi Samherja tekur til alls fer-
ilsins, það er að segja klaks, seiðaframleiðslu,
matfiskeldis, slátrunar, pökkunar og markaðs-
setningar afurðanna. Á nýliðnu ári nam fram-
leiðsla Samherja og tengdra fyrirtækja um 3.300
tonnum af laxi og bleikju og áform eru um tvö-
földun framleiðslunnar í ár.
Þorsteinn Már Baldvinsson, forstjóri Sam-
herja hf., segist hafa mikla trú á fiskeldi, bæði á
laxi, þorski og öðrum tegundum, og telur að fyr-
irtækið sé að taka mikilvægt skref fram á við með
því að velja sér samstarfsaðila sem hafi mikla
þekkingu á þessu sviði. Segir hann að til að efla
sig enn frekar í fiskeldinu sé Samherja mikilvægt
að fá aðgang að þeirri yfirgripsmiklu þekkingu
og reynslu sem Fjord Seafood búi yfir og öflugu
sölu- og dreifingarkerfi þess.
Samherji hefur aukið framleiðslu á fiskimjöli
og lýsi. Segir Þorsteinn Már að Fjord Seafood
muni gera kröfu um að fóðurverksmiðjur sem
þeir versla við kaupi fiskimjöl og lýsi frá Sam-
herja. Fjord notar yfir 100 þúsund tonn af fóðri á
ári en fiskimjöl og lýsi eru yfir helmingur hráefn-
isins sem í það fer. Þorsteinn Már segir að með
þessu gefist kostur á að þróa áfram mjöl- og lýs-
isframleiðslu fyrirtækisins og bendir á að stöðugt
aukist kröfur um rekjanleika og öryggi matvæla.
Samherji kaupir fyrir 320 milljónir í norsku útgerðar- og fiskeldisfyrirtæki
Samið um víðtækt samstarf
NOKKUR hundruð manns tóku þátt í mótmælaað-
gerðum í Washington, höfuðborg Bandaríkjanna, í
gær vegna hugsanlegs stríðs við Írak en mótmæla-
aðgerðir fóru einnig fram víða um heim á laugardag.
Til nokkurra ryskinga kom í gær milli lögreglunnar
og mótmælenda og voru 16 færðir í fangaklefa.
AP
Mótmælt við þinghúsið í Washington
Þriðji stærsti
laxframleið-
andi heims
FJORD Seafood ASA
er með höfuðstöðvar í
Brönnöysund í Nor-
egi. Það er þriðja
stærsta fyrirtæki
heims í laxeldi, á síð-
asta ári framleiddi
það 87 þúsund tonn af
laxfiski og var hlut-
deild þess í heims-
framleiðslu Atlants-
hafslax um 10%.
Fyrirtækið annast
alla þætti fiskeldis,
allt frá klaki hrogna
til dreifingar og
markaðssetningar afurðanna.
Auk umfangsmikillar starfsemi í
Noregi rekur Fjord Seafood fisk-
eldisstöðvar í Chile, Bandaríkj-
unum og Skotlandi og er auk þess
með söluskrifstofur víða um heim.
Dótturfyrirtæki fyrirtækisins,
Fjord Marin, stendur framarlega í
eldi ýmissa hvítfisktegunda, svo
sem barra, steinbíts og þorsks.
Áætlað er að tekjur Fjord Sea-
food nemi um 46 milljörðum ís-
lenskra króna á nýbyrjuðu ári.
Starfsmenn eru á fjórða þúsund.
Mega ekki
skoða
einkabréf
PERSÓNUVERND telur að stjórnendum
fyrirtækis hafi ekki verið heimilt að skoða
einkabréf starfsmanns síns sem send voru
og móttekin í tölvupósti fyrirtækisins og
nota þau í dómsmáli sem það átti í við
starfsmanninn eftir að hann hætti störf-
um.
Verslunarmannafélag Reykjavíkur vakti
athygli Persónuverndar á málinu. Byggð-
ist niðurstaðan meðal annars á því að ekki
yrði séð að skoðun umræddra einkaskeyta
hafi farið fram í yfirlýstum, skýrum og
málefnalegum tilgangi.
Guðmundur B. Ólafsson hdl., sem rak
málið fyrir VR, telur að niðurstaðan sé
fordæmisgefandi og leiðbeinandi fyrir
stjórnendur fyrirtækja. Þeim sé óheimilt
að skoða tölvupóst starfsmanna nema um
það séu skýrar reglur eða málefnalegar
ástæður, svo sem grunur um refsivert at-
hæfi. Þá megi ekki skoða einkabréf starfs-
manna.
