Morgunblaðið - 07.08.2004, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 7. ÁGÚST 2004 VERÐ Í LAUSASÖLU 220 KR. MEÐ VSK.
BANASLYS varð í Bláa lóninu í gær
þegar fjórtán ára gamall piltur lést.
Voru lögregla og sjúkrabíll kölluð út
á þriðja tímanum í gær. Drengurinn,
sem er frá Sviss og var hér á ferða-
lagi ásamt fósturforeldrum sínum,
var fluttur í skyndi á bráðamóttöku
Landspítala – háskólasjúkrahúss við
Hringbraut en lífgunartilraunir báru
ekki árangur.
Anna G. Sverrisdóttir, aðstoðar-
framkvæmdastjóri Bláa lónsins, seg-
ir að maður hafi orðið drengsins var
og kallað eftir aðstoð öryggisvarða
sem hófu þegar í stað lífgunartil-
raunir á drengnum. Vitað er að
drengurinn var flogaveikur en ekki
hefur verið staðfest hvort það hafi
valdið því að drengurinn drukknaði,
að sögn Önnu.
Starfsmönnum Bláa lónsins
bauðst áfallahjálp í gær.
Banaslys í
Bláa lóninu
GUÐMUNDUR Pétursson, verkefnisstjóri
Kárahnjúkavirkjunar hjá Landsvirkjun, sagði í
samtali við Morgunblaðið í gærkvöld að starfs-
menn Landsvirkjunar og ítalska verktakafyr-
irtækisins Impregilo miðuðu nú framkvæmdir
sínar við það að eftir helgi gæti flæði Jöklu far-
ið yfir eitt þúsund rúmmetra á sekúndu, ef veð-
urspár um aukin hlýindi gangi eftir.
Vatnavextir í Jöklu í gær voru ekki nándar
nærri jafnmiklir og í fyrrakvöld, þegar yfirborð
árinnar hækkaði um nálægt 10 metra og var
vatnsrennslið áætlað 740 til 760 rúmmetrar á
sekúndu. Hafði áin náð hámarkshæð um kl.
20.20 í gærkvöld, og náði vatnsflaumurinn þá
næstum að brúargólfinu en í fyrrakvöld voru
tæpir tveir metrar niður á brúargólf frá yf-
irborði árinnar.
Unnið er af fullum krafti við að koma upp
möstrum beggja vegna árinnar, sem í á að
hengja rafstrenginn, sem enn er tengdur
brúnni. Guðmundur segir að lokið verði við
framkvæmdir við uppsetningu á síðara mastr-
inu í dag og að því búnu verði þegar ráðist í að
flytja rafstrenginn, þannig að hann verði
strengdur mastranna á milli yfir Jökulsá á Brú.
Morgunblaðið/Sverrir
Rennsli Jöklu í gær náði hámarki laust eftir kl. 20, en reyndist þá mun minna en í fyrrakvöld, eða um 760 rúmmetrar á sekúndu í samanburði við um 900
rúmmetra á sekúndu í fyrrakvöld. Leó Sigurðsson, öryggis- og umhverfisstjóri ítalska verktakafyrirtækisins Impregilo, kynnti sér aðstæður við brúna í
gærkvöld, þegar vatnsrennsli var í hámarki. Í baksýn má sjá mastrið sem reist var í gær og á að halda uppi rafstrengnum yfir Jöklu.
Kárahnjúkum. Morgunblaðið.
Búast við enn stærra
flóði strax eftir helgi
 Áhersla á/4
MAÐUR brenndist alvarlega þeg-
ar kviknaði í bíl hans skammt frá
Svartsengi í gærmorgun. Starfs-
menn Hitaveitu Suðurnesja í
Svartsengi komu að manninum en
bíllinn var þá alelda. Þeir sýndu
mikið snarræði með því að aka
með hinn slasaða til móts við
sjúkrabifreiðina. Maðurinn var
fluttur á Landspítala – háskóla-
sjúkrahús við Hringbraut og ligg-
ur hann nú á gjörgæslu. Að sögn
læknis er líðan hans eftir atvikum
en hann er töluvert brenndur á
höndum og andliti. Bíllinn er gjör-
ónýtur. Ekki er ljóst hvað olli því
að kviknaði í bílnum.
Á gjörgæslu
eftir bílbruna
SKATTTEKJUR Norður-Héraðs
miðað við álagningu fyrir árið 2003
eru þrefalt meiri en árið á undan.
Bjarni Björgvinsson héraðsdóms-
lögmaður segir ástæðuna vera að
staðgreiðsla frá starfsmönnum Imp-
regilo á svæðinu sé farin að skila
sér. „Fyrir er hreppurinn landbún-
aðarsveitarfélag með frekar lág
laun, þannig að þetta er mikil inn-
spýting. Mér sýnist að heildartekj-
urnar hækki úr 42 milljónum í 127
milljónir,“ segir Bjarni en bendir á
að þetta séu álagningartölur og þær
kunni að taka breytingum.
