Morgunblaðið - 21.01.2005, Page 6

6 FÖSTUDAGUR 21. JANÚAR 2005 MORGUNBLAÐIÐ
FRÉTTIR
2 fyrir 1
Ódýrara
parið
frítt
Kringlunni 8-12 sími 568 6211
ÆTLA má að heildarkostnaður við
gerð 18 kílómetra jarðganga á milli
lands og Vestmannaeyja yrði nálægt
16 milljörðum króna. Þetta er mat
sænska verktakafyrirtækisins NCC
Nordic Construction Company, sem
hefur að beiðni Árna Johnsen, fyrr-
verandi alþingismanns, skilað kostn-
aðaráætlun vegna jarðgangagerðar
milli lands og Eyja og tillögum um
frekari rannsóknir, sem æskilegt
væri að gera við endanlegt mat á
gangagerðinni.
Er jafnvel raunhæft að ætla að
kostnaðurinn yrði öllu lægri eða á
bilinu 14-16 milljarðar að sögn Árna.
Þetta er mun lægri kostnaður en
áður hefur verið áætlaður vegna
hugmynda um gangagerð milli lands
og Eyja og er aðeins helmingur þess
kostnaðar sem áætlaður var í kostn-
aðarmati sem unnið var fyrir Vega-
gerðina, sem var rúmlega 30 millj-
arðar króna án virðisaukaskatts.
Forystumenn af Suðurlandi og
Eyjum viðstaddir kynninguna
Árni Johnsen kynnti niðurstöð-
urnar úr skýrslu NCC á blaða-
mannafundi í gær. Skýrslan verður
nú send samgönguyfirvöldum og síð-
an birt opinberlega í næstu viku.
Fund Árna í gær sátu einnig fjöl-
margir sveitarstjórnarmenn af Suð-
urlandi, bæjarstjóri Vestmannaeyja,
ferðamálafulltrúar, fulltrúar félaga-
samtaka, alþingismaður og sérfræð-
ingar á sviði jarðfræði og jarðganga-
gerðar.
Í niðurstöðum kostnaðaráætlunar
NCC segir m.a. að 18 kílómetra löng
göng sem yrðu boruð og sprengd
mundu kosta um það bil 1.150 millj-
ónir danskra króna eða sem sam-
svarar 13 milljörðum íslenskra
króna. Því til viðbótar áætlar NCC
að kostnaður við tengingu gangaops-
ins fastlandsmegin í sandinum við
Kross, þ.e. gerð 600 metra langra
ganga, sem yrðu fóðruð með steypu,
mundi kosta sem samsvarar þremur
milljörðum króna. Heildarkostnað-
urinn yrði því að mati NCC um 16
milljarðar íslenskra króna.
Í þessari kostnaðaráætlun er allur
kostnaður innifalinn utan kostnaðar
við kaup á landi og flutninga á jarð-
vegi frá jarðgangagerðinni. Fram
kom á blaðamannafundinum að í
þessum kostnaðartölum sé ekki gert
ráð fyrir virðisaukaskatti.
Þá gerir NCC ráð fyrir að unnt sé
að bora sjálf göngin á fjórum árum
og ljúka fullnaðarfrágangi á tveimur
árum.
„Jarðgöng á milli lands og Eyja
eru ekki framtíðarverkefni, þau eru
nútíðarverkefni. Í rauninni er ekki
eftir neinu að bíða,“ sagði Árni í gær.
Árni hafði forgöngu um að kanna
möguleikana á gerð ganga milli
lands og Eyja í samráði við nokkra
einstaklinga, m.a. Magnús Kristins-
son útgerðarmann og Gunnlaug
Grettisson skrifstofustjóra, sem
einnig sátu fundinn sem Árni boðaði
til á Grand hóteli í Reykjavík í gær.
NCC boraði og byggði tvenn
neðansjávargöng í Færeyjum
NCC er eitt stærsta verktakafyr-
irtæki á Norðurlöndum og hefur
m.a. borað og byggt tvenn neðan-
sjávargöng í Færeyjum og lengstu
bílajarðgöng í heimi, Lærdalsgöngin
í Noregi, sem eru 24,5 km á lengd.
