Morgunblaðið - 02.01.2004, Blaðsíða 2
FRÉTTIR
2 FÖSTUDAGUR 2. JANÚAR 2004 MORGUNBLAÐIÐ
RANNSÓKN HEFST STRAX
Mál Jóns Ólafssonar, sem verið
hefur til rannsóknar hjá skattrann-
sóknastjóra vegna meintra skatta-
lagabrota hans, var sent til opin-
berrar meðferðar hjá efnahags-
brotadeild ríkislögreglustjóra á
gamlársdag. Jón H. Snorrason, sak-
sóknari hjá efnahagsbrotadeild rík-
islögreglustjóra, staðfesti við Morg-
unblaðið að málið hefði borist deild-
inni á gamlársdag. Hann segir að
rannsókn deildarinnar hefjist strax
og að hann eigi von á að hún verði
mjög umfangsmikil.
Enga vopnaða verði
Flemming Hansen, samgöngu-
ráðherra Dana, telur það „afar
slæma hugmynd“ að ætla að setja
vopnaða öryggisverði í flugvélar, líkt
og Bandaríkjastjórn hefur boðað að
verði gerð krafa um í öllum flug-
vélum sem fljúga til Bandaríkjanna.
Húsbréfakerfið burt
Húsbréfakerfið verður aflagt 1.
júlí næstkomandi og lán Íbúðalána-
sjóðs verða þá framvegis í formi
peningalána, sem grundvölluð verða
á íbúðabréfum, sem fjármögnuð
verða með útboði. Verða afföll og
yfirverð á bréfunum þannig úr sög-
unni við lántöku.
Sjúklingar borga að fullu
Tryggingastofnun ríkisins er nú
óheimilt að endurgreiða kostnað
sjúklinga sem sækja sér þjónustu
sérfræðilækna og þurfa sjúkling-
arnir því að greiða fyrir slíka þjón-
ustu úr eigin vasa. Á gamlársdag var
slitið viðræðum milli samninga-
nefndar Læknafélags Reykjavíkur
(LR) og samninganefndar heil-
brigðis- og tryggingamálaráðuneytis
(HTR) um nýjan samning um
greiðsluþátttöku TR í sérfræði-
læknishjálp.
Flugi til Washington aflýst
British Airways aflýsti í gær flugi
frá Heathrow-flugvelli til Washing-
ton í Bandaríkjunum af öryggis-
ástæðum. Í fyrradag voru allir far-
þegar í sama flugi yfirheyrðir við
komuna til Washington. Mikill við-
búnaður hefur verið undanfarna
daga á flugvöllum í Bandaríkjunum
en yfirvöld óttuðust hryðjuverka-
árásir um jól eða áramót.
Nilsen vann
Norðmaðurinn Kurt Nilsen sigr-
aði í gær í World Idol-keppninni sem
haldin var í London í Bretlandi. Um
var að ræða sérstaka keppni sigur-
vegara í Idol-leiknum í ellefu þjóð-
löndum.
Y f i r l i t
Í dag
Sigmund 8 Minningar 22/26
Viðskipti 12 Bréf 28/29
Erlent 14 Dagbók 30/31
Daglegt líf 16 Staksteinar 30
Listir 17 Kirkjustarf 31
Umræðan 18 Fólk 32/37
Ávörp 19/20 Bíó 34/37
Forystugrein 20 Ljósvakamiðlar 38
Viðhorf 22 Veður 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@-
mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@-
mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
HÓPUR nokkurra vaskra Íslendinga stakk sér
til sunds í Nauthólsvík í gær og hóf þannig árið
með heilsueflingu á nýársdegi.
Tíu sundmenn þreyttu nýárssundið í Nauthóls-
vík og það merkilegasta er að tveir þeirra eru
aðeins 14 og 15 ára. Það eru þau Jón Eyjólfur
Jónsson og Helga Ásdís Jónasdóttir, sem voru
bæði að leggja í þetta afrek í fyrsta sinn, og ekki
annað að sjá en að sundið hefði farið vel í þau.
Þó að frost væri töluvert í gærdag þegar sund-
ið átti sér stað létu garparnir það ekki á sig fá
heldur syntu hver í kapp við annan.
Þeir flýttu sér þó að þurrka sér og klæða þeg-
ar í land var komið enda getur frostið bitið
harkalega á þessum árstíma. Ylströndin, sem
flestir nota sér yfirleitt eingöngu yfir sumartím-
ann þegar vatnið er þægilega volgt, er því alls
ekki mannlaus á veturna, í það minnsta ekki á
meðan þetta vaska fólk heldur uppteknum hætti
og stundar sjósund að vetrarlagi af miklum
krafti.
Morgunblaðið/Jón Svavarsson
Sjósund á nýju ári
FJÓRTÁN ára drengur í
Grindavík brenndist illa á hendi
um eittleytið á nýársnótt þegar
flugeldur sem hann var að
skjóta upp sprakk í stað þess að
fara upp í loftið með þeim af-
leiðingum að kviknaði í úlpu
drengsins. Drengurinn er tal-
inn hafa brennst á hendinni við
að reyna að slökkva eldinn í
úlpu sinni. Drengurinn var
fluttur á bráðamóttöku Land-
spítalans í Fossvogi þar sem
búið var að sárum hans, en þau
eru ekki talin alvarleg. Dreng-
urinn var útskrifaður af slysa-
deild í gær. Áramótin voru ann-
ars stórslysalaus og þakka
seljendur flugelda það aukinni
notkun öryggisgleraugna.
