Morgunblaðið - 07.08.2004, Blaðsíða 34
34 LAUGARDAGUR 7. ÁGÚST 2004 MORGUNBLAÐIÐ
ÚR VESTURHEIMI
DJASSTRÍÓIÐ Cold Front hljóðrit-
aði fyrsta disk sinn í Winnipeg í Kan-
ada í vikunni og er gert ráð fyrir að
hann komi út vestra og á Íslandi á
næsta ári. Tríóið vakti mikla athygli
á Íslendingadagshátíðinni í Gimli en
það skipa Björn Thoroddsen, gít-
arleikari, Richard Gillis, tromp-
etleikari, og Steve Kirby, bassaleik-
ari.
Björn Thoroddsen hefur verið tíð-
ur gestur í Norður-Ameríku und-
anfarin ár og fengið sérstaklega
góða dóma, bæði á tónleikum og
ekki síður í fjölmiðlum. Richard Gill-
is hefur spilað með honum og Guitar
Islancio í fjögur ár en samstarf
þeirra við Steve Kirby hófst í byrjun
árs, þegar þremenningarnir héldu
10 tónleika í Manitoba. Það gekk
reyndar svo vel að þeir ákváðu að
stofna tríóið Cold Front, gefa út
samnefndan disk og gera út á
djasshátíðir.
,,Við tókum upp efni eftir okkur
sjálfa og auk þess þekkta ameríska
húsganga,“ sagði Björn eftir að tök-
um lauk í hljóðveri Manitobaháskóla
í Winnipeg. ,,Við höfum náð mjög vel
saman og höfum ákveðið að halda
þessu samstarfi áfram með því að
gera út á djasshátíðir og spila hér og
þar,“ bætti hann við.
Að sögn Björns ætla þremenning-
arnir fyrst og fremst að horfa til há-
tíða og annarra viðburða í Norður-
Ameríku en ýmislegt annað er
reyndar í deiglunni. ,,Við komum
fram á djasshátíð Reykjavíkur í lok
september og förum þaðan til Winni-
peg þar sem við tökum þátt í Íslands-
kynningu Iceland Naturally 3. til 10.
október,“ segir Björn. ,,Við erum
með nokkur tilboð í gangi og það
eru spennandi tímar framundan.“
Þekktir tónlistarmenn
Richard Gillis er af íslenskum ætt-
um í Saskatchewan, en hann er pró-
fessor við tónlistarskóla Manitoba-
háskóla og einn af stofnendum
djassstórsveitar Winnipeg.
Steve Kirby er einn af þekktustu
djassleikurum Norður-Ameríku.
Hann er frá St. Louis í Missouri og
kenndi þar lengi, en síðan í fyrra-
haust hefur hann verið yfirmaður
djassdeildar Manitobaháskóla eftir
að hafa starfað lengi í New York.
Hann hefur verið í eldlínunni í ald-
arfjórðung og meðal annars leikið
með Elvin Jones í tvö ár, Cyrus
Chestnut Trio í fjögur ár, Kathleen
Battle, Abbey Lincoln, Steve Turre,
Jacky Terrason, Joe Lovano, Eddie
Henderson, Benny Green og Winard
Harper.
,,Það hefur alltaf verið draum-
urinn að stíga þetta skref, að spila
með þeim bestu,“ segir Björn, en
auk þess að leika með Cold Front
spilaði hann á tónleikum með djass-
stórsveit Winnipeg eins og fyrr á
árinu. ,,Steve Kirby er einn af
fremstu djassleikurum í Norður-
Ameríku og það er frábært að fá
tækifæri til að vera í þessum fé-
lagsskap. Það að hafa þegar hljóð-
ritað disk treystir mjög sambandið
og þetta er mikil lyftistöng fyrir
mig. Ég er kominn í ákveðna úrvals-
deild.“
Björn Thoroddsen og félagar í Cold Front hljóðrituðu disk
,,Kominn
í ákveðna
úrvals-
deild“
Morgunblaðið/Steinþór Guðbjartsson
Steve Kirby, Björn Thoroddsen og Richard Gillis í Cold Front vöktu mikla
athygli á Íslendingadagshátíðinni í Gimli og hljóðrituðu disk.
