24 stundir - 04.04.2008, Blaðsíða 16

16 FÖSTUDAGUR 4. APRÍL 2008 24stundir
Á fyrsta fundi leikskólaráðs
haustið 2006 var samþykkt tillaga
þess efnis að stofna skyldi til hvatn-
ingarverðlauna leikskóla. Mark-
miðið með verðlaununum er að
veita leikskólum í Reykjavík, starfs-
fólki þess eða öðrum hvatningu í
starfi, vekja athygli á gróskumiklu
starfi sem fram fer í leikskólum
borgarinnar og stuðla að auknu
nýbreytni- og þróunarstarfi.
Hvatningarverðlaunin eru jákvæð
og afar verðmæt fyrir reykvískt
samfélag og framtíð yngstu Reyk-
víkinganna. Fyrstu verðlaun voru
afhent í Höfða í maí 2007 af þáver-
andi borgarstjóra Vilhjálmi Þ. Vil-
hjálmssyni. Sex gróskumiklir leik-
skólar fengu þá verðlaun. Þeir voru
Dvergasteinn fyrir verkefnin Ótrú-
leg eru ævintýrin og samstarf
Myndlistaskólans í Reykjavík, leik-
skólinn Fellaborg fyrir verkefnið
Mannauður í margbreytileika, leik-
skólinn Hamraborg fyrir vísinda-
verkefni, leikskólinn Nóaborg fyrir
verkefnið Stærðfræði, leikskólinn
Sólborg fyrir verkefnin Sameigin-
legt nám fatlaðra og ófatlaðra
barna og Samvinna og fagstarf og
síðast en ekki síst leikskólinn
Steinahlíð fyrir verkefnið Um-
hverfisvernd. Miklu fleiri skólar
fengu tilnefningar frá ólíkum að-
ilum og fyrir ólík verkefni.
Þitt tækifæri til að hrósa
Í skólum borgarinnar er suðu-
pottur hugmynda, frjórrar um-
ræðu og fjölbreyttra verkefna sem
tengjast reynslu og tilfinningum
starfsfólks fyrir breytingum í sam-
félaginu hverju sinni. Verðlaunin
veita kennurum og starfsfólki við-
urkenningu fyrir hugmyndaauðgi
og framkvæmdagleði og hvetja þá
áfram til að láta áfram hugmyndir
sínar um umbætur og úrræði verða
að veruleika og hafa þannig bein
áhrif á aukin gæði skólaumhverf-
isins. Nú fer hver að verða síðastur
að vekja athygli á fagstarfi í leik-
skólum borgarinnar. Hægt er að
skila tilnefningum til 15. apríl
næstkomandi á heimasíðu leik-
skólasviðs, www.leikskolar.is. Allir
geta tilnefnt til verðlaunanna, for-
eldrar, afar og ömmur, kennarar,
skólar, starfsmenn og aðrar borg-
arstofnanir. Við val á verðlauna-
höfum var haft til hliðsjónar að
verkefnið væri öðrum til eftir-
breytni og hvatning til góðra verka,
svo og að fjölbreytt verkefni fái við-
urkenningu. Hrósum leikskólun-
um fyrir gott starf!
Höfundur er formaður leikskólaráðs
Viðurkennum gróskuna
UMRÆÐAN aÞorbjörg Helga Vigfúsdóttir
Í skólum
borgarinnar
er suðupott-
ur hug-
mynda,
frjórrar um-
ræðu og fjöl-
breyttra verkefna sem
tengjast reynslu og til-
finningum starfsfólks fyr-
ir breytingum í samfélag-
inu hverju sinni.
Leikskóli Hrósum leik-
skólunum fyrir gott starf.
Á flokksstjórnarfundi Samfylk-
ingarinnar um síðustu helgi komst
Ingibjörg Sólrún Gísladóttir, for-
maður hreyfingarinnar, svo að orði
að krónan væri orðin of lítil fyrir
íslenskt efnahagslíf og tími til þess
kominn að íhuga að taka upp evru
og inngöngu í ESB. Hún boðaði
einnig tollalækkun á svína- og
kjúklingakjöti í því skyni að lækka
matarútgjöld heimilanna. Þessum
ummælum fagna neytendur auð-
vitað. En framleiðendur þessa kjöts
hér á landi hafa auðvitað risið á
fætur og steytt hnefann. Þeir eru
vanir að lifa við pólitíska vernd og
vera í vernduðu umhverfi ríkis- og
embættiskerfis framsóknarkomm-
únismans. Formaður Bændasam-
takanna hefur birst þrútinn af reiði
á sjónvarpsskjám landsmanna og
segir afnám ofurtolla snerta hag
bænda þráðbeint. Sem sagt: Neyt-
endur skulu áfram vera í gíslingu
framsóknarkommúnismans gamla,
sem verndar framleiðendur en ekki
neytendur.
