Morgunblaðið - 01.10.2003, Page 2

FRÉTTIR
2 MIÐVIKUDAGUR 1. OKTÓBER 2003 MORGUNBLAÐIÐ
LÍ VILL MIÐBORGARLÓÐ
Borgarráð Reykjavíkur sam-
þykkti í gær að fela formanni borg-
arráðs og formanni skipulags- og
byggingarnefndar að ganga til við-
ræðna við stjórnendur Landsbanka
Íslands vegna óskar bankans um lóð
undir höfuðstöðvar hans austan
Pósthússtrætis og sunnan Geirs-
götu. Þar vill Landsbankinn byggja
8–10 þúsund fermetra höfuðstöðvar
á fjórum hæðum ásamt bílastæðum.
Hafin glæparannsókn
George W. Bush Bandaríkja-
forseti lét í gær dómsmálaráðu-
neytið í Washington hefja allsherjar
glæparannsókn á því hvernig fjöl-
miðlar komust að því að eiginkona
Josephs Wilsons, fyrrverandi sendi-
herra, væri starfsmaður leyniþjón-
ustunnar, CIA. Wilson segir að
nafninu hafi verið lekið fyrir til-
stuðlan embættismanna í Hvíta hús-
inu til að hefna fyrir blaðagrein þar
sem hann gagnrýndi stefnu stjórnar
Bush varðandi meint gereyðingar-
vopn Íraka. Hægt er að dæma menn
í allt að 10 ára fangelsi fyrir að
ljóstra upp nafni njósnara.
Breytingar hjá Reykjagarði
Stjórn Reykjagarðs hf., sem rekur
stærsta kjúklingaframleiðslufyrir-
tæki landsins, hefur selt allan rekst-
ur og eignir fyrirtækisins til nýs fyr-
irtækis með sama nafni í eigu sömu
aðila. Sláturfélag Suðurlands, sem
nýlega keypti allt hlutafé Reykja-
garðs af Kaupþingi-Búnaðarbanka,
segir í tilkynningu til Kauphallar-
innar að þessi ákvörðun hafi verið
tekin til að tryggja áframhaldandi
rekstur og ótruflaða verðmæta-
sköpun. Söluverð eignanna er 779
milljónir króna.
Öryggismúr ólöglegur
John Dugard, fulltrúi Sameinuðu
þjóðanna á sviði mannréttindamála í
Mið-Austurlöndum, segir að örygg-
ismúr sem Ísraelar eru að reisa á
milli svæða sinna og Vesturbakkans
sé ólögmætur og hann beri að for-
dæma. Múrinn fer sums staðar inn á
palestínsk svæði og er markmiðið
sagt vera að vernda landtökubyggð-
ir gyðinga á hernumdu svæðunum.
Dugard segir að um ólöglega inn-
limun á landi annarra sé að ræða.
Kaupir tré í Svíþjóð
Orkuveita Reykjavíkur hefur fest
kaup á 55 trjám í Svíþjóð. Verður
þeim plantað við höfuðstöðvar fyrir-
tækisins á Bæjarhálsi 1, meðal ann-
ars framan við innganginn þar sem
greinar hlyntrjáa eiga að breiða úr
sér og mynda laufþak eins og í göml-
um hallargörðum í Evrópu. Hingað
komin kosta trén um 4 milljónir.
Y f i r l i t
Í dag
Sigmund 8 Umræðan 24/25
Viðskipti 12 Minningar 30/34
Erlent 14/15 Staksteinar 38
Höfuðborgin 17 Bréf 40
Akureyri 18 Kirkjustarf 37
Suðurnes 19 Dagbók 38/39
Landið 20 Fólk 44/49
Listir 23 Bíó 46/49
Forystugrein 26 Ljósvakamiðlar 50
Viðhorf 30 Veður 51
* * *
RÍKISSTJÓRNIN samþykkti
í gær tillögu Davíðs Oddsson-
ar forsætisráðherra um að
styrkja hagkvæmniathugun á
vegtengingu milli lands og
Eyja um 500 þúsund krónur.
Hagfræðistofnun Háskóla Ís-
lands hefur kynnt sér verkefn-
ið og er reiðubúin að vinna
þjóðhagslega úttekt fyrir um
tvær milljónir króna, að því er
fram kemur í bréfi Ægisdyra,
áhugafélags um vegtengingu,
til forsætisráðuneytisins þar
sem óskað var eftir styrk til
verkefnisins.
Áhugafélagið var stofnað í
mars sl. og eru félagsmenn um
350 talsins.
Í bréfi félagsins til forsæt-
isráðuneytisins segir m.a. að
mikið hafi verið rætt um
kostnað við svona fram-
kvæmd.
Miðað við 18 km löng göng
og sambærilegar framkvæmd-
ir sé ekki ólíklegt að kostn-
aðurinn geti verið á bilinu 11
til 18 milljarðar króna. Síðan
segir í bréfinu:
„Félagið hefur lagt mikla
vinnu í ýmsa útreikninga og
kannanir á notkun ganganna
og miðað við kostnað við
rekstur samgangna milli lands
og Eyja og rekstur sambæri-
legra mannvirkja eins og t.d.
