Morgunblaðið - 02.09.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 2. SEPTEMBER 2003 11
„VIRKNI til vinnu“ er yfirskrift
fjögurra vikna endurhæfingarnám-
skeiðs sem hefst hjá heilsumiðstöð-
inni Saga Heilsa og Spa nú í vetur.
Að sögn Guðmundar Björnssonar,
sérfræðings í endurhæfingarlækn-
ingum, stofnanda og aðaleigenda
Saga Heilsa og Spa, er um nýbreytni
í endurhæfingu hér á landi að ræða.
Hann telur að léttari endurhæfing
eigi ekki að fara fram á stofnunum,
enda sé námskeiðið sniðið sem slíkt.
Þátttakendur fái svipaða þjónustu og
hingað til hefur verið boðið upp á
endurhæfingardeild, en nú þurfi þeir
ekki að leggjast inn á sjúkrahús.
„Ég starfaði áður á Heilsustofnun í
Hveragerði, eða Heilsuhælinu eins
og það er oftast kallað, og hafði þá
þessa draumsýn. Mig langaði til þess
að koma upp svona heilsumiðstöð,
þar sem endurhæfing færi meðal
annars fram. Eftir átta ára farsælt
starf sem yfirlæknir ákvað ég að tím-
inn væri kominn að beyta til og stofn-
aði fyrirtækið Saga Heilsa og Spa.“
Fyrirtækið rekur nú heilsumiðstöð
við Nýbýlaveg 24 í Kópavogi. Þar er í
boði snyrti- og dekurþjónusta auk
heilsuræktar og sundlaugar. Áhersla
er lögð á þá nýjung að bjóða upp á
heilsuverndar- og endurhæfingar-
þjónustu. „Það má segja að ég sé nú
að lifa drauminn minn.“
Guðmundur segir að námskeiðið
„Virkni til vinnu“ sé hugsað fyrir þá
sem séu óvinnufærir vegna verkja.
Markmið endurhæfingarinnar er að
bæta andlega og líkamlega líðan
fólks ásamt færni til vinnu. Þá á end-
urhæfingin að draga úr tímabundinni
óvinnufærni og varanlegri örorku.
„Fagfólk á öllum sviðum meðhöndlar
sjúklingana. Þeir verða metnir af
endurhæfingarlækni, sjúkraþjálfara
og sálfræðingi. Þá fá þeir viðtal við
hjúkrunarfræðing og næringarfræð-
ing. Matið samanstendur af mats-
upplýsingum frá sjúkraþjálfara, sál-
fræðingi og endurhæfingarlækni,
ásamt ráðleggingum félagsráðgjafa
ef þörf er á. Við nýtum okkur aðstöð-
una hjá okkur, auk gönguleiða í ná-
grenninu. Eftir samráð læknis og
annars fagfólks er lögð fram endur-
hæfingaráætlun
og æskilegar leiðir til úrbóta
ákveðnar,“ útskýrir Guðmundur.
Þegar hann er spurður út í kostn-
aðinn við námskeiðið svarar hann að
fjöggurra vikna námskeið kosti eins
og vikudvöl á endurhæfingarstofnun.
„Sá möguleiki hefur verið viðraður
við fulltrúa Tryggingastofnunar að
þeir geri þjónustusamning við okkur,
þar sem við teljum að margir af
þeirra skjólstæðingum geti nýtt sér
þessa þjónustu. Við vonumst til þess
að menn sjái skynsemina í þessu og
það verður sjálfsagt skoðað í ljósi
reynslunnar,“ segir Guðmundur og
bendir á að kaupendur þjónustunnar
verði lífeyrissjóðir, sjúkrasjóðir og
tryggingafélög.
Hjá Saga Heilsa og Spa er boðið
upp á margt fleira heldur en endur-
hæfingu. Fjölmörg fyrirtæki hafa
gert þjónustusamninga um heilsu-
vernd og endurhæfingu. Markmið
þessara samninga er meðal annars
að fyrirbyggja veikindi, atvinnu-
tengd álagseinkenni og slys sem
rekja má til atvinnu fólks. Þá er ætl-
unin að auka þekkingu starfsmanna
og stjórnenda fyrirtækja á mikilvægi
heilsu og öryggis í vinnu og áhættu-
þáttum í vinnuumhverfi. Jafnframt
er markmiðið að draga úr fjarvistum
vegna veikinda og slysa og koma í
veg fyrir ótímabær starfslok.
„Vinnuveitendur eru æ betur að gera
sér grein fyrir verðmæti starfs-
manna sinna. Fyrirtæki eru starfs-
fólkið. Við bjóðum upp á heilsufars-
eftirlit, mælum blóðfitu og
blóðsykur, bjóðum meðal annars upp
á augnskoðun, bólusetningar og
beinþéttnimælingar. Við skipuleggj-
um heilsuvikur, mataræði, kennum
réttar líkamsstellingar og margt
fleira,“ bætir hann við.
