Morgunblaðið - 01.10.2003, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 1. OKTÓBER 2003 VERÐ Í LAUSASÖLU 190 KR. MEÐ VSK.
Næring ekki
refsing
UPPTÖKUR Kammersveitar Reykjavíkur á Brand-
enborgarkonsertum nr. 1–6 eftir Johann Sebastian
Bach eru dæmi um flutning sem er bæði stílhreinn og
hliðhollur tónlistinni að því er
segir í gagnrýni BBC Music
Magazine, sem gefur flutningi
sveitarinnar fjórar stjörnur.
Hvetur tímaritið því næst þá
lesendur sem fylgjandi eru notk-
un upprunalegra hljóðfæra og
eftirlíkinga af þeim við tónlist-
arflutning til að kynna sér disk-
inn. „Flutningurinn hér er ein-
staklega fínlegur, hendingarnar
fágaðar og með sterkum dans-
áherslum. Þá er forðast að beita öfgafullum hraða-
breytingum og skýrleika áferðarinnar haldið án
nokkurra málamiðlana,“ segir í dómi tímaritsins.
BBC Music Magazine hrósar þá í hástert hol-
lenska barokkfiðluleikaranum Jaap Schröder sem
leikur með sveitinni, en Schröder býr að mikilli
reynslu af notkun upprunalegra hljóðfæra. Segir
tímaritið reynslu hans koma kammersveitinni vel,
enda taki hún hefðum barokkflutningsins opnum
örmum og fyrir vikið slái diskurinn út upptökur Ray-
monds Leppards, Nevilles Marriners og I Musici á
tónlistinni.
Konsertmeistari Kammersveitar Reykjavíkur er
Rut Ingólfsdóttir.
Kammersveit Reykjavíkur og
Brandenborgarkonsertarnir
Smekklegur
og upplífgandi
flutningur
Jaap Schröder
28 íslenskir fjölmiðlamenn fara á Evr-
ópulandsleik Þýskalands og Íslands í
knattspyrnu, sem verður í Hamborg
11. október, og segir Ómar Smárason,
leyfisstjóri og fjölmiðlafulltrúi Knatt-
spyrnusambands Íslands, að þetta sé
fjölmennasti hópur íslenskra frétta-
manna sem hafi farið á leik með ís-
lenska landsliðinu erlendis.
Ómar segir að nöfn hafi borist frá
Morgunblaðinu (4), DV (5), Frétta-
blaðinu (2), Ríkisútvarpinu (7), Stöð 2
og Sýn (2), Útvarpi Sögu (1), Fróða
(3), netmiðlinum fotbolti.net (2), net-
miðlinum sport.is (1) og einum lausa-
manni. „Ég hef aldrei kynnst öðrum
eins áhuga hjá fjölmiðlunum,“ segir
Ómar.
Blaðamaður textavarps Ríkisút-
varpsins verður með í för og er það í
fyrsta sinn sem textavarpið sendir
starfsmann á knattspyrnuleik erlend-
is. „Blaðamaður textavarpsins á
landsleiknum fer á eigin vegum og
greiðir allan kostnað, en textavarpið
nýtur góðs af ferðinni,“ segir Ágúst
Tómasson, forstöðumaður texta-
varpsins.
Aldrei fleiri íslenskir fréttamenn á
knattspyrnulandsleik erlendis
Textavarpið í hópn-
um til Hamborgar
ÖGMUNDUR Helgason, for-
stöðumaður handritadeildar
Landsbókasafns, segir þá grund-
vallarreglu eðlilega þegar tekið er
á móti einkaskjalasöfnum til varð-
veislu, að fólk sem það gerir setji
aðgangsreglur. Jafnframt sé það
ekki einsdæmi að reglum um að-
gang sé bætt við eftir á, en að-
standendur Halldórs Laxness vilja
að aðgangi að safni hans í varð-
veislu handritadeildarinnar verði
lokað. „Séu engar kvaðir á einka-
söfnum af þessu tagi lítum við svo
á að allir megi skoða þau, en engu
að síður þarf fólk að virða höfund-
arréttinn,“ segir Ögmundur.
Hannes Hólmsteinn Gissurarson
prófessor, sem vinnur að ritun
ævisögu Halldórs, segir ekki hægt
að beita höfundarréttarlögum til
að takmarka slíkan aðgang.
„Vegna þess að þau kveða ein-
ungis á um það hvernig nýta megi
efni sem er undirorpið höfund-
arrétti. Það þarf líka að taka það
fram að gögn Halldórs Laxness
voru gefin þjóðinni við hátíðlega
athöfn kvaðalaust, og sérstaklega
tekið fram að í þeim væru engin
leyndarmál. Ég tel að Lands-
bókasafnið megi ekki meina mér
að lesa þau og að það skorti laga-
heimild til að takmarka aðgang að
skjölum sem hafa verið afhent
kvaðalaust.“
„Skortir lagaheimild til
að takmarka aðgang“
Mikilvægt/26–27
Morgunblaðið/ Einar Falur
Skrifpúlt Halldórs Laxness á heim-
ili hans á Gljúfrasteini.
