Morgunblaðið - 23.04.2003, Blaðsíða 44

MINNINGAR
44 MIÐVIKUDAGUR 23. APRÍL 2003 MORGUNBLAÐIÐ
✝ Rannveig G. Haf-berg var fædd á
Markeyri í Skötufirði
við Ísafjarðardjúp 6.
desember 1907. Hún
lést á hjúkrunar-
heimilinu Eir 12. apr-
íl síðastliðinn. For-
eldrar hennar voru
hjónin Helga Jóns-
dóttir, f. 1.11. 1862 að
Skjaldfönn við Ísa-
fjarðardjúp, húsmóð-
ir í Skötufirði og
Hnífsdal og síðustu
ár sín í Reykjavík, d. í
Reykjavík 4.7. 1948,
og Guðmundur Arason, f. 14.12.
1870 í Ármúla við Ísafjarðardjúp,
verkamaður og sjómaður í Skötu-
firði og Hnífsdal, d. 19.2. 1956 í
Reykjavík. Systir Rannveigar var
Jónína Guðrún Guðmundsdóttir, f.
22.9. 1900, d. 18.3. 1965, gift Emil
Ásmundssyni, f .31.8. 1907, d. 21.8.
1980. Rannveig giftist 10. apríl
1941 Engilberti Ólafi Hafberg, f.
9.9. 1890 að Hliði á Álftanesi,
kaupmanni, hann var þá ekkju-
maður, d. 1.11. 1949. Börn þeirra
eru: 1) Helga, f. 3.6. 1939, gift
Friðfinni Ágústssyni, f. 3.11. 1941.
Synir þeirra eru a) Engilbert Ólaf-
ur, f. 25.8. 1969; b) Hafsteinn
Ágúst, f. 4.10. 1970; c) Ari, f. 14.6.
1975. 2) Eysteinn G. F. f. 15.8.
1940, kvæntur Elínu Ó. Hafberg, f.
23.5. 1942. Börn þeirra eru a)
Rannveig, f. 21.12. 1966; b) Hafdís,
f. 1.5. 1971; c) Steinar Björn, f. 6.5.
1973. 3) Ingibjörg Ólína, f. 30.10.
1947, gift Gunnlaugi Þorsteins-
syni, f. 24.8. 1947; a) Hörður, f.
18.1. 1974; b) Harpa, f. 21.2. 1976;
c) Haukur, f. 19.10. 1978; d) Rann-
veig, f. 28.5. 1982. Langömmu-
börn Rannveigar eru 13. Önnur
börn Engilberts eru Þórarinn. f.
7.1. 1915, d. 1988;
Einar Eggert, f.
18.11. 1918, d. 1986;
Magnús Finnur, f.
23.6. 1923; Gunnar,
f. 25.9. 1925, d. 1943;
Einar Jens, f. 10.7.
1927, d. 27.1. 2003;
Hulda Guðrún, f.
14.11. 1928, d. 10.4.
1988; Olga, f. 8.6.
1930.
Fyrstu 12 árin sín
var Rannveig í
Skötufirðinum en
flutti síðan í Hnífsdal
og var þar til 17 ára
aldurs er hun flutti til Reykjavík-
ur. Þar vann hún við m.a. við fisk-
verkun og einnig var hún í kaupa-
vinnu á sumrin. Haustið 1932 fór
hún í Samvinnuskólann sem þá
var í Reykjavík. Þaðan útskrifað-
ist hún vorið 1934. Um sumarið
réð hún sig á matsölustað sem hét
Svanurinn og var á horni Grett-
isgötu og Barónsstígs. Þar var
eigandi Engilbert Ólafur Hafberg
sem seinna varð eiginmaður henn-
ar. Til Kaupmannahafnar fór hún
veturinn l936–1937 í hússtjórnar-
skóla. Vorið 1938 flutti þau Eng-
ilbert og Rannveig til Viðeyjar og
varð hún þar húsmóðir í Viðeyj-
arstofu til ársins 1948 er þau
fluttu á Spítalastíg 1 í Reykjavík
þar sem hún bjó í 45 ár ekkja. Eft-
ir lát Engilberts vann hún fyrst
við heimilishjálp og síðan frá 1960
á saumastofu Lífstykkjabúðarinar
þar til hún veiktist í mars 1984 þá
76 ára. Heima var hún með góðri
hjálp Elísabetar Einarsdóttur þar
til hún flutti á hjúkrunarheimilið
Eir í okt. 1993.
Útför Rannveigar verður gerð
frá Grafarvogskirkju í dag og
hefst athöfnin klukkan 13.30.
Mínar fyrstu minningar um þig,
amma mín, voru þegar þú komst í
sunnudagsmatinn upp í Breiðholt.
Þegar þú komst í strætó var ég alltaf
úti í glugga og beið eftir að stræt-
isvagninn kæmi og ég sæi þig labba
frá Vesturberginu í átt til okkar.
