Morgunblaðið - 02.01.2004, Blaðsíða 14
ERLENT
14 FÖSTUDAGUR 2. JANÚAR 2004 MORGUNBLAÐIÐ
TALNINGA-
VOGIR
Síðumúla 13, sími 588 2122
www.eltak.is
Léttu þér vinnuna
í talningunni!
Leiga eða sala
Vog á fínu verði
Hafðu samband eða
skoðaðu www.eltak.is
FJÁRMÁLAHNEYKSLIÐ hjá
ítalska matvörufyrirtækinu Parmalat
vatt enn upp á sig á gamlársdag þeg-
ar sjö voru færðir í gæsluvarðhald
vegna málsins. Áður hafði stofnandi
fyrirtækisins og fyrrverandi forstjóri
verið settur í gæsluvarðhald. Á meðal
þeirra sem teknir voru höndum á
gamlársdag var stjórnarformaður
ítalsks útibús Grant Thornton-endur-
skoðunarfyrirtækisins.
Grant Thornton hefur frá því upp
komst um ólögmætt athæfi innan
Parmalat sagst vera fórnarlamb
svika en ekki þátttakandi í þeim. Sak-
sóknarar segja að bókhaldssvikin hjá
Parmalat hafi verið kerfisbundin og
nái nokkur ár aftur í tímann. Grant
Thornton hefur starfað fyrir
Parmalat frá árinu 1990, eða í þrettán
ár, og telja saksóknarar víst að
endurskoðendur fyrirtækisins hafi
tekið þátt í að falsa bókhald
Parmalat. Gatið sem upp hefur
komist um í bókhaldi Parmalat er
talið nema allt að 10 milljörðum evra
eða tæplega 900 milljörðum íslenskra
króna, að því er fram kom í fréttum
BBC og Reuters.
Tanzi segist ekki vera svikari
Stofnandi Parmalat, Calisto Tanzi,
sem handtekinn var á götu í Mílanó
27. desember síðastliðinn, hefur játað
að hafa beint 500 milljónum evra úr
sjóðum Parmalat inn í önnur félög
honum tengd. Hann játar einnig að
hafa vitað að meira tap var á reksti
fyrirtækisins en bókhaldið sýndi, en
neitar því að yfirmenn fyrirtækisins
hafi stundað bókhaldssvik til að
breiða yfir tapið.
Rannsókn á fjármálum Parmalat
er afar víðtæk, enda fyrirtækið með
starfsemi vítt og breitt um heiminn.
Upptök málsins má rekja til banka-
reiknings á Cayman-eyjum sem átti
að vera í eigu Bonlat, dótturfélags
Parmalat, en reyndist svo ekki vera
til. Það var Bank of America sem
staðfesti að gögnin um reikninginn
væru fölsuð. Saksóknarar bíða nú eft-
ir gögnum frá starfsstöðvum
Parmalat utan Evrópu og Bandaríkj-
anna, en sá hluti rannsóknarinnar er
talinn líklegur til að dragast á lang-
inn. Handtökuskipun hefur verið gef-
in út á hendur yfirmanni Parmalat í
Venusúela, Giovanni Bonici, en hann
er væntanlegur til Ítalíu.
Stal ekki en blekkti hluthafa
Enginn hefur enn verið ákærður í
málinu. Lögfræðingar Tanzis eru
sagðir ætla að byggja vörn hans á því
að hann hafi ekki stolið neinum pen-
ingum, heldur einungis falið slæma
fjárhagsstöðu Parmalat fyrir hluthöf-
um.
Parmalat var stofnað árið 1961 og
er í fararbroddi á mörkuðum fyrir
mjólk, ávaxtasafa, jógúrt og fleiri
matvörur í Ítalíu og víðar. Meðal
eigna Parmalat er ítalska knatt-
spyrnuliðið Parma.
Parmalat-hneykslis-
málið vindur upp á sig
Sjö til viðbótar
handteknir vegna
bókhaldssvika
ÍBÚAR Hong Kong fögnuðu áramótunum með
eftirminnilegum hætti en þessi mynd var tekin
þar. Teikn eru á lofti um að árið 2004 verði þeim
gott ár en merki eru um að heldur hafi dregið úr
atvinnuleysi í Hong Kong og að von sé á upp-
sveiflu í efnahagsmálum.
Reuters
Nýju ári vel fagnað í Hong Kong
ÞÝSKUR fyrrverandi flugmaður
segir að ráðamenn í Þýskalandi
nasismans hafi haft um það áform
að flýja til Grænlands við lok síð-
ari heimsstyrjaldarinnar.
Þetta kemur fram í breska
blaðinu The Sunday Times.
