Morgunblaðið - 07.08.2004, Blaðsíða 49
MENNING
MORGUNBLAÐIÐ LAUGARDAGUR 7. ÁGÚST 2004 49
TVÆR myndlistarsýningar verða
opnaðar í Hafnarborg, menningar-
og listastofnun Hafnarfjarðar, í dag.
Annars vegar er um að ræða sam-
sýningu fimm listamanna frá Hafn-
arfirði og Düsseldorf í Apóteki og
Sverrissal, en hins vegar landslags-
myndir úr smiðju Þorbjargar Hösk-
uldsdóttur.
Gamall draumur
„Það er mér að kenna að þessi
sýning á sér stað hér í Hafnarborg,“
segir Jón Thor Gíslason myndlist-
armaður um samsýninguna íslensk-
þýsku, sem ber yfirskriftina Stefnu-
mót: Düsseldorf-Hafnarfjörður. „Ég
hef búið í 15 ár í Þýskalandi og er
núna búsettur í Düsseldorf. Ég hef
alltaf gert í því að koma með sýn-
ingar hingað heim til að viðhalda
tengslum við landið og það hefur
lengi verið í huga mér að koma með
listamenn sem eru starfandi í Düss-
eldorf. Svo varð úr því núna.“
Myndlistarmennirnir sem taka
þátt í samsýningunni eru Ansgar
Skiba, Joachim Stallecker, Krist-
bergur Pétursson og Zipora Raf-
aelov, auk Jóns Thors. „Það hefur
lengi verið draumur Ansgar Skiba
að koma til Íslands. Fyrir utan tert-
ur og kokkteila sem hann er þekktur
fyrir að mála, eru öldur og jöklar
áberandi viðfangsefni hjá honum.
En hann hefur aldrei séð alvöru jök-
ul og því fannst mér tilvalið að bjóða
honum með.“
Jón Thor segist vera mikill aðdá-
andi eiginkonu hans, Ziporu Raf-
aelov, sem einnig tekur þátt í sýn-
ingunni. „Hún er með innsetningar
og vinnur mikið með ljós og skugga.
Verkin hennar eru mjög skemmti-
leg. Joachim Stallecker vinnur mjög
ólíkt þeim báðum, enda vildum við
gjarnan tefla saman ólíkum verkum
og hafa fáa listamenn. Hann er bæði
með hluti, leðurflugu í þessu tilfelli,
og vatnslitamyndir sem hann vann á
Akureyri fyrr í sumar. Hann ferðast
út um allan heim, dvelur ákveðinn
tíma á hverjum stað og málar vatns-
litamyndir þar.“ Kristbergur Pét-
ursson er hafnfirskur málari sem
Jón Thor vildi gjarnan hafa með í
sýningunni. „Ég er sjálfur fæddur
og uppalinn Hafnfirðingur og vildi
gjarnan hafa annan slíkan með mér,
vegna þess að við erum nú að sýna
hér í Hafnarborg. Því valdi ég Krist-
berg, sem hefur alltaf verið í uppá-
haldi hjá mér. Þannig kom til heiti
sýningarinnar, enda er þarna á ferð-
inni stefnumót Hafnarfjarðar við
Düsseldorf.“
Ný verk Þorbjargar
Sýning Þorbjargar Höskulds-
dóttur opnar einnig í dag, en þar
gefur að líta ný olíu- og akrýl-
málverk og vatnslitamyndir. Í mynd-
um sínum blandar Þorbjörg saman
tveimur viðfangsefnum, náttúrunni
og geómetrískum manngerðum
hlutum. Hún segist hafa fengist við
þetta efni síðan árið 1972, þegar hún
byrjaði að mála. „Bæði hef ég gam-
an af því að fást við rými og svo vil
ég gjarnan sýna þetta harða sem
mannfólkið teflir svo oft gegn nátt-
úrunni,“ segir hún og bendir á mynd
af fjalli þar sem stórir staurar, sem
minna ef til vill á rafmagnslín-
ustaura, líða niður fjallshlíðina. Í
annarri mynd vísar Þorbjörg í virkj-
anaframkvæmdir á hálendinu. „Við
erum með allt mögulegt upp um fjöll
og firnindi. Auðvitað er það hluti af
okkar nútímaþægindum, en það get-
ur líka verið yfirþyrmandi.“ Í mynd-
um sínum á Þorbjörg það líka til að
vísa í gamla menningu, flísagólf
leynast víða frammi fyrir fjöllunum.
„En ég er fyrst og fremst hrifin af
náttúrunni og ferðast mikið,“ segir
hún.