Þegar þú nálgaðist og ég gat séð að
þetta varst þú hljóp ég alltaf inn í
eldhús og tilkynnti það með miklum
látum að amma væri að koma. Síðan
fór ég aftur að glugganum og beið
þess að þú værir komin nógu nálægt
til að sjá mig og þá veifaði ég þér
alltaf og alltaf vissir þú af mér þarna
uppi og veifaðir til baka. Mér fannst
það voða skrítið fyrst eftir að þú
lamaðist og hættir að geta komið í
strætó til okkar að sjá þig ekki koma
labbandi til mín úr glugganum. Ég
kom svo oft með mömmu til þín á
Spítalastíginn og þú tókst alltaf svo
vel á móti mér og þegar ég kom einn
til þín í strætó úr Ártúnsholtinu var
ég svo stoltur og þú af mér. Hörður
og Harpa höfðu fengið að gista yfir
helgi hjá þér og þegar ég fékk það
loksins var ég í sjöunda himni. Þetta
var hápunktur vikunnar, bara við
tvö saman. Þú varst svo heppin með
að fá Elísabetu til að hjálpa þér svo
þú gast verið lengur heima því þrátt
fyrir að það hefði mikla erfiðleika í
för með sér að búa lömuð ein vildir
þú ekki hugsa um það að flytja eitt-
hvert annað. Spítalastígurinn var
alltaf miðpunktur alls hjá stórfjöl-
skyldunni, þar hittust allir m.a. 17.
júní og 6. des. á afmælinu þínu og
fannst mér það mjög skrítið þegar
þú fluttir á Eir að hafa ekki Spít-
alastíginn.
Þú varst alltaf svo mikið fyrir úti-
veruna og vildir helst komast út alla
daga og þegar ég kom í heimsókn til
þín á Eir reyndi ég alltaf að fara með
þig eitthvað út og bara út í dyrnar á
svölunum ef veðrið var ekki nógu
gott. Þú varst endurnærð eftir að
komast aðeins í útiloftið. Eins og það
var skrýtið að koma ekki lengur á
Spítalastíginn verður það líka skrýt-
ið að koma ekki lengur í heimsókn til
þín á Eir eða sækja þig í heimsókn
til okkar. Ég veit að nú ertu á góðum
stað, aftur með afa eftir langan að-
skilnað. Þú ert mér fyrirmynd því
uppgjöf var ekki til hjá þér og þú
hélst alltaf áfram að berjast, sama
hvað á dundi og þannig vil ég líka
verða. Ég á eftir að sakna þín mikið,
amma mín, en ég er þakklátur fyrir
þann tíma og þær minningar sem þú
gafst mér.
Haukur.
Mig langar að minnast þín, elsku
amma mín, með nokkrum orðum.
Þær eru margar góðu minningarnar
þegar litið er til baka. Allar góðu
stundirnar á Spítalastígnum koma
þó fyrst upp í hugann, þar var mið-
depill alls sem var að gerast í bæn-
um, þar hittust oft börnin þín með
okkur grislingana og farið var í bæ-
inn saman og síðan hist hjá þér í
kaffi og góðu meðlæti og ekki má
gleyma kókinu og appelsíninu sem
við krakkarnir drukkum með bestu
lyst. Oft kom ég svo í helgarheim-
sóknir til þín þar sem ég fékk að
gista, þetta var skemmtilegur tími.
Eins var gott eftir góðan blaðsölu-
dag í bænum að koma til þín í hress-
ingu áður en heim var haldið. Það
var gott að kíkja til þín þegar frí var
milli tíma í Iðnskólanum þegar ég
var þar. Þú barðist áfram þrátt fyrir
áföll sem þú varðst fyrir og aldrei
var um neina uppgjöf að ræða. Þú
fékkst frábæra konu þér til hjálpar,
hana Elísabetu, og áfram hélstu
þínu stiki. Þú fluttist síðan upp í
Grafarvog á hjúkrunarheimilið Eir
og þar áttum við einnig góðar stund-
ir saman og einkum eftir að dóttir
mín, Ásta Jóhanna, fæddist en þið
náðuð vel saman. Það var sérstak-
lega góð stund sem við áttum nú um
daginn þar sem þið Ásta leiddust um
gangana á Eir og voruð báðar í sér-
lega góðu skapi þennan dag. En
hann var sá síðasti sem þið hittust.
Það vantar mikið þegar þú ert farin
frá okkur. Þín er sárt saknað. Takk
fyrir allt og góð samferðarár. Hvíldu
í friði.
Hörður Gunnlaugsson.
Elsku amma mín. Mig langar að
minnast þín með nokkrum orðum.
Ég á margar góðar minningar um
þig, og ef ég ætti að telja þær allar
upp yrðu það margar blaðsíður.
