Morgunblaðið - 07.08.2004, Blaðsíða 21

MINNSTAÐUR
MORGUNBLAÐIÐ LAUGARDAGUR 7. ÁGÚST 2004 21
Reykjavík | Mikið fjör hefur verið hjá
krökkunum sem hafa verið á leikj-
anámskeiðum ÍTR í Bústöðum í sum-
ar, að sögn Heru Sigurðardóttur, um-
sjónarmanns leikjanámskeiðanna í
Bústöðum.
Leikritagerð og furðufataball er
meðal þess sem krakkarnir hafa
brallað í sumar en á ballinu var dans-
aður diskó- og ásadans og farið í
limbó. Auk þess fór hópurinn í veiði-
ferð niður í Fossvogsdal.
„Krakkarnir komu með sína eigin
háfa eða sigti sem við breyttum í háfa.
Margar krakkanna fengu síli, þó þau
hafi verið lítil. Þau söfnuðu þeim í
krukku og reyndu að láta þau lifa eins
lengi og hægt var,“ segir Hera.
Krakkarnir hafa einnig haft sinn
eigin garð í Skólagörðunum og verið
með kofa í smíðum á smíðavellinum
við Breiðagerðisskóla.
Í júní var svo staðið fyrir Ólympíu-
leikum Bústaða og var bæði keppt í
inni- og útigreinum. Innigreinarnar
voru ása- og stoppdans, limbó og
veiðimaður en meðal útigreina voru
reipitog, boðhlaup, húlla, spretthlaup
og pokahlaup. „Svo fengu allir viður-
kenningu í lok leikanna,“ segir Hera.
Krakkarnir gáfu svo út Bústaða-
blaðið í júlí með ýmiskonar efni. Hera
segir krakkana hafa alfarið séð um
blaðið en meðal efnis voru brandarar,
viðtal við verkefnisstjórann, spurn-
ingaleikur, ljóð og myndir. Fremst
voru stuttar fréttir um málefni líðandi
stundar og var aðalfréttin sú að einn
leiðbeinandanna, sem spilar með
meistaraflokki Víkings í fótbolta,
hefði brotið í sér framtennurnar í leik
gegn Grindavík. Hera segir að blaðið
hafi komið vel út og krakkarnir jafnt
sem foreldrar verið hinir ánæguðustu
með framtakið.
Námskeiðin standa yfir til 20. ágúst
og er skráning enn í fullum gangi.
Blómarós: Guðrún Anna skemmti
sér vel í sumar eins og fleiri.
Bústaðafjör í sumar
Reykjavík | Þórólfur Árnason borg-
arstjóri leit í heimsókn í Múlalund,
vinnustofu SÍBS, í gærmorgun,
kynnti sér starfsemina og spjallaði
við starfsfólkið. Hann tók svo að
sjálfsögðu ekki annað í mál en að
prófa nokkur af störfunum sem unn-
in eru á Múlalundi.
Þórólfur prófaði margt af því sem
þarf að gera til að búa til möppur, og
þótti liðtækur í flestum störfum þó
afköstin væru í lægri kantinum hjá
óvönum manninum. Meðal þess sem
hann tók sér fyrir hendur var að
setja saman kápuna, gera brot í
möppurnar, letra á þær og setja
festingarnar í þær.
Eftir þessa reynslu segist hann
hugsa öðruvísi um möppur. „Nú
mun maður hugsa allt öðruvísi um
bókhaldið. Þó ég reyni að umgang-
ast möppur þannig að ég safni ekki
of miklu í þær þá eru þær alltaf
nauðsynlegar, sérstaklega í heim-
ilisbókhaldinu,“ segir Þórólfur.
Hann reyndi einnig að gera mott-
ur sem hægt er að nota undir tölvu-
mýs o.fl. Þar komst hann að því að
það er allt annað en auðvelt verk og
mikla nákvæmni og æfingu þarf til
að pressa saman öll lögin, svamp,
pappír og plast.
Starfsmenn voru þó ánægðir með
vinnu borgarstjóra og sögðu flestir
að hann gæti eflaust plumað sig vel í
starfi hjá Múlalundi, í það minnsta
eftir að hann fengi að komast í smá-
æfingu í starfi.
Flókin vinna og stundum erfið
Þórólfur var ánægður að lokinni
heimsókninni. „Ég hef sjálfur unnið
ýmiss konar vinnu, með höndunum
ekki síður en með höfðinu. Það sem
maður dáist að hér er færni fólks í
þessari vinnu. Þetta er flókið sumt af
þessu og erfið stillingarvinna þar
sem þarf að hugsa um margt í einu.“
Samfélagslegt gildi þess að hafa
vinnustaði eins og Múlalund má ekki
vanmeta, segir Þórólfur. „Hér er
fólk sem þarf aðlögun til að komast
inn á þennan harða vinnumarkað,
sem verður sífellt harðari, og gerir,
kannski því miður, stífar kröfur.
Þess vegna þarf aðlögun.“
Þórólfur segir Reykjavíkurborg
að sjálfsögðu versla við Múlalund,
auk þess sem borgin styrkir starf-
semina einnig beint. Hann hvetur
alla til að versla við Múlalund og
kynna sér hvernig hægt sé að nýta
þá möguleika sem boðið er upp á.
Biðlistar eftir störfum
Helgi Kristófersson, fram-
kvæmdastjóri Múlalundar, segir
starfsmennina á staðnum um 50, og
talsverðir biðlistar séu eftir störfum
á Múlalundi. Hann var ánægður með
það framtak borgarstjóra að líta í
heimsókn og spreyta sig á störf-
unum, enda mikilvægt starf sem
unnið er á Múlalundi.
Morgunblaðið/Þorkell
Nákvæmnisverk: Þórólfur fékk leiðbeiningar og góð ráð og hvatningu við
starfið frá Sveinbirni Axelssyni verkstjóra og Ingibjörgu Sæmundsdóttur.
Borgarstjóri heim-
sótti Múlalund
Hefur mikið samfélagslegt gildi
Verkvit: Sveinn Kjartansson sýndi
borgarstjóra hvernig er best að
bera sig að við að gata plast.
HÖFUÐBORGARSVÆÐIÐ