Morgunblaðið - 02.01.2004, Page 4

FRÉTTIR
4 FÖSTUDAGUR 2. JANÚAR 2004 MORGUNBLAÐIÐ
ÞORGERÐUR Katrín Gunn-
arsdóttir, nýskipaður mennta-
málaráðherra, segir að meðal helstu
verkefna sem blasa við á næstunni sé
að halda áfram þeim verkum sem
þegar eru hafin, m.a. um að vinna
áfram að styttingu námstíma til stúd-
entsprófs. „Það er gríðarlega um-
fangsmikið verkefni. Það hefur verið
unnið mjög vel að því af hálfu ráðu-
neytisins og niðurstaðna þeirra
vinnuhópa sem eru að vinna að þessu
verkefni, er að vænta snemma á
þessu ári. Það þarf að fara vel yfir
þau mál. Það hefur komið fram
ákveðin gagnrýni á styttingu náms og
okkur ber að skoða það, en mark-
miðin eru eftir sem áður að stytta
námstímann,“ segir Þorgerður Katr-
ín.
Ánægjuleg þróun
Hún segir málefni Háskóla Íslands
og háskólasamfélagsins alls séu ann-
að stórt verkefni sem við blasir. „Það
hefur átt sér stað mjög ánægjuleg
þróun innan háskólageirans á und-
anförnum misserum og árum í kjölfar
samkeppninnar, en um leið koma upp
önnur viðfangsefni, sem við þurfum
að reyna að leysa. Vonast ég til að það
verði gert í góðri samvinnu og sátt við
bæði Háskóla Íslands og aðra há-
skóla í landinu,“ segir hún. Spurð um
afstöðu til hugmynda um að tekin
verði upp skólagjöld við háskólann
segir hún ekki tímabært að gefa yf-
irlýsingar um hvort rétt sé að taka
upp skólagjöld eða hvaða leiðir beri
að fara. „En það er ljóst að okkur ber
skylda til þess að skoða alla þá mögu-
leika, hvort sem þeir felast í skóla-
gjöldum eða öðrum leiðum sem leiða
til þess að háskólanámið verði mark-
vissara og gjöfulla fyrir framtíðina.
Um leið má það auðvitað ekki ógna
þeim jöfnu tækifærum sem fólk hefur
til náms. Það hefur ekki gert það
hingað til.“
Hún segir að fara þurfi vel yfir öll
fjárhagsmál Háskóla Íslands og
grunnforsendan sé sú að fyrir liggi
skýrar upplýsingar um stöðu HÍ al-
mennt áður en hægt sé að svara kröf-
um um aukið fjármagn til háskólans.
„Á undanförnum árum höfum við Ís-
lendingar verið að auka mjög fjár-
magn á öllum sviðum menntamála og
er háskólastigið ekki undanskilið og
verðum við m.a. í því ljósi að athuga
hvort við getum farið aðrar leiðir.“
Menntamálaráðherra nefnir einnig
að undirbúningur vegna byggingar
tónlistarhúss sé meðal stóru verkefn-
anna sem áfram verður unnið að á
næstunni.
Þorgerður Katrín Gunnarsdóttir, nýskipaður menntamálaráðherra
Stytting náms til stúdentsprófs
umfangsmikið verkefni
Morgunblaðið/Jim Smart
Tómas Ingi Olrich, fráfarandi menntamálaráðherra, og Þorgerður Katrín
Gunnarsdóttir, nýskipaður menntamálaráðherra, takast í hendur.
RÁÐHERRASKIPTI fóru fram á fundi
ríkisráðs sem fram fór á Bessastöðum fyrir
hádegi á gamlársdag. Tómas Ingi Olrich lét
af embætti menntamálaráðherra og var
Þorgerður Katrín Gunnarsdóttir alþing-
ismaður skipuð í embætti menntamálaráð-
herra.
Ríkisráðsfundurinn hófst kl. 10.30 voru þar
einnig staðfest frumvörp sem samþykkt hafa
verið á Alþingi.
Að því búnu flutti Davíð Oddsson forsætis-
ráðherra tillögu til forseta Íslands, Ólafs
Ragnars Grímssonar, um að Tómasi Inga yrði
veitt lausn frá embætti. Þá flutti Davíð tillögu
til forseta Íslands um að Þorgerður Katrín
tæki við embætti menntamálaráðherra.
Tómas vék síðan af fundi og tók Þorgerður
Katrín sæti á ríkisráðsfundinum í hans stað,
þar sem hún undirritaði drengskaparheit og
fékk því næst afhenta lykla að mennta-
málaráðuneytinu.
Morgunblaðið/Jim Smart
Ráðherraskipti á ríkisráðsfundi á Bessastöðum
ÞORGERÐUR Katrín
Gunnarsdóttir er kaþ-
ólskrar trúar. Aðspurð
segir hún að þetta muni
að því er best er vitað
vera í fyrsta skipti sem
stjórnmálamaður kaþ-
ólskrar trúar tekur við
ráðherraembætti hér á
landi. Hún er fædd 4.
október 1965, er lög-
fræðingur að mennt og
hefur setið á Alþingi frá 1999.
Hún var formaður allsherj-
arnefndar síðasta kjörtímabil
og hefur m.a. átt
sæti í mennta-
málanefnd, sam-
göngunefnd, sér-
nefnd um
stjórnarskrármál
og iðnaðarnefnd og
átt sæti í Íslands-
deild þingmanna-
nefndar EFTA og
var formaður henn-
ar á síðasta ári. Þor-
gerður er gift Kristjáni Ara-
syni viðskiptafræðingi og eiga
þau þrjú börn.
