Morgunblaðið - 20.01.2003, Blaðsíða 4
FRÉTTIR
4 MÁNUDAGUR 20. JANÚAR 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Stökktu til
Kanarí
30. janúar
frá kr. 39.963
Nú bjóðum við síðustu sætin í sólina 30. janúar til Kanaríeyja á hreint
ótrúlegu verði. Beint flug til Kanarí þann 30. janúar og þú getur valið um
eina eða tvær vikur í sólinni. Það er um 25 stiga hiti á Kanarí um miðjan
janúar og hér er auðvelt að njóta lífsins við frábærar aðstæður. Þú bókar
ferðina núna og tryggir þér síðustu sætin
og 4 dögum fyrir brottför hringjum við í
þig og látum þig vita hvar þú gistir. Á
meðan á dvölinni stendur nýtur þú
þjónustu reyndra fararstjóra okkar allan
tímann.
Síðustu sætin
Verð kr. 52.950
Verð fyrir mann, m.v. 2 í íbúð,
gisting, skattar. 30. janúar, 7 nætur.
Ferðir til og frá flugvelli kr. 1.800.
Almennt verð kr. 55.600.
Verð kr. 39.963
Verð fyrir manninn, m.v. hjón með 2
börn, 2–11 ára, flug, gisting og
skattar. 30. janúar, 7 nætur.
Ferðir til og frá flugvelli kr. 1.800.
Almennt verð kr. 41.962.
BOGINN, nýtt fjölnota íþróttahús á
félagssvæði Íþróttafélagsins Þórs
var formlega tekið í notkun á laug-
ardag. Markmið Akureyrarbæjar
með byggingunni er að koma upp
aðstöðu innanhúss fyrir knatt-
spyrnu og frjálsar íþróttir en iðk-
endur annarra íþróttagreina munu
einnig njóta góðs af tilkomu húss-
ins, m.a. göngufólk og kylfingar.
Þórarinn B. Jónsson, formaður
verkefnaliðs vegna byggingar húss-
ins, fór yfir byggingasöguna við
vígslu hússins, en undirbúningur
hófst í september árið 2000. Efnt
var til alútboðs í maí árið á eftir og
var tilboði Íslenskra aðalverktaka
tekið og samningur undirritaður í
október árið 2001. Vinna við sjálft
húsið hófst vorið 2003 og var því
skilað til verkkaupa í desember síð-
astliðnum.
Heildarkostnaður við húsið sem
og byggingu tengigangs að Hamri,
félagheimili Þórs, er um 520 millj-
ónir króna. Í kjallara Hamars er
búningsaðstaða, böð og snyrtingar,
sem verða endurnýjaðar og nýttar
fyrir íþróttahúsið.
Í Boganum er knattspyrnuvöllur
með gervigrasi, en utan þess með-
fram annarri langhlið vallarins er 5
metra breitt svæði, klætt tarta-
nefni, ætlað fyrir hlaupagreinar, en
hinum megin vallarins er svæði fyr-
ir áhorfendur. Þá er einnig annað
svæði í húsinu klætt tartanefni sem
ætlað er fyrir stökkgreinar frjálsra
íþrótta.
Verður íþróttalífi
bæjarins til góðs
Tómas Ingi Olrich mennta-
málaráðherra flutti ávarp við
vígslu hússins og sagði húsið stór-
glæsilegt og að þar myndi fara
fram fjölbreytilegt íþróttastarf í
framtíðinni. Nefndi hann einnig að
aðstaða Akureyringa til að stunda
frjálsar íþróttir batnaði til muna
með tilkomu hússins og gat þess í
lokin að ef til vill ætti húsið eftir að
heita Sigurboginn í framtíðinni.
Kristján Þór Júlíusson bæj-
arstjóri sagði við vígslu hússins að
markmið með byggingu þess væri
að halda Akureyri áfram í fremstu
röð íslenskra sveitarfélaga á sviði
íþrótta. Sagði Kristján Þór mik-
ilvægt fyrir bæjarfélagið að vera í
fararbroddi hvað varðar góða að-
stöðu til íþróttaiðkunar m.a. til að
halda í heiðri slagorð þess um að í
bænum mætti finna öll lífsins gæði.
