Morgunblaðið - 02.09.2004, Blaðsíða 16
MINNSTAÐUR
16 FIMMTUDAGUR 2. SEPTEMBER 2004 MORGUNBLAÐIÐ
Hafnarfjörður | Nokkrar umræður
hafa skapast um þá ákvörðun Hafn-
arfjarðarbæjar að taka tilboði Slát-
urfélags Suðurlands í rekstur skóla-
mötuneyta í fjórum skólum í bænum,
sér í lagi vegna þess að maturinn er
eldaður á Hvolsvelli tveimur dögum
áður en hann er borinn á borð fyrir
nemendur.
Valgerður Hildibrandsdóttir, mat-
arfræðingur og næringarráðgjafi,
hefur verið ráðgjafi Hafnarfjarðar-
bæjar í þessu máli, og segir hún nei-
kvæða umfjöllun undanfarinna daga
ekki eiga rétt á sér. Í skólunum fjór-
um; Öldutúnsskóla, Hvaleyrarskóla,
Víðistaðaskóla og Setbergsskóla;
eru um 2.600 nemendur. Miðað við
að um 70% nemenda nýti sér mötu-
neytið munu því um 1.800 matar-
skammtar hverfa ofan í nemendur á
hverjum degi í vetur.
Valgerður segir að grunnskólar á
höfuðborgarsvæðinu noti tvær mis-
munandi aðferðir til að bjóða nem-
endum upp á heitan mat. Annars
vegar er matur eldaður samdægurs
á staðnum eins og í grunnskólum
Reykjavíkur, og hins vegar sé hann
eldaður með svokallaðri „cook and
chill“-aðferð eins og fyrir grunn-
skólana fjóra í Hafnarfirði.
„Allur matur sem eldaður í stór-
eldhúsi þarf að bíða í einhverja
klukkutíma, alveg sama hvort hann
er lagaður samdægurs eða hvort
hann er lagaður með þessum aðferð-
um SS,“ segir Valgerður. „Ég legg
blessun mína yfir bæði þessi kerfi,
svo framarlega sem öllum reglu-
gerðum sé fylgt til hins ýtrasta.
Gæði matarins eru ekki lítil þótt
hann sé eldaður fyrirfram.“ Matur-
inn sem boðið er upp á í skólunum
fjórum í Hafnarfirði er foreldaður og
snöggkældur, og er notuð mun
strangari aðferðafræði en er beitt
þar sem matur er eldaður samdæg-
urs.
Hætta á matareitrun
er mun minni
„Þessi aðferð hefur verið að ryðja
sér til rúms í heiminum í stóreldhús-
um og veitingahúsum undanfarin ár.
Þetta er mjög viðurkennd aðferð,
þótt fólk hafi mismunandi skoðanir á
þessu eins og öllu öðru,“ segir Val-
gerður.
„Aðferðin hefur verið að ryðja sér
til rúms ekki síst út af stærðinni.
Þegar fólk er með stóreldhús eins og
eru í mögrum þessum skólum, með
kannski 300-700 matarskammta, þá
er þetta gífurlega mikið magn. Þá er
hætta á krossmengun á milli rétta,
þegar verið er að laga marga rétti í
litlu húsnæði. Með þessari aðferð er
verið að minnka líkurnar á hugsan-
legri matareitrun mjög mikið.“ Val-
gerður minnir á að Íslendingar kaupi
mjög mikið af forelduðum matvörum
í stórmörkuðum og þyki ekkert til-
tökumál, svo það sé í raun ekkert
nýtt á ferðini í skólamötuneytunum.
Hún nefnir sem dæmi foreldaðar
kartöflur, fiskbollur, kjötbollur o.fl.
Ferskur fiskur eldaður
á staðnum
Aðferðin sem SS beitir er þannig
að maturinn er eldaður á Hvolsvelli,
og svo snöggkældur niður í 1–3°C.
Honum er svo haldið í því hitastigi
og fluttur daginn eftir til Reykjavík-
ur. Þar er hann geymdur þar til
snemma dags þegar hans skal neytt,
tveimur dögum eftir eldun, og þá er
hann fluttur í skólana. Þar er mat-
urinn hitaður upp í 70°C, og á hita-
stigið aldrei að fara undir 63°C þar
til hann er kominn á diskana. Af-
göngum er eytt á staðnum. Ferskur
fiskur er afar viðkvæm matvara, og
því verður farin sú leið að elda hann
samdægurs í skólunum. Grænmeti,
ávextir og brauð er einnig undirbúið
sama dag og þess er neytt.
Gagnrýna neikvæða umfjöllun
Morgunblaðið/Árni Torfason
Krakkarnir í Öldutúnsskóla tóku vel til matar síns í gær og voru mjög
ánægðir með hamborgarana.
