Pressan - 02.04.1992, Blaðsíða 15
FIMMTUDAGUR PRESSAN 26. MARS 1992
15
starfsemi. Er RLR í stakk búin
til aðfjalla um slíkt?
„Rannsóknarlögreglan er að
rannsaka slík tilvik, fleiri en eitt
og fleiri en tvö. Þau verða opin-
ber áður en langt um líður.“
Eru það þá dcemi um skipu-
legaglœpastarfsemi?
„Eg er ekki að segja glæpa-
starfsemi — það eru þín orð. Ég
er að tala um fjárplógsstarf-
semi,“ sagði Bogi.
HVAÐ VARÐ UM VIRÐIS-
AUKASKATTTNN?
Samkvæmt heimildum sem
PRESSAN hefur aflað sér virð-
ist einnig ljóst að eigendur Bfla-
leigunnar Höfða hafi fengið
endurgreiddan virðisaukaskatt.
Bflaleigur geta fengið virðis-
aukaskatt endurgreiddan sem
innskatt og samkvæmt heimild-
um PRESSUNNAR mun Úlfari
og félögum hafa tekist það.
Þannig hafi þeir fengið endur-
greiddar um tvær milljónir
króna af bflaflotanum sem þó
var aldrei greiddur.
Hjá Skattstjóraembætti
Reykjaness fengust ekki önnur
viðbrögð en að engin svör væri
hægt að gefa um rannsókn ein-
stakra mála.
EINN LEPPURINN TELUR
AÐ ÞETTA HAFI VERIÐ
SVIKAMYLLA
Eins og áður sagði tók Valdi-
mar T. Þorvaldsson á sínum
tíma að sér að kaupa fjölda bfla
íyrir Rúmið. Lfldega hefur hann
verið afkastamestur leppa Úlfars
í því efni. Valdimar sagði í sam-
tali við PRESSUNA að á þeim
tíma hefði hann talið að þetta
fyrirtæki ætti einhverja framtíð
fyrir sér. Nú segist hann hins
vegar gera sér grein íyrir að það
hafi verið byggt á tómum blekk-
ingum.
Valdimar sagðist hafa orðið
gjaldþrota af þessum sökum og
hafi líklega 4 til 6 milljónir
króna fallið á hann vegna þess-
ara viðskipta.
Sumir kaupendanna halda
því fram að þetta haft alla tíð
verið svikamylla?
„Eg get vel trúað því og ég er
langt frá því stoltur af þessum
viðskiptum. Ef ég hefði verið í
aðstöðu til að bæta fyrir það
sem ég gerði þá hefði ég gert
það,“ segir Valdimar sem
kveðst hafa breytt lífsháttum
sínum frá því þetta átti sér stað.
Síðan þá segist hann engin af-
skipti hafa haft af viðskiptum
Úlfars.
ÚLFAR SEGIR AÐ KAUP-
ENDUR RÚMSINS HAFI
EKKIGREITT
Úlfar segir að þegar hann hafi
gengið út úr Rúminu hafi hann
gert kaupsamning um að skilinn
yrði eftir lager sem var metinn á
tvær milljónir króna.
„Og síðan voru skilin eftir
bréf og annað upp á 4,9 milljón-
ir og það ætlaði Rúmið að nota
til að greiða bflana með. Það átti
fyllilega að dekka greiðslur á
þessum bflum. En þeir sem tóku
við þessu hafa ekki greitt eins
og átti að gera,“ segir Úlfar.
Hann vísar semsagt sökinni yfir
á Magnús Grétar Gíslason, en
ekki tókst að ná tali af honum til
að bera undir hann frásögn Úlf-
ars.
Um leið ítrekar Úlfar að hann
hafi farið verst út úr þessum
viðskiptum sjálfur og bendir á
eigið gjaldþrot því til staðfest-
ingar. Éf hins vegar eru skoðað-
ar kröfumar við gjaldþrotameð-
ferð hans hjá skiptaráðanda í
Hafnarfirði kemur í ljós að
skuldimar em tilkomnar vegna
annarra mála. Má þar meðal
annars finna háar kröfur frá
bankastofnunum.
FJÖLSKRÚÐUGUR FER-
ILL í OKRIOG SVHOJM
Fyllsta ástæða er til að draga
frásagnir Úlfars í efa — sérstak-
lega vegna þess hvemig ferli
hans er háttað. Eins og áður er
komið fram hefur hann verið
kærður til RLR vegna þátttöku í
málum Innheimta og ráðgjafar.
Sömuleiðis vegna afskipta sinna
af bflamálinu.
Þá er vert að minnast á þá
starfsemi sem hann hefur verið
hvað þekktastur fyrir. Það eru
okurviðskipti. Hann hefur tví-
vegis verið ákærður fyrir okur-
brot, fyrst 1985 og aftur árið
1989 er hann var dæmdur fyrir
að hafa veitt Hermanni Björg-
vinssyni peningalán í ein átján
skipti. Þótti sannað að Úlfar
hefði tekið hærri vexti en lög-
legt var.
