Morgunblaðið - 03.11.2003, Blaðsíða 4

FRÉTTIR
4 MÁNUDAGUR 3. NÓVEMBER 2003 MORGUNBLAÐIÐ
GLATT var á hjalla í Morgun-
blaðshúsinu við Kringluna í
gær, þegar haldið var upp á 90
ára afmæli Morgunblaðsins.
Fyrsta tölublaðið kom út 2. nóv-
ember 1913.
Starfsfólki og börnum þess
var fyrst boðið á leikritið um
hina sívinsælu Línu Langsokk í
Borgarleikhúsinu og síðan var
haldið yfir götuna inn í húsa-
kynni Morgunblaðsins þar sem
kaffi, djús og kökur biðu gest-
anna. Moggablöðrurnar voru
vinsælar hjá börnunum og vita-
skuld risasúkkulaðikaka með
gúmmíbjörnum og smartís. Í til-
efni dagsins kom einnig út
blaðauki með sunnudagsblaði
Morgunblaðsins þar sem fjallað
var vítt og breitt um starfsemi
blaðsins frá upphafi til vorra
daga.
Morgunblaðið/Jim Smart
Haraldur Sveinsson, stjórnarformaður Árvakurs hf., útgáfufélags Morgun-
blaðsins, og Hallgrímur B. Geirsson framkvæmdastjóri tóku við gjöf frá
starfsfólki blaðsins, myndinni Töfraljóma eftir Marilyn Herdísi Melk. Har-
aldur þakkaði fyrir og kvað velgengni blaðsins velta á góðum starfskrafti.
Morgunblaðið/Jim Smart
Meðal fjölmargra afmælisgesta í gær voru þau Hanna Johannessen, eigin-
kona Matthíasar Johannessen, sem var ritstjóri Morgunblaðsins frá 1959 til
2000, og Þorbjörn Guðmundsson, sem var blaðamaður á Morgunblaðinu,
ritstjórnarfulltrúi og síðar fulltrúi ritstjóra um áratugaskeið.
90 ára út-
gáfuafmæl-
inu fagnað
Morgunblaðið/Jim Smart
Í anddyri Morgunblaðsins biðu veitingar gestanna. Var margt um manninn og Moggablöðrurnar settu einnig
skemmtilegan svip á samkomuna þegar þær svifu yfir höfðum afmælisgestanna á meðan kökur voru skornar.
SAMÞYKKT var á aðalfundi Hjálp-
arstarfs kirkjunnar nýverið að
fulltrúar sókna sem verið hafa
tengiliðir milli þeirra og Hjálpar-
starfsins fái framvegis formlega
setu í fulltrúaráði Hjálparstarfsins.
Fulltrúaráðið hefur til þessa verið
skipað af kirkjuráði og héraðsfund-
um prófastsdæmanna. Heildarsöfn-
unarfé og tekjur námu á síðasta
starfsári 103,3 milljónum króna sem
er um 29% hækkun frá fyrra ári.
Anna Ólafsdóttir, fræðslu- og
upplýsingafulltrúi Hjálparstarfsins,
segir að með þessari breytingu fái
tenglarnir meira vægi í skipuritinu
svo og í samskiptum milli sókn-
arnefnda og Hjálparstarfsins.
Nefnd hefur starfað frá síðasta að-
alfundi til að endurskoða skipulags-
skrá og var m.a. samþykkt á aðal-
fundinum að fara að þessari tillögu
nefndarinnar.
Söfnunarherferðir
skila meiri tekjum
Heildartekjur Hjálparstarfsins á
starfsárinu, sem lauk 30. septem-
ber, voru 103,3 milljónir króna.
Jukust þær um 29% frá fyrra ári og
segir Anna það einkum vegna betri
þátttöku landsmanna í söfnunum
Hjálparstarfsins. Söfnunarfé nam
alls 34,7 milljónum króna, framlög
styrktarmanna, sókna og presta
námu 18,9 milljónum og frá stjórn-
völdum komu 16,3 milljónir.
Varið var 55,6 milljónum króna
til verkefna á síðasta starfsári, 22,8
til þróunarverkefna, 14,9 í neyð-
arverkefni og 12,4 milljónir fóru í
innanlandsaðstoð auk gjafa sem
metnar eru alls á um 8 milljónir
króna. Þá var 5,5 milljónum varið í
kynningar.
Nærri
30% aukn-
ing tekna
frá fyrra
starfsári
Á ANNAN tug kvenna hefur orðið
að grenna sig til að fá að gangast
undir tæknifrjóvgun samkvæmt
starfsreglum tæknifrjóvgunardeild-
ar Landspítala – háskólasjúkrahúss,
sem teknar voru upp í vor. Kona sem
er 167 cm á hæð þarf nú að vera und-
ir 98 kílóum svo hún fái að fara í
tæknifrjóvgun.