INGVAR Már Gíslason
hefur verið ráðinn mark-
aðsstjóri Norðlenska
matborðsins ehf. Hann
tekur við starfinu 1. sept-
ember næstkomandi og
verður með aðsetur á að-
alskrifstofu Norðlenska
á Akureyri.
Ingvar Már er 27 ára
að aldri, viðskiptafræð-
ingur að mennt. Hann
var ráðinn rekstrarstjóri kjötvinnslufyrir-
tækisins Nýja Bautabúrsins á Akureyri árið
2000 en það fyrirtæki sameinaðist Norð-
lenska matborðinu ehf. ári síðar. Síðan þá
hefur Ingvar Már verið forstöðumaður
tölvu- og upplýsingakerfis Norðlenska og
útflutningsstjóri fyrirtækisins. Norðlenska
er sem kunnugt er eitt af stærstu fyrirtækj-
um landsins á sviði kjötvinnslu. Fyrirtækið
framleiðir undir sterkum vörumerkjum sem
neytendur þekkja, s.s. Goða, Gourmet kjöt,
Naggar, KEA, Húsavíkur hangikjöt og
Bautabúrið. Unnusta Ingvars Más er Hilda
Jana Gísladóttir og eiga þau tvær dætur.
Nýr mark-
aðsstjóri
Ingvar Már
Gíslason
Frítt í sund | Íþróttabandalag Ak-
ureyrar, sem þátttakandi í Heilsu-
eflingarráði Akureyrarbæjar, hef-
ur farið fram á það við íþrótta- og
tómstundaráð að 19. september nk.
verði opinn dagur í Sundlaug Ak-
ureyrar. Er þessi ósk sett fram til
þess að hvetja bæjarbúa til hreyf-
ingar og til þess að kynnast þessari
sundlaugarparadís Akureyrar. ÍTA
fagnar fyrirhuguðu átaki Heilsuefl-
ingarráðs um fjölskylduvæna
hreyfingu og heilsueflingu Ak-
ureyringa og samþykkir að bjóða
frítt í Sundlaug Akureyrar sunnu-
daginn 19. september nk.
Skólaakstur | Skólanefnd hefur
samþykkt að allir nemendur sem
sækja Brekkuskóla og búa í
Naustahverfi, fái skólaakstur í skól-
ann að morgni fyrir kl. 8.00. Heim-
akstur er bundinn við skipulagðar
ferðir með yngri nemendur. Þessi
samþykkt gildir þar til Stræt-
isvagnar Akureyrar hafa tekið upp
akstur í hverfinu. Þetta kemur
fram í bókun skólanefndar en þar
var tekið fyrir erindi frá íbúa þar
sem óskað var eftir því að allir nem-
endur í Brekkuskóla sem búa í
Naustahverfi fái skólaakstur en
ekki eingöngu þeir yngstu.
Nýtt safnaðarheimili | Fram-
kvæmdir eru hafnar við nýtt safn-
aðarheimili við Grenivíkurkirkju.
Hönnuður er Teiknistofa AVH og
verktaki er Trégrip ehf. yGert er
ráð fyrir að ljúka við uppsteypu
fyrir áramót en verklok fara eftir
því hvernig gengur að fjármagna
verkið, segir í frétt á vef hreppsins.
HÖFUÐBORGARSVÆÐIÐ
AKUREYRI
HVANNDALSBRÆÐUR efna til
síðbúinna útgáfutónleika á Græna
hattinum í kvöld, fimmtudags-
kvöldið 2. september og hefjast þeir
kl. 22. Þeir bræður gáfu út disk í
byrjun sumars, „Hrútleiðinlegir“ en
hafa vegna anna enn ekki haft tíma
til að efna til útgáfutónleika í
heimabæ sínum. Úr því á nú að
bæta, þó svo að diskurinn sé upp-
seldur og óvíst hvort hann verði gef-
inn út að nýju. Tónleikarnir eru
einnig tileinkaðir minningu vinar
þeirra félaganna, Þorgeirs Inga,
sem lést af slysförum 3. ágúst síðast-
liðinn. Hvanndalsbræður hafa haft í
nógu að snúast og koma fram á ýms-
um stöðum nú í haust. „Það sem í
upphafi átti að vera spaug hefur
heldur betur undið upp á sig, við
höfum vart tíma til að sinna fjöl-
skyldunni vegna þessa áhugamáls,“ sagði Valur
Freyr Halldórsson, einn bræðranna. Meðal þess
sem þeir vinna að um þessar mundir er myndband
með einu laga sinna og þá stendur til að semja og
gefa út jólalag, „Við ætlum að koma sterkir inn á
þann markað,“ sagði Valur.
Hvanndalsbræður í einkennisbúningum sínum, f.v. Sumarliði, Rögn-
valdur og Valur Hvanndal.
