24 stundir - 15.03.2008, Blaðsíða 32

32 LAUGARDAGUR 15. MARS 2008 24stundir
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp
til og hvers vegna?
Ætli það sé ekki hún mamma mín, hún
er yndisleg, bæði góðhjörtuð og hjálpsöm
og mjög dugleg að vinna.
Hver er þín fyrsta minning?
Þegar ég labbaði út í búð á Akranesi
þegar ég var þriggja ára – búðin var mjög
nálægt!
Hver eru helstu vonbrigðin hingað til?
Að hafa ekki haldið áfram í píanónám-
inu sem ég stundaði, en það er aldrei of
seint að fara í nám og ég er ekki enn bú-
in að læra allt það sem mig langar til að
læra.
Hvað í samfélaginu gerir þig dapra?
Hvað það eru fá úrræði fyrir geðsjúka.
Leiðinlegasta vinnan?
Það var þegar ég var að selja bækur í
símasölu. Ég mætti eitt kvöld og eftir
það, ALDREI aftur!
Uppáhaldsbókin þín?
Flugdrekahlauparinn. Ég er núna að lesa
Þúsund bjartar sólir eftir sama höfund.
Hvað eldarðu hversdags, ertu góður
kokkur?
Ég elda ýmislegt. Ég er góð í að útbúa
lasagna og salöt hvers konar. Ég held að
ég sé ágætur kokkur.
Hver myndi leika þig í kvikmynd
byggðri á ævi þinni?
Ha ha ha …Þessu á ég erfitt með að
svara og læt aðra um það!
Að frátalinni húseign, hvað er það dýr-
asta sem þú hefur fest kaup á?
Bíllinn og svo stofusófinn
Mesta skammarstrikið?
Er ekki og hef ekki verið talin mikill
prakkari, en auðvitað hef ég gert einhver
skammarstrik.
Hvað er hamingja að þínu mati?
Fjölskyldan
Hvaða galla hefurðu?
Get verið fljótfær og er svakalega auð-
trúa.
Ef þú byggir yfir ofurmannlegum hæfi-
leikum, hverjir væru þeir?
Ég mundi sjá í gegnum allt og fljúga á
milli staða, það er fljótlegra.
Hvernig tilfinning er ástin?
Ólýsanleg en ómissandi tilfinning
Hvað grætir þig?
Ég græt bæði vegna sorgar og gleði, er
mikil tifinningavera.
Hefurðu einhvern tímann lent í lífs-
hættu?
Nei, sem betur fer.
Hvaða hluti í eigu þinni meturðu mest?
Myndir málaðar af dóttur minni
og hring frá kærastanum
Hvað gerirðu til að láta þér líða vel?
Læt renna í heitt bað, slaka svo á með
góða bók í hendi.
Hverjir eru styrkleikar þínir?
Ég er mikil félagsvera og finnst gaman
að vinna með fólki og á auðvelt með það.
Ég er mjög stundvís og er mátulega
skipulögð og get verið að gera ótal hluti í
einu.
Hvað langaði þig að verða þegar þú
varst lítil?
Búðarkona og söngkona
Er gott að búa á Íslandi?
Já, yndislegt … ég bara held að við vit-
um ekki hvað við erum heppin.
Hefurðu einhvern tímann bjargað lífi
einhvers?
Nei, ég hef ekki lent í þeirri stöðu.
Hvert er draumastarfið?
Sem betur fer upplifi ég draumastarfið
alla daga.
Hvað ertu að gera núna?
Er að undirbúa Serbíuför með öllu til-
heyrandi ásamt ýmsum öðrum hlutum.
Regína Ósk Óskarsdóttir
Regína hefur þrisvar sinnum
farið út sem bakrödd í Euro-
vision og eins og alþjóð veit
mun hún nú fara utan í fjórða
sinn. Nú ásamt Friðriki Ómari
og munu þau tvö keppa fyrir
Íslands hönd í Eurovision með
lagið Þér við hlið.
Regína hefur sungið inn á tugi
platna bæði sem sóló og bak-
rödd. Regína gaf út sína fyrstu
plötu fyrir jólin 2005 sem ber
einfaldlega nafn hennar. Hún
gaf út sína aðra plötu fyrir síð-
ustu jól en hana vann hún með
Barða Jóhannssyni. Hún er nú
að vinna að sinni þriðju plötu
sem kemur út í haust og verð-
ur sú plata eingöngu með
frumsömdu efni eftir hana og
Karl Olgeirsson sem vinnur
plötuna með henni.
a
Ég græt bæði vegna sorgar og gleði, er mikil
tifinningavera.
24stundir/Golli
24spurningar
Fitnessvog
• Mælir þyngd
• Líkamsþyngdarstuðul BMI
• Fituhlutfall
• Hlutfall vökva í líkamanum
• Hlutfall vöðvamassa
• Hitaeiningaþörf metabolic rate
www.eirberg.is • 569 3100 • Stórhöfða 25
Upplýsingar
Kolbrún S. 510 3722
kolla@24stundir.is
Katrín S. 510 3727
kata@24stundir.is