Flugelda-
slys í
Grindavík
STEINGRÍMUR Sigurgeirsson hef-
ur verið ráðinn aðstoðarmaður Þor-
gerðar Katrínar Gunnarsdóttur, ný-
skipaðs menntamálaráðherra.
Steingrímur tekur við starfinu nú um
áramótin.
Steingrímur fæddist árið 1966.
Hann lauk BA-prófi í stjórnmála-
fræði frá Háskóla Íslands 1997 og
MPA-prófi í opinberri stjórnsýslu frá
John F. Kennedy School of Govern-
ment við Harvard-háskóla í Cam-
bridge í Bandaríkjunum 2002.
Steingrímur hefur starfað sem
blaðamaður á Morgunblaðinu frá
1986, m.a. sem
fréttastjóri er-
lendra frétta.
Hann sat um ára-
bil í stjórn Sam-
bands ungra sjálf-
stæðismanna, var
framkvæmda-
stjóri SUS og
einnig Samtaka
ungra íhalds-
manna á Norðurlöndum, NUU.
Steingrímur er kvæntur Maríu
Guðmundsdóttur viðskiptafræði-
nema og eiga þau tvær dætur.
Aðstoðarmaður mennta-
málaráðherra ráðinn
Steingrímur
Sigurgeirsson
UM 149 erlend fiskiskip tilkynntu
stjórnstöð Landhelgisgæslunnar um
afla innan íslenskrar fiskveiðilögsögu
árið 2003 og var aflinn samkvæmt
þeim heimildum samtals 169.757
tonn. Í fyrra veiddu erlendu skipin
206.330 tonn. Munurinn liggur helst í
því að minna veiddist af loðnu í ár en í
fyrra, segir í tilkynningu frá Land-
helgisgæslunni. Bretar veiddu á
árinu 1.279 tonn, Þjóðverjar 1.307
tonn, Færeyingar 135.468 tonn,
Norðmenn 1.472 tonn og Grænlend-
ingar 30.230 tonn. Afli bresku skip-
anna samanstóð að mestu leyti af
karfa, eða 1.073 tonn, og þorski, um
100 tonn. Þjóðverjar veiddu mest af
karfa, 1.147 tonn, og þorski, um 60
tonn. Alls höfðu 95 norsk skip leyfi til
veiða í efnahagslögsögunni. Afli
Norðmanna var að mestu loðna eða
865 tonn en einnig veiddu þeir tals-
vert af keilu eða 315 tonn. Mikill
munur er á loðnuafla Norðmanna
samanborið við árið 2002 en þá
veiddu þeir 56.130 tonn af loðnu.
Fimmtíu færeysk skip höfðu leyfi
til línu- og handfæraveiða. Þau fengu
alls 4.000 tonn af mismunandi teg-
undum botnfisks. Einnig höfðu tíu
færeysk skip leyfi til veiða á kol-
munna og loðnu. Þau veiddu 95 þús-
und tonn af kolmunna og 36.500 tonn
af loðnu.
Grænlendingar höfðu eitt loðnu-
veiðileyfi og eitt botnfiskveiðileyfi.
Þeir veiddu 27 þúsund tonn af loðnu
og 3.000 tonn af botnfiski.
Einnig höfðu fimm japönsk tún-
fiskveiðiskip leyfi til veiða hér við
land en þau tilkynna afla sinn til Haf-
rannsóknastofnunar.
Landhelgisgæslan hefur eftirlit
með veiðum allra erlendra fiskiskipa
innan íslenskrar fiskveiðilögsögu.
Gagnkvæmir samningar um fjareft-
irlit eru nú í gildi milli Íslands, Fær-
eyja, Grænlands, Noregs og Rúss-
lands. Auk þess tilkynna skipin
daglega veiddan afla, komur og
brottfarir úr fiskveiðilögsögunni.
149 erlend fiskiskip veiddu við Ísland árið 2003
Afli skipanna talsvert
minni en árið 2002
ÚTGÁFA Seðlabankans á svokölluð-
um innistæðubréfum í lok árs getur
haft það í för með sér að vextir á pen-
ingamarkaði hækki, að sögn aðal-
hagfræðings Seðlabanka Íslands.
Innistæðubréf að fjárhæð 8 millj-
arðar króna voru boðin upp hjá
Seðlabanka Íslands 30. desember sl.
Fimm tilboð bárust frá fjármálafyr-
irtækjum, alls fyrir 4,5 milljarða
króna, og voru innistæðubréf gefin
út fyrir þá fjárhæð. Tilgangur upp-
boðsins er að minnka peningamagn í
umferð. Hámarksávöxtun í uppboð-
inu nam 4,80%.
Már Guðmundsson, aðalhagfræð-
ingur Seðlabanka Íslands, segir upp-
boð innistæðubréfanna koma til
vegna þess að Seðlabankinn vilji
draga úr lausu fé í umferð. „Bankinn
hefur að undanförnu verið að kaupa
gjaldeyri og lækka bindiskyldu.
Vegna þessara aðgerða hefur laust
fé í umferð aukist.
Með því að bjóða upp innistæðu-
bréf gerum við bönkum kleift að
ávaxta fé hjá Seðlabankanum á
hærri vöxtum en venjulega. Í kjöl-
farið verða vextirnir á peningamark-
aði hærri en ella,“ segir Már.
Vextir hækka vegna
útgáfu innistæðubréfa