Að sögn viðmælanda blaðsins
hugðust þýskir ráðamenn fara
með flugbáti frá Norður-Þýska-
landi til Grænlands og halda bar-
áttunni áfram þaðan.
Gert var ráð fyrir því að Her-
mann Göring flugmarskálkur og
Heinrich Himmler, yfirmaður SS-
sveita nasista og helsti skipuleggj-
andi fjöldamorða á gyðingum í
Þriðja ríkinu, myndu ásamt fleir-
um flýja innrásarheri banda-
manna með þessum hætti og
koma sér fyrir á Grænlandi.
Hitler átti ekki að fara
fyrir útlagastjórninni
Að sögn heimildarmanns blaðs-
ins var ekki ráð fyrir því gert að
Adolf Hitler myndi fara fyrir út-
lagastjórn þýskra nasista á Græn-
landi. Hann var ákveðinn í að fara
aldrei frá Berlín þar sem hann
framdi sjálfsmorð þegar ríki hans
var hrunið.
Nasistar hugðust
flýja til Grænlands
TVEIR létu lífið og sá þriðji slas-
aðist alvarlega í Danmörku aðfara-
nótt nýársdags þegar flugeldar
sprungu. Þá létu tveir lífið af slysför-
um í Svíþjóð.
Lögregla í Danmörku segir að
áramótin þar í landi hafi verið þau
annasömustu í áratugi og flugeldar
hafi valdið fjölda slysa og eldsvoða.
28 ára gamall karlmaður frá Hol-
bæk lést samstundis þegar flugeldur
lenti framan við hann og sprakk. Þá
lést 48 ára gamall maður í Borup
þegar flugeldur sem hann ætlaði að
skjóta á loft sprakk. Þriðji maðurinn,
23 ára, slasaðist alvarlega á höfði
þegar flugeldur sprakk.
Þá skemmdist brú í bænum
Svendborg þegar öflug skotkaka
sprakk og gígur, sem var um hálfur
metri í þvermál, myndaðist. Mann-
laus bíll í nágrenninu brann þegar
flugeldur lenti á honum.
Annasöm nýársnótt
Lögregla í Svíþjóð segir að nóttin
hafi verið annasöm. Þrítugur maður
lést á skíðasvæðinu í Tandaadalen
þegar hann missti stjórn á sleða og
lenti á tré. Annar lést þegar hann
rann til og datt. Vitað er um eitt al-
varlegt slys þegar flugeldur sprakk
og 18 ára maður fékk alvarleg bruna-
sár á andliti.
Flugeldar ollu dauðs-
föllum á Norðurlöndum
Kaupmannahöfn. AFP.
ÖFLUG bílsprengja sprakk utan við
veitingahús í Bagdad á miðvikudags-
kvöld þar sem fjöldi fólks fagnaði
áramótum. Átta Írakar týndu lífi og
á þriðja tug særðist, þar af þrír
fréttamenn bandaríska blaðsins Los
Angeles Times.
Nabil-veitingahúsið í Karrada-
hverfi er nánast rústir einar eftir
sprenginguna sem varð um klukkan
18.30 að íslenskum tíma á gamlárs-
kvöld. Lögregla í Írak og bandaríska
hernámsliðið hertu mjög öryggis-
gæslu vegna áramótanna þar eð bú-
ist var við árásum skæruliða.
Í bílnum sem sprakk voru um 180
kg af sprengiefni og sprengikúlur.
Veitingahúsið jafnaðist við jörðu í
sprengingunni og einnig bygging
þar nærri. Talið er að um hafi verið
að ræða sjálfsmorðsárás. Hún kem-
ur á sama tíma og Bandaríkjaher
gerir tilraun til að uppræta þær
sveitir Íraka sem hafa staðið fyrir
árásum á bandaríska hermenn.
Átta
drepnir
í Írak
Bagdad. AFP.
JÓHANNES Páll páfi hvatti til
þess í nýársávarpi sínu í gær að
staða Sameinuðu þjóðanna yrði
styrkt og að komið yrði á „nýrri
skipan í alþjóðamálum“. Páfinn
nefndi ekki hinar hatrömmu milli-
ríkjadeilur sem urðu vegna her-
farar Bandaríkjamanna í Írak en
af ræðu hans mátti ráða að hann
teldi að Sameinuðu þjóðirnar
yrðu að leika lykilhlutverk í öllum
tilraunum til að leysa vandamál
líðandi stundar í heiminum,
tryggja frið og öryggi í vályndri
veröld.
Eftir því var tekið að páfi virt-
ist við þokkalega heilsu er hann
flutti ávarp sitt en Jóhannes Páll
er nú 83 ára gamall og hefur ver-
ið heilsuveill. Um sex þúsund
manns hlýddu á ávarp hans í
Péturskirkjunni í Róm.
Reuters
Vill styrkja SÞ