Pressan - 04.06.1992, Síða 34

34
FIMMTUDAGUR PRESSAN 4. JÚNÍ 1992
best Y\æddu
karlmennirnir
1. Friðrik Sophusson
fjármálaráðherra
„Alltaf finn og glæsilegur/
2. Sigurður Gísli
Pálmason i Hagkaup.
„Hann eralltafi
smekklegur en i lítið
áberandi fötum. “
4. Viktor Urbancic bilasali.
„Það er augljóst að hann
hefur áhuga á fötum og
hugsar um það hverju
hann klæðist. “
3. Halldór Kiljan Laxness
rithöfundur.
„Fötin hans fara honum
alltafvel. Það ergreinilegt
að þau eru sérsaumuð."
6. Magnús L. Sveinsson,
borgarfulltrúi og
skrifstofustjóri.
„Hann er alltaf með réttu
fylgihlutina."
Sigursteinn Más-
son fréttamaður.
Br alltaf vel til fara
ogsmart."
7. Jón Ólafsson, Skifunni
„Fötin hans eru fallega
samansett. Hann hefur
ákveðinn stíl. “
8. Bjarni Breiðfjörð flug-
þjónn.„Hann er öðruvísi, en
alltaf finn."
9. Sævar Jónsson, knatt-
spyrnumaður „Stíllinn hans
er ungur, en smekklegur."
10. Ólafur Ragnarsson út-
gáfustjóri
„Alltaf mjög snyrtilegur. “
„Það er auðvelt að velja úr
best klæddu mennina á íslandi,
því þeir eru svo fáir," sagði einn
dómnefndarmanna. „Flestir
eru púkalegir." Það tóku ekki
allir undir þessi ummæli, því
annar sagði að íslenskum karl-
mönnum hefði farið gífurlega
fram í klæðaburði. Það væri allt
annað að sjá þá en fyrir tíu til
tólf árum. Þá var líka úr minna
að velja. í Þórskaffi mátti um
helgar sjá helming karlpenings-
ins í gráum, tvískiptum jakka-
fötum úr Herraríkinu með rautt
bindi. Ungir menn urðu líka að
klæða sig eins og gömlu karl-
arnir. Þeir áttu ekki annarra
kosta völ vildu þeir hvíla galla-
buxurnar. Nú er tíðin önnur.
Nógar eru verslanirnar og svo
má ekki gleyma innkaupaferð-
unum til útlanda. Reyndar hélt
einn í dómnefndinni því fram
að íslenskir karlmenn eyddu
heldur peningunum sínum í
bíla en föt og kann það að
skýra ummælin sem vitnað var í
hér í upphafi. En miðað við
þann fjölda sem taldist til hinna
best klæddu er það greinilega
allstór hópur sem kann að
klæða sig vel. Nokkrir virðast
þó standa upp úr og eru alltaf
nefndir, s.s. Friðrik Sophusson
fjármálaráðherra og Magnús L.
Sveinsson borgarfulltrúi. Vegna
níræðisafmælis Nóbelskáldsins
fyrir nokkrum vikum mundi
dómnefndin eftir Halldóri Lax-
ness, sem lendir í öðru sæti.
„Hann er frábærlega vel
klæddur. Er greinilega í sér-
saumuðum fötum." Friðrik
Sophusson fékk reyndar á sig
smáákúrur fyrir að vera stund-
um í Ijósum fötum sem Sigríður
Dúna velur á hann. „Of Ijós fyrir
Friðrik. Þetta er hennar litur."