Ég man eftir þegar ég var sjö ára
og við fórum í sund saman í Sund-
höllina í Reykjavík og höfðum við
með okkur nesti, kókómjólk og mat-
arkex, þar sem við ætluðum að fara í
sólbað. Þetta ætluðum við að gera
oftar en það varð því miður ekkert
úr því, þar sem þú veiktist og lam-
aðist í mars 1984.
RANNVEIG
HAFBERGÁstkær móðir okkar, tengdamóðir, amma og
langamma,
GUÐLAUG GUÐLAUGSDÓTTIR,
Holti,
Garðabæ,
lést mánudaginn 31. mars.
Útförin fer fram frá Garðakirkju föstudaginn
25. apríl kl. 13.30.
Gísli H. Líndal Finnbogason,
Kristberg H. Finnbogason, Jórunn Sigurmundsdóttir,
Stefán H. Finnbogason, Hulda C. Guðmundsdóttir,
Finnbogi G.H. Finnbogason, Sigrún Gunnarsdóttir,
Sævar Þ. Finnbogason, Eyrún B. Jónsdóttir,
barnabörn og langömmubörn.
Elskuleg móðir okkar, tengdamóðir, amma
og langamma,
MARGRÉT ÞORGILSDÓTTIR,
verður jarðsungin frá Hólskirkju föstudaginn
25. apríl kl. 14.00.
Bjarni Jón Þorkelsson,
Anna Sigríður Þorkelsdóttir, Róbert Bjarnason,
Katrín Þorkelsdóttir, Börkur Skúlason,
Helga Jóna Þorkelsdóttir, Stefán Þórarinsson,
Guðlaug Þorkelsdóttir, Guðbrandur Benediktsson,
ömmubörn og langömmubörn.
Okkar ástkæri faðir, tengdafaðir, uppeldisfaðir,
vinur, afi, langafi og langalangafi,
SVEINN GUÐNASON
fyrrv. mjólkurbifreiðarstjóri, Selfossi,
síðast til heimilis á
Kirkjuhvoli, Hvolsvelli,
sem lést að kvöldi föstudagsins langa, verður
jarðsunginn frá Selfosskirkju laugardaginn
26. apríl kl. 13.30.
Guðlaugur Þórir Sveinsson, Kristín Kristjánsdóttir,
Ásta Kristinsdóttir,
Guðrún Sveinsdóttir,
afa-, langafa- og langalangafabörn.
Hjartans þakkir fyrir auðsýnda samúð og hlýjar
kveðjur vegna andláts og útfarar
JÓNS PÉTURSSONAR,
Eyrarhrauni,
Hafnarfirði.
Börn, tengdabörn
og fjölskyldur þeirra.
Hjartans þakkir til allra fyrir auðsýnda samúð
og hlýhug við andlát og útför elsku eiginkonu
minnar, móður, tengdamóður, ömmu og lang-
ömmu,
EVU JÓNSDÓTTUR,
Klapparstíg 5,
Sandgerði.
Guð veri með ykkur.
Ármann Heiðar Halldórsson,
Anna J. Ármannsdóttir, Kári Andreassen,
Halldór Ármannsson, Ásdís E. Jónsdóttir,
Ingibjörg S. Ármannsdóttir, Ásbjörn Pálsson,
ömmubörn og langömmubörn.
Elskuleg móðir okkar,
VILBORG PÁLÍNA BJARNADÓTTIR
frá Stóra-Bóli,
Víkurbraut 30,
Höfn,
verður jarðsungin frá Hafnarkirkju, Höfn
í Hornafirði, laugardaginn 26. apríl kl. 14.00.
Páll Helgason,
Gunnar Helgason
og fjölskyldur.
Elskuleg móðir okkar,
HELGA ÁSGRÍMSDÓTTIR,
Lerkigrund 1,
áður Suðurgötu 124,
Akranesi,
verður jarðsungin frá Akraneskirkju í dag, miðvikudaginn 23. apríl,
kl. 14.00.
Fyrir hönd fjölskyldunnar,
börn hinnar látnu.
Hjartans þakkir til þeirra, sem sýndu okkur
hlýhug og vináttu við andlát og útför elsku-
legrar móður okkar, tengdamóður, ömmu
og langömmu,
BERGÞÓRU ÞORGEIRSDÓTTUR.
Níelsa Magnúsdóttir, Jón Lárus Bergsveinsson,
Þórhildur Magnúsdóttir, Kristinn Ólafur Jónsson,
Guðrún Erna Magnúsdóttir, Pálmi Ólafsson,
barnabörn og barnabarnabörn.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi. Einnig er hægt að senda ör-
stutta kveðju, HINSTU KVEÐJU, 5–15 lín-
ur, og votta virðingu án þess að það sé gert
með langri grein. Greinarhöfundar eru
beðnir að hafa skírnarnöfn sín en ekki stutt-
nefni undir greinunum.