24 stundir - 15.03.2008, Blaðsíða 44

sett í nefnd og svæfð þar. Þegar ég
kom inn á þing í haust þá sagðist ég
vilja flytja þetta frumvarp og þing-
flokkurinn tók því vel og við vor-
um fimm sem fluttum frumvarpið.
Þar voru engin vonbrigði.
Ég er ánægð með það hvernig
hefur spilast úr þessu máli. Ég
gleðst yfir umfjölluninni sem mál-
ið hefur fengið og viðtökum fólks.
Ég er líka hissa því ég átti ekki von
á svo sterkum viðbrögðum.
Mér finnst mjög áhugavert í
sambandi við þetta mál að skyndi-
lega er komin upp á yfirborðið
umræða um að þingmannafrum-
vörp hafi ekkert vægi og að þingið
snúist um að afgreiða stjórnar-
frumvörp. Þetta er kannski miklu
merkilegri umræða heldur en sú
um eftirlaunin. Ríkisstjórnin segir
þinginu fyrir verkum og hlutverk
þingsins er að snúast í kringum
ríkisstjórnina. Þetta ætti einmitt að
vera þveröfugt. Það á að vera hlut-
verk þingsins að setja lög, almenn
lög en ekki sértæk lög. Ég er á móti
sértækum lögum. Það á ekki að
segja fólki í smáatriðum hvernig
það á að hegða sér. Fólk verður
sjálft að ákveða það og finna sína
eigin leið. En sem sagt, þingið á að
setja lög og ríkisstjórnin á að sjá
um að lögin komist í framkvæmd.
Þannig er þetta ekki lengur og það
er furðulegur viðsnúningur.“
Mun verða einhver umræða um
þennan viðsnúning?
„Það fer mjög mikið eftir fjöl-
miðlamönnum. Þessi umræða var
mjög skýr í Silfri Egils síðasta
sunnudag og er því komin upp á
yfirborðið.“
Verð ferköntuð í framan
Hvernig horfir umræðan á
þinginu við þér?
„Þetta er allt öðruvísi starf en allt
annað sem ég hef unnið við og ég
held að þetta sé allt öðruvísi vinna
en flest fólk fæst við. Ég er ekki
endilega á þeirri skoðun að þingið
eigi að vera mjög skilvirkt. Þingið á
að setja lög og þingmenn eiga að
fara rækilega yfir málin áður en
þeir setja lög. Ég mæli sannarlega
ekki með því að þingmenn afgreiði
lög með hraði. Oft fer merkilegt
starf fram í þingnefndum og margt
fróðlegt kemur fram í þessum
næstum galtóma þingsal.
Ég er mjög pólitísk og verð fer-
köntuð í framan þegar ég hlusta á
eitthvað sem ég er ósammála. Ég
hef nokkrum sinnum blandað mér
í umræður í þinginu sem ég hafði
upphaflega ekki ætlað að skipta
mér af. Þetta gerist þannig að allt í
einu er umræðan komin á það stig
að ég hugsa með mér: Þú getur ekki
setið hérna í þingsalnum án þess að
segja hvað þér finnst um þetta mál.
Þá fer ég upp í pontu en ég tala
aldrei lengi. Ég tala yfirleitt mjög
stutt því ég vil ekki tala bara til að
tala. Ég hef blandað mér í umræð-
ur um EFTA-skýrslu og EES-samn-
inginn. Ég hef lengi verið þeirrar
skoðunar að við eigum að sækja
um aðild að Evrópusambandinu
því þar sé okkur best borgið.“
Vildirðu vera þingmaður að að-
alstarfi?
„Ég hreinlega veit það ekki. Ég
sit núna á þingi vegna þess að
Steinunn Valdís Óskarsdóttir er í
fjögurra vikna veikindaleyfi. Það
var nauðsynlegt að fá inn varaþing-
mann á þeim tíma. Ég er hins vegar
alfarið á móti því, sem er nokkuð
tíðkað, að hleypa varaþingmönn-
um að sem kallað er. Alþingi Ís-
lendinga á ekki að vera æfingabúð-
ir. Ég er einnig þeirrar skoðunar að
þingmenn og ráðherrar eigi að vera
færri. Mér finnst að ráðherrar eigi
ekki að sitja á þingi enda eru þeir
þar ekki mjög mikið. Þeir mæta við
fyrirspurnir en annars sjást flestir
þeirra sáralítið og ég lái þeim það
ekki, þeir hafa alveg nóg að gera.
Það er eins og þingið sé til fyrir
ráðherrana en ekki ráðherrarnir
fyrir þingið. Þannig á þetta ekki að
vera.“
Fólk merkilegra en flokkar
Þú ert af þessari frægu Engeyj-
arætt sem er tengd við Sjálfstæðis-
flokkinn og ert dóttir fyrrverandi
formanns flokksins, Bjarna Bene-
diktssonar. Af hverju í ósköpunum
valdirðu Samfylkinguna sem póli-
tískan vettvang?
„Ég lifði mjög og hrærðist í póli-
tík á árunum 1974-1985. Heimilis-
haldið var þannig að maðurinn
minn, Vilmundur Gylfason, var
mjög virkur í pólitík og ég tók þátt
í því og einnig fyrstu árin eftir að
hann lést. En það er kannski ekki
aðalástæðan fyrir því að ég er póli-
tísk. Einhvern tíma á lífsleiðinni
varð ég krati og síðan tóku Evrópu-
málin að höfða til mín.
