Morgunblaðið - 24.11.2003, Blaðsíða 4

FRÉTTIR
4 MÁNUDAGUR 24. NÓVEMBER 2003 MORGUNBLAÐIÐ
„VIÐ höfum ekki upplifað annað eins. Ég minn-
ist þess ekki að svona stemning hafi ríkt
nokkru sinni fyrr,“ segir Jón Þórisson, fram-
kvæmdastjóri útibúasviðs Íslandsbanka, um
mikinn straum nýrra viðskiptavina sem færðu
viðskipti sín yfir í Íslandsbanka á föstudag og
laugardag í kjölfar umræðunnar um kauprétt-
arsamninga hjá æðstu stjórnendum Kaupþings
Búnaðarbanka.
Landsbankinn sló einnig met sitt í fjölgun
nýrra viðskiptavina um helgina.
500 nýir viðskiptavinir bættust í viðskipta-
mannahóp Íslandsbanka, sem er jafnmikill
fjöldi og vænta má á fjórum mánuðum.
„Það var mikið að gera í fjölmörgum útibúum
Íslandsbanka s.s. í Mjódd og Laugavegi 116.
Einnig var drjúgt á Kirkjusandi og Akureyri og
jafnvel á stöðum úti á landi þar sem Kaupþing
Búnaðarbanki er ekki með starfsemi eins og á
Húsavík.“ Opið var í útibúum Íslandsbanka
milli 11 og 16 á laugardag og tóku starfsmenn
vel í að standa aukavaktina. „Þetta gekk allt
saman mjög vel og þegar eftir því var leitað við
starfsfólkið voru allir reiðubúnir til að taka þátt
í þessu, enda lítum við á þetta sem lið í því að
bjarga verðmætum. Við fundum fyrir því strax
á föstudaginn að viðskiptavinir sem vildu koma
til okkar hefðu áhuga á að gera eitthvað í því
um helgina. Við þessu brugðumst við og birtum
auglýsingar í Fréttablaðinu og Morgunblaðinu
um helgina til þess að auðvelda fólki hlutina og
sýna því fram á að þetta væri ekki eins flókið
og margir halda, þótt ákvörðunin út af fyrir sig
geti verið stór. Að baki liggja oft áratugalöng
viðskipti sem sýnir sig best á því að sá elsti
sem flutti viðskipti sín til okkar er fæddur
1906,“ segir Jón.
Landsbankinn sló einnig met sitt í fjölgun
nýrra viðskiptavina um helgina, þegar ríflega
100 nýir viðskiptavinir óskuðu eftir viðskiptum
í gegnum þjónustuver bankans á laugardag.
Aldrei upplifað annað eins
Í vikulokin bættust að auki tugir nýrra við-
skiptavina í viðskiptamannahópinn en eftir er
að gera upp heildarfjölda nýrra viðskiptavina,
að sögn Ingólfs Guðmundssonar, framkvæmda-
stjóra einstaklings- og markaðssviðs bankans.
„Sumir voru harðir í því að skipta strax og fá
gögn til þess á morgun (í dag, mánudag) og
aðrir voru að spyrjast fyrir um kjör og til
hvaða útibúa bankans þeir ættu að snúa sér,“
sagði Ingólfur. Hann segir þetta mesta fjölda
nýrra viðskiptavina Landsbankans á jafn
skömmum tíma, og segist aldrei hafa upplifað
annað eins á 15 ára ferli sínum hjá Landsbank-
anum.
Hundruð nýrra viðskiptavina hjá Íslandsbanka og Landsbanka Íslands
„Við höfum ekki
upplifað annað eins“
MARGT var um manninn í miðborg Reykjavíkur
á laugardaginn þegar jólaljósin voru tendruð
með pompi og pragt. Ljósin voru formlega
tendruð klukkan fjögur en áður var haldið í hina
prýðilegustu skrúðgöngu niður Laugaveg, Ing-
ólfsstræti og að Þjóðleikhúsinu, þar sem Lilli
klifurmús og Mikki refur tóku á móti göngunni
og skemmtu jafnt ungum sem öldnum. Söngv-
arar og lúðrablásarar fylgdu skrúðgöngunni og
tók allur skarinn þátt í fjöldasöng. Jólasveinar
stálust til að kíkja til byggða og fylgjast með úr
laumi. Einnig mátti sjá forláta gamlan brunabíl
sem var eins gott að hafa á staðnum, enda voru
þarna líka eldgleypar sem blésu bálkúlum út í
loftið.
Tendrun jólaljósanna er að verða að hefð, en
hún hefur haldist óbreytt síðan 1997 og er orðin
hluti af upphitun fyrir jólastemningu miðborg-
arinnar, þar sem kórar, sönghópar, götu-
listamenn, tónlistarhópar og fleiri listamenn
glæða bæinn lífi.