Fyrsti ráðherrann
kaþólskrar trúar
Þorgerður Katrín
Gunnarsdóttir
„ÉG mun byrja á að ganga frá ýmsum
málum sem hafa safnast saman á
nokkuð löngum pólitískum ferli. Síðan
reikna ég með að hleypa heimdrag-
anum í febrúar og mars,“ segir Tómas
Ingi Olrich sem lét af embætti
menntamálaráðherra á ríkisráðsfundi
á gamlársdag.
Tómas Ingi tekur við sendiherra-
embætti í París í haust en ætlar m.a.
að nota tímann þangað til og leggja
stund á nám í ítölsku erlendis á kom-
andi mánuðum. Ítalía er meðal þeirra
landa sem heyra undir sendiráðið í
París.
„Ég á von á því að ég komi mér í
einhvers konar nám
og endurhæfingu.
Það er fyrst og
fremst tungu-
málanám en mig
langar til að rifja
upp það litla sem ég
kann í ítölsku og
bæta við,“ segir
hann.
Tómas Ingi hefur
setið á Alþingi frá
1991 og verið menntamálaráðherra frá
2002. Hann afsalaði sér þingsætinu frá
og með áramótum og tekur Arnbjörg
Sveinsdóttir sæti hans á Alþingi.
Tómas Ingi Olrich tekur við sendiherrastarfi í haust
Tómas
Ingi Olrich
Stefnir á nám í ítölsku á árinu
ÁRAMÓTIN voru með rólegra móti
um allt land og lítið var um alvarleg
slys. Víða var þó erilsamt hjá lög-
reglu á gamlárskvöld og á nýárs-
nótt. Lögreglumenn sem Morgun-
blaðið ræddi við voru sammála um
að áramótin sem nú liðu hafi verið
ein þau friðsömustu í langan tíma.
Í Reykjavík var engu að síður
nóg að gera, að sögn varðstjóra, en
ekki var um nein stóratvik að ræða.
Talsverður fjöldi fólks var í mið-
borginni til um níu á nýársmorgun.
Aðeins tveir ökumenn voru teknir
undir áhrifum áfengis í Reykjavík,
en viðbúnaður var eins og um önnur
áramót.
Slökkvilið höfuðborgarsvæðisins
hafði það náðugt um áramótin en á
gamlárskvöld voru fjögur útköll, öll
minniháttar, en þó tvær íkveikjur.
„Þetta voru mjög róleg áramót,
sem er afar gott, því það er betra að
við höfum minna að gera,“ segir
Birgir Finnsson, framkvæmdastjóri
útkallssviðs Slökkviðliðs höfuðborg-
arsvæðisins, og bætir við að
kannski megi rekja þessi rólegheit
til samverkandi þátta. Annars vegar
mikils snjós sem kom í veg fyrir að
alvarlegir eldar kviknuðu, „og hins
vegar þess að nú eru brandajól og
fólk búið að skemmta sér um
helgina milli jóla og nýárs og því
nokkuð rólegra yfir fólki og ekki
eins mikil spenna og asi,“ segir
Birgir.
Varðstjóri lögreglunnar í Hafn-
arfirði sagði áramótin hafa verið ein
þau friðsömustu í langan tíma.
Varðstjórinn vildi þakka forvarnar-
starfi sem unnið var í samstarfi lög-
regluyfirvalda, félagsmálayfirvalda,
skólaskrifstofu og grunnskólanna í
bænum um að lítið bar á unglingum
á ferli í Hafnarfirði.
Maður gekk berserksgang
Áramótin fóru ekki síður vel fram
úti á landi, skv. upplýsingum lög-
regluyfirvalda. Tilkynnt var um
eina líkamsárás í Borgarnesi og þar
var einn tekinn grunaður um ölvun
við akstur.
Í Vestmannaeyjum gekk ölvaður
maður um tvítugt berserksgang við
mannlaust íbúðarhús, braut rúður
og braust inn í bílskúr þar sem
hann vann skemmdarverk. Ná-
grannar létu lögreglu vita og gisti
maðurinn fangageymslur.
Ein friðsömustu áramót
lengi að mati lögreglu
Fá slys og
eldsvoðar
minniháttar
VEL seldist af flugeldum hjá björg-
unarsveitunum fyrir þessi áramót að
sögn Valgeirs Elíassonar, upplýs-
ingafulltrúa Slysavarnafélagsins
Landsbjargar. Hann segir flugelda-
söluna að vísu hafa raskast vegna
óveðursins á mánudaginn en salan
hafi verið mjög góð á þriðjudag og
gamlársdag. „Þeir sem ég talaði við í
morgun [gærmorgun] voru kampa-
kátir. Það seldist mjög vel hjá okkur
og þótt við vitum ekki enn hver salan
var nákvæmlega sýnist mér margt
benda til þess að við höfum jafnvel
selt meira en í fyrra. Þannig að við
erum mjög ánægðir og þá ekki síst
með að áramótin virðast hafa verið
því sem næst slysalaus. Enn og aftur
upplifum við það að ekki verða nein
alvarleg augnslys þannig að við er-
um kátir,“ segir Valgeir.
Morgunblaðið/Kristinn
Flugeldasala
jafnmikil eða
meiri en í fyrra