Morgunblaðið - 23.09.2003, Síða 1
STOFNAÐ 1913 257. TBL. 91. ÁRG. ÞRIÐJUDAGUR 23. SEPTEMBER 2003 PRENTSMIÐJA ÁRVAKURS HF. mbl.is
Fréttaritarar Morgunblaðsins um allt land:
Minn staður á sex síðum í blaðinu í dag
JAAP de Hoop Scheffer, utanríkisráðherra
Hollands, var í gær útnefndur fram-
kvæmdastjóri Atlantshafsbandalagsins
(NATO), og tekur við
af Robertson lávarði.
Í yfirlýsingu frá
NATO sagði að ekki
væri enn ákveðið
hvenær de Hoop
Scheffer tæki form-
lega við embætti.
Hinn væntanlegi
framkvæmdastjóri
sagðist myndu í
krafti embættisins
leitast við að brúa bil-
ið á milli Evrópu og Bandaríkjanna innan
bandalagsins. Hann kvaðst vera „Evrópu-
maður en líka Atlantshafssinni“.
Hann sagði við fréttamenn í gær að nauð-
synlegt væri að fyrirætlanir Evrópumanna í
öryggis- og varnarmálum samræmdust
áætlunum NATO. Átti hann þar einkum við
áætlanir Belga, Frakka, Lúxemborgara og
Þjóðverja um að reisa nýjar höfuðstöðvar
evrópskra varnarmála annars staðar en í
Brussel í andstöðu við Bandaríkjamenn.
Leiðtogar NATO-ríkjanna fögnuðu út-
nefningu de Hoops Scheffers.
Þetta er í þriðja sinn sem Hollendingur
gegnir embætti framkvæmdastjóra NATO.
Joseph Luns, sem lést í fyrra, níræður að
aldri, gegndi embættinu frá 1971 til 1984 og
Dirk Stikker frá 1961 til 1964.
Nýr fram-
kvæmda-
stjóri NATO
Brussel, Sameinuðu þjóðunum. AFP.
Jaap de Hoop Scheffer
SUNDLAUGARGARÐUR með heilsurækt og
veitingastað við Sundhöllina á Barónsstíg er á
meðal hugmynda sem kynntar eru á yfirlitssýn-
ingu um uppbyggingu í miðborg Reykjavíkur
sem stendur nú yfir í Bankastræti.
„Hin frábæra innilaug sem nú er í Sundhöll-
inni myndi halda sér, en auk þess er gert ráð
fyrir tveimur 25 metra sundbrautum og stórri
laug sem er samansafn nokkurs konar busl-
potta svipað og margir þekkja úr Árbæjarlaug-
inni,“ segir Ívar Örn Guðmundsson arkitekt
sem hannaði hugmyndina. Húsið er friðað og
segist Ívar Örn bera mikla virðingu fyrir því.
„Viðbyggingin kemur einungis við húsið á
tveimur stöðum, annars vegar tengist hún nú-
verandi útisvæði með brú, og hinsvegar tengist
hún núverandi móttöku með léttri glerbygg-
ingu sem gerð er á þann hátt að hægt er að sjá í
gegnum hana frá Barónsstíg.“ Hann segir við-
bygginguna vera lægri en gamla húsið og að
hún keppi ekki við það á nokkurn hátt. Ívar
bendir á að hér sé einungis um hugmynd að
ræða sem þurfi að vinna frekar en hann vonist
til að með henni skapist umræða um hvernig
hægt sé að byggja upp miðbæinn.
Sundlaugargarður í miðborginni
Ný göngugata/17
Mynd unnin í tölvu sýnir hugmyndir Ívars Arnar Guðmundssonar arkitekts um viðbyggingu Sundhallarinnar við Barónsstíg.
JARÐSKJÁLFTAÓRÓA varð
vart í Kötlu í Mýrdalsjökli í gær-
kvöldi og var almannavarnanefnd-
um gert viðvart. Hrinan varð
skammvinn og enginn gostitring-
ur í henni og á ellefta tímanum í
gærkvöldi var ekki lengur sér-
stakur viðbúnaður vegna þessa á
jarðskjálftadeild Veðurstofu Ís-
lands.