Guðmundur nefnir sem dæmi
starfsmann sem ljúka þurfi mikil-
vægu verkefni á ákveðnum tíma og
fái í bakið. Þá sé hann sendur til
þeirra í meðferð, þar sem hann fær
nudd, fer í sjúkraþjálfun og svo fram-
vegis. „Þetta er í rauninni framleng-
ing á gamla góða trúnaðarlækninum
sem fyrirtæki og starfsmenn hafa
tekið fagnandi.“
Markaðssetningin færist
líka yfir á einstaklinga
Guðmundur stofnaði fyrirtækið
Saga Heilsa og Spa árið 2000 og bauð
í fyrstu upp á eingöngu fyrirtækja-
þjónustu. Fljótlega fékk hann Krist-
mann Hjálmarsson vin sinn í lið með
sér og reka þeir heilsumiðstöðina í
sameiningu í dag. „Markaðssetning
hefur að mestu beinst að fyrirtækj-
um og lífeyrissjóðum. En eftir að við
skiptum um húsnæði hefur hún líka
færst yfir á einstaklinga,“ segir Guð-
mundur. Starfsmenn fyrirtækisins
eru nú rúmlega tuttugu. Það sem
byrjaði í einu herbergi á Laugaveg-
inum hefur vaxið og er nú orðið
stærðarinnar heilsumiðstöð. „Við
vorum að leita að húsnæði fyrir
sjúkraþjálfun og frekari endurhæf-
ingu þegar þetta húsnæði hér á Ný-
býlaveginum datt upp í hendurnar á
okkur. Hér hafði verið heilsurækt og
snyrtistofa og okkur fannst tilvalið
að nýta þá aðstöðu sem fyrir er,“ seg-
ir hann og leggur áherslu á að þeir
ætli sér stóra hluti á þessum mark-
aði.
„Virkni til vinnu“ er nýtt fjögurra vikna endurhæfingarnámskeið sem er að fara af stað
Léttari endurhæfing fari
ekki fram á stofnunum
Guðmundur Björnsson læknir (til hægri á myndinni) stofnaði heilsu-
miðstöðina Saga Heilsa og Spa ásamt Kristni Hjálmarssyni (til vinstri).
Morgunblaðið/Arnaldur
SNORRI Magnússon fékk sím-
hringingu fyrir tveimur vikum og
var beðinn um að taka að sér yfir-
mannsstöðu öryggisgæslumála
Sameinuðu þjóðanna í Líberíu í
Afríku. Sameinuðu þjóðirnar eru
að opna starfsstöð í landinu til að
vinna að friði í samstarfi við nýja
þjóðstjórn, sem mynduð var eftir
að einræðisherrann Charles
Taylor hraktist frá völdum.
Frá apríl 2001 hefur Snorri
stjórnað 300 manna öryggis-
gæslusveit í Pristínu í Kosovo.
Hefur sveitin það hlutverk að
gæta öryggis starfsmanna og
bygginga SÞ í borginni svo mark-
mið friðargæslunnar náist. Einnig
hefur hann leyst af sem yfirmaður
öryggisgæslumála SÞ. Nú er hann
í fríi á Íslandi en reiknar með,
þegar hann fer aftur til Kosovo
næstu helgi, að vera sendur strax
til Líberíu til að undirbúa komu
starfsmanna SÞ þangað sem munu
vinna við friðarferlið.
Fer að skoða aðstæður
„Þar verð ég yfir öllum öryggis-
gæslumálum SÞ í Líberíu sem
heitir á ensku Chief Security
Officer,“ segir Snorri. Til að byrja
með er þetta verkefni til 90 daga
en hvað tekur þá við getur hann
ekki sagt til um. „Ég er að fara að
skoða aðstæður og meta hvort
hægt sé að nota hina eða þessa
byggingu undir skrifstofur. Þá tek
ég saman hvað þarf að gera til að
tryggja öryggi sem þarf til starf-
ans.“
Markmiðið er að byggja upp
stofnanir landsins, sætta stríðandi
fylkingar og halda lýðræðislegar
kosningar. Þetta uppbygging-
arstarf stendur yfir í Sierra-Leone
og á Fílabeinsströndinni, tveimur
löndum sem liggja við Líberíu.
Ástandið í Líberíu hefur verið
mjög óstöðugt. „Ég hef enga
ástæðu til að ætla að það sé óvild í
garð starfsmanna Sameinuðu
þjóðanna þar. Fólk er orðið svo
langþreytt á bardögum, vill fá frið
og fá Sameinuðu þjóðirnar inn í
landið,“ segir Snorri. Hann á ekki
von á að litlir hópar ógni öryggi
starfsmanna eða bygginga þó að
hann viti það ekki fyrir víst.