PRESSAN hefur á þeim stutta
tíma sem mál Úlfars hafa verið
til umfjöllunar rætt við fjölda
fólks sem telur sig hafa orðið
fyrir skakkaföllum vegna hans.
Þar kemur hvort tveggja við
sögu lánastarfsemi hans og við-
skipti við önnur fyrirtæki hon-
um nákomin.
1982 hlaut Úlfar einnig dóm í
Borgardómi Reykjavíkur fyrir
afskipti sín af fyrirtækinu Bjarg-
ey hf„ en það varð gjaldþrota
1981. Þá hafa viðskipti annarra
fyrirtækja sem honum tengjast
vakið athygli. Má þar nefna Isey
hf„ Útey hf. og Rolf hf. Virðist
ekki einleikið hversu skjótt þau
leggja upp laupana eftír að þau
fara úr eigu Úlfars.
Siguröur Már Jónsson
ásamt Sigurjóni Magnúsi Egilssyni.
Sumarið 1990 keypti fyrirtæk-
ið Rúmið hf. 13 bíla víðsvegar
að. Fyrir þá var greitt með
víxlum og skuldabréfum sem
reynst hafa verðlaus, en um
leið var bílunum komið undan
með margvíslegum hætti. Ná-
lægt kaupunum hafa komið
mörg fyrirtæki og einstakling-
ar sem með einum eða öðrum
hætti tengjast „viðskiptaveldi“
Úlfars Nathanaelssonar. Þrátt
fyrir kærur og fyrirspurnir til
Rannsóknarlögreglu ríkisins
hefur engin skipuleg rannsókn
farið fram á málinu. Um leið
hafa borist margvíslegar upp-
lýsingar um viðskiptahætti Úlf-
ars sem spanna 30 ára tímabil.
EINAR
Benediktsson sendiherra er bú-
inn aÖ endurheimta Grágás
þeirra laganema, sem norskir fé-
lagar þeirra stálu í ölæði fyrir
skömmu. Þeim norsku var boð-
ið á árshátíð laganema og laun-
uðu það með því að stela nærri
öllum munum íslensku gestgjaf-
anna, þ.e.a.s. Grágás, fundar-
hamrinum og fundargerðabók-
inni. Annars heiði verið nær að
senda Ólaf Sigurgeirsson (Óla
steika) eftir gæsinni, því það var
hann sem jgaf Orator gæsina fyr-
ir stuttu. Oli er mikill veiðimað-
ur og hefði sjálfsagt ekki látið
sig muna um að veiða nýja Grá-
gás. En úr gæsahamnum yfir í
vaðmálið. Fatafrík vikunnarer
FRIÐRIK
Rúnarsson, þjálfari Njarðvfk-
inga. Friðrik er bamungur þjálf-
ari og eiginlega svo ungur að
hann ætti ekki að þjálfa nema af
því að það gengur svo vel. Þar
fyrir utan er hann gífúrlega vel
klæddur en hefur Itins vegar
engan Uma fyrir heimilisstörfm,
segir unnustan. — Til að bæta
gráu ofan á svart heldur hann
svo eiginlega með hinu liðinu.
Enn einn eiginleiki hans birtist á
sjónvarpsskjánum þar sem hann
klippti gullkortið hans Þor-
steins Gunnarssonar aikitekts,
sem var að leika í Mcijas. En nú
er fegurðardrottningavertíðin og
hún
RAGNHILDUR
Sif Reynisdótir er fegurst
Reykjavíkurmeyja þetta árið.
Ragnhildur reyndist í bestri
þjálfun og átti auðvelt með að
koma fram bæði í sundbol og
ballkjól og það jafnvel þótt hún
yrði að gera það tvisvar. Það er
annars einkennilegt að það hitt-
ist aldrei svo á að fegursta stúlk-
an sé líka besta ljósmyndafyrir-
sætan. Það er skiljanlegra að
hún skuli aldrei vera kosin vin-
sælasta stúlkan. En annar ís-
lendingur sem á við svipað vin-
sældavandamál að sm'ða er
PÁLL
Pétursson, sem satt best að segja
er dálítið villuráfandi þessa dag-
ana. Bæði það að Framsókn er
ekki lengur við völd og einnig
það að norrænt samstarf er í
hættu. Það er ekki nema von að
Páli þyki tilveru sinni ógnað,
því hann cr jú norrænt samstarf
í hnotskum —já, jafnvel í sinni
fegurstu mynd. Með öðmm orð-
um; veldissól Páls er að hníga til
viðar eftir að hafa á tímabili náð
yfir fimm tímabelti. Um tíma
héldu mcnn jafnvel að skand-
inavíska Páls yrði að heimsmáli,
en líklega mun hún bara heyrast
á Höllustöðum f framtíðinni.
Um leið mun Páll skrifa trega-
fullar greinar um norrænt sam-
starf í Tímann svo lengi sem
báðir lifa.