Morgunblaðið - 03.11.2003, Blaðsíða 7
FRÉTTIR
MORGUNBLAÐIÐ MÁNUDAGUR 3. NÓVEMBER 2003 7
#15 NÆTURLÍFI‹
ICELAND REVIEW
ÁSKRIFTARSÍMI 512-7517
askrift@icelandreview.com
HVERS VEGNA ÍSLAND?
40 ÁSTÆ‹UR
ERLENDAR kannanir sýna að á
bilinu 3–5% af öldruðum einstakling-
um telja sig hafa orðið fyrir ein-
hverskonar ofbeldi, andlegu, líkam-
legu eða fjárhagslegu ofbeldi eða
vanrækslu.
Þó að rannsóknir hér á landi vanti
er engin ástæða til að halda að hlut-
fallið sé miklu öðruvísi hér á landi,
segir Ólafur Þór Gunnarsson, lyf- og
öldrunarlæknir á Landspítala – há-
skólasjúkrahúsi. Ólafur flytur erindi
á ráðstefnu um ofbeldi gegn öldruð-
um sem fara mun fram á vegum
Öldrunarfræðafélags Íslands og
Endurmenntun Háskóla Íslands á
fimmtudag.
„Þetta er efni sem er, eðli málsins
samkvæmt, mjög viðkvæmt, segir
Ólafur. „Það sem við erum aðallega
að horfa til er að opna umræðuna og
benda fólki á að þessi vandamál séu
líka til hér á Íslandi. Þau eru því mið-
ur algengari en almenningur held-
ur.“
Aðrir fyrirlesarar á ráðstefnunni
verða t.d. Bridget Penhale, breskur
sérfræðingur í ofbeldi gegn öldruð-
um, Jón Kristjánsson heilbrigðisráð-
herra, Páll Skúlason háskólarektor
og Gunnleifur Kjartansson, frá efna-
hagsbrotadeild lögreglunnar í
Reykjavík.
Aldraðir eru viðkvæmur hópur,
segir Sigríður Jónsdóttir, formaður
Öldrunarfræðafélags Íslands. Hún
segir ofbeldi gegn öldruðum birtast
á mismunandi hátt, t.d. sem andlegt
ofbeldi, líkamlegt ofbeldi, fjárhags-
legt ofbeldi eða vanrækslu. Á ráð-
stefnunni verða allar hliðar málsins
reifaðar. Ráðstefnan er hugsuð fyrir
almenning jafnt sem fagfólk og aldr-
aðir sérstaklega velkomnir.
Ráðstefna um ofbeldi gegn öldruðum
3–5% aldraðra telja
sig beitt ofbeldi
ÖRYGGISRÁÐ Femínista-
félags Íslands hélt tónleika í
Hlaðvarpanum í síðustu viku til
styrktar Kristínarsjóði sem er
sjóður á vegum Stígamóta helg-
aður baráttunni gegn vændi. Að
sögn Hildar Fjólu Antonsdótt-
ur, eins skipuleggjenda tón-
leikanna, gengu tónleikarnir
vonum framar.
„Þarna komu fram margir
góðir listamenn sem vildu leggja
málefninu lið. Stemmningin var
mjög góð og fagnaði salurinn því
að vændisfrumvarpið svokallaða
sé komið inn í nefnd á Alþingi.“
Að sögn Hildar Fjólu halda
Stígamót utan um Kristínarsjóð
en hann var stofnaður til minn-
ingar um unga konu sem opnaði
augu þjóðarinnar fyrir alvar-
leika vændis á Íslandi. „Hún var
mjög öflug í að tala við fjölmiðla
og rannsakendur. Hún var með-
al annars eitt aðalvitni vændis-
skýrslunnar en hún svipti sig lífi
stuttu eftir útkomu hennar.
Stígamótakonur ákváðu að láta
dauða hennar ekki vera til
einskis og stofnuðu þennan
sjóð,“ segir Hildur Fjóla.
Styrktu
Kristínar-
sjóð með
tónleika-
haldi