Morgunblaðið - 13.03.2004, Blaðsíða 21
KRINGLAN/LEIFSSTÖÐ
SÍMI 588 7230
w w w . l e o n a r d . i s
7.700 ,- kr
6.700 ,- kr
6.700 ,- kr 6.700 ,- kr 7.700 ,- kr
TVÆR ÚR kennarahópnum sem útbjó „ferm-
ingarveisluna góðu“ eru þær Stefanía Ólafs-
dóttir, aðstoðarskólastjóri í námsleyfi, og Jó-
hanna Jónasdóttir framhaldsskólakennari.
Jóhanna er að afla sér réttinda til heim-
ilisfræðikennslu í grunnskóla en Stefanía er
í heimilisfræði „sér til ánægju“, eins og hún
orðar það.
„Ég hafði ánægju af að útbúa þetta ferm-
ingarborð, sem er samansett úr þægilegum
uppskriftum. Ég hef sjálf látið ferma þrjú
börn fyrir nokkuð löngu og var tvisvar með
kaffiveislu heima en einu sinni var ég með
matarveislu úti í bæ. Eftir þetta nám þá er
ég betur í stakk búin til þess að halda stórar
veislur, heima eða í sal. Námið hefur veitt
mér bæði mikla ánægju og ýmislegt hef ég
lært sem ég hafði ekki hugsað mikið út í áð-
ur. Það er mjög fjölbreytt og lögð mikil
áhersla á hollustu og það að geta lagað góð-
an mat á stuttum tíma og einnig hve miklu
skiptir að maturinn sé fallega fram borinn.
Heimilisfræði er mikilvæg námsgrein í
hröðu samfélagi. Sjálf hef ég ekki kennt
heimilisfræði enda hef ég litla kennslu-
skyldu en ég get vel hugsað mér að kenna
þetta fag meðfram þegar ég tek til starfa aft-
ur að loknu námsleyfi. Heimilisfræði verður
stundum dálítið út undan í skólunum, víða
vantar menntaða heimilisfræðikennara og
nú er ég færari en áður til að halda heim-
ilisfræðinni á lofti þegar verið er að skipu-
leggja skólastarfið.
Myndi nú treysta sér vel í slaginn
„Ég á fjögur börn og hef því auðvitað eytt
miklum tíma í matseld í eldhúsi, en nú nálg-
ast ég þetta efni á allt annan hátt,“ segir Jó-
hanna Jónasdóttir.
„Ég hef lært næringarfræði og veit nú vel
hvað er hollt og óhollt og er nú miklu örugg-
ari þegar kemur að veisluhöldum af öllu tagi.
Ég er búin að standa fyrir þremur ferming-
arveislum og treysti mér þá ekki til að útbúa
veisluföngin sjálf en nú myndi ég vel treysta
mér í slaginn.
Veisluborðið sem við útbjuggum krefst
ekki neinnar sérþekkingar og ætti að vera
aðgengilegt öllum þeim sem vilja halda
veislu heima hjá sér.
Ég hef réttindi sem framhaldsskólakenn-
ari á hársnyrtibraut en vildi víkka sjóndeild-
arhringinn og fór í heimilisfræðinám sem
tekur tvo vetur en ég lýk á einum vetri með
því að vera bæði í fjarnámi og staðnámi KFÍ.
Mér finnst heimilisfræðinámið mjög
skemmtilegt og gefandi og það er að mínu
mati mjög nauðsynlegt, sérstaklega í „heimi
skyndibitans“. Það er þýðingarmikið að börn
og unglingar læri að búa til hollan og góðan
heimilismat og það mætti vera meiri
kennsla í þessum efnum í efri bekkjum
grunnskólans að mínu mati. Ekki má gleyma
að þetta er kannski eina kennslan í mat-
reiðslu sem fólk fær áður en það fer út í líf-
ið.“
Miklu skiptir
að bera matinn
fallega fram
Morgunblaðið/Ásdís
F.v. Stefanía Ólafsdóttir og Jóhanna Jónasdóttir.