Hagur neytenda
Gamla Sambandið var upphaf-
lega stofnað til að vernda neytend-
ur gegn einkaframtakinu sem þeir
töldu fara illa með neytendur.
Hvað gerðist svo? Sambandið
breyttist í framleiðendasamtök og
hagur neytenda varð verri en
nokkru sinni. Framsóknarflokkur-
inn tók einnig upp þessa stefnu og
alla 20. öldina voru neytendur og
skattgreiðendur dregnir gegnum
eina mestu neyslufor í Evrópu.
Sjálfstæðisflokkurinn verndaði
hins vegar verslunarmenn. Aðeins
Alþýðuflokkurinn barðist fyrir
neytendur en gekk illa vegna
fylgisleysis.
Nú stendur formaður nýs, stórs
og sterks jafnaðarmannaflokks á
fætur og boðar langþráða tíma. Og
öfl í gömlu Framsóknar- og Sjálf-
stæðisflokkunum standa herpt á
fætur og vara við þessari hortugu
stelpu. Á að fara að verja neytend-
ur? Eiga neytendur að hætta að
greiða fyrir illa skipulagða fram-
leiðendur og verndaða innflytjend-
ur erlendra vara? Formaður ís-
lenskra stórkaupmanna óð líka í
fjölmiðla eftir fund Samfylkingar-
innar. Hann sagði blákalt, að kaup-
menn ættu ekkert að koma á móts
við neytendur og lækka vöruverð í
kjölfar gengislækkunar. Nei, hann
vildi enn einu sinni, að ríkið hjálp-
aði aumingjans kaupmannastétt-
inni og lækkaði álagningu og tolla
fyrir þá svo þeir héldu óbreyttum
hagnaði. Sem sagt: Neytendur og
skattgreiðendur eigi á ný að taka
skellinn, ekki þeir sem selja vöruna
og hagnast á henni. Nú heimta
kaupmenn í gamla Sjálfstæðis-
flokknum að neytendur og ríkið
(þ.e. við í landinu) eigi enn einu
sinni að hjálpa söluaðilum svo þeir
geti mokað álagningu á innfluttar
vörur sínar. Þetta var gamla ójafn-
aðarstefna Sjálfstæðisflokksins líkt
og hjá gamla Framsóknarflokknum
sem dormaði í skjóli hins komm-
úníska landbúnaðarframleiðslu-
kerfis og krafðist ekki aðeins tolla-
verndar innfluttra vara, heldur
velsmurðs embættismannakerfis,
sem framsóknarmenn plöntuðu í
stjórnsýsluna til aðstoðar við rík-
iskommúnismann, og absúrd rík-
istekna eins og frystigjalda fyrir
rollukjöt. Svikamyllukerfi ásamt
velsmurðu embættiskerfi gerði
neytendur nær vanmáttuga og
gjaldþrota. Hagkaup og Bónus
komu þeim til bjargar í óþökk
hinna gömlu afla hins íhaldssama
og spillta tvíeykis, Framsóknar- og
Sjálfstæðisflokks.
Tími forréttindahópa
En nú eru þessir tímar að hverfa.
Framsóknarflokkurinn hefur góðu
heilli gufað upp, þrátt fyrir brand-
arapólitík bóndasonarins frá Suð-
urlandi sem ólst upp við framsókn-
arkommúnismann. Geir Haarde
sem er víðsýnn á erlenda vísu, er að
breyta Sjálfstæðisflokknum til
móts við stefnu og hugmyndafræði
frjálslyndra flokka í Evrópu. Og
jafnaðarmenn eru að verða sterk-
asti pólitíski hópurinn á Íslandi. Á
þessu verða gömlu forréttindahóp-
arnir að átta sig. Tími þeirra er
senn liðinn. Og þá verður kannski
líft á Íslandi. Alla vega fyrir neyt-
endur og skattgreiðendur; fólk
flest. En vissulega bíða mörg önnur
verkefni: Skola út úr Seðlabankan-
um, endurreisa íbúðarkerfið, hefta
spákaupmennsku og hætta gjöfum
ríkisins úr auðlindum þjóðarinnar
til valinna gæðinga. Vernda náttúr-
una okkar. Pólitísk verkefni hafa
aldrei verið meiri en nú. Neytend-
ur og almenningur eiga nýja og
breytta daga skilið. Nýtt Ísland.
Höfundur er rithöfundur
Lok framsóknar-
kommúnisma og
ríkisverndunar?
UMRÆÐAN aIngólfur Margeirsson
Og öfl í
gömlu Fram-
sóknar- og
Sjálfstæðis-
flokkunum
standa herpt
á fætur og
vara við þessari hortugu
stelpu.
Breyttir tímar
Á að fara að
verja neytendur.