Þorbjörg segist þó ekki mála á
staðnum, hún ýmist skissi upp með
vatnslitum eða olíukrít eða noti
myndavél. „Veðurfarið hér á landi
leyfir manni tæpast að mála utan-
dyra, nema þá helst í akrýllit. En það
er líka svo skemmtilegt við okkar
birtu að ef þú stendur fyrir framan
sama fjallið og ætlar að vera ein-
hvern tíma að mála þar, þarftu
sennilega að mála mörg fjöll. Birtan
gerir það að verkum að sama fjallið
lítur sjaldan eins út,“ segir Þor-
björg. „En ljósmyndin hentar líka
vel vegna þess að maður nær oft að
fanga einhverja stemningu í ljós-
mynd sem maður man eftir og getur
nýtt sér þegar farið er að vinna mál-
verkin.“
Bláir tónar eru einkennandi í
myndum Þorbjargar, enda eiga ís-
lensk fjöll í hlut sem viðfangsefni.
„En blár litur hefur alltaf fylgt mér
mjög sterkt í listsköpun minni, og
rauður. Græni liturinn hefur hins
vegar alltaf vafist fyrir mér. Einu
sinni var ég staðráðin í að mála mjög
græna mynd og setti barrtré í for-
grunninn. Þau enduðu á því að vera
öll blá, þannig að ég kallaði þau blá-
greni! Hver listamaður hefur sinn
litaskala.“
Hvað varðar áhrifavalda í mynd-
list sinni segist Þorbjörg ekki geta
nefnt neinn sérstaklega. En hvað
með unga listamenn? „Auðvitað eru
verk þeirra misjöfn að gæðum eins
og annarra. Þau fara mörg aðrar
leiðir, sem tilheyrir bara nýjum tím-
um. Listin þarf alltaf á breytingum
að halda. Sjálf hef ég þó aldrei
breyst á ferli mínum, enda er hann
ekki það langur. En ég veit svosem
ekkert hvernig ég myndi vinna ef ég
væri að byrja ferilinn núna,“ segir
Þorbjörg að síðustu.
Sýningarnar tvær eru opnar alla
daga nema þriðjudaga frá kl. 11 til
17. Þeim lýkur báðum 23. ágúst.
Myndlist | Tvær sýningar opnaðar í Hafnarborg í dag
Nýjar myndir eftir Þorbjörgu Höskuldsdóttur prýða veggi Hafnarborgar.
Fjarlægðin
gerir fjöllin blá
Morgunblaðið/Árni Torfason
Íslensku og þýsku myndlistarmennirnir sem sýna á Stefnumótum: Düsseldorf-Hafnarfjörður.
ingamaria@mbl.is
STEINGRÍMUR Eyfjörð opnar
sýninguna Afterimage í Kling &
Bang galleríi að Laugavegi 23 á efri
hæð í dag. Heitið vísar að sögn í það
sjónræna ferli er á sér stað þegar
manneskja horfir til dæmis á græn-
an flöt og lokar augunum og sér þá
rautt. Á sýningunni leitast Stein-
grímur við að yfirfæra þessa sjón-
skynjun yfir í hugmyndir.
Í sýningarskrá segir meðal ann-
ars: „Gæði og magn frelsis er meðal
þess sem Steingrímur Eyfjörð setur
spurningarmerki við með sýningu
sinni. Atferli hans og umsvif varpa
óumflýjanlega ljósi á þetta viðfangs-
efni; – fylgist því vel með birting-
armyndum hans um þessar mundir.“
Afterimage stendur til og með 29.
ágúst og er opin fimmtudaga til
sunnudaga frá kl. 14–18. Einnig
stendur yfir sýningin Sheep Plug
með bandarísku listamönnunum
Jason Rhoades og Paul McCarthy á
jarðhæð og í kjallara. Hún er opin á
sama tíma.
Myndlist | Steingrímur Eyfjörð sýnir
Afterimage er heiti sýningar Steingríms Eyfjörð í Kling & Bang í dag.
Myndin eftir á
Dagskrá aðalfundarins er skv. 13. gr. laga
félagsins.
Framboðum til stjórnar og formanns skal
skilað til stjórnar félagsins á skrifstofu
Sjálfstæðisflokksins í Valhöll eigi síðar en
fimmtudaginn 12. ágúst kl. 13.00.
Sjá nánar www.frelsi.is
Aðalfundur Heimdallar
félags ungra sjálfstæðismanna í Reykjavík verður
haldinn laugardaginn 14. ágúst 2004 kl. 13.00
í Valhöll, Háaleitisbraut 1.
Fréttasíminn
904 1100