Morgunblaðið/Kristinn
Fjölmenni við tendrun jólaljósa
FORSTJÓRI Fjármálaeftir-
litsins segir að ekki hafi verið
ákveðið hvort kaup Kaupþings
Búnaðarbanka á eigin hluta-
bréfum síðastliðinn föstudag
verði tekin til skoðunar hjá
stofnuninni.
Hlutabréf Kaupþings Búnað-
arbanka lækkuðu nokkuð fyrri
hluta síðastliðins föstudags en
hækkuðu aftur og lokagengið
varð 2,8% lægra en það var við
lok viðskipta daginn áður.
Fram kom í frétt Morgunblaðs-
ins að Kaupþing Búnaðarbanki
var sjálfur kaupandi í flestum
viðskiptum dagsins eða í um
það bil 80 tilvikum af 187. Páll
Gunnar Pálsson, forstjóri Fjár-
málaeftirlitsins, sagðist ekki
vera tilbúinn að leggja dóm á
það hvort eitthvað væri athuga-
vert við þessa framkvæmd mála
enda hefði hann aðeins heyrt
þetta í fréttum. Taka þyrfti af-
stöðu til þess hjá Fjármálaeft-
irlitinu hvort ástæða væri til að
hefja athugun á málinu.
Í lögum um verðbréfavið-
skipti eru ákvæði um innherja-
viðskipti og markaðsmisnotkun
sem eiga að tryggja að gengi
hlutabréfa sé ekki stýrt með
óréttmætum hætti. Páll Gunnar
vildi ekki tjá sig um það á þessu
stigi málsins þegar hann var
spurður að því hvort hann teldi
að viðskiptin kynnu að brjóta í
bága við ákvæði um innherja-
viðskipti og markaðsmisnotk-
un.
Gæti skapað vandamál
Spurður að því hvort kaup-
réttarsamningar gætu ekki ver-
ið freisting fyrir stjórnendur að
nota fé fyrirtækjanna til að
halda verði hlutabréfanna uppi
og tryggja þannig eigin hags-
muni sagði Páll Gunnar að
Fjármálaeftirlitið hefði haft
áhyggjur af þessum samning-
um vegna áhættustýringar fjár-
málafyrirtækja. Þegar stjórn-
endur væru farnir að hafa
mikilla hagsmuna að gæta af
gengi bréfanna á tilteknum
tímabilum skapaði það ákveðna
ógn gagnvart áhættustýringu
til lengri tíma. „Það er ekki víst
þá að einstaklingsbundnir hags-
munir stjórnenda fari saman
við langtímahagsmuni fyrir-
tækisins, hluthafa og viðskipta-
manna.“
Fjármálaeftirlitið
Viðskipt-
in hugs-
anlega
skoðuð
ÓVIÐUNANDI pattstaða ríkir í
rannsókn á andláti Hjálmars Björns-
sonar, 16 ára, sem fannst látinn á ár-
bakka í Rotterdam í lok júní árið
2002, að mati Björns Hjálmarssonar,
föður hins látna. Segir hann andlát
Hjálmars enn óútskýrt, nærri hálfu
öðru ári eftir atburðinn. Faðir
Hjálmars gagnrýnir harðlega ís-
lenska stjórnsýslu fyrir ódugnað og
kjarkleysi í málinu. Finnst honum
allt líta út fyrir að svæfa eigi málið.
Þá segir hann saksóknara í Rott-
erdam ekkert hafa aðhafst við rann-
sókn málsins í rúmt ár, þar sem beð-
ið sé niðurstöðu réttarkrufningar
Þóru Steffensen réttarmeinafræð-
ings. Samkvæmt upplýsingum for-
eldra er staðan hins vegar sú að Þóra
bíður eftir heilasýnum frá Hollandi
úr hinum látna. Í ágúst bárust heila-
sýni frá Hollandi, þó ekki hin um-
beðnu og virðist það ástæða þess að
Þóra hafi ekki enn kveðið upp úr-
skurð sinn um dánarorsök.
Að mati Björns stappar mjög
nærri því að rannsókn málsins í heild
sé í alvarlegu uppnámi. Foreldrar
Hjálmars hafa sent úrskurðarnefnd
um upplýsingamál fjórar kærur á
hendur íslenskum stjórnvöldum fyr-
ir óhóflegan drátt á að veita aðgang
að gögnum málsins. „Lögfróðir ráð-
gjafar okkar telja yfirgnæfandi líkur
fyrir saknæmu athæfi í tengslum við
lát sonar okkar. Það bendir margt til
þess að íslensk stjórnvöld hafi aldrei
beitt sér með formlegum hætti í
þessu máli,“ segir Björn.
„Við vonum svo sannarlega að ís-
lensk stjórnvöld taki við sér, þar sem
um er að ræða kjarnamál sem snert-
ir réttaröryggi íslenskra náms-
manna erlendis.“
Gagnrýna stjórnvöld
fyrir aðgerðaleysi