Fulltrúar íþróttahreyfingarinnar
voru viðstaddir og fluttu ávörp,
m.a. Viðar Sigurjónsson, starfs-
maður ÍSÍ á Akureyri, sem flutti
kveðju Íþrótta- og Ólymp-
iusambands Íslands, Geir Þor-
steinsson, framkvæmdastjóri KSÍ,
og Sigurður P. Sigmundsson frá
Frjálsíþróttasambandinu. Viðar
færði húsinu m.a. skjöld til að
hengja upp innandyra og Geir
færði formönnum íþróttafélaganna
KA og Þórs fótbolta að gjöf.
Þá kom Sigbjörn Gunnarsson,
sveitarstjóri í Skútustaðahreppi,
með treyju, sem notuð hafði verið í
síðasta leik ÍBA, sameiginlegs liðs
KA og Þórs, haustið 1974 og mælt-
ist til þess að hún yrði hengd upp í
húsinu til minningar um hið sam-
eiginlega lið félaganna.
Nýtt fjölnota íþróttahús tekið í notkun á félagssvæði Þórs á Akureyri
Morgunblaðið/Kristján
Fjöldi fólks mætti við vígslu Bogans og í þeim hópi var Tómas Ingi Olrich menntamálaráðherra.
Bærinn
verði áfram
í fremstu
röð á sviði
íþrótta
FYRIR 30 árum, 23. janúar
árið 1973, var eldgosið eftir-
minnilega í Vestmannaeyjum.
Í kjölfar gossins var um 850
börnum boðið til sumardvalar
í Noregi. Í tilefni þess að 30 ár
eru liðin frá þessum viðburði
ætla Rauði kross Íslands og
Flugleiðir að bjóða „börnun-
um,“ sem nú eru fullorðin til
kaffisamsætis nk. fimmtudag
kl. 17 á Hótel Loftleiðum. Í
framhaldi af því verður svo
boðað til hátíðar í Vestmanna-
eyjum í sumar, 3. júlí, sem
nefndur hefur verið lokadagur
gossins.
Upphaf nauðvarna RKÍ
Þórir Guðmundsson, upplýs-
ingafulltrúi Rauða kross Ís-
lands, segir um 40% þessa
hóps nú búa í Vestmannaeyj-
um, 30% á höfuðborgarsvæð-
inu og um 30% dreifast á
landsbyggðina og víða um
heim. Hann segir þá aðstoð
sem Rauði krossinn veitti í
kjölfar gossins upphafið að
Nauðvörnum Rauða kross Ís-
lands. Nauðvarnir Rauða
krossins hafa síðan starfað í
kjölfar ýmissa náttúruham-
fara, nú síðast vegna jarð-
skjálftanna á Suðurlandi árið
2000. Hlutverk þeirra er að
setja upp fjöldahjálparstöðvar
í skólum og veita áfallahjálp
og aðhlynningu í kjölfar nátt-
úruhamfara og líkra atburða.
Endur-
fundir
barna á
gosafmæli
BÍLPRÓFSLAUS sextán ára piltur,
sem grunaður er um ölvun við akst-
ur, velti bifreið, sem hann hafði tekið
í leyfisleysi frá föður sínum, á
Reykjanesbraut snemma í gærmorg-
un.
Atvikið átti sér stað til móts við
Innri-Njarðvík og telur lögregla að
pilturinn hafi misst stjórn á bílnum í
hálku. Bíllinn fór eina veltu og hafn-
aði á hliðinni utan vegar.
Þegar lögregla kom á vettvang
voru pilturinn og félagi hans, sem var
með honum í bílnum, á bak og burt.
Þeir fundust stuttu síðar í grennd við
bílinn. Þeir slösuðust ekkert, en bíll-
inn er talsvert skemmdur og þurfti
að fjarlægja hann með kranabíl.