Hvalfjarðarganga gætu göng
sem þessi orðið að veruleika
án mikilla aukaframlaga hins
opinbera og borgað sig upp á
ca. 40 árum.
Að þessu frátöldu er ótalinn
sá félagslegi hagnaður sem
myndi hljótast af slíkum sam-
göngubótum fyrir Vestmanna-
eyinga og Sunnlendinga. Slík-
ar bætur á samgöngum myndu
styrkja gríðarlega alla byggð
á Suðurlandi bæði atvinnu- og
félagslega.“
Styrkja
hagkvæmni-
athugun
Vegtenging milli
lands og Eyja
FÉLAG íslenskra bifreiðaeigenda
segir stóran hluta bíla sem seldir eru í
mánudagsuppboðum tryggingafélag-
anna lenda í heimabílskúrum hjá
mönnum sem þekkja ef til vill lítt eða
ekki til réttra vinnubragða við end-
urbyggingu tjónabíla. Oft sé lappað
upp á bílana þannig að þeir líti út fyrir
að vera í lagi en kaupendur þeirra
vakni síðan upp við þann vonda
draum að hafa keypt „sminkað lík“,
þ.e.a.s. köttinn í sekknum.
Mjög mörg ágreiningsmál
vegna tjónabíla
Félag íslenskra bifreiðaeigenda
hefur kynnt niðurstöður á skoðunum
Fræðslumiðstöðvar bílgreina (FMB)
á viðgerðum tjónabílum í eigu fé-
lagsmanna. Talsmenn Félags ís-
lenskra bifreiðaeigenda segja að við-
gerðir tjónabílar hafi reynst mörgum
bílaeigandanum martröð og mjög
mörg ágreiningsmál vegna bílakaupa
sem komi til kasta félagsins séu vegna
illa viðgerðra tjónabíla.
Flestallir bílarnir sem FMB skoð-
aði fyrir FÍB höfðu skemmst í um-
ferðaróhöppum en tryggingafélögin
höfðu leyst þá flesta til sín og selt síð-
an aftur á vikulegum mánudagsupp-
boðum sínum.
Við skoðun kom í ljós að vinnu-
brögð við þessa bíla voru allt frá því
að vera góð og yfir í að vera algerlega
óviðunandi og allt þar á milli.
Framfylgja þarf núverandi
reglum um skráningu betur
Að mati FÍB þarf að framfylgja nú-
verandi reglum um skráningu tjóna-
bíla mun betur, en aftur á móti telur
FÍB að núverandi fyrirkomulag á út-
boði og sölu á tjónabílum sé afar
óæskilegt; skemmdir bílar eigi alls
ekki að lenda í höndum þeirra sem
ekki kunni til verka eða geti ekki gert
sómasamlega við þá. Þá eigi trygg-
ingafélög sem leysa til sín skemmda
bíla að láta fagmenn gera við þá í sam-
ræmi við raunhæft tjónamat og svari
viðgerð ekki kostnaði eigi hreinlega
að farga bílunum.
Viðgerður tjónabíll oft
martröð bíleigandans

Allt of/B2
EVA Dögg Sigurðardóttir
keypti tjónabíl sem ekki hafði
verið gerður upp á réttan hátt.
Hún fékk bætur frá trygginga-
félaginu sem
upphaflega
seldi bílinn en
situr nú af
öðrum orsök-
um uppi bíl-
laus með 700
þúsund króna
bílalán.
Eva Dögg
segist hafa
keypt bílinn á
bílasölu í
febrúar á síðasta ári, á fullu
verði, án þess að þess hafi verið
getið að hann hafi verið gerður
upp eftir tjón. Skömmu síðar
fór hún með hann í reglu-
bundna skoðun á verkstæði og
þá hafi bifvélavirkinn sagt
henni að bíllinn væri ramm-
skakkur, honum hefði greini-
lega verið tjaslað saman af
fúskara. Við athugun á málinu
hafi komið í ljós að trygginga-
félag hafði selt hann sem tjóna-
bíl án þess að tilkynna það til
bifreiðaskrár, að sögn Evu
Daggar. Bíllinn hafi farið um
hendur nokkurra og sá sem
seldi henni hafi að sögn ekki
vitað að þetta var tjónabíll.
Eva Dögg fékk aðstoð hjá Fé-
lagi íslenskra bifreiðaeigenda
til að leita réttar síns. Segist
hún helst hafa viljað skila bíln-
um en orðið að sættast á að fá
bætur frá tryggingafélaginu
sem seldi bílinn eftir tjón án
þess að geta þess á réttan hátt,
samkvæmt mati á því hvað það
myndi kosta að gera almenni-
lega við hann. Hún segist ekki
hafa getað hugsað sér að eiga
bílinn áfram og skipt honum
fyrir ódýrari bíl og lækkað
hann í verði í samræmi við bæt-
urnar.
