Morgunblaðið - 06.02.2003, Page 10

FRÉTTIR
10 FIMMTUDAGUR 6. FEBRÚAR 2003 MORGUNBLAÐIÐ
MORGUNBLAÐINU hefur bor-
ist eftirfarandi athugasemd frá
Sigurði Einarssyni, forstjóra
Kaupþings banka:
„Ungur maður ritar grein í
Morgunblaðið í gær sem tæpast
getur talist málefnaleg. Honum
virðist í mun að sannfæra lesendur
um að Kauping banki hafi þvingað
SPRON til þess að kaupa Frjálsa
fjárfestingarbankann of dýru
verði. Staðreyndir málsins eru
hinsvegar þessar:
1. Kaupþing banki seldi Frjálsa
fjárfestingarbankann til þess að
styrkja fjárhagslegan grunn sinn
m.a. vegna fjárfestinga erlendis,
og vegna þess að starfsemi hans
féll ekki að kjarnasviðum Kaup-
þings. Í skráningarlýsingu Kaup-
þings vegna skráningar bankans í
kauphöllinni í Stokkhólmi er sölu-
hagnaður af eignum aðgreindur
frá öðrum rekstrarþáttum, og sér-
staklega gerð grein fyrir sölunni á
Frjálsa fjárfestingarbankanum.
Því er það röng ályktun að geng-
ishagnaður sölunnar hafi haft
áhrif á afstöðu hluthafa í JP Nord-
iska bankanum til yfirtökutilboðs
Kaupþings banka.
2. Kaupþing banki taldi að hæfi-
legt verð fyrir Frjálsa fjárfesting-
arbankann væri 4,5 til 5,0 millj-
arðar króna, en ekki gekk saman á
því verði, og var að lokum fallist á
gagntilboð Jóns G. Tómassonar,
stjórnarformanns SPRON, upp á
3,8 milljarða króna, enda fylgdi
fasteign félagsins ekki með í kaup-
unum. Samningana gerðu forstjóri
Kaupþings og stjórnarformaður
SPRON og var staðið að málum
með sérstakri varfærni vegna þess
að stjórnarformaður Kaupþings
banka er jafnframt sparisjóðs-
stjóri SPRON. Það leiðir af sjálfu
sér að hann sem stjórnarformaður
Kaupþings banka tók ekki þátt í
umræðu og afgreiðslu málsins inn-
an stjórnar Kaupþings banka og
er það staðfest í fundargerð.
3. Þegar í hlut eiga tvö fjármála-
fyrirtæki á frjálsum markaði, sem
daglega standa í viðskiptasamn-
ingum og verðmati, er krafa um
óháð verðmat sem undanfara
kaupsamnings óþörf, að því gefnu
að framkvæmdin sé með þeim
hætti að komið sé í veg fyrir
mögulega hagsmunaárekstra, eins
og gert var í þessu tilfelli. Kaup-
þing banki og SPRON eru hvor
um sig fullfær um að meta við-
skiptatækifæri, en auðvitað lítur
hvor aðili sínum augum á silfrið.
4. Hlutabréf Kaupþings banka hf.
hafa verið skráð á O-lista Kaup-
hallarinnar í Stokkhólmi og lík-
lega hefur ekkert íslenskt fyrir-
tæki gengið í gegnum jafn-
nákvæma skoðun og upplýs-
ingagjöf eins og Kaupþing í
tengslum við þessa skráningu.
Fjármálaeftirlitið í Svíþjóð innti
Kaupþing banka meðal annars eft-
ir því hversvegna Frjálsi fjárfest-
ingarbankinn hefði verið seldur út
úr samstæðunni. Fram komu
spurningar meðal hluthafa í JP
Nordiska bankanum um það hvort
stærsti hluthafinn í Kaupþingi
banka, SPRON, hefði fengið að
kaupa Frjálsa fjárfestingarbank-
ann á of hagstæðu verði. Sú skoð-
un var einnig sett fram að bankinn
hefði verið seldur á of lágu verði
miðað við öryggi tekna og gæði út-
lána. Að lokinni yfirferð gagna
voru engar athugasemdir gerðar,
hvorki við framkvæmd né söluverð
í þessum viðskiptum.
Niðurstaða:
Það er ætíð álitamál hvað er rétt
verð í viðskiptum. Þegar litið er
um öxl er það álit Kaupþings
banka að það sé erfitt að halda því
fram af nokkurri sanngirni að
SPRON hafi keypt Frjálsa fjár-
festingarbankann á of háu verði.