Það var staðföst skoðun mín að
þegar EFTA-ríkin sóttu um aðild
að Evrópusambandinu í byrjun tí-
unda áratugarins þá hefðu Íslend-
ingar átt að gera það líka. Sú skoð-
un mín hefur ekkert breyst. Það er
alveg ljóst að fólk sem hefur þessa
skoðun á ekki samleið með Sjálf-
stæðisflokknum. Þess vegna get ég
ekki verið í Sjálfstæðisflokknum.
Alveg sama þótt pabbi minn hafi
verið formaður Sjálfstæðisflokks-
ins, enda eru nú orðin allmörg ár
síðan það var.“
En leið þér aldrei eins og þú værir
að svíkjast undan merkjum með því
að ganga ekki í Sjálfstæðisflokkinn?
„Aldrei.“
Hefurðu aldrei fundið þannig
viðhorf frá ættinni?
„Það veit ég ekkert um. Þú verð-
ur að spyrja ættina. Fólk hefur alls
konar skoðanir. Ég ber mikla virð-
ingu fyrir skoðunum frændsyst-
kina minna en ég er bara ekki alltaf
sammála þeim. Ef einhver spyr:
Eru þau ekki pirruð á þér? þá svara
ég: Ha! Heldurðu að ég hafi aldrei
verið pirruð á þeim!
Mitt mat er, og aðrir geta haft
annað mat, að fólk sé miklu merki-
legra en flokkar.“
Þú bjóst í Brussel í allnokkur ár og
starfaðir hjá EFTA. Kunnirðu betur
við þig þar en á Íslandi?
„Það var gott að búa í Brussel
enda var ég þar í fimmtán ár, en
svo var komið nóg og það var gott
að koma aftur heim.“
Þú og maðurinn þinn, Kristófer
Már Kristinsson, voruð í fjarbúð um
tíma vegna vinnu hans í Brussel. Var
það ekki erfitt?
„Jú, Kristófer var þremur árum
lengur en ég í Brussel. Ég er nú ekki
alveg viss um að rétta orðið til að
lýsa því sé erfitt, en það var alla
vega hundleiðinlegt. Ég hef orðað
það svo að ef manni leiðist karlinn
þá er ábyggilega ágætt að vera í
fjarbúð, annars ekki.“
Hvaða manneskja hefur reynst
þér best í lífinu?
„Kristófer.“
Þú ert varaþingmaður en að að-
alstarfi sviðsstjóri innkaupa og vöru-
stjórnunarsviðs Landspítalans.
„Aldrei hvarflaði nú að mér að
ég myndi enda með þannig titil!“
Lyfjaverð þykir hátt og talað er
um að það verði að lækka. Hvaða
skoðun hefur þú á því?
„Við höfum náð miklum árangri
á Landspítalanum við að lækka
lyfjaverð. Það kostaði baráttu en
það tókst.
Það sem reyndist mér best þegar
a
Það er eins og
þingið sé til fyrir
ráðherrana en
ekki ráðherrarnir fyrir
þingið. Þannig á þetta
ekki að vera.
a
Mitt mat er, og
aðrir geta haft
annað mat, að
fólk sé miklu merkilegra
en flokkar. 24stundir/Frikki
Sterkar skoðanir „Ég er mjög
pólitísk og verð ferköntuð í
framan þegar ég hlusta á eitt-
hvað sem ég er ósammála.“
44 LAUGARDAGUR 15. MARS 2008 24stundir
ég byrjaði að vinna í lyfjabransan-
um var þekking mín á Evrópulög-
gjöfinni. Mér var sagt að hlutirnir
væru á ákveðinn hátt og það væri
ýmislegt sem ekki væri hægt að
gera. Ég svaraði: Það getur ekki
verið, við erum í Evrópu og höfum
EES-samninginn og þar af leiðir að
ýmislegt er hægt. Þetta var rétt hjá
mér. Við búum við frelsi í vöru-
viðskiptum og lyf eru vara en af því
að lyfin eru hættuleg eru settar ör-
yggisreglur í sambandi við þau.
Mér sýnist að þessar öryggisreglur
hafi verið túlkaðar mjög strangt
hér á landi. Stundum hafa þær ver-
ið notaðar eins og tæknilegar við-
skiptahindranir. Heilbrigðisráð-
herra segist ætla að losa um þessi
höft og það er gott mál. Þar er mik-
ið verk að vinna.“
Þú sagðir áðan að fólk væri mik-
ilvægari en flokkar, þú ert þá ekki
flokkshestur?
„Ég rekst mjög illa í flokki. Hins
vegar veit ég að ef maður er í flokki
þá er maður í liði og maður verður
að taka tillit til félaga sinna en bara
upp að ákveðnu marki. Mér finnst
líka að hinir í liðinu verði að átta
sig á því að sumir rekast betur en
aðrir í flokki. Ég er mjög trygglynd
en ég get ekki staðið á bak við flokk
í málum sem ég trúi ekki á. Þegar
kemur að prinsippmálum er skylda
mín að berjast og þá skiptir ekki
öllu fyrir mig persónulega hvort
flokkurinn fylgir mér að málum.
Það er svo mikilvægt að þora að
berjast fyrir því sem maður trúir
á.“