GERÐUR Sjöfn
Ólafsdóttir verður
að hafa hraðar
hendur næstu vik-
urnar því hún er
ein þeirra sem
munu túlka um-
ræður úr ræðustól
Alþingis fyrir
þingmann Frjáls-
lynda flokksins,
Sigurlín Margréti Sigurðardóttur. Hefur verið nóg
að gera undanfarna daga við að skipuleggja tákn-
málstúlkunina en Alþingi verður sett í dag.
Gerður segir verkefnið mjög krefjandi og und-
anfarna daga hafa túlkarnir verið að tileinka sér
orðaforða og venjur sem viðhafðar eru á Alþingi.
„Við túlkum yfirleitt ekki lengur en 20 mínútur í
einu þegar verkefnið tekur lengri tíma en klukku-
stund. Þá erum við venjulega tvær og skiptum
svona ört. Eftir 20 mínútur fer athyglin að dala og
við getum misst upplýsingar. Til að ná fram sem
bestri mögulegri túlkun gerum við þetta svona.“
Túlkað fyrir/8
Morgunblaðið/Þorkell
Gerður Ólafsdóttir og
Sigurlín Sigurðardóttir.
Túlkað í 20
mínútur í einu
FÖLNUÐ lauf fjúka um götur höfuðborgarinnar um þessar mundir
til vitnis um það að sólríkt sumar er á enda og að veturinn taki nú
fljótlega völdin. Engan skal undra þótt kólni nú í veðri, fyrsti vetr-
ardagur nálgast óðfluga. Litadýrðin fer ekki framhjá neinum á
þessum árstíma, hvorki stórum né smáum. Þá er um að gera að
staldra við, tína upp laufin eða einfaldlega horfa á þau úr fjarlægð.
Morgunblaðið/Kristinn
Á ferðalagi í gegnum fölnuð lauf♦ ♦ ♦
EKKI tókst að ganga frá samkomulagi um
ágreiningsefni vegna uppgjörs launa við er-
lenda starfsmenn við Kárahnjúkavirkjun á
fundi í samráðsnefnd um virkjunarsamning í
gær. Málið verður rætt í miðstjórn ASÍ í dag.
Fulltrúar verkalýðshreyfingarinnar í sam-
ráðsnefndinni hafa átt í óformlegum viðræðum
við ítalska verktakafyrirtækið undanfarna daga
fyrir milligöngu íslensks lögmanns þess. Þor-
björn Guðmundsson, framkvæmdastjóri Sam-
iðnar, segir að fulltrúar verkalýðsfélaganna hafi
talið að grundvöllur væri kominn fyrir sam-
komulagi um ýmis ágreiningsmál varðandi upp-
gjör við erlenda starfsmenn við Kárahnjúka-
virkjun og því hafi síðdegis í gær verið haldinn
fundur í samráðsnefndinni, sem skipuð er
fulltrúum verkafólks og vinnuveitenda, til að
staðfesta það. Þá hafi hins vegar borist skilaboð
frá fulltrúa Impregilo um að hann hefði ekki
umboð til að ganga frá neinu og það yrði ekki
gert fyrr en lögmenn fyrirtækisins kæmu frá
Mílanó eftir átta til tíu daga. Þorbjörn segist líta
á þetta sem skilaboð til Íslendinga um að þeim
komi ekki við hvað fyrirtækið er að gera hér og
eigi það jafnt við um verkalýðshreyfinguna og
stjórnvöld. Hann segist telja að fyrirtækið sé að
vinna sér tíma til að komast hjá því að greiða
rétt laun þar sem hópar séu þarna í tímabundn-
um verkefnum og hverfi smám saman úr landi.
„En fyrst og fremst eru þetta gríðarleg von-
brigði. Við erum búnir að leggja mikið á okkur
til að ná sáttum, höfum unnið að þessu af mikl-
um heilindum og talið mótpartinn vera að því
líka. Ég tel fyrirtækið hafa misst af góðu tæki-
færi til að byggja upp traust,“ segir Þorbjörn.
Þórarinn V. Þórarinsson, lögmaður
Impregilo hér á landi, segist ekki vera talsmað-
ur fyrirtækisins og því ekki geta tjáð sig um
málið við fjölmiðla.
Ekki náðist samkomulag vegna ágreinings um Kárahnjúkavirkjun
Málið verður tekið fyrir
í miðstjórn ASÍ í dag