Árni er ekki í vafa um að þessi
kostur er sá hagkvæmasti sem fyrir
liggi varðandi samgöngur til Vest-
mannaeyja. Kostnaður við Herjólf sé
um 460 milljónir á ári og kostnað við
nýtt skip megi áætla um 730 millj-
ónir. Þarna sé því um að ræða fjár-
hæðir á bilinu 15-21 milljarður kr. á
30 ára bili. Ljóst sé að jarðgöngin
myndu borga sig upp á þeim tíma.
Gunnar Birgisson alþingismaður
sem var viðstaddur fundinn segir
NCC vera mjög virt verktakafyrir-
tæki, sem búi að mikilli reynslu á
sviði gangagerðar. „Maður getur
ekki annað en tekið mark á þessu,“
sagði Gunnar. Hann bætti við að
gera þyrfti frekari rannsóknir en
segir niðurstöðu NCC um kostnað
við gangagerðina mjög athyglis-
verða og ef hún sé borin saman við
kostnað við nýjan Herjólf og rekstur
hans, virðist hann vera jafngildur, og
þá sé alveg ljóst að sú leið að gera
göng hljóti að teljast vænlegri.
Ódýrara en endurnýjun og
rekstur Herjólfs í 30 ár
Eins og áður segir er það mat
Árna að allt bendi til þess samkvæmt
þessari nýju kostnaðaráætlun NCC
að minna fjármagn þurfi til veg-
ganga milli lands og Eyja en ætla
megi að fari í Herjólf á 30 árum og þá
sé komin vegtenging milli lands og
Eyja sem kosti aðeins eðlilegt vega-
viðhald næstu hundrað árin. Veg-
göng séu því framtíðin.
Lagði hann áherslu á að yrði þessi
leið fyrir valinu væri ekki verið að
tala um að fá nýtt fjármagn úr sjóð-
um Vegagerðarinnar til ganganna
heldur að færa það sem reikna mætti
með í Herjólf úr skipaútgerð í veg-
göng og komast þannig um leið út úr
gífurlegri fjárskuldbindingu áratug-
um saman. Þessi kostur virtist því
langsamlega hagstæðastur fyrir rík-
issjóð.
Fram kom á fundinum að á und-
anförnum árum hefðu ferðast allt að
180 þúsund manns á milli lands og
Eyja árlega. Mikil umferð á leiðinni
milli lands og Eyja undirstriki mik-
ilvægi aðgengilegustu möguleika í
ferðamáta.
Málið galopnað aftur
Þær lágu kostnaðartölur sem
fram koma í kostnaðaráætlun NCC
koma Birgi Jónssyni jarðverkfræð-
ingi á óvart og telur hann ástæðu til
að kanna málið gaumgæfilega. Að
sögn hans gerir NCC ekki ráð fyrir
að göngin verði heilboruð, heldur er
gengið út frá hefðbundinni borunar-
aðferð, þ.e.a.s. að bora og sprengja í
áföngum, sem er þekkt hér á landi.
Þó sú aðferð sé hægvirkari er hún
öruggari í framkvæmd. Birgir segir
að ef ákveðið verði að ráðast í jarð-
gangagerð milli lands og Eyja þurfi
að ráðast í ítarlegri rannsóknir en
gerðar hafa verið.
Árni Johnsen kynnir áætlun verktakafyrirtækisins NCC um 18 km jarðgöng milli lands og Eyja
Morgunblaðið/Jim Smart
Árni Johnsen kynnti áætlunina að viðstöddum nokkrum Eyjamönnum og sveitarstjórnarmönnum á Suðurlandi.