KRISTJÁN Guðmundsson, ferða-
nefndarmaður rótarífélaga í Kópa-
vogi, segir að gerð verði 40 mínútna
löng heimildarmynd um ferð félag-
anna um Vesturheim á nýliðnum
dögum en hópurinn kemur til Ís-
lands á morgun.
Rótaríklúbbur Kópavogs og Rót-
aríklúbburinn Borgir í Kópavogi
ákváðu fyrir einu og hálfu ári að fara
í ferð til Vesturheims. ,,Við miðuðum
við 90 manna hóp úr báðum félögun-
um og vorum nærri lagi því 88
manns voru í hópnum,“ segir Krist-
ján.
Þjóðræknisfélag Íslendinga
skipulagði ferðina og var komið víða
við á Íslendingaslóðum í Minnesota,
Wisconsin, Norður-Dakóta og Mani-
toba. Félagsmenn gáfu meðal annars
um 700 dollara í söfnunarsjóð vegna
fyrirhugaðs minnismerkis um Þing-
vallakirkju í Norður-Dakóta, sem
brann til kaldra kola í fyrrasumar og
þökkuðu Magnúsi Olafson í Norður-
Dakóta og Stefáni Stefanson í Gimli
fyrir ákveðið brautryðjendastarf í
samskiptum við Ísland með bóka-
gjöfum.
Klúbbarnir héldu sameiginlegan
félagsfund í Gimli og buðu rótarí-
félögum á staðnum á fundinn. Marg-
ir hittu fjarskylda ættingja í fyrsta
sinn og aðrir rifjuðu upp gömul
kynni. ,,Við hittumst síðast á Íslandi
fyrir 20 árum,“ sagði Emma Eyþórs-
dóttir, þegar hún sá Svövu Sæmund-
son frá Árborg.
Gera heimildar-
mynd um ferðina
Morgunblaðið/Steinþór Guðbjartsson
Emma Eyþórsdóttir og Svava Sæmundson hittust fyrir tuttugu árum í
Reykjavík og síðan aftur í Manitoba í Kanada í vikunni.
Margir íslenskir kórarhafa heimsótt Vest-urheim á nýliðnum ár-um, en fullyrða má að
Skagfirska söngsveitin sé í hópi
þeirra bestu. Henni var enda mjög
vel tekið víðsvegar í Manitoba, í
Mountain í Bandaríkjunum og í
Wynyard í Saskatchewan.
„Við höfum reynt að fara í tón-
leikaferðir til útlanda um það bil
þriðja hvert ár,“ segir Björgvin Þ.
Valdimarsson, sem hefur verið
stjórnandi kórsins síðan 1983. Áður
stjórnaði Snæbjörg Snæbjarn-
ardóttir kórnum í 13 ár. „Skag-
firska söngsveitin kom hingað árið
1981 og síðan hefur verið áhugi á
að koma aftur,“ bætir hann við og
segir að ferð vestur hafi legið lengi
í loftinu. „Það sem gerði útslagið
var að Baldvin Júlíusson kom inn í
kórinn eftir að hafa búið í Kanada í
um aldarfjórðung. Hann var sjálf-
kjörinn í ferðanefndina og var
mjög mikilvægur í allri skipulagn-
ingu enda þekkir hann marga
hérna.“
Margir tónleikar
Kórinn bjó á hóteli í Winnipeg
og fór þaðan í nágrannabyggðir.