Mál er því að linni ómálefnalegu
sjónarspili vegna þessara við-
skipta, sem að öllu leyti voru eðli-
leg.“
Athugasemd frá Sigurði Einarssyni, forstjóra Kaupþings banka
„Mál að sjónarspili linni“
ÞINGFUNDUR hefst kl. 10.30 í
dag. Á dagskrá eru 40 þingmál. Að-
allega þingmannamál. M.a. er fyr-
irhugað að Guðmundur Árni Stef-
ánsson, Samfylkingunni, mæli fyrir
tillögu um starfslok fyrrverandi
forstjóra Landssíma Íslands hf.
DAVÍÐ Oddsson forsætisráðherra
fullyrti á Alþingi í gær að kaupmátt-
ur bóta, atvinnuleysisbóta til að
mynda, hefði vaxið um 13% á und-
anförnum árum. Sagði hann það
fagnaðarefni. Kom þetta fram í máli
hans eftir að Jóhanna Sigurðardótt-
ir, þingmaður Samfylkingarinnar,
hafði innt hann eftir upplýsingum
um gerð samræmds neyslustaðals
um framfærslukostnað heimilanna.
Hún hefði flutt tillögu um gerð slíks
staðals fyrir nokkrum árum.
Forsætisráðherra sagði m.a. að
verið væri að vinna að þessum mál-
um í nefnd og að vænta mætti nið-
urstaðna innan næstu mánaða.
Í umræðunni var Pétur H. Blön-
dal, þingmaður Sjálfstæðisflokksins,
minntur á ummæli sín um lágmarks-
bætur og Pétur sagði rétt að hann
hefði verið spurður að því hvort hann
gæti lifað á 90 þúsund kr. á mánuði.
Eftir smá umhugsun hefði hann talið
að hann gæti það. Það væri þó ekki
létt. „Í mig hafa hringt þrír aðilar
síðan þetta gerðist sem eru með 90
þúsund kr. og þaðan af lægra og
segjast lifa góðu lífi af því. Einn er
bóndi sem sagðist ekki hafa vanist
þeirri eyðslu sem gengur hérna í
bænum. Hann býr reyndar í bænum
núna, er kominn á eftirlaun og telur
sig geta lagt fyrir af þeim tekjum í
hverjum mánuði,“ sagði Pétur. „Síð-
an hafa hringt í mig þrír aðilar sem
segjast vera fátækir. Einn er raun-
verulega fátækur að mínu mati, það
er forsjárfaðir sem á þrjú börn sem
hann þarf að borga meðlag með og er
á atvinnuleysisbótum.“
Kaup-
máttur
bóta vaxið
um 13%
Davíð Oddsson
TVEIR varaþingmenn hafa tekið
sæti á Alþingi í þessari viku. Annars
vegar Páll Magnússon, varaþing-
maður Framsóknarflokksins, en
hann tekur sæti í fjarveru Sivjar
Friðleifsdóttur. Hins vegar Vil-
hjálmur Þ. Vilhjálmsson, varaþing-
maður Sjálfstæðisflokksins, en hann
tekur sæti í fjarveru Guðmundar
Hallvarðssonar. Páll og Vilhjálmur
hafa báðir áður tekið sæti á þingi.
Varaþingmenn
taka sæti
JÓN Kristjánsson, settur umhverf-
isráðherra, sagði á Alþingi í gær að
svo virtist sem víðtæk sátt væri um
nýlegan úrskurð sinn um Norðlinga-
ölduveitu. „Það virðist vera víðtæk
sátt um þennan úrskurð. Það hef ég
fundið alveg greinilega. Ég hef fund-
ið meiri viðbrögð við þessu máli
heldur en ég hef nokkru sinni fundið
áður frá því ég byrjaði í stjórnmál-
um.“
Málið var rætt utan dagskrár á
Alþingi í gær að frumkvæði Stein-
gríms J. Sigfússonar, formanns
Vinstrihreyfingarinnar – græns
framboðs. Þingmenn hrósuðu marg-
ir hverjir því hversu Jón Kristjáns-
son hefði unnið vel að úrskurðinum.
Steingrímur J. Sigfússon sagði
m.a. í upphafi máls síns að úrskurð-
ur ráðherra hefði valdið sér von-
brigðum; hann hefði m.ö.o. bundið
vonir við það að ráðherra hafnaði öll-
um hugmyndum um miðlunar- eða
veitulón á Þjórsársvæðinu. Stein-
grímur tók þó fram að úrskurður
ráðherra fæli í sér mun skárri fram-
kvæmd en óbreytt niðurstaða Skipu-
lagsstofnunar og Landsvirkjunar.
