Morgunblaðið - 06.11.2004, Blaðsíða 4
4 LAUGARDAGUR 6. NÓVEMBER 2004 MORGUNBLAÐIÐ
FRÉTTIR
SPENNUSAGA
ÁRSINS!
M
Á
T
T
U
R
IN
N
&
D
Ý
R
Ð
IN
Á liðnu ári skipaði Dan Brown
sér í hóp vinsælustu
spennusagnahöfunda
veraldar með hinni frábæru
bók Da Vinci lyklinum.
Englar og djöflar gefur
henni ekkert eftir enda
hefur bókin setið
mánuðum saman á
metsölulistum víða
um heim.
OPNUÐ var í Þjóðminjasafninu í gær sýning á
vegum Leikminjasafns Íslands á sófa og sex
stólum sem áður voru í eigu danska leikarans
Pouls Reumerts, eiginmanns Önnu Borg leik-
konu.
Geir Borg, bróðir Önnu, festi kaup á hús-
gögnum þessum við fráfall Reumerts árið 1968
og það voru börn hans sem færðu Leik-
minjasafninu þau að gjöf í fyrravetur.
Niðjar Geirs Borg, makar þeirra og skyld-
menni Geirs fjölmenntu í Þjóðminjasafnið af
þessu tilefni í gær og komu sér vel fyrir í og við
sófann góða fyrir ljósmyndara Morgunblaðsins.
Efri röð f.v. Arnheiður Borg, Anna Borg,
Agnes Hauksdóttir, Þórir Borg, Gunnar Borg,
Haukur Borg, Hrund Scheving Thorsteinsson,
Elín Borg, Inga Borg, Ingigerður Borg, Ragnar
Borg og Stefanía Scheving Thorsteinsson.
Neðri röð f.v. Davíð Scheving Thorsteinsson,
Kjartan Borg, Anna Borg, Anna Borg, Stefanía
Borg, Áslaug Borg og Ottó Geir Borg.
Ættingjar Önnu Borg í sófa Reumerts
Morgunblaðið/Þorkell
„ÞETTA lambakjöt sem þið bragðið
núna, íslenska lambið, var líklega
fyrsta lambakjötið sem borðað var í
þessari heimsálfu,“ sagði Ólafur
Ragnar Grímsson, forseti Íslands,
við bandaríska blaðamenn í New
York í gær. Sagði hann Leif Eiríks-
son og ferðafélaga hans líklega hafa
haft með sér lömb er þeir sigldu til
Ameríku fyrir meira en 1.000 árum.
Forsetinn tók þátt í kynningu á ís-
lensku lambakjöti og vatni sem hald-
in var á vegum Whole Foods Market
og Café Gray, Átaks, fyrir hönd
Bændasamtakanna, Iceland Spring
og Flugleiða á vinsælum veit-
ingastað Gray Kuntz í Time Warner-
byggingunni.
Viðstaddir voru um 40 blaða-
menn, frá öllum helstu matar- og
heilsutímaritum Bandaríkjanna, auk
blaðamanna frá öðrum fjölmiðlum í
borginni.
Forsetinn ræddi um áhersluna á
náttúruleg gæði lambsins, holl-
ustuna og hreinleikann, og á sjálf-
bæra framleiðslu vörunnar. Sala á
íslensku lambakjöti til Bandaríkj-
anna hefur aukist verulega á síðustu
árum, en það er einkum selt í há-
gæðaverslunum á borð við Whole
Foods Market í Time Warner-
byggingunni, sem er afar vinsæl
verslun sem selur lífræn ræktuð
matvæli alls staðar að úr heiminum.
Siggi Hall, Gray Kuntz og mat-
reiðslumenn Whole Foods mat-
reiddu ólíka smárétti úr lambalæri
og hrygg fyrir blaðamennina.
Í dag verður viðamikil kynning á
Íslandi og íslenskum matvælum í
anddyri Time Warner-bygging-
arinnar, þar sem Karlakórinn Þrest-
ir og Óperukórinn koma meðal ann-
ars fram, og Jóhann Sigurðarson
leikari bregður sér í hlutverk Leifs
heppna, en byggingin er við torgið á
Manhattan sem kennt er við annan
kunnan landkönnuð, Kólumbus.
Forsetinn kynnir
lambakjöt í New York
New York. Morgunblaðið.
Morgunblaðið/Einar Falur
Ólafur Ragnar Grímsson ræðir við bandaríska blaðamenn í kynningu á ís-
lensku lambakjöti í New York í gær.