Vinnuveitanda óheimilt/6
MOHAMMED ElBaradei, yfir-
maður Alþjóðakjarnorkumála-
stofnunarinnar, sagði í gær að mið-
að hefði í rétta átt á fundi sem hann
átti með íröskum ráðamönnum í
Bagdad, ásamt Hans Blix, yfir-
manni Vopnaeftirlitsnefndar Sam-
einuðu þjóðanna. Greindu Írakar
m.a. frá því á fundinum að í leit-
irnar hefðu komið fjórir tómir
efnavopnaoddar til viðbótar við þá
tólf sem vopnaeftirlitsmenn fundu
á fimmtudag.
„Ég held að við höfum náð
nokkrum árangri. Þetta voru upp-
byggilegar samræður,“ sagði El-
Baradei eftir fundinn. Lögðu þeir
Blix fast að Írökum að sýna ríkari
samstarfsvilja, svo hægt væri að
afstýra hernaðarátökum í landinu.
Í gærkvöldi hittu ElBaradei og
Blix Taha Yassin Ramadan, vara-
forseta Íraks, að máli en þeir munu
síðan eiga frekari fundi með írösk-
um embættismönnum í dag.
ElBaradei sagði að Írökum hefði
verið gerð grein fyrir því að tíminn
væri að renna frá þeim, en Blix á að
skila öryggisráði SÞ skýrslu um
vopnaeftirlitið eftir viku. Var haft
eftir Condoleezzu Rice, þjóðarör-
yggisráðgjafa Bandaríkjanna, í
gær að mánudagurinn 27. janúar
markaði „upphaf endataflsins“ fyr-
ir Íraka. „Ég tel að við séum að
nálgast þá stund er taka verður
mikilvægar ákvarðanir,“ sagði hún.
Það var sagt til marks um að
þrýstingur á Íraka væri að skila ár-
angri að þeir skyldu greina Blix og
ElBaradei frá því að fundist hefðu
fjórir efnavopnaoddar í geymslum
suður af Bagdad, en þeir eru sömu
tegundar og tólf slíkir sem vopna-
eftirlitsmenn fundu á fimmtudag.
Þá sagði Blix að Írakar hefðu reitt
af hendi nokkuð af þeim gögnum,
sem erindrekar SÞ höfðu farið
fram á að fá afhent.
Athygli vakti að bæði Donald
Rumsfeld, varnarmálaráðherra
Bandaríkjanna, og Colin Powell ut-
anríkisráðherra ljáðu máls á því í
gær að Bandaríkjastjórn myndi
beita sér fyrir því að Saddam
Hussein, forseti Íraks, yrði ekki
sóttur til saka, fengist hann til að
afsala sér völdum og fara í útlegð.
„Til að afstýra stríði, myndi ég
persónulega leggja það til að þann-
ig yrði búið um hnútana að helstu
leiðtogar Íraksstjórnar og fjöl-
skyldur þeirra fengju skjól í ein-
hverju öðru landi,“ sagði Rums-
feld. „Ég tel að það væru góð býti
ef þannig mætti afstýra stríði.“
Yfirmenn vopnaeftirlits SÞ
funduðu með varaforseta Íraks
Aukinn þrýstingur á Íraka
Bagdad, Washington. AFP, AP.
Sætta sig/12
SLÆÐINGUR af fólki var í Fjölskyldu- og
húsdýragarðinum í Reykjavík um helgina
þótt megi teljast hávetur. Garðurinn er
opinn sem útivistarsvæði frá kl. 10–17 alla
daga á veturna. Lestin sem lullar um
garðinn er jafnan vinsæl, alltént skemmti
þessi ungi piltur sér hið besta.
Morgunblaðið/Ómar
Hávetur í Fjöl-
skyldu- og hús-
dýragarðinum
♦ ♦ ♦
ÓTTINN við hryðjuverk veldur því að
færri reynast nú tilbúnir til að taka þátt í
hjálparstarfi í vanþróuðu ríkjunum, að sögn
samtaka sem sjá um að hafa uppi á læknum
og kennurum sem vilja láta gott af sér leiða.
Mark Goldring hjá Volunteer Services
Association segir framboð á hæfu fólki hafa
dregist saman eftir árásirnar á Bandaríkin
í hitteðfyrra. Réð fyrirtækið, sem jafnan
hefur 2.000 sjálfboðaliða á sínum vegum í
vanþróuðum ríkjum, aðeins 400 sjálfboða-
liða í fyrra í Bretlandi, en hafði sent 600 til
starfa árið áður. „Það kemur ekki á óvart að
fólk hugsi meira um eigið öryggi við núver-
andi aðstæður en við erum að gleyma fólki
sem þarfnast aðstoðar,“ segir Goldring.
„Við þurfum að efna til stríðs gegn fátækt
og það stríð verðum við að vinna.“
Færri vilja í
hjálparstarf
London. AP.
♦ ♦ ♦