Ölvaður ökumaður velti bíl
VÆGAR aukaverkanir af bóluefn-
um geta verið nokkuð tíðar en al-
varlegar aukaverkanir koma
sjaldnast fyrir. Skráning auka-
verkana er mjög mikilvæg, bæði
af hálfu heilbrigðisstétta og al-
mennings að mati Þórólfs Guðna-
sonar, yfirlæknis á sóttvarnasviði
Landlæknisembættisins, en ráð-
gert er að koma upp leið til að skrá
aukaverkanir á vef landlæknis.
Á Læknadögum, sem lauk í
gær, ræddi Þórólfur um ýmsar
hliðar bólsetninga og bóluefna
m.a. um spurninguna: Geta bólu-
setningar valdið sjúkdómum?
Þórólfur sagði í samtali við Morg-
unblaðið að ekkert bóluefni færi á
markað fyrr en að undangengnum
miklum rannsóknum. Kröfur
væru gerðar um örugga virkni
bóluefnis, a.m.k. 80 til 85% virkni,
að það hefði sem minnstar auka-
verkanir, hefði gott geymsluþol og
væri einfalt í notkun. Í því sam-
bandi sagði hann mjög áhugavert
að verið væri að kanna hvort hægt
væri að gefa bóluefni með nefúða í
stað sprautu.
Aukaverkanir af bóluefnum
sagði Þórólfur oft koma fram en
þær væru vægar. Alvarlegar
aukaverkanir væru hins vegar
mjög sjaldgæfar. Benti hann á að
þar sem ónæmiskerfi líkamans
væri örvað með bóluefni þyrftu
menn ekki að vera hissa þótt auka-
verkanir kæmu fram. Bæru þær
oft keim af einkennum viðkomandi
sjúkdóms og væru í fæstum tilvik-
um alvarlegar eins og fyrr segir.
Fylgst með
aukaverkunum
Þórólfur sagði að þótt bóluefni
væri mikið rannsakað þegar það
kæmi á markað væri mikilvægt að
fylgjast vel með notkun þess.
Hann sagði læknum skylt að til-
kynna Lyfjastofnun um aukaverk-
anir og sóttvarnalækni sömuleiðis.
Sagði hann einnig brýnt að al-
menningur tilkynnti aukaverkanir
og sagði nú í undirbúningi að opna
fyrir slíka leið á Netinu á heima-
síðu landlæknisembættisins. Þar
yrði hægt að fylla út ákveðið eyðu-
blað með nafni þess sem tilkynnir,
við hverju hefði verið bólusett,
hvernig aukaverkunin lýsti sér og
fleira. Með slíkri skráningu segir
Þórólfur unnt að meta aukaverk-
anir og hvort eitthvað kunni að
koma á óvart í þeim efnum.
Þórólfur sagði hugmynd um
þessa leið fyrir almenning hafa
meðal annars komið fram í
tengslum við bólusetningarher-
ferðina sem hófst í haust gegn
heilahimnubólgu. Er ráðgert að
henni verði lokið síðla árs en alls
verða bólusett um 90 þúsund börn
og ungmenni á aldrinum sex mán-
aða til og með 18 ára.
Ný skráningarleið aukaverkana
bólusetninga á vef landlæknis
Skráning
aukaverkana
mikilvæg
SAMBÚÐ stöðumælis ofarlega á
Klapparstíg og gosbrunns, sem
stendur reisulegur við hlið hans,
hefur löngum verið góð en í kuldaá-
hlaupinu síðustu daga hafa sam-
skipti þeirra heldur kólnað. Gos-
brunnurinn skvettir alltaf smá
vatni á félaga sinn, til að brynna
honum og kæla niður þegar heitt er
í veðri og var gosbrunnurinn svo
ánægður með blíðviðrið síðustu
daga að hann gleymdi sér og lét því
vatnið gusa á stöðumælinn þegar
frysti.
Reyndar er stöðumælirinn svolít-
ið upp með sér að vera brynjaður
klaka, því þá taka mun fleiri veg-
farendur eftir honum þegar þeir
ganga fram hjá í þungum þönkum.
Svo hafa mjög fáir stöðumælar
fengið mynd af sér í Morg-
unblaðinu.
Köld sam-
búð stöðu-
mælis og
gosbrunns
Ljósmynd/Þórdís J.