Hún segist raunar standa
uppi bíllaus nú en skulda bíla-
lánið á gamla bílnum sem
standi númerslaus einhvers
staðar. Bíllinn sem hún fékk í
staðinn var aftur á móti seldur
á uppboði vegna vanskila fyrri
eiganda á bílaláninu. Segist
Eva Dögg enn ekki hafa fengið
bílasöluna sem gekk frá málinu
eða tryggingafélag hennar til
að bera ábyrgð á mistökunum.
Keypti tjónabíl
óafvitandi af bílasala
Eva Dögg
Sigurðardóttir
ÞÓRÓLFUR Árnason, borgarstjóri
Reykjavíkur, sem var viðstaddur
komu tveggja vetnisstrætisvagna
hingað til lands í gær, sagði að það
yrði gaman að sjá hina hljóðlátu
vagna á götum borgarinnar. „Það
er ánægjulegt að fá vagnana hing-
að og sjá hvernig málin hafa
þróast. Hér getur að líta raunhæfa
notkun á vetni sem hægt er að
nota fyrir almenningssamgöngur,“
sagði borgarstjóri.
Hjálmar Árnason, fulltrúi iðn-
aðarráðherra við komu vetnis-
vagnanna, sagði að með komu
vagnanna væri staðfest að Ísland
væri og yrði forysturíki í vetnis-
væðingu veraldar. Hann sagði að
þegar fulltrúar Íslands hefðu átt í
viðræðum um framleiðslu vetnis-
strætisvagna fyrir fimm árum
hefði sumum fundist það fjar-
stæðukenndur draumur að slíkir
vagnar yrðu komnir hingað til
lands innan nokkurra ára.
„Vagnarnir áttu að koma hingað
til lands fyrir einu ári, en það er
skemmtilegt að segja frá því hvers
vegna þeim seinkaði. Ástæðan er
sú að níu aðrar borgir í Evrópu
sóttu einnig um að fá til sín slíka
vagna eftir að þær heyrðu frá
vetnisverkefninu hér á landi. Af
þeim sökum urðu vagnarnir 33 en
ekki þrír. Því tók lengri tíma að
framleiða þá. Þetta sýnir hvaða
áhrif vetnisvæðingin hefur haft um
heim allan og með þessu skrefi er-
um við að staðfesta að Ísland er og
mun verða forysturíki í vetnisvæð-
ingu veraldar. Því ber að fagna,“
sagði Hjálmar.
Strætó BS, Skeljungur og Ís-
lensk nýorka ætla að efna til fjöl-
skylduhátíðar annars vegar við
Mjóddina í Breiðholti og hins veg-
ar við Select-stöðina við Vestur-
landsveg frá klukkan 13–16 næst-
komandi sunnudag, en þar gefst
almenningi kostur á að ferðast í
vetnisvögnunum.
Morgunblaðið/Árni Sæberg
Margir fylgdust grannt með því þegar vetnisstrætisvögnunum var skipað á land í Sundahöfn.
Ísland forysturíki í
vetnisvæðingu veraldar
Tveir vetnisstrætisvagnar komnir til landsins
ALLS höfðu 36 hrefnur verið veidd-
ar samkvæmt rannsóknaáætlun
Hafrannsóknastofnunar í gær en þá
lauk jafnframt veiðunum. Síðustu
hrefnuna veiddi hvalveiðibáturinn
Halldór Sigurðsson í gærkvöldi.
Ekki tókst að veiða síðustu tvær
hrefnurnar sem þurfti til viðbótar til
að fylla kvótann.
„Við vorum reyndar mjög meðvit-
uð um þetta þegar við ákváðum að
hefja veiðar að við værum hugsan-
lega mjög tæpir á að ná þessu og
hugsanlega myndi vanta nokkur
dýr,“ segir Gísli Víkingsson, verk-
efnastjóri hjá Hafrannsóknastofnun.
Stefnt var að því upphaflega að veiða
38 hrefnur.
Að sögn Gísla er framundan að
afla upplýsinga úr sýnum sem tekin
voru af dýrunum, það sé heilmikil
vinna og ekki að vænta niðurstaðna
fyrr en með vorinu. Sú vinna dreifist
á margar stofnanir auk Hafrann-
sóknastofnunar. Til dæmis fara
mengunarmælingar á vefjum hvals-
ins fram á Rannsóknastofnun fisk-
iðnaðarins en þær eru hluti af heilsu-
farsþætti rannsóknarinnar. Þá taka
dýralæknar frá Keldum og læknir
frá Landspítala – háskólasjúkrahúsi,
sem stundað hefur hormónarann-
sóknir á hvölum, þátt í rannsókninni.
Miðað er við að áfangaskýrslu um
rannsóknina verði skilað til Alþjóða-
hvalveiðiráðsins í vor. Að sögn Gísla
er hugsanlegt að mjög fljótlega verði
birtar upplýsingar um samsetningu
aflans.
Tókst að
veiða 36 af
38 hrefnum