Síðan sagði Steingrímur: „Ég vil
taka það fram að ég tel að settur um-
hverfisráðherra, Jón Kristjánsson,
eigi hrós skilið fyrir þá miklu vinnu
og alúð sem hann lagði í þetta verk-
efni. Þegar ráðherra var að rök-
styðja niðurstöðu sína m.a. með því
að tiltekinni hagkvæmni væri fórnað
í þágu náttúruverndar og til þess að
unnt væri að virða friðlýsinguna og
alþjóðlegar skuldbindingar skv.
Ramsar-sáttmálanum, þá fannst
mér um sinn eins og þjóðin hefði
loksins eignast eiginlegan umhverf-
isráðherra. En því miður aðeins
tímabundið og í þessu eina máli.“
Steingrímur sagði einnig að enginn
vafi léki á því að úrskurður ráðherra
væri ákveðinn varnarsigur. Þá sýndi
úrskurðurinn hversu mikilvægt væri
að halda áfram varðstöðunni um há-
lendið og náttúruperlurnar, því að
þeim væri sótt úr ýmsum áttum.
Ekki ráðherra að dæma
Steingrímur spurði m.a. ráðherra
að því hvort komið hafi til álita að
fella hinn kærða úrskurð Skipulags-
stofnunar úr gildi í heild sinni en
benda framkvæmdaraðilum þess í
stað á aðra möguleika á útfærslu
framkvæmdarinnar. „Svarið við
þessari spurningu er nei,“ sagði ráð-
herra. „Ég sem settur umhverfisráð-
herra hafði þrjá kosti; að segja nei,
að segja já, eða skilyrða heimildina.
Þetta var mitt hlutverk og mín nið-
urstaða var sú að mér bæri skylda til
að taka efnislega á kærunum.“
Steingrímur spurði ráðherra einn-
ig að því hvort hann teldi úrskurðinn
hafa fordæmisgildi hvað varðaði
stöðu friðlýstra svæða. Ráðherra
svaraði því til að það væri ekki hans
að meta. „Í þessu máli erum við að
tala um Þjórsárver sem er viðkvæmt
friðland. Ég taldi miklu máli skipta
að hafa úrskurðinn skýran og af-
dráttarlausan hvað varðaði friðland-
ið. Það var mitt hlutverk að gera
það. Ég er þeirrar skoðunar að það
verði að fara að öllu með gát þegar
friðlönd eru annars vegar. Ég ætla
þó ekki að túlka þennan úrskurð
minn sem setts umhverfisráðherra
frekar eða fara með hann inn í fram-
tíðina.“
Margir þingmenn tóku til máls í
umræðunni og sagði Össur Skarp-
héðinsson, formaður Samfylkingar-
innar, m.a. að umræddur úrskurður
hefði komið sér á óvart. „Hann kom
mér á óvart fyrir þá hugvitssemi
sem í honum var sýnd. Ég er þeirrar
skoðunar að með honum hafi unnist
ákaflega mikilvægur varnarsigur
fyrir okkur umhverfissinna sem
höfðum barist fyrir björgun Þjórs-
árvera.“ Össur taldi að umhverfis-
ráðherrar framtíðarinnar hlytu að
fylgja honum eftir með því að skerða
ekki mörk opinbers friðlands.
Guðjón Guðmundsson, þingmaður
Sjálfstæðisflokksins, kvaðst eins og
Össur hafa búist við öðrum úrskurði.
„Ég hafði búist við því að úrskurður
Skipulagsstjóra yrði staðfestur.“
Sagðist hann þó vel skilja afstöðu
setts umhverfisráðherra sem hefði
lagt sig í líma við að finna leið sem
sætti ólík sjónarmið í málinu. „Það
sem skiptir meginmáli nú er að
Landsvirkjun taki af skarið og til-
kynni Norðuráli að fyrirtækið fái þá
orku sem það þarf til stækkunar ál-
versins. Það svar þarf að liggja fyrir
sem fyrst þannig að Hitaveita Suð-
urnesja og Orkuveita Reykjavíkur,
sem einnig taka þátt í orkuöflun, geti
hafið framkvæmdir.“
Þingmaður Frjálslynda flokksins,
Guðjón A. Kristjánsson, sagði einnig
eins og margir aðrir þingmenn að
niðurstaða setts umhverfisráðherra
væri vel viðunandi. Allir ættu að
geta unað við þann úrskurð.
Morgunblaðið/RAX
Horft í norðaustur til Hofsjökuls. Votlendið er dæmigert fyrir það land, sem færi undir vatn, yrði ráðist í framkvæmdir og miðlunarlón myndað.
Ráðherra segir víðtæka
sátt um úrskurðinn
Utandagskrárumræða um úrskurð ráðherra um Norðlingaölduveitu
♦ ♦ ♦