Morgunblaðið - 05.12.2003, Blaðsíða 22
m
22
MORGUNSTUÐ
Hressó tekur daginn snemma og í boði er morg-
unverður sem kemur öllum af stað inn í daginn,
t.d. sérblandað múslí með hunangi og rifnum epl-
um og öðru fersku góðgæti og sérlagaðir
„smoothies“ eða orkuþeytingar sem hægt er að
fá með ginseng og prótínum. Ljósgræni myntu-
þeytingurinn vekur sérstaka ánægju – „heilsu-
mojito“ eins og Snorri segir, og ekki ónýtt að
hefja daginn með slíku bragðgóðu stuði.
PLOKKFISKUR OG KRÆKLINGAR
Fyrir þá sem vilja „alvöru“ íslenskan mat getur
plokkfiskurinn varla verið annað en fyrsta val og
hann er líka vel lagaður, léttari en maður á að
venjast og rucola-salatið fer vel með. Ekki spillir
heldur verðið sem er í kringum þúsundkallinn.
Síðan er hægt að stökkva yfir til Frakklands í hug-
anum og fá kræklinga matreidda á ýmsa vegu,
borna fram á franska vísu með frönskum, og bara
soðið er svo gott að það mætti næstum því sötra
eintómt. Snorri er sérstaklega hrifinn af kræklingi
„marinére“ í hvítvíni og kryddi og segir að það sé
auðvelt að sjóða krækling of lengi en hér er hætt
á alveg rétta augnablikinu. Ekki síðri er franska
fiskisúpan sem fær Snorra til að sleikja út um, hún
er sterk og kraftmikil, eiginlega eins og mini-bou-
illabaisse, og skelfiskbragðið kemur vel fram. Há-
punkturinn að mati Snorri er þó brasseraður
lambaskanki með kálfasoði og kartöflumús – en
skankinn er uppáhaldsbiti Snorra af skepnunni.
Hann var einmitt nýverið með 18 fíleflda karl-
TEXTI STEINUNN HARALDSDÓTTIR LJÓSMYNDIR ÁSLAUG SNORRADÓTTIR
menn í mat og bauð upp á skanka við góðan
orðstír. Eftir að hafa bragðað á þessum rétti er
hann helst á því að stefna hópnum hingað næst
því varla er hægt að fá betri útfærslu, kjötið eldað
mátulega og rauðvínssósan einstaklega kraftmikil
og vel soðin niður – þeir sem ekki hafa prófað
skanka áður verða hreinlega að kíkja á þetta.
Snorri er líka gáttaður á verðinu enda má segja að
verðlagning sé afar hófleg miðað við gæðin sem
fara langt fram úr þeim væntingum sem maður
gerir venjulega til kaffihúss.
Aðra rétti má nefna eins og heitu parmesanbök-
una með hálfþurrkuðum tómötum og parma-
skinku. Súraldinkeimurinn af bruscettunni með
tómat og basil gefur þessum einfalda rétti lyft-
ingu og frískleika og tilbreyting að brauðið er
ekki steikt hart heldur gerir vel við góminn.
SÆTT MEÐ KAFFINU
Kaffihús stendur ekki undir nafni nema hafa líka
eitthvað sætt í boði og úr nógu er að velja, óhætt
að mæla með t.d. þykku belgísku vöfflunum sem
bornar eru fram með ís og súkkulaðisósu og eru
jafn góðar og þær hljóma, og hér er boðið upp á
ekta franskt créme brulée. Alls kyns kaffidrykkir
eru auðvitað í boði og þegar eldhúsinu er lokað á
kvöldin er boðið upp á léttan barseðil þar sem
finna má ýmislegt smálegt og nærandi fyrir nótt-
ina. Snorri er einkar ánægður með heimsóknina
og gott ef nýr uppáhaldsstaður er ekki kominn á
listann, þar sem hægt er taka daginn snemma
með orkuskammti, sitja með fallegum sessunaut
yfir kræklingasúpu eða hóa saman vinunum í al-
mennilega skankaveislu.
hressing
í bænum
m-blaðið leit inn á Hressó …
… og matreiðslumaðurinn Snorri B. Snorrason bragðaði á ýmsum réttum
Hressingarskálinn tók til starfa í haust og
horfinn er hamborgarastaður sem fáir sakna
og veitinga- og kaffihús aftur komið á besta
staðinn í bænum. Útsýni yfir traffíkina í bæn-
um og garðurinn góði bakvið. Stemmningin
er þægileg, djasstónlist í hátölurum og inn-
réttingar einfaldar án þess að fara yfir í sótt-
hreinsaðan mínimalisma og á bekkjunum við
endann situr fólk og teflir eða spilar kotru í
rólegheitum yfir espressobollanum og
sódavatninu. Og það sem meira er, mat-
reiðslan er metnaðarfull og verðlagning í
miklu hófi.
Yfir rjúkandi kötlunum standa yfirmat-
reiðslumaðurinn Einar Helgi Jónsson og að-
stoðarkokkurinn Arnar Már Guðmundsson
og á matseðlinum er margt forvitnilegt fyrir
utan rétt dagsins á töflunni sem tekur mið af
veðri og stemmningu dagsins hverju sinni.