Morgunblaðið - 23.04.2003, Blaðsíða 21

ERLENT
MORGUNBLAÐIÐ MIÐVIKUDAGUR 23. APRÍL 2003 21
áfram Ísland
Viltu fá frambjó›endur Sjálfstæ›isflokksins á fund í félaginu flínu, í heimsókn
í fyrirtæki› e›a á vinnusta›inn flinn?
Vinsamlegast haf›u samband vi› skrifstofu Sjálfstæ›isflokksins
í síma 515 1700 e›a xd@xd.is
Viltu spjalla vi› frambjó›endur?
xd.is
TALIÐ er að lík næstum eitt þús-
und pólitískra andstæðinga stjórnar
Saddams Husseins í Írak liggi í
grafreit í útjaðri Bagdad. Liggur
fólkið í númeruðum gröfum á leyni-
legum stað í grafreitnum. Í bygg-
ingu ekki langt í burtu hefur fundist
gífurlegur fjöldi leyniskjala sem
greina frá aftökum, handtökum og
yfirheyrslum embættismanna Sadd-
am-stjórnarinnar yfir fjölda fólks.
Grafirnar eru í Al-Qarah-graf-
reitnum, sem er um 30 km frá mið-
borg Bagdad og um tvo kílómetra
frá Abu Ghraib, stærsta fangelsinu í
Írak í valdatíð Saddams.
„Baath-stjórnin er fallin og nú
getum við talað við ykkur,“ sagði
Mohymeed Aswad vörður í garðin-
um við fréttamenn. „Allt tengist
þetta stjórnmálum [landsins]. Tíu til
fimmtán lík voru flutt hingað í einu
frá Abu Ghraib-fangelsinu og við
grófum þau hér,“ sagði hann.
Mohammed Moshan Mohammad
líkgrafari sagði að síðustu þrjú árin
sem hann vann í Al-Qarah hefðu að-
eins verið flutt til greftrunar lík
karla og kvenna á aldrinum 15 til 30
ára. Hefði fólkið verið annaðhvort
skotið til bana eða hengt.
„Þetta var allt ungt fólk. Óbreytt-
ir borgarar voru hengdir. Stundum
var komið með lík hermanna og þeir
höfðu allir verið skotnir. Búningur-
inn gaf til kynna ef um hermann var
að ræða,“ sagði Mohammad.
„Það er kona í þessari gröf. Hún
hafði verið hengd,“ sagði Mohamm-
ad og benti á gröf nr. 952. „Síðasta
líkið, nr. 993, var flutt hingað af
leynilögreglumönnum og viðkom-
andi hafði verið hengdur.“
Sagði hann að fimm aðrir graf-
reitir í Bagdad hefðu að geyma
leynilegar grafir fólks sem myrt
hefði verið af pólitískum ástæðum. Í
Bagdad væri því áreiðanlega að
finna lík um sex þúsund manna, sem
teknir hefðu verið af lífi vegna póli-
tískra skoðana sinna.
Reuters
Tveir menn grafa upp lík í Abu Ghraib-fangelsinu í þeirri von að finna líkamsleifar ættingja sinna.
Leynilegur greftrunar-
staður pólitískra fanga
Bagdad. AFP.
TALIÐ er, að tæplega 190 manns
hafi farist af slysförum í Bangla-
desh síðustu daga. Týndu flestir lífi
er tveimur ferjum hvolfdi en auk
þess er talið, að margir hafi beðið
bana af völdum eldinga.
Að minnsta kosti 100 menn
týndu lífi er ferju hvolfdi á Burig-
anga-fljótinu og aðrir 52 voru tald-
ir af eftir að önnur ferja, sem var
að flytja brúðkaupsgesti, sökk í
Kishoreganj-héraði. Þá herma
fréttir, að 35 hafi farist og um 400
slasast af völdum eldinga og er hús
hrundu í miklu úrfelli. Einnig var
eitthvað um mannskaða er litlir
bátar sukku víða um landið.
Farþegar með ferjunni Mitali
voru eitthvað á þriðja hundraðið er
henni hvolfdi á Buriganga-fljóti og
í gær höfðu fundist lík rúmlega
hundrað manna. Haft var eftir ein-
um þeirra, sem af komust, að far-
þegarnir hefðu beðið skipstjóra
ferjunnar að sigla í höfn er veðrið
tók að versna en hann hefði ekki
sinnt því fyrr en óveðrið skall á
fyrir alvöru. Þá var það um seinan.
Fjölmiðlar í Bangladesh segja,
að rekja megi þessi ferjuslys og
flest önnur til þess, að allt of margt
fólk sé um borð í þeim. Hafa til-
raunir stjórnvalda til að koma í veg
fyrir það lítinn árangur borið til
þessa.
Frá árinu 1977 hafa farist að
minnsta kosti 3.000 manns í 260
ferjuslysum í landinu.
Mikið manntjón
í Bangladesh



!"""#   $ %   "%# "&#%
#'$%( #
,4
 $(
511 % 
) *#( 60  511

 7 , 8 ' 7 ,


Dhaka. AFP.