Útgáfutónleikar
Hvanndalsbræðra
Samningur um
alþjóðlega hug-
myndasamkeppni
Morgunblaðið/Kristján
Skrifað var undir samninginn í húsnæði Landsbankans, f.v. Helgi Teitur
Helgason, Jakob E. Líndal, varaformaður Arkitektafélags Íslands, Jóhannes
Jónsson og Ragnar Sverrisson, fulltrúar verkefnisins Akureyri í öndvegi.
„NÚ VERÐUR ekki aftur snúið í að
efla Akureyri,“ sagði Ragnar Sverr-
isson kaupmaður eftir að skrifað
hafði verið undir samning milli Arki-
tektafélags Íslands og sjálfseignar-
stofnunarinnar „Akureyri í öndvegi“
um alþjóðlega hugmyndasamkeppni
sem haldin verður um skipulag í mið-
bænum á Akureyri.
Það eru 14 öflug fyrirtæki á lands-
vísu sem tekið hafa höndum saman
um verkefnið „Akureyri í öndvegi“
en það miðar að því að bæta skipu-
lag, atvinnuforsendur og mannlíf í
miðbæ Akureyrar. Einn stærsti
þáttur verkefnisins verður alþjóðleg
hugmyndasamkeppni sem Arki-
tektafélag Íslands annast. Gert er
ráð fyrir að samkeppnin verði aug-
lýst í lok október næstkomandi og að
þátttakendur skili hugmyndum sín-
um í byrjun mars á næsta ári. Stefnt
er að því að kynna niðurstöður sam-
keppninnar á sumardaginn fyrsta á
komandi ári og veita einnig verðlaun
við það tækifæri.
Samningurinn sem nú hefur verið
undirritaður nær til skipulags og
umfangs keppninnar sem mun með
þátttöku Arkitektafélagsins og
stuðningi Akureyrarbæjar fá aukið
vægi og kynningu á alþjóðlegum
vettvangi. Verðlaunafé verður
86.000 evrur, eða um 7,5 milljónir ís-
lenskra króna. Einnig er gert ráð
fyrir þeim möguleika að kaupa af-
notarétt fleiri hugmynda.
Í dómnefnd sitja Kristján Þór Júl-
íusson bæjarstjóri á Akureyri, Þor-
valdur Þorsteinsson myndlistarmað-
ur, Hlín Sverrisdóttir, landslagsarki-
tekt og skipulagsfræðingur og Pétur
H. Ármannsson arkitekt. Þrjú fyrst-
töldu eru tilnefnd af verkefninu „Ak-
ureyri í öndvegi“ en þeir síðast-
nefndu af Arkitektafélaginu.
Næsta skref í málinu er að efna til
íbúaþings á Akureyri, dagana 17. og
18. september næstkomandi en þar
gefst bæjarbúum og öðrum, sem
áhuga hafa, færi á að hafa áhrif á
verkefnið með vinnu með arkitekt-
um og fagmönnum. Forsendur sam-
keppninnar taka mið af þeim upplýs-
ingum sem safnast m.a. á íbúa-
þinginu.
ÁHUGAHÓPUR um betri byggð á
Seltjarnarnesi hefur hafið undir-
skriftasöfnun til að mótmæla nýju
deiliskipulagi á Hrólfsskálamel og
Suðurströnd. Í tilkynningu frá
hópnum eru bæjaryfirvöld gagn-
rýnd fyrir að hafa valið sum-
arleyfistíma bæjarbúa til að
„keyra í gegn mjög umdeild áform
um stórfelldar blokkabyggingar á
fögrum útsýnisstað og algjörlega
misheppnað miðbæjarskipulag,“
eins og þar segir. Afleiðingarnar
verði m.a. aukin bílaumferð og
slysahætta við leik- og grunnskóla
og bílastæðavandamál. Þá segir að
staðsetning knattspyrnuvallar á
miðbæjarsvæði fyrir framan hús
aldraðra með flóðlýsingu og varn-
arvegg verði til mikilla lýta fyrir
svæðið.
Í tilkynningunni segir að hundr-
uð undirskrifta hafi safnast. Þeir
sem vilja rita nafn sitt á undir-
skriftalistann er bent á póstfangið:
verndum@nesid.is eða s. 8642112.
Undirskrifta-
söfnun hafin
gegn deili-
skipulagi
Áhugahópur um betri
byggð á Seltjarnarnesi
Rokk og ról í 50 ár | Þess er nú
minnst víða um heim að 50 ár eru
liðin síðan Elvis Presley söng
fyrsta smellinn inn á hljómplötu,
þess er einnig minnst að Bill Haley
söng fyrir 50 árum lagið Rock
Around The Clock.
Til þess að minnast þessara
tímamóta hefur verið sett upp sýn-
ing á ýmsum hlutum sem tengjast
upphafsárum rokksins á Amts-
bókasafninu á Akureyri. Val-
garður Stefánsson er eigandi grip-
anna á sýningunni og hefur sett
hana upp.
Á sýningunni eru hljómplötur,
bækur, textarit, myndbönd, bíó-
prógröm, myndir o.fl.