„Staðgreiðsluskil [Impregilo] hafa
verið að batna á hverjum tíma. Í
álagningu fyrir 2003 er veruleg
hækkun sem segir okkur að það er
búið að leggja á tekjur sem við
sáum ekki inni í staðgreiðslunni á
síðasta ári. Þetta ætti þá að skila sér
í framhaldinu.“ Bjarni segir að í ljós
eigi eftir að koma hvort álagningin
sé raunhæf og hvort hún byggist á
miklum áætlunum. „Ég held þó að
þetta byggist á staðgreiðsluskilum
að verulegu leyti,“ segir hann.
500 erlendir starfsmenn
komnir inn í N-Hérað
Impregilo og íslensk yfirvöld hafa
deilt um það hvort erlendir starfs-
menn fyrirtækisins í Kárahnjúkum
séu skattskyldir hér á landi, eða í
heimalandi sínu. „Þetta kom t.d. inn
á lengd dvalartíma hér á landi,
hvort þeir væru frá starfsmanna-
leigum og annað slíkt. Ríkisskatt-
stjóri var hins vegar búinn að gefa
út ákvarðandi bréf um að þeir
starfsmenn sem hér væru væru
skattskyldir hér og eftir þeirri for-
sendu hefur síðan verið unnið,“ seg-
ir Bjarni.
„Þetta voru ákveðnir byrjunar-
örðugleikar í svona stóru verki, en
þarna eru nú komnir á skrá yfir 500
erlendir menn sem eru komnir inn í
Norður-Hérað, sem eru þarna í
vinnubúðunum með sitt heimili með-
an þeir vinna hér og staðgreiðsla frá
þeim er væntanlega farin að skila
sér nokkuð,“ segir Bjarni.
Staðgreiðsla frá starfsmönnum Impregilo farin að berast
Skatttekjur Norður-Hér-
aðs þrefaldast milli ára
Tekjurnar fara úr 42 milljónum í 127 milljónir
HITASTIG sjávar í kringum Ís-
land hefur verið að aukast jafnt og
þétt síðustu árin, ekki síst fyrir
norðan landið. Gervihnattamæl-
ingar og mælingar Veðurstofunnar
hafa gefið þetta til kynna og að
sögn Steingríms Jónssonar, pró-
fessors í haffræði við Háskólann á
Akureyri, er þessi þróun mjög já-
kvæð fyrir lífríki sjávar og mun að
öllum líkindum skila sér síðar í
aukinni fiskgengd. Hitinn hafi í för
með sér aukna útbreiðslu ákveð-
inna fiskistofna og laði jafnvel til
sín nýja stofna sem ekki hafi verið
veiddir fyrir norðan land að ein-
hverju ráði.
Steingrímur, sem jafnframt er
starfsmaður Hafrannsóknastofn-
unar, segir að hlýnun sjávar á N-
Atlantshafi í ár sé álíka mikil og á
síðasta ári. Hlýr Atlantssjór komi
sunnan úr hafi og aukin útbreiðsla
hans valdi m.a. hlýnun, auk fleiri
þátta í umhverfinu.
„Atlantssjór er heitari en aðrar
sjávartegundir og er að dekka
meira svæði og lengra til vesturs
og norður. Til viðbótar þessari þró-
un hefur lofthiti verið að hækka al-
mennt og jöklar að bráðna,“ segir
Steingrímur en minnir á að orsaka-
samhengi í þessum efnum sé ekki
einfalt. Erfitt sé að skýra nákvæm-
lega hvað valdi hlýnuninni en gróð-
urhúsaáhrif hafi vissulega verið
nefnd sem ein skýringin.
Um áhrif hlýrri sjávar á íslensk-
an sjávarútveg segir Steingrímur
þau ótvírætt vera jákvæð. Meiri
framleiðni sé hjá lífverum og vaxt-
arskilyrði betri fyrir þörunga. Það
eigi að skila sér síðar í aukinni fisk-
gengd.
Hlýrri sjór skilar
meiri fiskgengd
 Ætti að skila/6
EKIÐ var á hjólreiðamann í Birki-
grund í Kópavogi í gær. Drengurinn,
sem er fæddur árið 1988, slasaðist
talsvert á fæti og höfði. Hann var
fluttur með sjúkrabíl á Landspítala –
háskólasjúkrahús, að sögn lögregl-
unnar í Kópavogi.
Ekið á hjól-
reiðamann
í Kópavogi
♦♦♦
♦♦♦