Fyrsti skjálftinn varð um klukk-
an hálfsex og var hann tæpir þrír
á Richter-kvarða. Síðan gerðist
ekkert aftur fyrr en stundarfjórð-
ung yfir sjö að jarðskjálftahrina
hófst sem stóð til stundarfjórðung
fyrir átta og urðu á því tímabili
tólf skjálftar, þeir stærstu af svip-
aðri stærð og fyrsti skjálftinn.
Páll Halldórsson, jarðeðlisfræð-
ingur á jarðskjálftadeild Veður-
stofu Íslands, segir að jarð-
skjálftahrinan hafi verið áköf
meðan á henni stóð. Upptök
skjálftanna hafi verið í Kötlu
sjálfri á norður/suður línu. Enginn
vöxtur hafi hlaupið í ár á svæðinu.
Páll sagðist aðspurður ekki
muna eftir svona snarpri jarð-
skjálftahrinu á þessu svæði á jafn-
skömmum tíma og nú. Hins vegar
hefði orðið hrina á svæðinu í sum-
ar á þremur dögum frá 14.–16. júlí
og þá hefðu skjálftarnir líka verið
á norður/suður línu.
Páll sagði einnig að upptök
skjálftanna nú væru á Kötlusvæð-
inu sjálfu, en yfirleitt hefðu upp-
tök skjálfta í Mýrdalsjökli verið í
Goðabungu í vesturjöklinum.
Mesta virknin hefði yfirleitt verið
þar og virknin verið til muna
minni inni í öskjunni sjálfri. Hins
vegar væri ekki að sjá neinn gos-
óróa í þessu.
Almannavarnadeild ríkislög-
reglustjóra kom saman í gær-
kvöldi en ekki þótti ástæða til að
vera með vakt í nótt. Í ljós kom að
aukin leiðni sem vart varð í Múla-
kvísl í gærkvöldi, sem hefði getað
bent til að hlaup væri að hefjast,
stafaði af því að skipt var um
leiðnimæli í Múlakvísl seinnipart-
inn í gær vegna bilunar.
Allsnörp en skammvinn
jarðskjálftahrina í Kötlu
Ekki talið að eldgos sé í aðsigi
í Kötlu í Mýrdalsjökli þrátt fyrir
jarðskjálftaóróa í gærkvöldi
NORSK stjórnvöld gáfu í gær út hrefnu-
veiðikvóta fyrir næsta ár og verður heimilt
að veiða 670 dýr, sem er minna en í fyrra. Í
Noregi er talið að veiðarnar muni að mestu
fara fram án vandkvæða enda fari andstaða
við þær minnkandi á alþjóðavettvangi.
Kvótinn fyrir þetta ár er 711 dýr. Samtals
hafa veiðst 647 hrefnur það sem af er árinu.
Norðmenn einir þjóða veiða hrefnur í hagn-
aðarskyni en Íslendingar og Japanar veiða
þær í vísindaskyni.
Karsten Klepsvik, talsmaður norska ut-
anríkisráðuneytisins, sagði í gær í viðtali við
norska dagblaðið Aftenposten að greinilegt
væri að andstaða við hvalveiðar Norðmanna
færi minnkandi á alþjóðavettvangi. Hann
telur að þolinmæði Norðmanna og stefnu-
festa sé að skila árangri. „Ég tel að minni
andstöðu við veiðarnar sé einkum að rekja
til þess að við höfum ávallt stutt málflutning
okkar vísindalegum rökum.“ Rune Frøvik,
talsmaður hagsmunasamtaka hvalveiði-
manna í Norður-Noregi, tók í sama streng.
„Hvalveiðar vekja ekki sömu athygli og fyrr
og andstaðan er ekki jafnkröftug og áður,“
sagði hann og bætti við að erlendir blaða-
menn sem til Noregs kæmu til að kynna sér
nýtingu á þessum stofnum skiluðu nú mun
betri greinum en áður. Erlendir blaðamenn
væru nú jafnvel tilbúnir að bragða á hval-
kjöti og væri það mikil breyting.
Segja minni
andstöðu við
hvalveiðar
Norðmenn ákveða
hrefnukvóta næsta árs
FYRSTI skjálftinn reið yfir um
klukkan 17:35 í gær. Í kjölfarið
fylgdi hrina frá 19:15–19:45 og
loks einn skjálfti klukkan 20:55.
Margir skjálftar
♦ ♦ ♦