Þórður Óskarsson, yfirlæknir á
tæknifrjóvgunardeild Landspítala –
háskólasjúkrahúss, segir að ákvörð-
unin hafi verið tekin í samráði við
fæðingarlækna sem hugsi um kon-
urnar á meðgöngunni. Of þungar
konur fari ekki inn á biðlista fyrr en
þær nái æskilegri þyngd. „Þetta at-
riði skiptir það miklu máli að við höf-
um ákveðið að reyna að færa þessi
mál í eins gott horf og við getum áð-
ur en gripið er til læknisfræðilegra
aðferða til þess að hjálpa fólki að
eignast börn. Þannig að læknisfræð-
in rjúki ekki blindandi út í að stuðla
að þungun hjá konum sem eru illa
undir það búnar og hefði verið hægt
að búa betur undir það.“
Kemur aðstoðar-
landlækni á óvart
Matthías Halldórsson aðstoðar-
landlæknir segist ekki skilja hvers
vegna það þurfi að vera þyngdartak-
markanir í tæknifrjóvgun. „Þegar
kona eignast barn á hefðbundinn
hátt er ekki spurt hversu þung hún
sé. Hún verður þunguð eða ekki
þunguð.“
Matthías segir að honum finnist
ekki rétt að auka á vanlíðan konu
sem ekki geti létt sig, eða gangi það
mjög illa, með því að segja henni að
hún geti ekki fengið að eignast barn
þar sem hún sé of þung. Hann bendir
á að ekkert bendi til að þær séu verri
mæður en aðrar.
Bryndís Benediktsdóttir, læknir á
heilsugæslustöð Garðabæjar og dós-
ent við Háskóla Íslands, er varafor-
maður nefndar sem sér um kærumál
vegna tæknifrjóvgana. Hún segir að
nefndinni hafi aðeins borist tvær
kærur og í hvorugt skiptið vegna
synjunar af þessum ástæðum.
„Auðvitað vill maður að börn sem
verða til við tæknifrjóvgun eigi eins
góða framtíð og mögulegt er, að þau
búi við góð kjör og að lífslíkur for-
eldris og barns séu góðar. Því velur
læknir ekki að koma barni í heiminn
ef hann heldur að það búi ekki við
bestu félagslegar aðstæður og eigi
fríska foreldra. Að því leyti má segja
að kröfur til foreldra í tæknifrjóvgun
séu meiri en til annarra.“
Árs bið eftir glasafrjóvgun
Þórður segir að um árs bið sé eftir
glasafrjóvgun en biðin sé styttri í
tæknisæðingu. Þær konur sem
komnar hafi verið á biðlistann áður
en starfsreglurnar tóku gildi haldi
sínum tíma og þurfi ekki að lúta regl-
unum. Verði aðgerðin ekki árang-
ursrík þá komist þær ekki að á ný
fyrr en búið sé að taka á vandanum.
Of þungum kon-
um meinað um
tæknifrjóvgun
LÖGREGLAN í Reykjavík hefur
lagt hald á fjögur skotvopn sem
var stolið í innbroti á Seltjarn-
arnesi fyrir viku. Auk þess hafði
þjófurinn á brott með sér áfengi,
skartgripi, hljómtæki o.fl.
Við rannsókn lögreglunnar kom
í ljós að nágranni hafði séð til
ferða manns við húsið um það
leyti, sem brotist var inn. Gat
hann gefið greinargóða lýsingu á
manninum, sem leiddi til hand-
töku. Auk skotvopnanna lagði lög-
reglan hald á ýmsa aðra muni sem
var stolið.
Lögregla
finnur stol-
in skotvopn
ÚTIVISTARFÓLK og eigendur
sumarbústaða við mynni Seljadals
hafa kvartað yfir lokun Seljadalsveg-
ar, sunnan Hafravatns á milli Þing-
valla og Reykjavíkur, og fara fram á
það við bæjarstjórn Mosfellsbæjar
að umferðarréttur fólks verði virtur
á þessari fornu alfaraleið.
Veginum hefur hins vegar verið
lokað með hliði og girðingu og sett
upp skilti sem bannar óviðkomandi
umferð, segir í bréfi til bæjarstjórn-
ar. Þar segir einnig að vegurinn hafi
verið hefðbundin göngu- og reiðleið
almennings frá ómunatíð. Vill fólkið
því hafa veginn opinn án hindrana
sem einhverjir einstakir landeigend-
ur setja upp á veginn og er í því tilliti
vísað til hinna fornu leiða Selvogs-
götu og Leggjarbrjóts sem báðar
fara yfir einkalönd en eru samt virt-
ar sem fornar alfaraleiðir.
Kvartað vegna lok-
unar Seljadalsvegar
FJÖLMARGIR hundar af ýmsum tegundum voru á ferð í miðborg Reykja-
víkur á laugardag með eigendum sínum. Hundaræktarfélag Reykjavíkur
efndi þá til árlegrar göngu hunda og manna niður Laugaveginn, frá
Hlemmtorgi að Ráðhúsi Reykjavíkur. Einnig var efnt til svipaðrar uppá-
komu á Suðurnesjum og Akureyri.
Morgunblaðið/Árni Torfason
Hundar og menn í miðborginni