Þeir eiga líka öruggt sæti á list-
anum yfir þá best klæddu, Sig-
urður Gísli Pálmason, sem glat-
ar efsta sætinu í hendurnar á
Friðriki, og Viktor Urbancic. Ný-
ir menn í hópi þeirra tíu best
klæddu eru Sigursteinn Más-
son, Jón Ólafsson, Sævar Jóns-
son, Ólafur Ragnarsson og
Bjarni Breiðfjörð. Þeir sem
detta út frá í fyrra eru Hans
Kristján Árnason viðskipta-
fræðingur, Páll Magnússon
sjónvarpsstjóri, Sigmundur Ern-
ir Rúnarsson fréttamaður og
Guðjón Sigurðsson skrifstofu-
stjóri — sem þó voru nefndir —
og Sigurður Pálsson, skáld og
rithöfundur, og Simbi hár-
greiðslumeistari.
Sumir dómnefndarmenn
áttu erfiðara með að benda á
einstaka illa klædda menn, eða
þá sem „ekki eru vel klæddir",
eins og einn vildi orða það. Þeir
gátu aftur á móti nefnt heilu
stéttirnar í þeirra hópi og voru
blaða- og fréttamenn ásamt
Ijósmyndurum þar efstir á
blaði. „Þegar þetta fólk kemur í
glæsilegar veislur og boð er
það áberandi vegna þess hve
illa það er til fara. Það veður inn
á gallabuxum og þess háttar
fatnaði sem ekki er við hæfi."
Tónlistarmenn í poppbransan-
um fengu sömu ummæli og
síðan voru nefndir auglýsinga-
menn, arkitektar og leikarar af
'68-kynslóðinni. „Sumt af þessu
fólki er hörmulega illa til fara
og lítur út eins og það hafi ekki
til hnífs og skeiðar." Ekkert er
þó algilt í þessum efnum frem-
ur en öðrum. Fréttamaðurinn
Sigursteinn Másson (alltaf vel til
fara) er í hópi þeirra best
klæddu sem og Eiríkur Jónsson
útvarpsmaður (það eru skórnir
sem gefa rétta tóninn. Háir og
uppreimaðir). Á hinn listann
komust þó — líklega sem full-
trúar stéttarinnar — Þórir Guð-
mundsson og Hallur Hallsson.
Helgi Pétursson, fyrrum frétta-
maður og núverandi markaðs-
stjóri, er með þeim fyrrum fé-
lögum sínum á listanum (hann
hefur fitnað og má ekki við að
vera í mittisjökkum sem leggja
áherslu á breiddina).
Af skiljanlegum ástæðum
voru stjórnmálamenn nokkuð
oft nefndir til sögunnar. Þeir
lenda á báðum listum, en það
eru ekki flokkadrættir sem
ákvarða hvar. Flokksbróðir Frið-
riks, sjálfur forsætisráðherrann
Davíð Oddsson, fer með örugg-
an sigur á lista þeirra verst
klæddu. Hann er mest gagn-
rýndur fyrir skyrturnar sínar (of
litlar) og jakkana (of stórir). Eið-
ur Guðnason er aftur á móti á
verst klædda listanum, þrátt
fyrir þá umsögn að hann hafi
stórlagast frá í fyrra. Hjörleifur
Guttormsson (þorir að nota liti)
vermir aftur á móti lista með
Friðriki, þótt ekki komist hann á
topp tíu, og Steingrímur Her-
mannsson (er alveg sama um
fatnað) með Davíð. Formenn
VSl og ASÍ lenda sömu megin
borðs þegar klæðnaður er ann-
ars vegar, þ.e. í hópi þeirra illa
klæddu. Þórarinn V. Þórarins-
son (huggulegur maður) fyrir
að klæða sig eins og gamall
karl, en kemst samt ekki á tíu-
listann og Ásmundur Stefáns-
son fyrir að vera gersamlega
ómögulegur (með fráhneppta
skyrtukraga í peysum og með
illa snyrt skegg. Hæfir ekki
manni í hans stöðu). Annars eru
stjórnmálamenn ekki eins áber-
andi á listunumm og í fyrra. Lík-
lega skiptir þar máli að engar
voru kosningarnar í ár. Þannig
er Markús Örn Antonsson (sett-
ist þá í borgarstjórastólinn) ekki
einu sinni nefndur á nafn, en
hann var í efsta sætinu á verst
klædda listanum í fyrra. Hvað
þá heldurSteingrímur J. Sigfús-
son. Hermann Gunnarsson
sjónvarpsmaður fellur líka út,
sem og Bubbi Morthens og
Rúnar Júlíusson, sem voru í
sviðsljósinu í fyrra vegna nýút-
komins hljómdisks. Jón Óttar
Ragnarsson, fyrrum sjónvarps-
stjóri, Páll Óskar Hjálmtýsson
söngvari og Sigurjón Sigurðs-
son skáld eru heldur ekki
nefndir. I staðinn koma inn Ás-
mundur (það gera samninga-
viðræðurnar) og Friðrik Þór
(Óskarinn). Helgi Björnsson
heldur sínu sæti um miðjan list-
ann og fær með sér Jón Ólafs-
son tónlistarmann, Björn Emils-
son hjá Sjónvarpinu og Ólaf
Ragnar Grímsson, sem reyndar
var einnig nefndur á hinn list-
ann.