Sótti um starf 2000
Á árunum 1999 til 2000 var
Snorri við löggæslustörf í Bosníu
á vegum íslensku ríkisstjórn-
arinnar. Áður en hann hélt heim á
leið sótti hann um starf hjá SÞ
eftir hvatningu frá samstarfsfólki,
sem hann svo fékk. Þar var yfir-
maður verkefnisins í Bosníu, og
fulltrúi Kofi Annans, aðalritara
SÞ, sami maður og nú tekur við
verkefninu í Líberíu. Snorri metur
það svo að starf hans í Bosníu hafi
ráði nokkru, að hann er beðinn um
að taka að sér yfirmannsstöðu í
Líberíu. Fulltrúar aðalritara SÞ
ráði miklu um hverjir fylgi þeim í
svona verkefni. Þónokkur upphefð
sé falin í stöðuveitingunni.
Snorri á konu og þrjú börn á Ís-
landi. Hann segir þau bíða þol-
inmóð á Íslandi enda ekki mælt
með því að fjölskyldur fari með á
svæði sem eru að koma undan
stríðsátökum. Aðspurður segir
hann launin mjög góð, hann borgi
ekki skatta á Íslandi en hluti er
tekinn af laununum sem renni til
SÞ. Litið sé á þann hlut sem fram-
lag á móti greiðslu íslenska rík-
isins til Sameinuðu þjóðanna og er
þessi framkvæmd samkvæmt al-
þjóðlegum samningum. Hann
heldur þó öllum réttindum sínum
hér á landi sem íslenskur ríkis-
borgari.
Morgunblaðið/Brynjar Gauti
Snorri Magnússon fer utan til starfa fyrir SÞ næstkomandi laugardag. Hér
er hann með fjölskyldu sinni. Efri röð frá vinstri: Gunnar Dagur Snorra-
son, Hafdís Jóna Gunnarsdóttir, Snorri Magnússon. Neðri röð: Snorri Hall-
dór Snorrason og Dagmar Ýr Snorradóttir.
Íslendingur yfirmaður öryggismála SÞ í Líberíu
Tryggir öryggi starfs-
manna og eigna SÞ
KRISTINN Magnússon, sjósund-
kappi úr Sundfélagi Hafnarfjarðar,
synti á laugardag frá Vest-
mannaeyjum til lands á rúmum
fjórum klukkustundum. Leiðin sem
Kristinn synti, úr Heimaey upp í
Bakkafjöru í Landeyjum er um 14
kílómetrar.
Kristinn lagðist til sunds af Eið-
inu í Vestmannaeyjum klukkan
12.50 og náði landi við Bakka
klukkan 15.55. Kristinn synti skrið-
sund allan tímann, var heppinn með
veður fyrri hluta leiðarinnar en það
versnaði í sjóinn á seinni hlutanum
en þá var ölduhæð orðin 1,5 metrar.
Kristinn sagði í samtali við Morg-
unblaðið að sundið hefði verið erfitt
fyrsta klukkutímann, á meðan hann
hafi verið að róa sig niður, vitandi
hvað langt væri eftir. Síðan hafi
hann ekki velt þessu mikið fyrir sér
og verið orðinn hluti af náttúrunni.
Guðlaug eiginkona Kristins
fylgdi honum og færði honum nær-
ingu á tuttugu mínútna fresti og
hvatti hann til dáða alla leið. Drakk
Kristinn þrjá lítra af vatni á leiðinni
en léttist engu að síður um 6 kíló á
sundinu, að því er fram kemur í til-
kynningu félaga Kristins að sund-
afrekinu loknu.
Háhyrningavöður sveimuðu
kringum bátana tvo sem aðstoðar-
menn Kristins voru á þegar sundið
var um það bil hálfnað. Héldu þeir
sig í um 50 metra fjarlægð en nær-
vera þeirra hafði ekki áhrif á sund-
kappann sem reyndar hafði ekki
hugmynd um félagsskapinn. Auk
háhyrninga var töluvert af mar-
glyttum á leiðinni.
Nokkurt brim var við land sem
hafði engin áhrif á sundið. Var
Kristinn þreyttur að sundi loknu en
að öðru leyti við hestaheilsu. Krist-
inn var alveg búinn að ná sér í gær
en sagðist þó enn vera með harð-
sperrur.
Kristinn sagði að nú hefði hann
náð öllum þeim markmiðum sem
hann hafi sett sér síðasta sumar og
væri hættur sjósundum í bili enda
sæi hann ekki hvernig hann gæti
toppað sjálfan sig, eins og hann
komst að orði.
Síðast var þetta sund þreytt 1961
er Axel Kvaran synti milli lands og
Eyja og þar áður Eyjólfur Jónsson
tveimur árum fyrr.
Synti milli lands
og Eyja á fjórum
klukkutímum
Kristinn Magnússon sundkappi.