FÉLAGSMENN í Kennarasam-
bandi Íslands geta skilað atkvæða-
seðlum um miðlunartillögu ríkis-
sáttasemjara í póstkassa í
húsakynnum sáttasemjara í dag,
laugardag, og á morgun milli
klukkan átta og fjögur og svo á
mánudagsmorgun en frestur til að
skila atkvæðaseðlum rennur út
klukkan eitt á mánudaginn.
Þá geta KÍ-félagar einnig sent
atkvæðaseðla í pósti en í því tilviki
gildir ekki póststimpill heldur þarf
atkvæðaseðillinn að hafa borist rík-
issáttasemjara fyrir kl. eitt á
mánudag. Annars teljast þeir ekki
með.
Samkvæmt upplýsingum frá rík-
issáttasemjara á niðurstaða taln-
ingar á að liggja fyrir síðar þann
dag en hátt í fimm þúsund KÍ-
félagar hafa fengið senda atkvæða-
seðla.
Búist við mikilli þátttöku
Í ákvæði um miðlunartillögu rík-
issáttasemjara segir að miðlunar-
tillaga teljist felld í atkvæða-
greiðslu ef meira en helmingur
greiddra atkvæða er á móti henni
og ef mótatkvæði eru fleiri en
fjórðungur atkvæða samkvæmt at-
kvæða- félagsskrá.
Ekki reynir á ákvæðið um fjórð-
ung nema þátttaka verði mjög lítil.
„Ef þátttakan er eins og við eigum
að venjast eða 80–90% er það bara
einfaldur meirihluti sem ræður. Í
okkar tilviki reikna ég bara með að
þetta verði eins og hjá siðmennt-
uðum þjóðum að meirihlutinn ráði
vegna þess að við þekkjum ekki
svona lélega kosningaþátttöku,“
segir Eiríkur Jónsson, formaður
KÍ.
Verði tillaga ríkissáttasemjara
felld hefst verkfall kennara strax á
þriðjudaginn.
Einfaldur meirihluti mun
ráða niðurstöðu kosningar
Nærri fimm þúsund KÍ-félagar kjósa
um miðlunartillögu ríkissáttasemjara
Bjóða dvd-kids
leiktækið til
sölu hérlendis
LEIKTÆKIÐ dvd-kids, sem hannað
er af íslenska fyrirtækinu 3-PLUS,
er komið í verslanir hérlendis og
hófst dreifing þess í gær. Um er að
ræða þráðlaust leiktæki sem breyt-
ir venjulegum DVD-spilara í leikja-
vél. Tækið er selt undir merkjum
Fisher Price í Bandaríkjunum og
hefur hlotið gríðargóðar viðtökur
þar í landi.
Samkvæmt upplýsingum frá
Myndformi sem dreifir tækinu hér
á landi, er tækið í fyrsta sæti Fisher
Price-leikfanga sem seld eru á
vefnum toysrus.com og í fyrsa sæti
yfir sölu leikfanga á vef Wall Mart.
Dvd-kids er þráðlaust leiktæki sem
breytir venjulegum DVD-spilara í
leikjavél fyrir gagnvirka og þrosk-
andi leiki sem ætlaðir börnum frá 3
ára aldri. Þekktar teiknimynda-
persónur leiða barnið í gegnum
ýmsar þrautir, t.d. fíllinn Babar,
skjaldbakan Franklín og Doddi.
Þrautirnar þjálfa börnin m.a. í því
að stafa, lita, teikna, reikna, púsla
og að læra á klukku svo fátt eitt sé
nefnt.
Leiktækið er ætlað börnum
þriggja ára og eldri. Með tækinu
hér á landi fylgir leikdiskur með
Litlu lirfunni ljótu. Allir leikir eru
með íslensku tali. Leiðbeinandi
verð á tækinu er 5.990 og verð á
leikjum 2.490.
DAGSYFJA er algeng meðal fimm-
tugra kvenna samkvæmt rannsókn
sem kynnt var á þingi heimilislækna
á Akureyri nýverið. Var þar skoðað
sérstaklega hvað einkennir þann
hóp kvenna sem er mjög syfjaður á
daginn.
Rannsóknina unnu læknarnir
Brynja Benediktsdóttir, Þórarinn
Gíslason og Kristinn Tómasson. Var
öllum fimmtugum konum á höf-
uðborgarsvæðinu, eða 956, sendur
spurningalisti og svöruðu honum
690, eða rúm 72%. Af þeim var 61
kona með merki um dagsyfju og leit-
aði þessi syfjaði hópur kvenna oftar
læknis vegna dagsyfju og þreytu og
segir í niðurstöðum að dagsyfja sé
algeng meðal fimmtugra kvenna og
tengist einkum kvíða, þunglyndi og
einkennum breytingaskeiðs.
Syfja algeng
meðal fimmtugra
kvenna