Hann kom tvisvar fram í Winnipeg,
fjórum sinnum á Íslendingadagshá-
tíðinni í Gimli, tvisvar á Íslend-
ingahátíðinni í Mountain og svo
einu sinni í Lundar, Riverton og
Wynyard. „Móttökurnar hafa í einu
orði sagt verið stórkostlegar,“ seg-
ir Björgvin. „Þetta hefur verið eitt
allsherjar ævintýri,“ bætir hann við
og segir að sérstaklega hafi verið
gaman að heimsækja Einar og Ro-
salind Vigfusson í Árborg. „Það er
gaman að sjá hvað hún hefur gert
mikið fyrir unga fólkið,“ segir hann
en Rosalind er stofnandi og stjórn-
andi ungmennakórs Nýja Íslands.
„Tónleikarnir heppnuðust alls stað-
ar vel og ekki síst í Riverton. Það
sem var einna ánægjulegast við þá
þar var hvað mikið af ungu fólki
kom til að hlusta á okkur.“
Tónleikarnir í Mountain voru
sérstakir að því leyti að kórinn
söng undir beru lofti og í úrkomu
að hluta til í seinna skiptið. „Um-
hverfið var mjög fallegt en við er-
um ekki vön að syngja við svona
aðstæður. Engu að síður var það
mjög skemmtilegt. Síðan fór að
rigna eins og heima á Íslandi en
við efldumst eftir því sem meira
rigndi og enduðum með því að
syngja Öxar við ána þrisvar. Þá
kom sólin aftur.“
Félagar í Skagfirðingafélaginu í
Reykjavík stofnuðu Skagfirsku
söngsveitina á haustdögum 1970.
Hún hefur gefið út fimm vín-
ylplötur og tvo diska.
Að sögn Björgvins er sá fyrri,
Kveðja heiman að, ófáanlegur, og
lítið eftir af hinum, Nú ljómar
vorsins ljós.
Um 70 manns eru í kórnum og
auk þess hefur hann fengið ein-
söngvara til liðs við sig. Raddþjálf-
ari kórsins er Kristín R. Sigurð-
ardóttir og var hún einsöngvari í
ferðinni. Dagný Björgvinsdóttir er
undirleikari kórsins og er þetta
fyrsta starfsár hennar með honum.
Vetrarstarfið hefst venjulega um
miðjan september og stendur yfir
fram í apríllok. „Sumardaginn
fyrsta höldum við aðaltónleikana
okkar fyrir styrktarfélaga og aðra
gesti, tvenna tónleika í Langholts-
kirkju og alltaf fyrir fullu húsi,“
segir Björgvin. „Það er mikill
kraftur í þessu hjá okkur og starfið
hefur verið gríðarlega öflugt í
gegnum tíðina.“
Engu líkt
Síðan 1979 hefur Skagfirska
söngsveitin meðal annars farið í
tónleikaferðir til Skotlands, Þýska-
lands, Ítalíu, Spánar, Írlands,
Tékklands og tvisvar til Kanada.
Aðspurður segir Björgvin að það
sé engu líkt að heimsækja Íslend-
ingaslóðir í Norður-Ameríku.
„Þetta snertir mann mjög djúpt og
það sem kemur mest á óvart er
hvað margir skilja og tala ís-
lensku,“ segir Björgvin, sem meðal
annars hitti frændfólk sitt í Lundar
í fyrsta sinn.
Skagfirsku söng-
sveitinni mjög
vel tekið vestra
Skagfirska söngsveitin í Reykjavík hefur kom-
ið fram víða í Vesturheimi undanfarna daga og
alls staðar fengið mjög góða dóma. Steinþór
Guðbjartsson fylgdist með sveitinni og ræddi
við Björgvin Þ. Valdimarsson stjórnanda.
steg@mbl.is
Morgunblaðið/Steinþór Guðbjartsson
Björgvin Þ. Valdimarsson, stjórnandi Skagfirsku söngsveitarinnar, gefur tóninn í Mountain í Norður-Dakóta.
Skagfirska söngsveitin lét ekki ,,íslenska“ rigningu stöðva sig í Mountain.