Listamenn virðast reyndar
eiga greiðari aðgang að verst
klædda listanum en aðrarstétt-
ir, ef frá eru taldir stjórnmála-
menn. Friðrik Þór Friðriksson
kvikmyndaleikstjóri er í öðru
sæti, enda hefur hann óneitan-
lega verið í kastljósi fjölmiðl-
anna í vetur. Það var meira að
segja sagt um Friðrik að „gamli
smókingurinn hans hafi örugg-
lega skemmt fyrir markaðssetn-
ingu Barna náttúrunnar". „Það
er dæmigert fyrir Islendinga að
fá 5 milljóna króna styrk en
gleyma aðalatriðinu. Að fara út
í.búð og fá sér föt," sagði dóm-
nefndarmaður. Annar kvik-
myndaleikstjóri er á sama lista,
en hann hefur sést þar áður,
þ.e. Hrafn Gunnlaugsson (illa til
fara). Einar Kárason rithöfund-
ur og Sverrir Stormsker tónlist-
armaður eru einnig nefndir en
ná ekki inn.
Þó svo að dómnefndin hafi
fullyrt að auðveldara væri að
fylla verst klædda listann en
þann best klædda var ekki
færri boðið sæti á síðarnefnda
listanum. Kannski hafði þá sá
þeirra rétt fyrir sér sem sagði að
íslenskum karlmönnum hefði
farið stórlega fram í klæða-
burði á síðustu árum. Og að sér-
staklega ungir menn, á aldrin-
um 20-40 ára, huguðu betur að
þessum málum en kynbræður
þeirra gerðu hér á árum áður.
Karlmenn ættu líka að eiga
auðveldara með að koma sér
upp góðum fataskáp en kven-
fólkið, þar sem karlmannatísk-
an breytist hægar og fötin eru
oft sígild.
Þeir sem voru nefndir en
komust ekki í hóp tíu hinna
best klæddu voru David Pitt
heildsali, Ágúst Baldursson
kvikmyndaleikstjóri, Guðjón
Böðvarsson heildsali, Sigmund-
ur Ernir Rúnarsson fréttamað-
ur, Kolbeinn Kristinsson í Myll-
unni, Garðar Ólafsson í Herra-
garðinum, Gísli Halldórsson,
formaður Ólympíunefndar, Páll
P. Pálsson hljómsveitarstjóri,
Magnús Hreggviðsson hjá
Frjálsu framtaki, Guðjón Sig-
urðsson skrifstofustjóri, Heiðar
Jónsson snyrtir, Jón Baldvin
Hannibalsson utanríkisráð-
herra, Birgir Bieldtvedt, Daníel
Þorgeirsson hjá Sólarflugi, Eirík-
ur Jónsson útvarpsmaður, Pétur
Melsted í Hári og fegurð, Árni
Sigfússon borgarfulltrúi, Þórir