Kostnaður helmingi
minni en áður var talið
 Heildarkostn-
aður áætlaður
14–16 milljarðar
 Framkvæmda-
tíminn yrði sex ár
INGI Sigurðsson, formaður Ægis-
dyra, félags áhugafólks um bættar
samgöngur milli lands og Eyja, seg-
ir kostnaðaráætlun NCC staðfesta
gagnrýni Ægisdyra um að kostn-
aðarmat sem unnið var fyrir Vega-
gerðina sé of hátt. „Ég er því mjög
þakklátur að komin er fram vís-
bending um hver kostnaðurinn
gæti orðið frá svo öflugu fyrirtæki
sem NCC er. Nú verður þess krafist
að farið verði ítarlega í gegnum
þetta.“
Fyrirtækið Fasteign hefur lýst
áhuga á að koma að verkefninu og
bendir Ingi á að NCC hafi ekki ein-
göngu tekið að sér gerð jarðganga
heldur líka rekstur ganga, með
svipuðum hætti og Spölur hefur
gert í Hvalfjarðargöngunum.
„Við höfum talið okkur sýna
fram á að það er ekki verið að óska
eftir breytingu á samgönguáætlun
hjá ríkinu, heldur er eingöngu ósk-
að eftir tilfærslu á því fé sem þarf
til að halda úti þessum samgöngum
og færa það yfir í þessa fram-
kvæmd. Þær áætlanir sem við höf-
um sett upp sýna að göng standi
fyllilega undir sér á 30 til 50 ára
tímabili.“
Fara verður
ítarlega í
saumana á
þessu
HÆSTIRÉTTUR staðfesti í gær
þriggja mánaða óskilorðsbundinn
fangelsisdóm yfir manni sem
réðst með höggum og spörkum
mann á Akureyri í júní 2003 og
fyrir alvarlegar hótanir í garð lög-
reglumanns eftir að hann var
handtekinn í kjölfarið Maðurinn
hafði áður hlotið sjö refsidóma,
m.a. fyrir fyrir þjófnað, gripdeild,
rán og fíkniefnabrot. Dómurinn er
refsiþynging vegna annarra
brota. Vegna brota ákærða og
sakaferils hans þóttu ekki tilefni
til að skilorðsbinda refsinguna.
Dómur Héraðsdóms Norðurlands
eystra var óraskaður að öðru leyti
en því að kröfu mannsins, sem
varð fyrir árásinni, um greiðslu á
tannlæknakostnaði vegna áverk-
anna sem hann hlaut var vísað frá
dómi þar sem hún var byggð á
áætlun.
Málið dæmdu hæstaréttardóm-
ararnir Ingibjörg Benediktsdótt-
ir, Jón Steinar Gunnlaugsson og
Ólafur Börkur Þorvaldsson.
Maðurinn, sem áfrýjaði málinu
var auk þess dæmdur til að greiða
allan áfrýjunarkostnað málsins,
þar með talin málsvarnarlaun
skipaðs verjanda síns fyrir
Hæstarétti, Hilmars Ingimundar-
sonar hrl. Ragnheiður Harðar-
dóttir sótti málið f.h. ríkissak-
sóknara.
Dæmdur fyrir
árás og fyrir að
hóta lögreglu
INGIBJÖRG Sólrún Gísladóttir,
varaformaður Samfylkingarinnar og
formaður framtíðarhóps flokksins,
segir að framtíðarhópur Samfylk-
ingarinnar muni hraða vinnu sinni á
næstu vikum og mánuðum með það
að markmiði að geta skilað tillögum
á landsfundi flokksins í vor. Starf
framtíðarhópsins, sem komið var á
fót á landsfundi haustið 2003, hefur
fram að þessu miðast við að hann
ljúki störfum á landsfundi í haust.
„Við munum stefna að því að skila
einhverju inn á landsfundinn. Það
verður mjög tæpt því að tíminn er
naumur. En þeir starfshópar sem
eru að fara að vinna núna ætla að
einsetja sér að vinna hratt, en síðan
verður að ráðast hvort við náum að
steypa vinnunni endanlega saman í
eitt plagg. Ef það tekst ekki verðum
við að sjá til hvernig við höldum á
málinu í framhaldinu,“ sagði Ingi-
björg Sólrún.
Framtíðar-
hópur hraðar
störfum